Жасөспірім

Керчь атқышының әкесі ұлы туралы бар шындықты айтты

1632
(Жаңартылды 09:04 19.10.2018)
18 жастағы студент колледжге келіп балалар мен оқытушыларды атып тастаған

АСТАНА, 18 қазан — Sputnik. Керчь политехникалық колледжіне шабуыл жасаған Владислав Росляковтың әкесі тергеу барысында ұлы туралы айтып берді, деп хабарлайды "Известия" газеті.

Әкесінің айтуынша, Владиславтың достары жоқ екен. Бала күнгі жолдасымен де қарым-қатынасы үзілген. Ұлымен әңгімелесу қиын көрінеді, оқу жайында да жарытып ештеңе айтпайды екен. Бозбала компьютерлік ойындар мен қару-жараққа әуес болса да, ешқашан зорлық-зомбылыққа бармаған.

Бұдан бұрын хабарланғандай, Владислав барлық процедурадан өтіп, қару ұстауға заң жолымен рұқсат алыпты.

Колледждегі қанды оқиға

Тергеу анықтағандай, 18 жастағы төртінші курс студенті Владислав Росляков үлкен үзіліс кезінде, адамдарға оқ жаудырған. Содан соң асханаға орнатып қойған жарылғыш затты іске қосады. Сол кезде асханада адам көп болған екен.

Росляков тағы бір жарылғыш затты алып келсе де, оны жармастан, өз-өзіне қол жұмсап, қаза тапты.

Шабуыл салдарынан 15 студент пен 5 колледж қызметкері құрбан болған.

Кей деректерге сүйенсек, Владиславты оқудан шығарып жіберген екен.

Қылмыстық іс "Екі немесе одан да көп тұлғаны өлтіру" бабына өзгертілді.

1632
Кілт сөздер:
тергеу, қылмыскер, қанды оқиға, теракт, Қырым
Тақырып бойынша
Қырымдағы теракт – оқиға орнында түсірілген видео
Колледждегі терактіні студент ұйымдастырған – Қырым басшысы
Владимир Путин

Ресей президентін Бейбітшілік үшін Нобель сыйлығына ұсынды

29
Өтінім 10 қыркүйекте Ослодағы Нобель комитетінің штаб-пәтеріне түсті, деп хабарлады ресейлік жазушы Сергей Комков

НҰР-СҰЛТАН, 24 қыркүйек – Sputnik. Жазушы Сергей Комков Ресей Федерациясының президенті Владимир Путинді 2021 жылғы Бейбітшілік үшін Нобель сыйлығына ұсынғанын мәлімдеді, деп хабарлады РИА Новости.

"Мен тиісті өтінімді 9 қыркүйекте жібергенмін. Келесі күні, яғни 10 қыркүйекте ол өтінім Ослодағы Нобель комитетінің штаб-пәтеріне түсті", - деді Комков арнайы баспасөз мәслихатында.

Оның айтуынша, өтінімдерді қабылдау қыркүйекте басталып, қазан айында аяқталады. Комитет барлық өтінімді наурызға дейін қарайды.

Путиннің баспасөз хатшысы Дмитрий Песков те осы бастамаға қатысты пікір білдірді.

"Шешім қабылданса, тамаша болады. Ал болмаса, ештеңе етпес", - деді Песков журналистерге берген сұхбатында.

Оқи отырыңыз: Әдебиет саласындағы Нобель сыйлығы фотографтың кесірінен ешкімге бұйырмады 

Айта кетейік, 9 қыркүйекте Норвегияның стортинг (парламент) депутаты Кристиан Тибринг-Чьедде 2021 жылғы бейбітшілік үшін Нобель сыйлығын АҚШ президенті Дональд Трампқа табыстауды ұсынды.

2017 жылы Қазақстанның тұңғыш президенті Нұрсұлтан Назарбаев та ядролық қарусыздандыру саласындағы еңбегі үшін осы сыйлыққа ұсынылған болатын.

