https://sputnik.kz/20230801/qazaqstanda-tamyzdan-bastap-ne-ozgeredi-37177577.html
Қазақстанда тамыздан бастап не өзгереді
Қазақстанда тамыздан бастап не өзгереді
Sputnik Қазақстан
АСТАНА, 1 тамыз – Sputnik. Самокатшылар үшін айыппұл, ұялы байланыс тарифтері мен Астана әуежайындағы автотұрақ құнының өзгеруі – тамыз айында осы және өзге де... 01.08.2023, Sputnik Қазақстан
2023-08-01T08:00+0500
2023-08-01T08:00+0500
2023-08-01T08:00+0500
қоғам
тамыз
өзгерістер
https://sputnik.kz/img/07e5/0b/19/18754881_0:0:2981:1677_1920x0_80_0_0_9f8197ef388a1b3b1a4e954389697285.jpg
АСТАНА, 1 тамыз – Sputnik. Самокатшылар үшін айыппұл, ұялы байланыс тарифтері мен Астана әуежайындағы автотұрақ құнының өзгеруі – тамыз айында осы және өзге де өзгерістер күшіне енеді. Толығырақ Sputnik Қазақстан материалынан оқыңыз.Білім саласындағы жаңалықтар1-сыныпқа құжат қабылдау аяқталадыБүгін бірінші сыныпқа құжат қабылдау аяқталады. Өтініштер 1 сәуірден бастап қабылданған еді.Төрт айда ата-аналардан 350 мыңнан астам өтініш түсті, бірінші сыныпқа қабылданған бүлдіршіндердің 70%-тен астамы қазақ тілінде оқытатын мектептерді таңдаған.Жаңа оқу жылында 410 мыңнан астам бала бірінші сыныпқа барады деп болжанып отыр.Колледжде тегін оқуКолледждерде тегін білім алуға құжат қабылдау 20 тамызға дейін жалғасады.Биыл мемлекеттік білім беру тапсырысы 50 мың орынға артты. Жалпы колледждерге мемлекеттік тапсырыс бойынша 130 мыңнан астам талапкерді қабылдау жоспарланып отыр.Мемлекеттік тапсырыс техникалық мамандықтарға бағытталып, геология, тау-кен өнеркәсібі, энергетика, металлургия және машина жасау, көлік, IT, құрылыс және коммуналдық шаруашылық бағыттар бойынша ұлғайтылды.Грант иегерлерінің тізімі жарияланадыБілім гранты иегерлерінің тізімі 10 тамызға дейін жарияланады.Осы жылы бакалавриатқа түсу үшін 73 мың грант бөлініп отыр.Айта кетері, биыл республика бойынша негізгі ҰБТ-ның орташа балы 73 балды құрады.Тестілеу қорытындысы бойынша 135 мыңға жуық талапкер шекті балл жинады. Бұл қатысушылардың жалпы санының шамамен 83 пайызы.Талапкерлердің 75%-і қазақ тілінде, 24%-і орыс тілінде, 0,1 пайызы ағылшын тілінде тест тапсырған.Тамыздағы ҰБТТамыз айында шекті балл жинай алмағандар тағы бір рет ҰБТ тапсырып, ақылы оқуға түсе алады. Тестілеу 10 тамызда басталады.Тамыздағы ҰБТ-ға өтініштер 20 шілдеден 30 шілдеге дейін қабылданған болатын. ҰБТ-ға тіркелу Ұлттық тестілеу орталығының сайтында app.testcenter.kz жүргізіледі. Тіркелу кезінде тест тапсыратындар емтихан өткізілетін орынды, күнді және уақытты өздері таңдайды.Ереже бұзған самокатшыларға айыппұл салынады30 тамызда "Жол қозғалысы туралы" заңға енгізілген түзетулер күшіне енеді. Заңда шағын электр көлігі мен электросамокат жүргізушілерінің құқықтары және міндеттері белгіленген.Енді самокат жүргізушісі 18 жасқа толған болуы шарт, сонымен қатар кез келген санаттағы көлікті басқару құқығын беретін жүргізуші куәлігі, түймеленген дулыға, ал тәуліктің қараңғы уақытында үстінде жарық шағылыстыратын зат болуға тиіс.