Әзірет сұлтан мешіті

"Әзірет Сұлтан" Орталық Азиядағы ең зәулім мешіт мәртебесінен айырылып қалуы мүмкін

1459
(Жаңартылды 08:21 17.08.2018)
Қырғыз елінің астанасы Бішкекте ашылатын жаңа мешітке 8 мың адамға дейін сыяды

АСТАНА, 16 тамыз — Sputnik. Қырғызстанның Бас мүфтиі Бішкекте биылғы жылдың қыркүйек айында Орталық Азиядағы ең үлкен мешіт ашылатынын мәлімдеді.

Мешіттің құрылысы 2012 жылы басталған. Жобаны "Дианет" түркиялық қоры қаржыландырды. Құны – 25 миллион доллар. Бішкек билігі мешітке 3,5 гектар жер бөлген. 

"Мешіт өте әдемі болады. Осман империясы кезеңіндегі сәулет негізінде салынып жатыр. Ғибадатхананың өзіне 8 мың адамға дейін, ал оның аумағына 20 мың адамға дейін сыяды", — деді Қырғызстанның Бас мүфтиі Мақсат қажы Тоқтомышев Sputnik Қырғызстанға берген сұхбатында. 

Жаңа мешітті 2 қыркүйекте ашу жоспарланып отыр. Бұл күні Түркия президенті көшпенділер ойындарына келеді деп күтілуде. Ол имам Сарахси атындағы орталық республикалық мешіт деп аталатын болады. 

Бішкектегі имам Сарахси атындағы орталық республикалық мешіт
© Sputnik / Михаил Дудин
Бішкектегі имам Сарахси атындағы орталық республикалық мешіт

Орталық Азиядағы ең әдемі әрі ең зәулім мешіт саналатын Астанадағы "Әзірет Сұлтан" мешіті 2012 жылы ашылған болатын. 

Үш жыл ішінде салынып біткен мешіттің құрылысын Түркияның "Сембол Иншаат" компаниясы жүргізген. Мешіт үш қабаттан тұрады, 11 гектар жерде орналасқан мешіттің жалпы аумағы — 18 мың шаршы метр. Төрт мұнарасының биіктігі –77 метр. Бас күмбездің биіктігі 51 метр. Мешітке 10-12 мың адамға дейін сыяды. 

"Әзірет Сұлтанның" әлемнің өзге мешіттерінен ерекшелігі сексен пайыз ұлттық нақыш, ою-өрнек қолданылған. Күмбездегі ұлттық нақыштағы орнаменттерді жергілікті сәулетшілер қолдан құйып жасады. 

1459
Кілт сөздер:
Әзірет Сұлтан мешіті, мұсылман қауымы, Бішкек, Астана, Қырғызстан
Тақырып бойынша
Қазақстанда мектептен 300 метр аумақта орналасқан барлық мешіт сүріледі
Шығыс Қазақстандағы ғасырдан астам тарихы бар мешіт құлағалы тұр
Алматы облысында ер адам мешіт жанында үш жасар қызды ұрлап кетті
Оразаның алғашқы түнінде мешіт өртенді – куәгердің видеосы
Астанада сәулеті ерекше мешіт ашылды
Министр: мешіт салудың жаңа ережесін бекіту керек
Астана тұрғыны мешіт маңында дәрет сындырған автобус жүргізушісіне шағымданды
Дәрігер. Архивтегі фото

Қырғызстан парламентінің экс-спикері коронавирустан қайтыс болды

490
(Жаңартылды 18:40 24.05.2020)
5 мамырда елге белгілі қоғам қайраткері Мұқар Шолпанбаевтың денсаулығы нашарлап, ауруханаға жатқызылған

НҰР-СҰЛТАН, 24 мамыр – Sputnik. Қырғызстанда парламенттің (Жогорку Кенеш) экс-спикері, қоғам қайраткері Мұқар Шолпанбаев 70 жасқа қараған шағында дүниеден озды, деп хабарлады Қырғызстанның республикалық штабы.

5 мамырда Мұқар Шолпанбаев Республикалық клиникалық жұқпалы аурулар ауруханасына жатқызылып, оған коронавирус диагнозы қойылған.

Оқи отырыңыз: Ғалымдар коронавирус пандемиясы қашан аяқталатынын айтты

Дәрігерлер COVID-19 инфекциясы салдарынан ер адамның бойында екі жақты пневмония, тыныс алу жеткіліксіздігі және тағы басқа сырқаттардың пайда болғанын атап өтті.    

Сондай-ақ ол жүрек, бүйрек және қан тамырлары ауруларымен қатар ауырған.  

"Шолпанбаев ауруханаға 5 мамырда түсті. Денсаулығының нашарлауына байланысты жан сақтау бөліміне ауыстырылды, ал бүгін, сағат 12:10-да реанимациялық шараларға қарамастан қайтыс болды", - деп жазылған республикалық штабтың хабарламасында.

Мұқар Шолпанбаев 1995-1996 жылдары Қырғыз Республикасы Жогорку Кенешінің спикері қызметін атқарды, Қырғызстан парламенті экс-спикерлері қоғамдық кеңесінің мүшесі болды.

