Дамирбек Асылбек уулу

Қазақстанда сотталған қырғыздың экс-депутаты бостандыққа шықты

237
Дамирбек Асылбек уулу 2019 жылы он жылға сотталып, Қырғызстанға экстрадицияланды. Молдовановка ауылындағы №27 түзеу колониясында жазасын өтеді

АЛМАТЫ, 24 тамыз — Sputnik. Контрабанда жасағаны үшін сотталған бұрынғы депутат Дамирбек Асылбек уулу мерзімінен бұрын бостандыққа шықты, деп хабарлады Sputnik Қырғызстан мемлекеттік жазаны орындау қызметіне сілтеме жасап.

"Асылбек уулу ісі бойынша сот отырысы 19 тамызда өтті. Мерзімінен бұрын босату туралы шешімнің себебі журналистерге хабарланбады", - деп жазды Sputnik Қырғызстан.

Дамирбек Асылбек уулу 2019 жылдың ақпан айында арнайы операция кезінде ұсталды. Асылбек уулу Қазақстан азаматты болды, сол себепті ол қырғыз парламенті депутаты мандатынан айырылды. Ол 2015 жылы "Қырғызстан" партиясынан депутат болған.

Бұрынғы депутатқа қандай айып тағылды?

Дамирбек Асылбек уулуна қатысты сот  процесі 2018 жылдың 19 қазанында басталды. Сот алдында Дамирбек Асылбек уулумен бірге тағы 11 адам жауап берді. Оларға экономикалық контрабанда жасап, трансұлттық қылмыстық топ ұйымдастырды деген айып тағылды. Олар Қырғызстаннан Қазақстан мен Ресейге тауарды заңсыз өткізумен айналысқан.

Топ мүшелері жалған құжаттарды пайдаланып, тасымалдауды жүзеге асырды және Алматыға дейін тауарларды қауіпсіз алып жүруді қамтамасыз етті.

Алматыда экс-депутат 10 жылға сотталды: адвокаттар үкімге шағым түсірді 

Он тоғызыншы қарашада тұтқындалған үш қырғыз азаматы Қазақстаннан экстрадицияланды.

Содан бері Жогорку кенештің бұрынғы депутаты Молдовановка ауылындағы № 27 түзеу колониясында жазасын өтеді.

Оның екі сыбайласы Петровка ауылындағы № 8 түзеу колониясына қамалды.

Естеріңізге сала кетейік, Жогорку Кенештің экс-депутаты Дамирбек Асылбек уулу Қазақстан Қылмыстық кодексінің 264-бабының 1-бөлігіне сәйкес, 10 жылға бас бостандығынан айырылған болатын.

237
Кілт сөздер:
Қырғызстан, экс-депутат
Тақырып бойынша
ШҚО-да экс-депутатты зорлады деп айыптаған қыз сотталып кетті
Нұр-Сұлтанда аудан әкімінің орынбасарына үкім шықты – видео
Алматы облысында депутат пен ұлы сотталды
Уктам Барноев

Өзбекстанның вице-премьері қайтыс болды

9312
Шенеуніктің коронавирус жұқтырғаны туралы шілде айында белгілі болды. Ол 2020 жылдың ақпан айында вице-премьер қызметіне кірісті

НҰР-СҰЛТАН, 20 қыркүйек — Sputnik. 57 жасқа қараған шағында Өзбекстанның вице-премьері Уктам Барноев көз жұмды. Ол үкіметте аграрлық және азық-түлік саласына жауап берді.

Ақпаратты Бұхара облысының жергілікті әкімшілігінде растады, деп хабарлайды Sputnik Өзбекстан.

Айта кетсек, Барноев ұзақ уақыт бойы коронавирустан ем қабылдады. Шенеунікке шілде айында СOVID-19 диагнозы қойылды. Ол Akfa Medline жеке емханасында емделді. 

Расталмаған мәліметке сәйкес, Барноев соңғы уақытта Германияда дәрігерлерге қаралды.

Барноев 2020 жылы ақпан айында премьер-министр орынбасары қызметіне орналасты. Бұған дейін ол Бұхара облысының хокимі болған.

9312
Кілт сөздер:
коронавирус, Өзбекстан
Тақырып бойынша
Өзбекстан президентінің қызы ұлының атын Шавкат деп қойды
Өзбекстан президенті Тоқаевтың кеңесшісін жалдады
Өзбекстанда ауыр қылмыс жасаған әйел Қазақстан азаматтығын алған
Өзбекстанда ер адам әйелі әдемі болғаны үшін үстіне бензин шашып, от қойған
Өзбекстан азаматы 1 368 жылға сотталды
Өзбекстан президентінің қызы Саида Мирзиёева

Өзбекстан президентінің қызы ұлының атын Шавкат деп қойды

27694
(Жаңартылды 15:10 12.09.2020)
Саида Мирзиёева өзінің Telegram каналында сәбиімен түскен суретін жариялап, желі қолданушыларымен қуанышын бөлісті

НҰР-СҰЛТАН, 12 қыркүйек – Sputnik. Өзбекстан президентінің қызы Саида Мирзиёева ұл туып, атын Шавкат деп қойды.  

