Мешіт, архивтегі фото

Мешітте кәсіпкердің 40 мың доллары ұрланды

292
(Жаңартылды 10:07 25.04.2018)
Жәбірленуші ақша салынған қол сөмкесін мешіттердің біріндегі жуынатын бөлмеде тастап кеткен

АСТАНА, 22 сәуір — Sputnik. Өзбекстанның Қашқадария облысындағы мешітте жергілікті кәсіпкердің шамамен 40 мың доллары ұрланған. Құқық қорғау органдары екі күдіктіні қолға түсірді, деп хабарлады centralasian.org Өзбекстан ІІМ баспасөз қызметіне сілтеме жасап.

Ресми мәлімет бойынша, Қашқадария облысындағы Шахрисабз қаласының ішкі істер басқармасына жергілікті бір кәсіпкер 38,7 мың доллары ұрланғаны туралы шағым түсірген. Ақша қол сөмкеде болған.

"Жәбірленуші ақша салынған қол сөмкесін жергілікті мешіттердің біріндегі жуынатын бөлмеде тастап кеткен. Қайтып келіп, сөмкенің ұрланғанын білген", — делінген хабарламада.

ІІМ мәліметі бойынша, шұғыл іздестіру шаралары нәтижесінде екі күдікті — Бұхара облысы мен Ташкент қаласының тұрғындары ұсталды.

Қылмыстық іс қозғалды. Тергеу жалғасып жатыр. Ұрлық жасаушы бес жылға дейін бас бостандығынан айрылуы мүмкін.


292
Загрузка...