Ер адам қызды қылқындырып жатыр

Еттартқыштан өткізіп, өзенге тастаған: ер адам ашынасын аяусыз өлтірді

1961
(Жаңартылды 17:38 08.08.2018)
Жас әйел жоғалып кеткеннен кейін екі апта өткен соң жергілікті тұрғын оны өлтіргенін мойындады

АСТАНА, 6 тамыз — Sputnik. Ресейдің Губаха қаласында тұратын 27 жастағы Татьяна Мелехина 22 шілдеде жоғалып кеткен. Содан бері екі апта өткен соң, жергілікті тұрғын ашынасын өлтіргенін мойындады, деп хабарлайды life.ru.

Мелехина Пермь қаласына көшіп, сонда жұмыс істеуді жоспарлап жүріпті. 36 жастағы "досы" Дмитрий Зеленский әйелге қол ұшын беріп, апарып салмақ болған екен. Содан бері Татьяна ізім-ғайым жоғалады.

Арада екі апта өткен соң еріктілер іздеуді тоқтатқанын мәлімдеді. Өйткені Зеленский жас әйелді өлтіргенін мойындапты.

Қылмыскердің өзі айтқандай, әуелі әйелді өлтіріп, денесін бөлшектеп, еттартқыштан өткізген. Кейін біраз бөлігін өзенге лақтырып, қалғанын унитазға тастап, ағызып жіберіпті.

Ер адамның қылмыс жасауына не түрткі болғаны жарияланған жоқ. Алайда Татьянаның әкесі айтқандай, жігіт сүйіктісін үнемі қызғанып жүреді екен. Ал өзі болса үйленген, кішкентай қызы бар көрінеді. 

Қазір де күдікті ұсталған. Тергеу комитеті істің мән-жайын анықтап жатыр.

Семей тұрғыны жантүршігерлік қылмыс жасады

Әйелі күйеуінің ашынасын ұрып-соқты — видео

1961
Кілт сөздер:
ер адам, ашына, тергеу амалдары, қылмыс, кісі өлтіру, Ресей
Тақырып бойынша
Ер адам 7 жасар қызға үйленіп, екі жылдан соң буындырып өлтірді
Қостанайда Дарья Махартованы өлтірді деген күдікті ұсталды
Ақмола облысында ақсақал ұлын немерелерінің көз алдында пышақтап өлтірді
Қалыңдық жігітін бұрынғы қызын тойына шақырғаны үшін айуандықпен өлтірді
Коронавирус, вакцина

Ресейде еріктілерге коронавирусқа қарсы вакцина салынды

99
Вакцинаны сынақтан өткізу екі апта бұрын Гамалеи атындағы эпидемиология және микробиология ұлттық зерттеу орталығымен бірге басталды

АЛМАТЫ, 3 шілде – Sputnik. Ресейде коронавирустың вакцинасын сынауға қатысқан еріктілердің жағдайы жақсы, деп хабарлады РИА Новости әскери ведомствоның баспасөз қызметіне сілтеме жасап.

Олардың барлығы өзін жақсы сезінеді. 18 маусымда екі компонентті вакцинаның біреуі салынған еріктілердің бірінші тобында ешкім денсаулығына шағым жасаған жоқ. Елеулі жағымсыз құбылыстар да тіркелген жоқ.

Ал 23 маусымда вакцинаның бірінші бөлігі егілгенжәне содан 21 күн өткен соң қорытындысына қарай вакцинаның екіншісі компоненті салынатын екінші топтың құрамындағыларда өзін жақсы сезінеді. Асқыну мен жағымсыз реакциялар тіркелген жоқ.

Айта кетейік, вакцинаны сынақтан өткізу екі апта бұрын Гамалеи атындағы эпидемиология және микробиология ұлттық зерттеу орталығымен бірге басталды. Оны шілденің соңына дейін аяқтау жоспарланып отыр.

99
Мәскеу қаласы

Батыс Нюрнберг трибуналының қорытындысын қайта қарауға әрекет жасауда - Ресей

126
Бастрыкин Нюрнберг трибуналы барлық әскери қылмыскерді соттамағанын атап өтті. Оның айтуынша, олардың кейбірі жасырын қалған. Сондықтан, кінәлілердің барлығын анықтау керек

НҰР-СҰЛТАН, 3 шілде – Sputnik. Батыстағы ресми тұлғалар фашизмді жеңуде тек АҚШ пен Британияның үлесін ғана сөз етіп, Нюрнберг трибуналының қорытындысын қайта қарастыруға әрекет жасап жатыр. Бұл жөнінде РИА Новостиге берген сұхбатында РФ тергеу комитетінің басшысы Александр Бастрыкин мәлімдеді.

"Тарихты мүлде басқаша мәліметтермен сипаттауға тырысып жатқан әрекеттерді байқап отырмыз. Мысалы, Батыс елдерінің ресми тұлғалары Екінші дүниежүзілік соғыс қорытындысында АҚШ пен Ұлыбритания үлесін ғана сөз етуде. Осылайша, олар КСРО-ның фашизмді жеңудегі негізгі рөлін жоққа шығарып, Нюрнберг трибуналының қорытындысын қайта қарауға тырысып жатыр", - деді ол.