Электросамокатқа тротуар немесе жаяу жүргіншілер жолымен сағатына 6 км аспайтын жылдамдықпен жүруге рұқсат етіледі. Ал жолдың жүру бөлігінде жылдамдықты сағатына 25 шақырымнан асыруға болмайды. Бұл ретте самокатшылар жолдың оң жақ шетімен жүруі керек.Жол ережелерін бұзған самокат жүргізушілері Әкімшілік құқықбұзушылықтар туралы кодекстің екі бабы бойынша жауапқа тартылады.Ұялы байланыс тарифі өседіТамыз айында ұялы байланыс операторлары кейбір тарифтік жоспарлардың бағасын көтереді. Қазақстандықтарға тарифтің өсетіні туралы SMS-хабарлама да жолданды.Операторлар тарифтердің өсуін инфрақұрылымға жұмсалатын шығындардың ұлғаюымен, жаңа технологиялардың іске қосылуымен, жаһандық логистика тізбегінің бұзылуымен, инфляция және электр энергиясының қымбаттауымен түсіндіріп отыр.Ұялы байланыс операторлары қымбат тарифке өтемақы ретінде қосымша ресурстар мен қызметтер ұсынбақ.Дизель отынын автокөлікпен әкетуге болмайдыДизель отынын және мұнай өнімдерінің жекелеген түрлерін автомобиль көлігімен Қазақстан аумағынан әкетуге салынған тыйым 31 шілдеде аяқталуға тиіс еді. Алайда қолданыстағы шектеулер тағы 6 айға ұзартылды.Астана әуежайының автотұрағы қымбаттайды1 тамыздан бастап Астана халықаралық әуежайының автотұрақ тарифіне өзгеріс енді. Тұрақ құны екі есе өседі.Атап айтқанда, P1, P2, P3 аймағындағы автотұрақ бағасы 100 теңгеден 200 теңгеге көтерілді. Ал P4, P5, P6 аймағындағы көлік тұрағының бағасы сағатына 50 теңгеден 100 теңгеге өзгерді.Сондай-ақ отырғызу-түсіру экспресс жолағын теріс пайдалану фактілерінің көбеюіне және жолаушылардан келген шағымның артуына байланысты 15 минуттық тегін отырғызу-түсіру жолағына тәулік ішінде үшінші рет немесе одан да көп кірген жағдайда жаңа тариф бойынша 300 теңге төлеу қажет болады.Әуежай әкімшілігі автотұрақ құнының өзгеруіне коммуналдық тарифтердің өсуі себеп болғанын мәлімдеді.Сондай-ақ 8 тамызда Астана әуежайының ұшу-қону жолағындағы жөндеу жұмыстары аяқталады деп жоспарланып отыр.Жөндеу жұмыстары 15 шілдеде басталған еді. Әуежай жолағының ағымдағы жөндеу жұмысына байланысты күндізгі 11:00 мен 18:00 аралығында ұшу-қону жолағы жабық. Осыған орай ішкі және халықаралық рейстер кестесіне өзгеріс енді.Үндістанға арзан билеттерҮндістанның бюджеті төмен IndiGo лоукостері Қазақстанға әуе рейстерін іске қосады.Дели – Алматы бағыты бойынша рейстер 15 тамыздан ұша бастайды деп күтілуде. Рейстер аптасына 3 рет орындалады. Жолаушыларды А-320 және А-321 типті ұшақтар тасымалдайды.Айта кетері, IndiGo – Үндістанның ең ірі арзан әуе тасымалдаушысы.Астаналық кәсіпкерлер үшін грант алу мүмкіндігіАстанада жаңа бизнес-идеяларды іске асыратын кәсіпкерлерге мемлекеттік грант беріледі.Өтінім kezekte.kz порталы арқылы 7-16 тамыз аралығында онлайн қабылданады.Конкурсқа өз қызметін экономиканың басым секторлар аясында жүзеге асыратын, мемлекеттік тіркелуі 3 жылға дейінгі жеке кәсіпкер немесе заңды тұлға ретінде тіркелген (әлеуметтік кәсіпкерлік субъектілер реестріне енгізілген) кәсіпкерлер қатыса алады.Конкурстық комиссия өтінімдерді қарау кезінде бизнес-идеяны жаңашылдығы, бәсекеге қабілеттілігі, қолданысқа енгізуге дайындығы бойынша бағалайды.Мемлекеттік гранттар кімдерге берілмейтінін мына жерден оқуға болады.
