Әлем

Өзбекстан халқының саны 32 миллионнан асты

© Photo : Public DomainТашкент
Ташкент - Sputnik Қазақстан
Жазылу
Енді Өзбекстанда халық санағы әр 10 жыл сайын жүргізіліп тұрады

АСТАНА, 5 желтоқсан – Sputnik. Соңғы 9 айдың қорытындысы бойынша Өзбекстан халқының саны 32,5 миллион адамды құрады. Бұл туралы Ташкентте өткен халықаралық баспасөз клубының отырысында Мемлекеттік статистика комитеті төрағасының әлеуметтік статистика жөніндегі орынбасары Махмуджон Зиядуллаев мәлімдеді, деп хабарлайды Trend.

Ұшақ - Sputnik Қазақстан
Қоғам
Қазақстан мен Өзбекстан арасында күнделікті ұшақ қатынайтын болды

Ел халқының санына қатысты деректерге тоқталған ол соңғы 9 айдың қорытындысы бойынша Өзбекстан халқының саны 32,5 миллион адамды құрағанын атап өтті. 

Есептік кезең ішінде 523 мыңнан аса сәби дүниеге келсе, 116 мыңнан астамы көз жұмған. 

Неке саны 192 мыңнан асты, ажырасқандар – 23 мыңнан астам. 

Қазіргі таңда Өзбекстанға тұрақты тұруға келгендер саны 120 мыңды құрап отыр. Ал елдің 136 мың азаматы елдің бір облыснан басқа облысқа немесе алыс елдерге қоныс аударған. 

Айта кетейік, ел президенті 2017 жылғы 31 шілдеде "Өзбекстан Республикасының Мемлекеттік статистика комитетінің қызметін жетілдіру жөніндегі шаралар туралы" қаулысын қабылдаған болатын.

Жаңалықтар
0