Сондай-ақ, Бастрыкин Нюрнберг трибуналы барлық әскери қылмыскерді соттамағанын атап өтті. Оның айтуынша, олардың кейбірі жасырын қалған. Сондықтан, кінәлілердің барлығын анықтау керек.

"Біздің алдымызда бірнеше міндет тұр. Нюрнбергтегі халықаралық әскери трибунал және соғыстан кейінгі басқа да процесс қорытындысы бойынша барлық қылмыскер сотталмаған, өкінішке қарай, жантүршігерлік түрлі қылмысты жасаған көптеген нацист әділ соттан қашып құтылған", - дейді Бастрыкин.

Ол барлық кінәлі адамды анықтауды жалғастыру қажеттігін айтты.

"Тірі-өлі екеніне қарамастан, біз олардың аты-жөндерін атап, қандай қылмыс жасағанын ашық көрсету керекпіз", - дейді ол.

Қолда бар мұрағат мәліметтеріне сәйкес, РКФСР аумағында оккупация жылдарында 2 миллионнан астам бейбіт тұрғын қасақана өлтірілген. Барлық факті тексерілген жоқ, барлық жауапты адам анықталып, сотқа берілген жоқ. Іздеу жасақтарының қазба жұмыстары және мұрағаттық құпия мәліметтерді жария етудің нәтижсінде Новгород облысы, Краснодар өлкесі, Ростов облысындағы бейбіт халықты жаппай қырумен байланысты қайғылы оқиғалардың беті ашылды. Өткен жылы тергеу комитеті 30 мыңнан астам кеңес үкіметі азаматының көзін жоюға қатысты бірқатар қылмыстық іс қозғаған болатын.
Тергеу комитетінің басшысы соғыс жылдарында қылмыс жасағандар қай заң бойынша жауап беруі тиіс екенін айтты.

"Ресейлік тергеу амалдары ұлттық заңнама мен халықаралық құқыққа негізделеді", - деді Бастрыкин.

Ол комитет нацизм қылмыстары фактілерін анықтауды жалғастыра беретінін айтты.

"Тергеу комитеті нәсілдік үстемдік, нацизм идеяларына негізделген қылмыстық әрекеттердің фактілерін анықтауды жалғастыра береді және оларға тиісті құқықтық баға, соның ішінде, РФ ҚК 357-бабы бойынша баға беріледі", - деді ол.

126
Қазақстанның ұлттық валютасы

Назарбаевтың қорынан отбасыларға берілетін 50 мың теңге туралы ақпарат шықты

0
Елбасының бастамасымен "Birgemiz" қоры 550 мыңнан астам отбасыға біржолғы қаржылық қолдау көрсеткен

НҰР-СҰЛТАН, 4 шілде – Sputnik. BizBirgemiz акциясының төртінші кезеңінде көмекке мұқтаж 80 мыңнан аса отбасы елу мың теңгеден алды.

Бұл туралы "Nur Otan" партиясы төрағасының бірінші орынбасары Бауыржан Байбек хабарлады.

"Елбасының тапсырмасы бойынша #BizBirgemiz акциясының төртінші кезеңі аяқталды. Еліміздің ауылдық елді мекендерінде тағы 80 мыңнан астам мұқтаж отбасы 50 мың теңгеден алды", - деп жазды Байбек Instagram-да.

Осылайша Назарбаевтың бастамасымен "Birgemiz" қоры 550 мыңнан астам отбасыға біржолғы қаржылық қолдау көрсеткен. Отбасы мүшелерін қоса есептегенде, бұл – 2 миллиондай қазақстандық.

Посмотреть эту публикацию в Instagram

Публикация от Бауыржан Байбек (@baibekbk)

Сонымен қатар, Байбектің айтуынша, тұрмысы төмен 100 мың отбасыға 5 миллионнан астам маска тегін таратылды.

"Nur Otan" партиясы мен тұңғыш президент қоры желісі бойынша 300 мыңдай отбасы азық-түлік себетін алды. Бұл іске "Jas Otan" жастар қанатының 5 мыңнан астам волонтері атсалысты", -деді ол.

Тағы оқыңыз: Birgemiz қорынан өтінім бермей-ақ 50 мың теңге алуға болады – көмек кімдерге тиесілі

Бұдан бөлек, нұротандықтар Түркістан облысының су басқан ауылдарына мың тоннадан астам гуманитарлық көмек жөнелтті.

Шілде айында Достық ауылының тасқыннан зардап шеккен тұрғындары үшін салынып жатқан үйлердің құрылысы аяқталады.

0
Кілт сөздер:
отбасы, Назарбаев, ақша
Тақырып бойынша
"Birgemiz" қорына түскен ақшаны тарататындардың аты-жөні жарияланды
"Birgemiz" қорына төрт адам 4 миллиард теңге аударды