Қазақстан мен Қырғызстанның шекарасы, архивтегі фото

Қазақстан Қырғызстан азаматтарына елге паспортсыз кіруге тыйым салды

1005
Бұған дейін Қырғызстан азаматтары Қазақстанға ID-card, яғни жеке куәлікпен кіре алатын. Неліктен мұндай шешім қабылданғаны әзірге белгісіз

НҰР-СҰЛТАН, 6 наурыз – Sputnik. 8 наурыздан бастап Қазақстан Қырғызстан азаматтарына паспортсыз кіруге уақытша тыйым салды, деп хабарлайды Sputnik Қырғызстан.

"Қазақстан тарапы мұндай шара неліктен қабылданғанын түсіндірмеді. Бірақ бұл коронавирустың таралуына байланысты болса керек. Сеул-Алматы рейсі бар. Кейбір қырғызстандықтар Оңтүстік Кореядан ұшып келіп, шекарада жеке куәліктерін көрсететін", - деп түсініктеме берді Қырғызстанның сыртқы істер министрінің орынбасары Нұрлан Әбдірахманов.

Бұған дейін Қырғызстан азаматтары жеке куәлік арқылы Қазақстан мен Ресейге ұша алатын. Қазіргі уақытта Ресей Қырғызстанға қатысты мұндай шектеу қойған жоқ.

Оқи отырыңыз: Қазақстан Қырғызстанға шағым түсірді

Айта кетейік, Қырғызстан мен Қазақстанда коронавирус індеті тіркелмеді. Қытай, Корея және Иран азаматтары үшін карантин енгізілді.

Қазақстанның денсаулық сақтау министрлігі Қытай, Оңтүстік Корея және Иранды коронавирус өршіген елдердің санатына енгізді. Ол жақтан келген азаматтар 14 күнге карантинге орналастырылады.

Air Astana әуе компаниясы 6 наурыздан кейін Алматыдан Гонконгқа ұшуға тыйым салынғанын хабарлады.

Нұр-Сұлтаннан Парижге рейстер уақытша тоқтатылды, Алматыдан Куала-Лумпурге рейстер 14 сәуірден 31 мамырға дейін толығымен жабылады.

Әуе компаниясы Қазақстаннан Бейжің мен Үрімшіге ұшатын рейстердің барлығын тоқтатты.

Сондай-ақ Алматы мен Мумбай қаласы арасында жоспарланған рейстерге де шектеу енгізілді, деп хабарлады әуе компаниясы.

  

1005
Тақырып бойынша
Назарбаева кәсіпкерлерге Өзбекстан мен Қырғызстанды үлгі етті
Әлемдегі ең қауіпсіз елдер тізімі: Қазақстан нешінші орында
Қытайдан жеткізілетін қазақстандықтар Алматыда карантинге жатқызылады
Жүздеген милиция қызметкері жеткізілді - Қырғызстанда не болып жатыр?
Қырғызстанға өтіп кеткен 23 мың адамның қаншасы елге оралғаны белгілі болды
Қазақстанда Сеулден ұшып келген 100 жолаушы карантинге алынды
Дәрігер. Архивтегі фото

Қырғызстан парламентінің экс-спикері коронавирустан қайтыс болды

475
(Жаңартылды 18:40 24.05.2020)
5 мамырда елге белгілі қоғам қайраткері Мұқар Шолпанбаевтың денсаулығы нашарлап, ауруханаға жатқызылған

НҰР-СҰЛТАН, 24 мамыр – Sputnik. Қырғызстанда парламенттің (Жогорку Кенеш) экс-спикері, қоғам қайраткері Мұқар Шолпанбаев 70 жасқа қараған шағында дүниеден озды, деп хабарлады Қырғызстанның республикалық штабы.

5 мамырда Мұқар Шолпанбаев Республикалық клиникалық жұқпалы аурулар ауруханасына жатқызылып, оған коронавирус диагнозы қойылған.

Оқи отырыңыз: Ғалымдар коронавирус пандемиясы қашан аяқталатынын айтты

Дәрігерлер COVID-19 инфекциясы салдарынан ер адамның бойында екі жақты пневмония, тыныс алу жеткіліксіздігі және тағы басқа сырқаттардың пайда болғанын атап өтті.    

Сондай-ақ ол жүрек, бүйрек және қан тамырлары ауруларымен қатар ауырған.  

"Шолпанбаев ауруханаға 5 мамырда түсті. Денсаулығының нашарлауына байланысты жан сақтау бөліміне ауыстырылды, ал бүгін, сағат 12:10-да реанимациялық шараларға қарамастан қайтыс болды", - деп жазылған республикалық штабтың хабарламасында.

Мұқар Шолпанбаев 1995-1996 жылдары Қырғыз Республикасы Жогорку Кенешінің спикері қызметін атқарды, Қырғызстан парламенті экс-спикерлері қоғамдық кеңесінің мүшесі болды.

Қырғызстандағы коронавирус

Соңғы мәліметке сәйкес, Қырғызстанда коронавирус инфекциясын 1443 адам жұқтырды. Елде індеттен 15 адам қайтыс болды.

