Шекара қызметі, архивтегі сурет

Қырғызстан мен Тәжікстан шекарасында атыс болды

448
Шекара маңындағы екі ауыл тұрғындарының арасындағы қақтығысқа тутұғыр орнату мәселесі себеп болған

НҰР-СҰЛТАН, 23 шілде — Sputnik. Қырғыз-тәжік шекарасында қақтығыс болды, зардап шеккендер бар, деп хабарлады Қырғызстанның мемлекеттік шекара қызметінің баспасөз қызметі.

Ведомствоның мәліметінше, Ворух (Тәжікстан) ауылының тұрғындары елді мекенге кіреберісте тутұғыр орнатқысы келген, ал Ак-Сай (Қырғызстан) халқы бұған қарсы болған. Кикілжің барысында тараптардың бірі қару қолданыпты. Мемлекеттік шекара қызметі хабарлағандай, оқ атқандар қарапайым тұрғындар болуы мүмкін, себебі аңшы мылтығы қолданылған, деп хабарлайды Sputnik Қырғызстан.

Тағы оқыңыз: Қырғызстанда жоғалған қазақстандықтың тағдыры не болғаны анықталды

Тәжікстанның ұлттық қауіпсіздік мемлекеттік комитеті шекара әскерінің деректері бойынша, бір Тәжікстан азаматы қаза тапқан, үшеуіне оқ тиіп, тағы жетеуі әртүрлі деңгейде жарақат алған. Қырғызстанның мемлекеттік шекара қызметі бұдан бұрын хабарлағандай, Тәжікстанмен шекарадағы атыс салдарынан бес адам зардап шеккен.

Оқиға орнында Тәжікстан мен Қырғызстанның шекара ведомстволарының ресми өкілдері, екі елдің қарулы күштер және құқық қорғау органдарының қызметкерлері жұмыс істеп жатыр.

Қырғыз-тәжік шекарасындағы ахуал күрделі, бірақ бақылауда, деп хабарлады Қырғызстанның мемлекеттік шекара қызметі. Қазір билік өкілдері халыққа түсіндіру жұмыстарын жүргізіп жатыр.

Тағы оқыңыз: Қырғызстанда төтенше жағдай: екі адам көз жұмып, біреуі кепілге алынды

Қырғыз-тәжік шекарасында оқта-текте қос мемлекет тұрғындары арасында қақтығыстар болып тұрады. Қақтығыстың себебі көбінесе - межеленбеген аумақтар.

Президенттер Сооронбай Жээнбеков пен Эмомали Рахмон осы аптада Исфарада кездесіп, мемлекеттік шекараны межелеу мәселесін талқыламақ.

448
Кілт сөздер:
атыс, шекара, Тәжікстан, Қырғызстан
Тақырып бойынша
Тәжікстанда қалыңдықтың пәктігін тексерту жайлы дау ушыға түсті
Қасымов: елімізде көптеген Тәжікстан азаматы заңсыз көмек ақша алып жүр
Тәжікстан түрмесіндегі бүлік: 29 тұтқын мен 3 қарауыл өлтірілді
Қырғызстанда Қазақстан азаматы қаза болды: министрлік түсініктеме берді
Моңғолия, архивтегі сурет

Моңғолияның парламентіне үш қазақ депутат болып сайланды

696
(Жаңартылды 16:41 29.06.2020)
Бәделхан Қабдісіләмұлы парламент сайлауына осымен үшінші рет қатысып отыр, ал Әубәкір Тілеуханұлы мен Бейсен Бұланұлы депутаттықта алғаш рет таласқан

НҰР-СҰЛТАН, 29 маусым – Sputnik. Баян-Өлгий аймағының үш қазағы Моңғолияның парламентінің депутаты атанды. Олар 24 маусымда елде өткен парламент сайлауында жеңіп шыққан. Бұл ақпаратты Sputnik Қазақстан тілшісіне жаңадан сайланған депутат, Моңғолияның құрылыс және қала құрылымы министрі Бәделхан Қабдісіләмұлы растады. 