Қырғызстандағы коронавирус

Соңғы мәліметке сәйкес, Қырғызстанда коронавирус инфекциясын 1443 адам жұқтырды. Елде індеттен 15 адам қайтыс болды.

490
Кілт сөздер:
Қырғызстан, парламент, коронавирус
Тақырып бойынша
Қазақстанда тағы 403 адам коронавирус жұқтырды, өсім - 5,1%
Эпидемия басталғалы Қытайда тәулік ішінде бірде-бір адам коронавирус жұқтырмады
Теңіз кен орнындағы жұмысшылардың жаппай ауыру себебі айтылды
Қазақстанда коронавирусқа қарсы қандай дәрілер қолданылады 
Астаналықтар әлемдік антирейтингте көш бастап тұр
Жаңа қаулы: астаналықтарға карантинде не істеуге рұқсат етілді, ал неге тыйым салынды
От, архивтегі сурет

Кореяда адамдарды өрттен құтқарған қазақстандыққа күтпеген ұсыныс жасалды

8496
(Жаңартылды 15:44 29.04.2020)
Әлиақбар Юлдашевке өрт сөндіру қызметінде жұмыс ұсынылды. Алайда ол Қазақстан азаматтығынан бас тартқысы келмеді

АЛМАТЫ, 29 сәуір — Sputnik. Оңтүстік Кореяның Янян уезінің билігі он адамның өмірін сақтап қалған Әлиақбар Юлдашевты марапаттау рәсімінде оған жұмыс ұсынды. Алайда қазақстандық болашақта елге оралуды жоспарлап отырғанын айтып, ұсыныстан бас тартты.

Янян уезінің өрт сөндіру станциясының басшысы Ко Чана Хо Әлиақбарды жұмысқа шақырды, деп хабарлайды "Хабар 24" телеарнасы.

"Янянда шетелдіктің Корея азаматтарын құтқару бірінші рет болып отыр. Әли әрбір көршісіне өрт шыққанын хабарлап, үйден өздігімен шыға алмайтындарды құтқарды. Ол қауіптен қорыққан жоқ, адамгершілік танытты, өте керемет іс жасады", - деді Ко Чан Хо.

Қазақстандықтың жұмыстан бас тартуы оңтүстіккореялықтарды таңғалдырды. Жергілікті өрт сөндіру қызметінде жұмыс істеу үшін Әлиақбар Қазақстан азаматтығынан бас тарту керек.

"Өмірімнің соңына дейін бұл жерде қала алмаймын. Үйде, Түркістанда болғым келеді. Ешқандай ақшаға алмастырмаймын", - деді ол.

Алайда кореялықтар Юлдашевке алғысын өзгеше білдіру жолын тапты. 

Корея билігі Әлиге емделуге арналған виза ұсынды. Ол қазақстандыққа бұл елде жарты жыл болуға мүмкіндік береді. Сондай-ақ, оған Кореяда тұруға ықтиярхат беру мәселесі қарастырылады.

Бұған қоса, ірі кореялық компанияның бірі карантин аяқталған соң Әлидің жары мен екі баласын Түркістаннан Янянге жеткізеді.

Бұған дейін Оңтүстік Кореяда 2007 жылдан бері заңсыз қызмет етіп жүрген қазақстандық Әлиақбар Юлдашевтың 23 наурыз күні он адамды өрттен құтқарғаны хабарланған болатын.

8496
Кілт сөздер:
ұсыныс, өрт, Қазақстан, Оңтүстік Корея
Тақырып бойынша
Тірідей жанып кетер еді: 72 жастағы қария мүгедек әйелін өлімнен құтқарды
Тоқаев Оңтүстік Корея президентіне сый жасады - фото
Тоқаев Оңтүстік Корея президентіне көңіл айту жеделхатын жолдады
Видеоның арқасында 9 жасар бала әжесін өлімнен құтқарды
Қазақстан Оңтүстік Корея азаматтарының елге кіруіне тыйым салды
Мысық балық жеп жатыр

Коронавирус Уханьдағы базардан тараған жоқ Қытай ғалымдары

0
Сарапшылар Қытайда коронавирус жұқтырған алғашқы он үш адамның базарға еш қатысы жоқ екенін дәлелдеді

НҰР-СҰЛТАН, 31 мамыр – Sputnik. Коронавирус ең алғаш Уханьдағы базардан тараған жоқ. Бұл туралы Қытайдың ауруларды бақылау және алдын алу орталығының ғалымдары мәлімдеді.

Мамандар Ухань базарындағы өнімдерден COVID-19 табылмағанын айтты.  Ғалымдар инфекция адамға жарқанаттан жұқты деген болжамды растап, вирус теңіз өнімдері базарында болған науқастан тарала бастады деген пайымға келді.

Алайда сарапшылар вирус алғашқы адамға базарда емес, басқа жерде жұқты деп отыр.

Ғалымдар Қытайда ең алғаш тіркелген 13 адамның Уханьдағы базарға еш қатысы жоқ екенін дәлелдеді, деп жазады The Sun.

0
Кілт сөздер:
Қытай, коронавирус
Тақырып:
Коронавирус эпидемиясы