Гүлзина Әбдімәжітова, Ош облыстық перзентханасы

Үшемнің орнына егіз босанды: "жоғалған" нәрестеге байланысты тексеріс аяқталды

16808
Денсаулық сақтау министрлігі тексерісінің нәтижесіне шағымданушы тараптың көңілі толмай отыр

НҰР-СҰЛТАН, 6 мамыр — Sputnik. Ош қаласында "жоғалған" нәрестеге қатысты тексеріс аяқталды. Оқиғаны Қырғызстанның Денсаулық сақтау министрлігі жанынан құрылған комиссия зерттеді. Олар тексеріс кезінде диагностикалық қате кетті деген шешім шығарған.  

Еске сала кетсек, 24 жастағы Гүлзина Әбдімәжитова Ош облыстық перзентханасында егіз баланы аман-есен дүниеге әкелген болатын. Алайда екіқабат кезінде ультрадыбыстық зерттеу оның үшем туатынын көрсеткен. Гүлзинаның 26 жастағы күйеуі Ынтымақ Базарбай Ош облыстық прокуратурасына дәрігерлердің үстінен шағым түсірді, деп хабарлайды Sputnik Қырғызстан Денсаулық сақтау министрлігінің өкілі Раиса Асылбашеваға сілтеме жасап.

"Жоғалған" нәресте қайда?

Раиса Асылбашеваның айтуынша, ультрадыбыстық зерттеу қорытындысы тексерілген. Оның нәтижесі құрсақта егіз бала болғанын көрсеткен.

"Ультрадыбыстық толқындардың әсерінен үшінші бала "елес ұрық" болып көрінген. Жүктіліктің 13-ші аптасында ультрадыбыстық зерттеу үшем болатынын көрсеткен. Алайда УДЗ суреті жоқ. 4 ақпан күні жүктіліктің 28-ші аптасында УДЗ кезінде егіз көрсетті. Яғни заманауи құрылғылар үшем болатынын көрсеткен жоқ. Қазір осы аппараттарды тексеру және дәрігерлерді қайта аттестациядан өткізу мәселесі қарастырылып жатыр", - деді Асылбашева.

Оның айтуынша, бұған дейін де ультрадыбыстық зерттеу кезінде егіз көрсетіп, бір бала ғана дүниеге келген кездер болған.

Тағы оқыңыз: УДЗ бойынша үшем болуы тиіс

Гүлзина Әбдімәжитова тексеріс нәтижесіне көңілі толмайтынын айтты. Оның анасы Жанаркүл Жүсіпова ультрадыбыстық зерттеу кезінде үшінші нәрестені өз көзімен көргенін айтады. Ол жиенін іздеуді тоқтатпақ емес.

16808
Кілт сөздер:
тексеріс, нәресте, егіздер, Қырғызстан, үшем
Тақырып бойынша
"Бір баланың құны – 2 млн теңге": желідегі сұмдық хабарландыруға қатысты мән-жай анықталды
Салмағы небәрі 346 грамм: дәрігерлер сәбиді қалай аман алып қалды?
Сәби екпеден көз жұмды: тілшілерге жұдырық ала жүгірген емхана қызметкері істі болды
Шымкентте клизмадан күйіп қалған сәбидің жағдайы анасын алаңдатып отыр
Елу бес жастағы әйел тұңғыш жиенін өзі дүниеге әкелді
Уктам Барноев

Өзбекстанның вице-премьері қайтыс болды

9546
Шенеуніктің коронавирус жұқтырғаны туралы шілде айында белгілі болды. Ол 2020 жылдың ақпан айында вице-премьер қызметіне кірісті

НҰР-СҰЛТАН, 20 қыркүйек — Sputnik. 57 жасқа қараған шағында Өзбекстанның вице-премьері Уктам Барноев көз жұмды. Ол үкіметте аграрлық және азық-түлік саласына жауап берді.

Ақпаратты Бұхара облысының жергілікті әкімшілігінде растады, деп хабарлайды Sputnik Өзбекстан.

Айта кетсек, Барноев ұзақ уақыт бойы коронавирустан ем қабылдады. Шенеунікке шілде айында СOVID-19 диагнозы қойылды. Ол Akfa Medline жеке емханасында емделді. 

Расталмаған мәліметке сәйкес, Барноев соңғы уақытта Германияда дәрігерлерге қаралды.

Барноев 2020 жылы ақпан айында премьер-министр орынбасары қызметіне орналасты. Бұған дейін ол Бұхара облысының хокимі болған.

