Дәрітамызғыш, архивтегі фото

Ұлының еміне жиналған қаржыдан көз жазып қалған әйел қайтыс болды

2627
(Жаңартылды 13:56 19.12.2018)
8 жасар Ақылбек бауыр циррозына шалдыққан, екі жыл бұрын анасы оны емдету үшін жұрттан көмек сұраған

АСТАНА, 17 желтоқсан – Sputnik. Қырғызстанда науқас ұлының еміне жиналған қаржыны ұрлатып алған әйелдің қан қысымы көтеріліп кетіп, көз жұмды. Бұл туралы Sputnik Қырғызстан жазды. 

8 жасар Ақылбек бауыр циррозына шалдыққан. 2016 жылы анасы Дилара Чимчикеева оның бауырын ауыстыруға қажетті ақшаны іздеп, БАҚ арқылы елден көмек сұраған.   

Ақылдың еміне "Руки добра" қоғамдық қоры бес жыл бойы көмектесіп келіпті. Қор басшысы Алена Конореваның айтуынша, бала дәрігерлердің тұрақты бақылауында болуы қажет. 

"Баланың жағдайы өте ауыр болды. Тамақ ішпейтін, жүрмейтін, төсек тартып жатқан. Дәрігерлер бауыры толығымен зақымданған деген диагноз қойды. Біраз уақыттан кейін жақсы маман кездесіп, жарты жылдан кейін нәтиже бере бастады", — дейді Конорева.

Оның айтуынша, бүгінде Ақыл бауырын ауыстыруға мұқтаж емес, алайда бауырдың жұмысын жақсарту үшін тұрақты ем қабылдап отыруы керек, ал оған көп ақша кетеді.  

Ақылды анасының туған сіңлісі Шынар Айталиева тәрбиелеп отыр, ал баланың 19 жастағы ағасы емге қажетті қаржыны табу үшін Ресейге кеткен.

Айталиеваның айтуынша, бірнеше ай бұрын әпкесі Дилара Чимчикеевның үйіне ұры түсіп, Ақылдың еміне жиналған бар ақшаны алып кеткен.  

"Әпкем қатты уайымдады. Бір күні қан қысымы қатты көтеріліп кетіп, қайтыс болды", — деп еске алды Шынар.

Ол Дилара ұлдарын жалғыз тәрбиелегенін айта кетті, күйеуімен ажырасып кеткен.   


2627
Кілт сөздер:
ұры, науқас бала, Қырғызстан
Тақырып бойынша
Ауруханада ота жасатқан науқастың жарасын скотчпен таңып берген
Дәрігер науқастың бүйрегін қатерлі ісікпен шатастырып алып тастады
Уктам Барноев

Өзбекстанның вице-премьері қайтыс болды

9601
Шенеуніктің коронавирус жұқтырғаны туралы шілде айында белгілі болды. Ол 2020 жылдың ақпан айында вице-премьер қызметіне кірісті

НҰР-СҰЛТАН, 20 қыркүйек — Sputnik. 57 жасқа қараған шағында Өзбекстанның вице-премьері Уктам Барноев көз жұмды. Ол үкіметте аграрлық және азық-түлік саласына жауап берді.

Ақпаратты Бұхара облысының жергілікті әкімшілігінде растады, деп хабарлайды Sputnik Өзбекстан.

Айта кетсек, Барноев ұзақ уақыт бойы коронавирустан ем қабылдады. Шенеунікке шілде айында СOVID-19 диагнозы қойылды. Ол Akfa Medline жеке емханасында емделді. 

Расталмаған мәліметке сәйкес, Барноев соңғы уақытта Германияда дәрігерлерге қаралды.

Барноев 2020 жылы ақпан айында премьер-министр орынбасары қызметіне орналасты. Бұған дейін ол Бұхара облысының хокимі болған.

9601
Кілт сөздер:
коронавирус, Өзбекстан
Тақырып бойынша
Өзбекстан президентінің қызы ұлының атын Шавкат деп қойды
Өзбекстан президенті Тоқаевтың кеңесшісін жалдады
Өзбекстанда ауыр қылмыс жасаған әйел Қазақстан азаматтығын алған
Өзбекстанда ер адам әйелі әдемі болғаны үшін үстіне бензин шашып, от қойған
Өзбекстан азаматы 1 368 жылға сотталды
Өзбекстан президентінің қызы Саида Мирзиёева

Өзбекстан президентінің қызы ұлының атын Шавкат деп қойды

28382
(Жаңартылды 15:10 12.09.2020)
Саида Мирзиёева өзінің Telegram каналында сәбиімен түскен суретін жариялап, желі қолданушыларымен қуанышын бөлісті

НҰР-СҰЛТАН, 12 қыркүйек – Sputnik. Өзбекстан президентінің қызы Саида Мирзиёева ұл туып, атын Шавкат деп қойды.  

