АСТАНА, 7 қар – Sputnik. Астанада жексенбі күні ер адам мұз суатына түсіп жүріп, суға кетіп қалған деп хабарлады ТЖ бойынша елордалық департаменттің баспасөз қызметі.
Қайғылы оқиға Есіл өзенінің жағасында Кенесары хан ескерткіші маңында болған.
"1964 жылы туылған азамат акватория құтқарушылары қорғамайтын аумақтағы мұз суатына түсіп жүріп суға кетті", — делінген хабарламада.
52 жастағы ер адамның денесін құтқарушылар өзеннен алып шықты.
Қалалық ішкі істер департаментінің хабарлауынша, полицейлер тексеру жүргізуде. Сот-медициналық сараптама тағайындалды.