9546
Кілт сөздер:
коронавирус, Өзбекстан
Тақырып бойынша
Өзбекстан президентінің қызы ұлының атын Шавкат деп қойды
Өзбекстан президенті Тоқаевтың кеңесшісін жалдады
Өзбекстанда ауыр қылмыс жасаған әйел Қазақстан азаматтығын алған
Өзбекстанда ер адам әйелі әдемі болғаны үшін үстіне бензин шашып, от қойған
Өзбекстан азаматы 1 368 жылға сотталды
Өзбекстан президентінің қызы Саида Мирзиёева

Өзбекстан президентінің қызы ұлының атын Шавкат деп қойды

28136
(Жаңартылды 15:10 12.09.2020)
Саида Мирзиёева өзінің Telegram каналында сәбиімен түскен суретін жариялап, желі қолданушыларымен қуанышын бөлісті

НҰР-СҰЛТАН, 12 қыркүйек – Sputnik. Өзбекстан президентінің қызы Саида Мирзиёева ұл туып, атын Шавкат деп қойды.  

Өзбекстан президентінің қызы өзінің Telegram каналында өмір жалғасып жатқанын жазды.   

"Бәріміз бұрынғыдай қиын жағдайда отырсақ та, адамдар үйлену тойларын жасап жатыр, сәбилер дүниеге келуде. Біздің отбасымыз да толықты – енді кішкентай Шавкатымыз бар. Біздің таныстығымызға көп бола қоймады, бірақ бір-бірімізді бір көргеннен қатты жақсы көріп қалдық, тәулігіне 24 сағат біргеміз. Қандай сезім болатынын аналар жақсы біледі", - деп жазды Мирзиёева.

Айта кетейік, Саида Мирзиёева Ойбек Тұрсыновқа тұрмысқа шыққан. Олардың отбасында бұған дейін екі бала дүниеге келді: ұлының есімі – Миромон, қызы – Саодатхон.

Саида Мирзиёева 2019 жылы президент әкімшілігі жанындағы ақпарат және бұқаралық коммуникациялар агенттігі директорының орынбасары болып тағайындалған еді. Жыл басында бұл қызметтен кететінін мәлімдеді.

Оқи отырыңыз: Шавкат Мирзиёевтің қызы қызметінен кетті

Өзбекстан президенті Шавкат Мирзиёевтің үш баласы бар. Ұлы мектепте оқиды. Кіші қызы Өзбекстанның мектепке дейінгі білім министрлігінде басқарма басшысы болып жұмыс істейді.

 

28136
Кілт сөздер:
Өзбекстан, Шавкат Мирзиёев
Тақырып бойынша
Мирзиёевтің кенже қызы басшылық қызметке тағайындалды
Архивтегі фото

Ұшақ Алматыны бір сағат айналып ұшты: Air Astana не болғанын түсіндірді

0
Қалада тәжірибелі нұсқаушылардың басшылығымен оқу-жаттығу өткен, ұшақ бортында жолаушылар мен бортсеріктер болмады

АЛМАТЫ, 23 қыркүйек – Sputnik. Сәрсенбіде Air Astana ұшағы бір сағат бойы Алматы аспанын айналып ұшты. Flightradar24 мәліметінше, әуе кемесі қаланы бірнеше рет айналған.

Әуе компаниясы бұл оқу-жаттығу екенін мәлімдеді.

"Алматы аспанын айналып ұшу кезінде аэродромдық дайындық жасалды, бұл жаңадан келген ұшқыштарға – курсанттар немесе ұшақтың басқа түрлерін басқарған ұшқыштарға арналған ұшу дайындығының бір бөлігі болып саналады", - деп түсіндірді Sputnik Қазақстанға Air Astana баспасөз қызметі.   

Аэродромдық дайындыққа "конвейерден" ретті ұшу (қонғаннан кейін ұшу-қону жолағында тоқтамай), схема бойынша Алматы әуежайы аймағында айналып ұшу, кейін қонып, екінші айналымға кету кіреді.

"Жолаушыларға жақындауға қорықтым": бортсерік басынан кешкен жағдайды айтып берді

Кадеттің дайындық дәрежесіне қарай, әр ұшқыш күніне төрт сағаттан алты сағатқа дейін ұшады.  

"Қазіргі таңда жаңа ұшқыштар көптеп келіп жатқанына байланысты мұндай оқу-жаттығу айына 2-4 мәрте өткізіледі", - деп атап өтті Air Astana.  

Мамандар оқу-жаттығу тәжірибелі нұсқаушылардың басшылығымен өтетінін баса айтты. Сонымен бірге бортта жолаушылар мен бортсеріктер болмайды.  

0
Кілт сөздер:
Алматы, Эйр Астана, ұшақ