Өзбекстан президентінің қызы өзінің Telegram каналында өмір жалғасып жатқанын жазды.   

"Бәріміз бұрынғыдай қиын жағдайда отырсақ та, адамдар үйлену тойларын жасап жатыр, сәбилер дүниеге келуде. Біздің отбасымыз да толықты – енді кішкентай Шавкатымыз бар. Біздің таныстығымызға көп бола қоймады, бірақ бір-бірімізді бір көргеннен қатты жақсы көріп қалдық, тәулігіне 24 сағат біргеміз. Қандай сезім болатынын аналар жақсы біледі", - деп жазды Мирзиёева.

Айта кетейік, Саида Мирзиёева Ойбек Тұрсыновқа тұрмысқа шыққан. Олардың отбасында бұған дейін екі бала дүниеге келді: ұлының есімі – Миромон, қызы – Саодатхон.

Саида Мирзиёева 2019 жылы президент әкімшілігі жанындағы ақпарат және бұқаралық коммуникациялар агенттігі директорының орынбасары болып тағайындалған еді. Жыл басында бұл қызметтен кететінін мәлімдеді.

Оқи отырыңыз: Шавкат Мирзиёевтің қызы қызметінен кетті

Өзбекстан президенті Шавкат Мирзиёевтің үш баласы бар. Ұлы мектепте оқиды. Кіші қызы Өзбекстанның мектепке дейінгі білім министрлігінде басқарма басшысы болып жұмыс істейді.

 

28382
Кілт сөздер:
Өзбекстан, Шавкат Мирзиёев
Тақырып бойынша
Мирзиёевтің кенже қызы басшылық қызметке тағайындалды
Архивтегі фото

Ресейлік онлайн мектептер сертификатталуы мүмкін

0
Жұмысты Россотрудничество ағарту министрлігімен бірлесіп қолға алды, ол бірінші кезекте шетелде тұратын ресейліктерге бағытталған

НҰР-СҰЛТАН, 24 қыркүйек – Sputnik. Россотрудничество ресейлік онлайн мектептерді сертификаттап, шетелде тұратын ресейліктер үшін емтихан тапсыруды жеңілдетуді ұсынып отыр. Бұл туралы Россотрудничество басшысы Евгений Примаков айтты.

Оқи отырыңыз: Қашықтан оқыту қашан аяқталады – Аймағамбетов эксклюзивті сұқбат берді 

"Біз шетелде мектеп ашу әрдайым мүмкін емес екенін түсінеміз. Сондықтан "отбасылық", " үй" форматындағы онлайн оқытуды қолдаудың болашағы зор, өте қызықты және бізде де, шетелде де сұраныс артып келеді", - деді Примаков.

Ол шетелдегі көптеген ресейлік үшін бұл Ресей стандарттары бойынша білім алудың санаулы тәсілдерінің бірі екенін атап өтті.

"Сертификаттау, емтихан тапсыру мәселесі әлі де бар, бірақ мұны да талқылауға болады, бұл жұмысты ағарту министрлігіндегі әріптестерімізбен бірлесіп жүргізіп жатырмыз, оны сертификаттау үшін не істеу керек екендігі қарастырылуда. Қазір бірнеше ұсыныс бар", - деп түсіндірді Примаков.

Ол сондай-ақ Россотрудничество кез келген білім беру идеясын, алаңдарын, формаландырудың, институттандырудың кез келген дәрежесін қолдайтынын атап өтті.

"Бұл бізге келетін жеке бастамалар, мемлекеттік бастамалар болуы мүмкін, үкіметаралық келісімдер негізінде мектеп құрылған кезде оңайға соқпайды", - деп түсіндірді Россотрудничество басшысы.

Примаков көптеген отандасын Ресейдің білім беру жүйесі - мәдениет, өнер, гуманитарлық білім саласы да, нақты ғылымдар саласы да қызықтыратынын айтты.

"Біз бұл бастамалардың барлығын құптаймыз және қолымыздан келгенше қолдау көрсетуге дайынбыз", - деп аяқтады ол.

0
Тақырып бойынша
Бастауыш сынып оқушыларының 60%-і мектеп партасына отырды
Көпбалалы ана жаңа оқу жылы туралы: бес балам бір телефон қолданады
Қашықтан оқыту баланың оқу үлгерімін төмендете ме – министрдің жауабы
Білім саласында жемқорлық неге көбейді?
Баланы онлайн оқуға қалай дайындау керек – психологтар кеңес берді