АСТАНА, 24 қаңтар – Sputnik. Бүгін қала әкімдігінде Қазақстан Республикасының Елордасы – Астана қаласының 20 жылдығын атап өтуге орай жарияланған үздік брендбук (BrandBook) конкурсының қорытындысы шығарылды, деп хабарлайды Астана қаласы әкімдігінің сайты.
Конкурстың мақсаты – Астана қаласының 20 жылдығына орай бренд-бук, логотип пен ұран жасау бойынша жақсы концептуалды жобаларды анықтау болатын.
Жұмыс тобының дауыс беру нәтижесі бойынша 8 үздік жоба таңдалып, Астана қаласының 20 жылдығына дайындық және өткізу жөнінде құрылған мемлекеттік комиссияға жіберілді. Бүгінгі шараға қатысушылардың барлығына естелік сыйлықтар мен мақтау қағаздары берілді. Үздік бренбук конкурсының жеңімпазы — "KazUnionConsult" ЖШС 8 000 000 теңге көлемінде сыйақыға ие болды.