Моңғолияда парламент сайлауы әр төрт жыл сайын өтіп тұрады. Биыл саяси дода 24 маусым күні өтті. 

Бәделхан Қабдісіләмұлының айтуынша, бұл жолы сайлауға шамамен 500-ге жуық кандидат қатысқан. Ал елдің заң шығару органында барлығы 76 орын бар. 

"Соның 62 орнын Моңғол Халық партиясы жеңіп алды. Қалған он бірі Демократиялық партияға тиесілі, қалған үшеуі басқа партиялар мен өзін-өзі ұсынғандар", - деді депутат Sputnik Қазақстан тілшісіне. 

66 жастағы Бәделхан Қабдісіләмұлы сайлауға Баян-Өлгий аймағынан, Моңғол Халық партиясының атынан қатысқан. Жалпы аймақтан үш депутаттық мандатқа 15 үміткер таласты. Үш қазақ жеңіп шыққан. 

Бірінші орынды Бәделхан Қабдісіләмұлы, Моңғол Халық партиясы, екінші орынды Әубәкір Тілеуханұлы, ол да осы партиядан, ал үшінші орынды Бейсен Бұланұлы, Демократиялық партия иеленген. 

"Мен парламентке осымен үшінші рет сайланып отырмын. Бұған дейін сайлауға 2008 және 2016 жылдары түстім. Ал Әубәкір мен Бейсен алғаш рет сайланды. Әубәкірдің жасы 44-те, кәсіпкер, ал Бейсен, қателеспесем, 58 жаста, дәрігер", - деді қандасымыз. 

Моңғолиядағы қазақ депутат Бәделхан Қабдісіләмұлы
© Photo : Бәделхан Қабдісіләмұлының жеке архивінен алынды
Қабдісіләмұлы 2000-2005 жылдары Баян-Өлгий аймағын да басқарған. Төрт қыз, бір ұлдың әкесі

Бәделхан Қабдісіләмұлы 2017 жылдан бері Моңғолияның құрылыс және қала құрылымы министрі қызметін атқарады. Айтуынша, бұған дейін республикада депутат пен министр лауазымын қатар алып жүруге рұқсат етілген. Алайда жуырда Ата заңға өзгерістер енгізілген. Енді қандасымыз тек парламент депутаты ғана болады. 

Қабдісіләмұлы 2000-2005 жылдары Баян-Өлгий аймағын да басқарған. Төрт қыз, бір ұлдың әкесі. 

Қазақ депутат парламенттің бірінші сессиясының ашылуын басқарады 

Моңғолия парламентінің жаңа мүшелері сайлау комиссиянан ресми куәліктерін алған. Бүгін-ертең ел президенті сайлау қорытындысымен танысып, саяси доданың әділ өтіп-өтпегенін тексереді. Тек осыдан кейін ғана парламенттің бірінші сессиясы ашылады. 

"Заң бойынша сайланған депутаттардың ішінде ең жасы үлкені бірінші сессияның ашылуын басқарады. Бұл жауапты міндет маған жүктеліп отыр. Жиында парламенттің жаңа басшысын дауыс беру арқылы сайлаймыз. Бұдан бөлек, оның орынбасары, тұрақты комитеттердің басшылары таңдалады. Мен отырысты бастап беремін, парламент төрағасы сайланғаннан кейін, сессияларды өзі басқарады", - деп түсіндірді ол. 

Заң бойынша Моңғолия парламентіне жасы 25-тен асқан, соңғы бес жылда ел аумағында тұратын Моңғолия азаматтары қатыса алады. 

Қандасымыз коронавирус пандемиясы парламент сайлауын өткізуге кедергі келтірмегенін атап өтті. Республикада қаңтар айынан бастап төтенше жағдай жарияланған, бірақ вирус жұқтырғандар мүлде тіркелген жоқ, дейді Қабдісіләмұлы.

