АСТАНА, 20 қазан – Sputnik. Қазақстанның солтүстік жартысы арқылы үлкен жылдамдықпен жылжып келе жатқан атмосфералық фронттардың ықпалынан демалыс күндері жаңбыр жауып, кейіннен ол қарға ұласқан жауын-шашын болып, кей жерлерде күшті батыс желі соғады, деп хабарлады Қазгидромет.
Ресейдің еуропалық бөлігінің орталық аймақтарында қалыптасқан жаңа циклон жексенбі күні Қазақстанның батыс өңірлеріне көшіп, дүйсенбі күні орталық және солтүстік аймақтарға жетеді.
Циклонмен байланысты температура төмендеп, одан әрі, негізінен, қар түріндегі жауын-шашын солтүстік өңірлерде күтіледі. Оңтүстік және оңтүстік-шығыс облыстарда, алдағы демалыс күндері, атмосфералық қысымның жоғары болуының әсерінен ауа райы жылы, көбіне жауын-шашынсыз болады.
