https://sputnik.kz/20230630/zhenis-qasymbek-elordada-avtobus-zholaqysy-nelikten-10-zhyldan-beri-koterilmegenin-aytty-36459894.html

Жеңіс Қасымбек елордада автобус жолақысы неліктен 10 жылдан бері көтерілмегенін айтты

Жеңіс Қасымбек елордада автобус жолақысы неліктен 10 жылдан бері көтерілмегенін айтты

Sputnik Қазақстан

Әкімнің айтуынша, астаналықтар автобуста үш-төрт есе аз төлейді 30.06.2023, Sputnik Қазақстан

2023-06-30T14:19+0500

2023-06-30T14:19+0500

2023-06-30T14:19+0500

жеңіс қасымбек

автобус

қоғамдық көлік

https://sputnik.kz/img/23/70/237046_0:317:6017:3701_1920x0_80_0_0_50294a31c8d787a4ee3c21ab96411836.jpg

АСТАНА, 30 маусым – Sputnik. Астана қаласының әкімі Жеңіс Қасымбек автобустағы бір билеттің нақты құнын жариялады, деп хабарлайды Sputnik Қазақстан тілшісі.Қазіргі кезде қаладағы қоғамдық көлік саласына бюджеттен субсидия бөлініп тұрады. Соның есебінен билет бағасын ұстап отыруға мүмкіндік бар."Астанада жол ақысы 2012 жылдан бері өзгерген жоқ. Содан бері бензин де өсті, жалақы да көтерілді. Автобустың бағасы артты. Бірақ билет құны өзгермеді. Себебі жергілікті бюджеттен субсидия бөлініп тұрады. Субсидия болмаса, автобустағы жол ақысы 300 теңгеден жоғары болады. Электробустарда – 400 теңгеден артық, ал дизель мен бензинмен жүретін автобустарда 250-ден жоғары, 300 теңгеге дейін барады", - деді Қасымбек орталық коммуникациялар қызметінде өткен брифингте.Оның айтуынша, жыл сайын автобус парктеріне 30 миллиард теңгенің субсидиясы беріледі. Сондықтан билеттің қазіргі құны әлеуметтік бағаға жатады. Әзірше, билет бағасын көтеру мәселесі қарастырылмайды."Жол ақысы көтерілмейді. Әзірге ондай жоспар жоқ", - деп атап өтті қала басшысы.Айта кетері, алдағы уақытта қалаға тағы 400 жаңа автобус жеткізіледі.

https://sputnik.kz/20230630/astanada-kommunaldyq-tarifter-osedi---qala-akimi-36453829.html

2023

Жаңалықтар

kk_KK

жеңіс қасымбек, автобус, қоғамдық көлік