Өзбекстан президентінің қызы өзінің Telegram каналында өмір жалғасып жатқанын жазды.   

"Бәріміз бұрынғыдай қиын жағдайда отырсақ та, адамдар үйлену тойларын жасап жатыр, сәбилер дүниеге келуде. Біздің отбасымыз да толықты – енді кішкентай Шавкатымыз бар. Біздің таныстығымызға көп бола қоймады, бірақ бір-бірімізді бір көргеннен қатты жақсы көріп қалдық, тәулігіне 24 сағат біргеміз. Қандай сезім болатынын аналар жақсы біледі", - деп жазды Мирзиёева.

Айта кетейік, Саида Мирзиёева Ойбек Тұрсыновқа тұрмысқа шыққан. Олардың отбасында бұған дейін екі бала дүниеге келді: ұлының есімі – Миромон, қызы – Саодатхон.

Саида Мирзиёева 2019 жылы президент әкімшілігі жанындағы ақпарат және бұқаралық коммуникациялар агенттігі директорының орынбасары болып тағайындалған еді. Жыл басында бұл қызметтен кететінін мәлімдеді.

Оқи отырыңыз: Шавкат Мирзиёевтің қызы қызметінен кетті

Өзбекстан президенті Шавкат Мирзиёевтің үш баласы бар. Ұлы мектепте оқиды. Кіші қызы Өзбекстанның мектепке дейінгі білім министрлігінде басқарма басшысы болып жұмыс істейді.

 

27694
Кілт сөздер:
Өзбекстан, Шавкат Мирзиёев
Тақырып бойынша
Мирзиёевтің кенже қызы басшылық қызметке тағайындалды
Омбыда Абай мәдени-іскерлік үйі ашылды

Омбыда "Абай" мәдени-іскерлік үйі ашылды

0
(Жаңартылды 17:17 22.09.2020)
"Абай" мәдени-іскерлік үйінің ғимараты қаланың орталығындағы Шоқан Уәлиханов көшесінде және ағартушы ғалым оқыған Омбы кадет корпусының жанында орналасқан

НҰР-СҰЛТАН, 22 қыркүйек – Sputnik. Бүгін Ресейдің Омбы қаласында "Абай" мәдени-іскерлік үйі ашылды, деп хабарлайды Sputnik Қазақстан Отандастар қорының баспасөз қызметіне сілтеме жасап.

Омбыдағы "Абай" мәдени-іскерлік үйінің ғимараты қаланың орталығындағы Шоқан Уәлиханов көшесінде және ағартушы ғалым оқыған Омбы кадет корпусының жанында орналасқан.

Оқи отырыңыз: Абайдың 175 жылдығына арналған монеталар қыркүйектен бастап сатылады 

Орталықтың ашылу рәсімі онлайн форматта өтті. Оған ақпарат және қоғамдық даму вице-министрі Марат Әзілханов, сыртқы істер министрлігі, Қазақстанның Омбыдағы консулдығы, "Отандастар қоры" КЕАҚ, "Омбы қазақтары" қоғамдық бірлестігінің өкілдері қатысты.

Орталық нақты төрт бағытта жұмыс істейді. Олар:

  • мәдени-гуманитарлық және қазақ тілін үйрету жобаларын іске асыру;
  • "Атамекен" іскерлік  бағыты бойынша қандастардың екі жақты тиімді бизнес жобаларына қолдау көрсету;
  • "Жас қазақ" бағыты арқылы әлемдегі жас қандастарды елге тарту және бірлескен жобаларды жүзеге асыру;
  • "Атажұрт" бағыты арқылы шетелдегі қазақтілді БАҚ-тың қауымдастығын құрып, өзара ақпараттық ынтымақтастықты арттыру.

"Жыл соңына дейін  "Абай" мәдени-іскерлік үйлері Өзбекстанның Тәшкент, Түркияның Стамбұл, Қырғызстанның Бішкек, Германияның Берлин қалаларында да ашылады. Бұның барлығы - ақпарат және қоғамдық даму министрлігі, Дүниежүзі қазақтары қауымдастығы және "Отандастар қорының"  бірлескен жобасы", - делінген ресми хабарламада.

0
Кілт сөздер:
Омбы, Абай
Тақырып бойынша
Петропавл түрмесінде Абайдың алып суреті салынды – фото
Тоқаев жаңа оқулық әзірлеуді тапсырды
"Абай айт­қан жал­қаулық жиі кездесетіні қынжылтады": Тоқаев мақала жариялады
"Сондай керемет!": Америкалықтар Абайдың өлеңін қазақ тілінде оқыды – видео
Тоқаев Абай мұрасын зерттеушілерді марапаттады