696
Кілт сөздер:
депутат, қазақ, Моңғолия
Тақырып бойынша
Өзбекстандағы шенді қазақ: құжатындағы "қазақты" өзгертпеген генерал Құдайбергенов кім?
"Қиыншылық көресің": Түркиядағы қазақ елге неге оралғысы келмейтінін айтты
Шетелдегі қазақ баласы: арманым Қазақстанға оралу
Министрліктің індетке қарсы әрекетін сынға алған депутат ұсыныс білдірді
"Халық табысының тең жартысын тамаққа жұмсайды": депутат жалақы аз деп ашынды
Алмазбек Атамбаев

Қырғызстанның бұрынғы президенті Атамбаев сотталды

2109
(Жаңартылды 16:06 23.06.2020)
Қырғызстанның бұрынғы президенті Алмазбек Атамбаев кінәлі деп танылып, 11 жыл және 2 айға сотталып отыр

НҰР-СҰЛТАН, 23 маусым - Sputnik. Алмазбек Атамбаев қылмыс әлемінің серкесі Азиз Батукаевты заңсыз босатуға қатысы бар деп айыпталған болатын. Көрші елдің экс-президенті 11 жыл және 2 айға бас бостандығынан айырылды, деп хабарлайды Sputnik Қырғызстан сот залынан.

Мемлекеттік айыптаушы Алмазбек Атамбаевты 15 жылға соттауды сұраған болатын.

Азиз Батукаевты заңсыз босату

Батукаев 2006 жылы 16 жыл және 8 айға бас бостандығынан айырылған болатын. 2013 жылы "ауыр дертке" байланысты шартты түрде мерзімінен бұрын босап, Қырғызстаннан кетті.

Ішкі істер министрлігі Батукаевтың жалған диагноз қою арқылы Атамбаевтың тікелей нұсқауымен босатылғанын мәлімдеді. Атамбаев қылмыс әлемінің серкесін босатуды ұйымдастыруды сол кездегі ішкі істер министріне тапсырған.

Қырғызстанның ішкі істер министрлігі Алмазбек Атамбаевты куәгер ретінде үш рет жауап алуға шақырды. Бірақ ол бірде біреуіне барған жоқ. Осыдан кейін күш құрылымдары экс-президентті күшпен әкелуге бел буды.

Атамбаевты ұстау операциясы

2019 жылдың 7 тамызында кешке Атамбаевтың Кой-Таш ауылындағы үйіне шабуыл жасалды. Экс-президенттің резиденциясы орналасқан ауыл Бішкек қаласынан 20 шақырым қашықтықта. Атамбаевты ұстау операциясын елдің мемлекеттік ұлттық қауіпсіздік комитетінің арнайы жасағы жүргізген. Олар бұрынғы президенттің үйінің ауласына баса-көктеп кіріп, резеңке оқпен ата бастаған.

Күш құрылымдарының әрекетіне жауап ретінде Атамбаевтың жақтастары үйге кіріп, арнайы жасақ сарбаздарын кепілге алған. Жергілікті тұрғындар мен Атамбаевтың жақтастары арнайы жасақ сарбаздарына тас лақтырып, жағдай ушыға түсті. Артынша атыс басталды.

Мемлекеттік ұлттық қауіпсіздік комитеті арнайы жасақ сарбаздарының тек резеңке оқ қолданғанын мәлімдеді. Ал Атамбаевтың үйінің жағынан атыс қаруынан оқ жаудырылған. Мыңға жуық милиция қызметкері экс-президенттің үйіне жақындай алмапты, оларға Атамбаевтың жақтастары тосқауыл болған.

Осылайша Алмазбек Атамбаевты ұстау операциясы сәтсіз аяқталды.

Шабуыл салдарынан бір сарбаз көз жұмды, елуден астам адам зардап шекті. Сондай-ақ, ішкі істер министрлігінің Шу облысындағы басқармасының бастығы Самат Құрманқұлов ауыр жарақат алды.

Атамбаев тек келесі күні, 8 тамыздағы шабуыл кезінде ұсталды.

