Қырғызстанның бұрынғы мемлекет басшысы Алмазбек Атамбаев

Атамбаев уақытша ұстау абақтысында: адвокаты қанша мерзімге қамалғанын айтты

4606
(Жаңартылды 10:04 09.08.2019)
Қырғызстанның бұрынғы президенті 8 тамызда арнайы операция кезінде ұсталды

НҰР-СҰЛТАН, 9 тамыз — Sputnik. Қырғызстанның бұрынғы мемлекет басшысы Алмазбек Атамбаев Первомайский аудандық сотының шешімімен уақытша ұстау абақтысына 26 тамызға дейін қамауға алынды, деп хабарлады Sputnik Қырғызстан экс-президенттің адвокаты Сергей Слесаревке сілтеме жасап.

Атамбаев 8 тамызда арнайы операция кезінде ұсталған еді.

Заңгердің айтуынша, экс-президент Қырғызстанның Қылмыстық кодексінің 319-бабын (Жемқорлық) бұзды деген күдікке ілінгені туралы ІІМ хабар берген.

Тағы оқыңыз: Атамбаев ұсталар алдында қандай мәлімдеме жасады?

Әзірге ведомство ешқандай түсініктеме айтқан жоқ.

7 тамызда Қырғызстанның Кой-Таш ауылында арнайы жасақ Атамбаевты ұстау операциясын жүзеге асырмақ болды. Алайда бұрынғы мемлекет басшысының жақтастары оларға тойтарыс берді.

Ал 8 тамызда құқыққорғаушылар тағы операция бастап, 19.30-да Атамбаевты ұстады. Кейінірек наразылық білдірушілер күшпен тарқатылды. Соңғы деректерге сүйенсек, екі күндік қақтығыс салдарынан 85 адам зардап шеккен, арнайы жасақтың бір сарбазы оқ жарақатынан көз жұмды.

4606
Кілт сөздер:
Алмазбек Атамбаев
Загрузка...