29
Кілт сөздер:
сыйлық, Владимир Путин
Паспорт

Ресейдегі қазақстандықтар желтоқсан айының ортасына дейін тіркеуден босатылды

24
Бұл шара коронавирус пандемиясы жағдайында азаматтардың түрлі мақсатта орын ауыстыруын жеңілдетуді қарастырады  

НҰР-СҰЛТАН, 24 қыркүйек – Sputnik. Ресейдегі қазақстандықтар желтоқсан айының ортасына дейін тіркеуден босатылды.

Ресей президенті Владимир Путин "Коронавирус инфекциясының (COVID-19) одан әрі таралу қаупіне байланысты Ресей Федерациясындағы шетелдік азаматтар мен азаматтығы жоқ адамдардың құқықтық мәртебесін шешудің уақытша шаралары туралы" өзінің №274 жарлығына өзгерістер енгізді.

Оқи отырыңыз: Қазақстандықтар 26 қыркүйектен бастап Мәскеуге ұша алады 

"Осы құжатқа сәйкес, тіркелудің немесе уақытша тұруға рұқсаттың мерзімі 2020 жылдың 15 наурызынан 15 желтоқсанына дейінгі мерзімде аяқталса да Қазақстан азаматтары елде тіркеусіз еркін тұра алады. Осы кезең үшін оларға ешқандай айыппұл мен депортация шаралары қолданылмайды", - деп хабарлады Қазақстанның Ресейдегі елшілігі.  

Жоғарыда аталған өзгерістерге сәйкес, паспорттың немесе жеке куәліктің қолданылу мерзімі 2020 жылдың 14 наурызынан кейін аяқталған болса, Ресейден Қазақстанға мерзімі өткен құжаттармен кетуге рұқсат етіледі, бірақ үшінші елдер арқылы транзитпен шығуға тыйым салынады.

24
Кілт сөздер:
Ресей, желтоқсан, тіркеу
Тақырып:
Коронавирус эпидемиясы
Тақырып бойынша
Қазақстан мен Ресей арасындағы әуе қатынасы жанданады
Қазақстан мен Египет арасындағы әуе қатынасы 12 қыркүйекте жанданады
Қырғызстанға ұшуға рұқсат берілді: алғашқы рейске билеттер сатылып кетті
Польша Қазақстанмен әуе қатынасын қайта қалпына келтіретін болды
Ішік

Нұр-Сұлтан тұрғыны анасының миллион теңге тұратын ішігін ұрлап, 30 мыңға сатпақ болды

0
Мас ер адам өтіп бара жатқан адамдарға қаракүзен ішігін сатып алуды ұсынған – оны учаскелік инспектор ұстады

НҰР-СҰЛТАН, 24 қыркүйек – Sputnik. Алкогольге тәуелділіктен зардап шегетін ер адам анасының бір миллион теңге тұратын қаракүзен ішігін ұрлап алған.

Ол "Астаналық базардың" маңында өтіп бара жатқан адамдарға ішікті 30 мың теңгеге сатпақ болды, деп хабарлады Нұр-Сұлтанның полиция департаменті.

Оқи отырыңыз: Нұр-Сұлтанда қымбат телефонды ұрлап кеткен оқушының әрекеті видеоға түсіп қалды   

Тон ұстаған мас адамды учаскелік инспектор Бақтияр Байқанов байқап қалып, оны тергеу үшін полицияға жеткізген.

Нәтижесінде ішік заңды иесіне қайтарылды. Ол полиция қызметкеріне қырағылығы мен қызметтік міндетін адал атқарғаны үшін ризашылығын білдірді.   

0
Кілт сөздер:
Нұр-Сұлтан, ұрлық
Тақырып бойынша
Қарағанды облысында ұрланған көлік өртеніп кетті
Нұр-Сұлтанда қарақшылық шабуыл жасаған ағалы-інілі ұсталды
Талдықорғанда 35 жыл түрмеде отырған баукеспе ұры ұсталды
Сарыағашта ана мен баланың бірігіп жасаған қылмысы ашылды – видео