2109
Кілт сөздер:
сот, Алмазбек Атамбаев, Қырғызстан
Тақырып бойынша
Атамбаевтың әйелінің интернетте тараған суреті желіде қызу талқыға түсті
Атамбаев ұлының аса қатыгездікпен соққыға жығылғаны рас па – министрлік жауабы
Жээнбеков Атамбаевтың үйіне жасалған шабуылға қатысты түсініктеме берді
Өз халқыңа оқ атпа: Атамбаев мәлімдеме жасады
Екі күндік операция: Атамбаев қалай ұсталды?
Ахмет Байтұрсыновтың 1926 жылы шыққан Әліп-биі

"Ол қазақ қызына тән қайсарлығымен көзге түсті": Әшімбаев Рәбиға Сыздықтың қазасы туралы

0
(Жаңартылды 15:15 04.07.2020)
Оның Кеңес дәуірінде Ахмет Байтұрсынұлының тіл ғылымына сіңірген еңбегін ашық айтып, мол мұрасын жаңғыртуға талпыныс жасауы ерен ерлікпен тең болатын

НҰР-СҰЛТАН, 4 шілде – Sputnik. Қазақ тілінің абыз анасы атанған, ұлылардың көзі болған ғалым, академик, филология ғылымдарының докторы, мемлекеттік сыйлықтың иегері Рәбиға Сыздықтың қазасы – ұлтымыз үшін орны толмас қайғы, деп жазды парламент сенатының төрағасы Мәулен Әшімбаев өзінің Facebook-тегі парақшасында.

Рәбиға Сәтіғалиқызы отандық ғылымның, соның ішінде қазақ тіл ғылымының өркендеуіне өлшеусіз үлес қосқан бірегей тұлға екенін еске алған Әшімбаев оның ғұмыры ана тіліміздің тарихы, қалыптасуы мен дамуын терең зерделеуге арналғанын атап өтті.

"Соңында "Қазақ әдеби тілінің тарихы", "Сөздер сөйлейді", "Сөз құдіреті", "Абай шығармаларының тілі", "Абайдың сөз өрнегі" сияқты ұрпаққа өнеге болар өшпес мұра, іргелі еңбектер қалдырды", - деп жазды ол.

"Сонымен қатар, Рәбиға апай тіл білімін жан-жақты зерттеу арқылы ұлтымыздың тарихи, мәдени, танымдық кеңістігіне, ұлы тұлғалардың өнегелі ғұмырнамасына жаңаша үңілді. Ұлтымыздың біртуар ұлдарының есімдерін жаңғыртып, тарихи әділеттілік орнатуда қазақ қызына тән қайсарлығымен көзге түсті. Кеңес дәуірінде Ахмет Байтұрсынұлының тіл ғылымына сіңірген еңбегін ашық айтып, оның мол мұрасын жаңғыртуға талпыныс жасауы ерен ерлікпен тең болатын", - деген сенат спикері Рәбиға апайымыз бәріміз үшін ғылымға адалдықтың және ұлтқа аянбай қызмет етудің озық үлгісі бола білгенін атап өткен.

Оқи отырыңыз: Қазақ ғылымы ауыр қайғыға ұшырады: белгілі ғалым дүниеден өтті

"Сондықтан апамыздың қазақ руханиятына қосқан үлесі ешқашан ұмытылмайды және жарқын бейнесі мәңгі жадымызда сақталады. Марқұмның жаны жәннатта, иманы саламат болсын", - деп жазды Әшімбаев.

Айта кетейік, 4 шілде күні Ұлттық ғылым академиясының академигі, филология ғылымдарының докторы, профессор Рәбиға Сыздық 96 жасында дүниеден озғаны хабарланған болатын.

0
Кілт сөздер:
тіл, ана тілі, Мәулен Әшімбаев
Тақырып бойынша
Әшімбаев: Дүтбаевты ұстауға ҰҚК өз бетімен шешім қабылдай алмаған
Әшімбаев: ауыл жастарына ағылшын тілін үйрету үшін шетелден еріктілер тартамыз
"Мемлекеттің ресурсы шектеулі": Әшімбаев халыққа бос отырмай, жұмыс істеуге кеңес берді
Әшімбаев президент Атамбаевтың сөзі туралы: сыртқы саяси күштердің ықпалы жоқ
Тоқаевтың сенімді өкілі болған Әшімбаев туралы қызықты деректер