Sputnik Қазақстан
media@sputniknews.com
+74956456601
MIA „Rosiya Segodnya“
2023
Sputnik Қазақстан
media@sputniknews.com
+74956456601
MIA „Rosiya Segodnya“
Жаңалықтар
kk_KK
Sputnik Қазақстан
media@sputniknews.com
+74956456601
MIA „Rosiya Segodnya“
Sputnik Қазақстан
media@sputniknews.com
+74956456601
MIA „Rosiya Segodnya“
тамыз, өзгерістер
АСТАНА, 1 тамыз – Sputnik. Самокатшылар үшін айыппұл, ұялы байланыс тарифтері мен Астана әуежайындағы автотұрақ құнының өзгеруі – тамыз айында осы және өзге де өзгерістер күшіне енеді. Толығырақ
Sputnik Қазақстан материалынан оқыңыз.
Білім саласындағы жаңалықтар
1-сыныпқа құжат қабылдау аяқталады
Бүгін бірінші сыныпқа құжат қабылдау аяқталады. Өтініштер 1 сәуірден бастап қабылданған еді.
Төрт айда ата-аналардан 350 мыңнан астам өтініш түсті, бірінші сыныпқа қабылданған бүлдіршіндердің 70%-тен астамы қазақ тілінде оқытатын мектептерді таңдаған.
Жаңа оқу жылында 410 мыңнан астам бала бірінші сыныпқа барады деп болжанып отыр.
Колледждерде тегін білім алуға құжат қабылдау 20 тамызға дейін жалғасады.
Биыл мемлекеттік білім беру тапсырысы 50 мың орынға артты. Жалпы колледждерге мемлекеттік тапсырыс бойынша 130 мыңнан астам талапкерді қабылдау жоспарланып отыр.
Мемлекеттік тапсырыс техникалық мамандықтарға бағытталып, геология, тау-кен өнеркәсібі, энергетика, металлургия және машина жасау, көлік, IT, құрылыс және коммуналдық шаруашылық бағыттар бойынша ұлғайтылды.
Грант иегерлерінің тізімі жарияланады
Білім гранты иегерлерінің тізімі 10 тамызға дейін жарияланады.
Осы жылы бакалавриатқа түсу үшін 73 мың грант бөлініп отыр.
Айта кетері, биыл республика бойынша негізгі ҰБТ-ның орташа балы 73 балды құрады.Тестілеу қорытындысы бойынша 135 мыңға жуық талапкер шекті балл жинады. Бұл қатысушылардың жалпы санының шамамен 83 пайызы.
Талапкерлердің 75%-і қазақ тілінде, 24%-і орыс тілінде, 0,1 пайызы ағылшын тілінде тест тапсырған.
Тамыз айында шекті балл жинай алмағандар тағы бір рет ҰБТ тапсырып, ақылы оқуға түсе алады. Тестілеу 10 тамызда басталады.
Тамыздағы ҰБТ-ға өтініштер 20 шілдеден 30 шілдеге дейін қабылданған болатын. ҰБТ-ға тіркелу Ұлттық тестілеу орталығының сайтында
app.testcenter.kz жүргізіледі. Тіркелу кезінде тест тапсыратындар емтихан өткізілетін орынды, күнді және уақытты өздері таңдайды.
Ереже бұзған самокатшыларға айыппұл салынады
30 тамызда "Жол қозғалысы туралы" заңға енгізілген түзетулер күшіне енеді. Заңда шағын электр көлігі мен электросамокат жүргізушілерінің құқықтары және міндеттері белгіленген.
Енді самокат жүргізушісі 18 жасқа толған болуы шарт, сонымен қатар кез келген санаттағы көлікті басқару құқығын беретін жүргізуші куәлігі, түймеленген дулыға, ал тәуліктің қараңғы уақытында үстінде жарық шағылыстыратын зат болуға тиіс.
Электросамокатқа тротуар немесе жаяу жүргіншілер жолымен сағатына 6 км аспайтын жылдамдықпен жүруге рұқсат етіледі. Ал жолдың жүру бөлігінде жылдамдықты сағатына 25 шақырымнан асыруға болмайды. Бұл ретте самокатшылар жолдың оң жақ шетімен жүруі керек.
