АСТАНА, 10 наурыз — Sputnik. Полиция Шымкенттегі атысқа қатысушылардың бәрін анықтады, күдіктілердің біреуі ұсталды.
Атыс 9 наурыз күні күндіз Ворошиловка ауданында болған. Жасөспірім қаза тауып, тағы екі жігіт жарақат алып ауруханаға жатқызылды.
Полиция анықтағандай, атысқа қатысушылардың бәрі бір-бірін біледі және Ворошиловка ауданында көрші тұрады. Оқиға өзара кикілжің салдарынан болған.
"Төрт күдіктінің біреуі бүгін таңертең көрші Жамбыл облысы аумағында Қордай ауданында ұсталды. Ол 1991 жылы туған Шымкент қаласының тұрғыны, жұмыссыз, бұдан бұрын ұрлық жасағаны үшін сотталған. Кінәсін толығымен мойындап отыр", — делінген хабарламада.
Өзге де қылмыскерлерді ұстау үшін тиісті шаралар жүргізіліп жатыр.