475
Кілт сөздер:
Қырғызстан, парламент, коронавирус
Тақырып бойынша
Қазақстанда тағы 403 адам коронавирус жұқтырды, өсім - 5,1%
Эпидемия басталғалы Қытайда тәулік ішінде бірде-бір адам коронавирус жұқтырмады
Теңіз кен орнындағы жұмысшылардың жаппай ауыру себебі айтылды
Қазақстанда коронавирусқа қарсы қандай дәрілер қолданылады 
Астаналықтар әлемдік антирейтингте көш бастап тұр
Жаңа қаулы: астаналықтарға карантинде не істеуге рұқсат етілді, ал неге тыйым салынды
От, архивтегі сурет

Кореяда адамдарды өрттен құтқарған қазақстандыққа күтпеген ұсыныс жасалды

8402
(Жаңартылды 15:44 29.04.2020)
Әлиақбар Юлдашевке өрт сөндіру қызметінде жұмыс ұсынылды. Алайда ол Қазақстан азаматтығынан бас тартқысы келмеді

АЛМАТЫ, 29 сәуір — Sputnik. Оңтүстік Кореяның Янян уезінің билігі он адамның өмірін сақтап қалған Әлиақбар Юлдашевты марапаттау рәсімінде оған жұмыс ұсынды. Алайда қазақстандық болашақта елге оралуды жоспарлап отырғанын айтып, ұсыныстан бас тартты.

Янян уезінің өрт сөндіру станциясының басшысы Ко Чана Хо Әлиақбарды жұмысқа шақырды, деп хабарлайды "Хабар 24" телеарнасы.

"Янянда шетелдіктің Корея азаматтарын құтқару бірінші рет болып отыр. Әли әрбір көршісіне өрт шыққанын хабарлап, үйден өздігімен шыға алмайтындарды құтқарды. Ол қауіптен қорыққан жоқ, адамгершілік танытты, өте керемет іс жасады", - деді Ко Чан Хо.

Қазақстандықтың жұмыстан бас тартуы оңтүстіккореялықтарды таңғалдырды. Жергілікті өрт сөндіру қызметінде жұмыс істеу үшін Әлиақбар Қазақстан азаматтығынан бас тарту керек.

"Өмірімнің соңына дейін бұл жерде қала алмаймын. Үйде, Түркістанда болғым келеді. Ешқандай ақшаға алмастырмаймын", - деді ол.

Алайда кореялықтар Юлдашевке алғысын өзгеше білдіру жолын тапты. 

Корея билігі Әлиге емделуге арналған виза ұсынды. Ол қазақстандыққа бұл елде жарты жыл болуға мүмкіндік береді. Сондай-ақ, оған Кореяда тұруға ықтиярхат беру мәселесі қарастырылады.

Бұған қоса, ірі кореялық компанияның бірі карантин аяқталған соң Әлидің жары мен екі баласын Түркістаннан Янянге жеткізеді.

Бұған дейін Оңтүстік Кореяда 2007 жылдан бері заңсыз қызмет етіп жүрген қазақстандық Әлиақбар Юлдашевтың 23 наурыз күні он адамды өрттен құтқарғаны хабарланған болатын.

8402
Кілт сөздер:
ұсыныс, өрт, Қазақстан, Оңтүстік Корея
Тақырып бойынша
Тірідей жанып кетер еді: 72 жастағы қария мүгедек әйелін өлімнен құтқарды
Тоқаев Оңтүстік Корея президентіне сый жасады - фото
Тоқаев Оңтүстік Корея президентіне көңіл айту жеделхатын жолдады
Видеоның арқасында 9 жасар бала әжесін өлімнен құтқарды
Қазақстан Оңтүстік Корея азаматтарының елге кіруіне тыйым салды
Тұрғындар, жаз

Аптап ыстық болады - бейсенбіге арналған ауа райы болжамы

100
(Жаңартылды 23:33 27.05.2020)
Синоптиктер бейсенбі, 28 мамыр күні Қазақстанның алты өңірінде аптап ыстық болып, жел күшейетінін хабарлады

НҰР-СҰЛТАН, 27 мамыр - Sputnik. Қазгидромет синоптиктері бейсенбі күні ауа райы қандай болатынын айтты.

Елдің басым бөлігінде жауын-шашын болмайды. Солтүстік, солтүстік-батыста циклон әсерінен дауыл болып, жауын, бұршақ жаууы мүмкін.

Кей жерлерде жел күшейіп, оңтүстік, оңтүстік-шығыста - шаңды дауыл, солтүстікте - тұман.

Дабылды ескерту

28 мамырда Қызылорда облысында аптап ыстық болады, плюс 41 градус, желдің жылдамдығы - 15-20 м/с, шаңды дауыл.

Алдағы екі күнде Солтүстік Қазақстан облысында тұман болып, күн күркірейді. 29 мамырда күндіз бұршақ жауады, желдің жылдамдығы - 15-20 м/с.

Түркістан облысында шаңды дауыл болады, желдің жылдамдығы - 15-20 м/с. Күндіз сынап бағанасы 40 градусқа дейін көтеріледі.

Өңірлердегі ауа райы

Шығыс Қазақстан, Қарағанды, Қостанай облысында желдің жылдамдығы секундына 15-20 метрге дейін жетеді.

Түркістан, Қызылорда, Ақтөбе облысының оңтүстігінде, Атырау, Батыс Қазақстан, Маңғыстау облысында аптап ыстық болады.

Павлодар, Шығыс Қазақстан, Қызылорда облысында өрт қаупі жоғары болады. 

Ірі қалалардағы ауа райы

Елордада түнде плюс 8-10 градус, күндіз 24-26 градус жылы.

Алматыда түнде 17-19 градус жылы, күндіз сынап бағанасы 28-30 градусқа дейін көтеріледі.

Шымкентте түнде плюс 20-22 градус, күндіз 35-37 градус ыстық.

100
Кілт сөздер:
синоптиктер, ауа райы, мамыр