Жол ережелерін бұзған самокат жүргізушілері Әкімшілік құқықбұзушылықтар туралы кодекстің
екі бабы бойынша жауапқа тартылады.Ұялы байланыс тарифі өседі
Тамыз айында ұялы байланыс операторлары кейбір тарифтік жоспарлардың бағасын көтереді. Қазақстандықтарға тарифтің өсетіні туралы SMS-хабарлама да жолданды.
Операторлар тарифтердің өсуін инфрақұрылымға жұмсалатын шығындардың ұлғаюымен, жаңа технологиялардың іске қосылуымен, жаһандық логистика тізбегінің бұзылуымен, инфляция және электр энергиясының қымбаттауымен түсіндіріп отыр.
Ұялы байланыс операторлары қымбат тарифке өтемақы ретінде қосымша ресурстар мен қызметтер ұсынбақ.
Дизель отынын автокөлікпен әкетуге болмайды
Дизель отынын және мұнай өнімдерінің жекелеген түрлерін автомобиль көлігімен Қазақстан аумағынан әкетуге салынған тыйым 31 шілдеде аяқталуға тиіс еді. Алайда қолданыстағы шектеулер тағы 6 айға ұзартылды.
Астана әуежайының автотұрағы қымбаттайды
1 тамыздан бастап Астана халықаралық әуежайының автотұрақ тарифіне өзгеріс енді. Тұрақ құны екі есе өседі.
Атап айтқанда, P1, P2, P3 аймағындағы автотұрақ бағасы 100 теңгеден 200 теңгеге көтерілді. Ал P4, P5, P6 аймағындағы көлік тұрағының бағасы сағатына 50 теңгеден 100 теңгеге өзгерді.
Сондай-ақ отырғызу-түсіру экспресс жолағын теріс пайдалану фактілерінің көбеюіне және жолаушылардан келген шағымның артуына байланысты 15 минуттық тегін отырғызу-түсіру жолағына тәулік ішінде үшінші рет немесе одан да көп кірген жағдайда жаңа тариф бойынша 300 теңге төлеу қажет болады.
Әуежай әкімшілігі автотұрақ құнының өзгеруіне коммуналдық тарифтердің өсуі себеп болғанын мәлімдеді.
Сондай-ақ 8 тамызда Астана әуежайының ұшу-қону жолағындағы жөндеу жұмыстары аяқталады деп жоспарланып отыр.
Жөндеу жұмыстары 15 шілдеде басталған еді.
Әуежай жолағының ағымдағы жөндеу жұмысына байланысты күндізгі 11:00 мен 18:00 аралығында ұшу-қону жолағы жабық. Осыған орай ішкі және халықаралық рейстер кестесіне өзгеріс енді.
Үндістанға арзан билеттер
Үндістанның бюджеті төмен IndiGo лоукостері Қазақстанға әуе рейстерін іске қосады.
Дели – Алматы бағыты бойынша рейстер 15 тамыздан ұша бастайды деп күтілуде. Рейстер аптасына 3 рет орындалады. Жолаушыларды А-320 және А-321 типті ұшақтар тасымалдайды.
Айта кетері, IndiGo – Үндістанның ең ірі арзан әуе тасымалдаушысы.
Астаналық кәсіпкерлер үшін грант алу мүмкіндігі
Астанада жаңа бизнес-идеяларды іске асыратын кәсіпкерлерге мемлекеттік грант беріледі.
Өтінім kezekte.kz порталы арқылы 7-16 тамыз аралығында онлайн қабылданады.
Конкурсқа өз қызметін экономиканың басым секторлар аясында жүзеге асыратын, мемлекеттік тіркелуі 3 жылға дейінгі жеке кәсіпкер немесе заңды тұлға ретінде тіркелген (әлеуметтік кәсіпкерлік субъектілер реестріне енгізілген) кәсіпкерлер қатыса алады.
Конкурстық комиссия өтінімдерді қарау кезінде бизнес-идеяны жаңашылдығы, бәсекеге қабілеттілігі, қолданысқа енгізуге дайындығы бойынша бағалайды.
Мемлекеттік гранттар кімдерге берілмейтінін
мына жерден оқуға болады.
