АСТАНА, 2 ақпан — Sputnik. Қазақстан құрамасы Ресейдің Хабаровск қаласында өтіп жатқан Допты хоккейден әлем чемпионатының жартылай финалына шықты, деп хабарлайды prosports.kz.
29 Қаңтар 2018, 11:32
Ширек финалда жерлестеріміз Норвегия құрамасымен кездесіп жеңіске жетті. Кездесудегі есеп 6:1 (3:1, 3:0).
Енді Қазақстан құрамасы жартылай финалда Швеициямен кездесетін болады. Олар өз кезегінде Венгрия құрамасын 16:3 есебімен ұтып, жартылай финал жолдамасына ие болды.
Естеріңізге салсақ, Қазақстан құрамасы топтық кезеңдегі үш кездесуде де жеңіске жеткен. Алдымен Венгрияны 29-0 есебімен есеңгіретсе, АҚШ құрамасымен болған кездесу 14-1 есебімен біздің жігіттердің жеңісімен аяқталған. Топтық кезеңдегі соңғы ойында Германия құрамасы да айтарлықтай қарсылық көрсете алмай, 17:2 есебімен жеңіліп қалған.
