Хабиб Нурмагомедов

Хабиб Нурмагомедов қазақ қызына бағалы сыйлық тарту етті

830
Сәуле Болатбаева Хабиб Нурмагомедов жариялаған конкурстың жеңімпазы атанған

АСТАНА, 18 ақпан — Sputnik. Ақтөбе тұрғыны Сәуле Болатбаева Хабиб Нурмагомедов жариялаған конкурстың жеңімпазы атанды. Конкурс қорытындысы 2018 жылдың 30 желтоқсанында шығарылған. Ақтөбелік қызды арнайы Мәскеуге шақырып, чемпион өз қолымен Toyota Camry көлігінің кілтін табыстады.

Хабиб Нурмагомедовтың Instagram-дағы конкурсының жеңімпазы атанғанын отандасымыз Сәуле Болатбаева жаңа жыл қарсаңында естіп, қатты қуанған екен.

Чемпион Мәскеуде сыйлықты өз қолымен ұсынады дегенді естігенде қыздың төбесі көкке жеткендей болады.

Хабиб Нурмагомедов пен Сәуле Болатбаеваның кездесуі 17 ақпанда болды. Чемпионмен түскен суретін конкурс жеңімпазы өзінің Instagram парақшасында жариялапты.

"Асыға күткен сәт", - деп жазды ол.

Посмотреть эту публикацию в Instagram

Публикация от Сауле Болатбаева (@saule_br)

Сәуле Болатбаева осы постты жариялаған бойда, желі қолданушылары құттықтап, жылы лебіздерін жаудырды. Бірақ бұл суреттің шынайы екеніне күмәнданғандар да табылыпты.

830
Кілт сөздер:
көлік, сыйлық, қазақстандық қыз, Хабиб Нурмагомедов
Тақырып бойынша
Хабиб Нурмагомедовтің құпия өмірі – чемпион нені жасырып жүр?
Хабиб Нурмагомедов Макгрегормен қарымта жекпе-жектен бас тартты
Головкинге Хабиб немесе Макгрегормен жекпе-жекке шығу ұсынылды
Шекарашылар Хабиб Нурмагомедовті ИГ* содыры деп ойлап қалған
Хабиб: Макгрегордың бапкері мұсылман мақұлықсың деп айқайлады
Вакцина, архивтегі фото

Ресей жақында коронавирусқа қарсы екінші вакцинаны тіркейді

11
Бұған дейін ресейлік ғалымдар "Спутник V" деп аталатын коронавирусқа қарсы алғашқы вакцинаны тіркеген болатын

НҰР-СҰЛТАН, 23 қыркүйек – Sputnik. Ресей президенті Владимир Путин таяуда коронавирусқа қарсы екінші ресейлік вакцина тіркелетінін мәлімдеді, деп хабарлайды РИА Новости.

"Айтпақшы, жақын арада коронавирусқа қарсы екінші вакцина тіркеледі", - деді Путин сенаторлармен кездесуде.

Оқи отырыңыз: ДДҰ коронавирусқа қарсы екінші қазақстандық вакцинаны тізімге енгізді  

Ресейдің денсаулық сақтау министрлігі бұған дейін Гамалея атындағы ұлттық эпидемиология және микробиология зерттеу орталығы Ресейдің тікелей инвестициялар қорымен бірлесіп жасаған COVID-19-ға қарсы әлемдегі алғашқы вакцинаны тіркеген болатын. Ол "Спутник V" деп аталды. Роспотребнадзордың "Вектор" мемлекеттік вирусология және биотехнология ғылыми орталығында жасалған тағы бір ресейлік коронавирусқа қарсы "ЭпиВакКорона" вакцинасы сынақтан өтіп жатыр.

Сонымен қатар, РФ денсаулық сақтау министрлігі М.П.Чумаков атындағы Федералды ғылыми орталықта жасалған коронавирусқа қарсы жаңа – үшінші вакцинаның клиникалық сынақтарына рұқсат берді.  

11
Кілт сөздер:
вакцина, коронавирус, Ресей
Тақырып бойынша
Солтүстік Қазақстанда ауру өршіп тұр: бір тәулікте 180 мың құс қырылып қалды
Депутат жаппай вакцина салдыруды ұсынды 
Ғалымдар коронавирусты өлтіретін ақуыз ойлап тапты
Қазақстан тұмауға қарсы 2,2 миллион вакцина сатып алды - сапасы қандай ?
Цой тұмауға қарсы вакцинаны не үшін елден бұрын салдырғанын айтты – видео
Белгілері ұқсас: дәрігер коронавирус пен тұмауды қалай ажыратуға болатынын айтты
зертхана

Ғалымдар табиғи антибиотик ойлап тапты

57
Ғалымдардың пікірінше, ол қатерлі ісік түрлерімен, сондай-ақ, түрлі бактериялық инфекциялармен күресуге көмектеседі

НҰР-СҰЛТАН, 23 қыркүйек – Sputnik. Ресейлік ғалымдар әмбебап антибиотик ойлап тапты.

Түмен мемлекеттік университетінің ғалымдары Ресейдің басқа ғылыми-зерттеу институттарындағы әріптестерімен бірлесіп, әлемдегі алғашқы әмбебап табиғи антибиотик тапты, ол қоздырғыштардың дәріге төзімділігін жеңе алады, деп хабарлайды РИА Новости.

Бұл зат бактериялардың әсерінен адамдар мен жануарлардың бойында болатын инфекциялық аурулармен тиімді күресуге көмектеседі. Ғалымдар зерттеу жұмысын Applied Biochemistry and Microbiology журналында жариялады. 

Мақала авторларының атап өтуінше, фармакологияның басты міндеттерінің бірі  - нарықтағы қолжетімді антибиотиктерге көп рет (MDR) немесе абсолютті түрде (XDR) төзімді келетін микроағзалармен күресе алатын табиғи антибиотиктерді іздеу табу.

Түмен зерттеушілері А эмерициллипсин пептидінің бірегей "қабілетін" ашып көрсетті. Ғалымдардың айтуынша, бұл зат бактериялардың биоқабат түзу қабілетін тежейді, соның әсерінен бұл ауру қоздырғыштардың антибиотиктерге төзімділігі жойылады.

Бұл заттың басты ерекшелігі – инфекцияға әсер ету әмбебаптығы, деп түсіндірді мақала авторлары.

Ғалымдар А эмерициллипсині ісіктер, сондай-ақ бактериялық және саңырауқұлақ инфекцияларының көп түрімен күресуге мүмкіндік беретінін атап өтті.

Терапия егу немесе зақымданған тіндерді тікелей емдеу арқылы жүзеге асырылуы мүмкін.

57
Кілт сөздер:
ғалымдар
Архивтегі фото

Ұшақ Алматыны бір сағат айналып ұшты: Air Astana не болғанын түсіндірді

0
Қалада тәжірибелі нұсқаушылардың басшылығымен оқу-жаттығу өткен, ұшақ бортында жолаушылар мен бортсеріктер болмады

АЛМАТЫ, 23 қыркүйек – Sputnik. Сәрсенбіде Air Astana ұшағы бір сағат бойы Алматы аспанын айналып ұшты. Flightradar24 мәліметінше, әуе кемесі қаланы бірнеше рет айналған.

Әуе компаниясы бұл оқу-жаттығу екенін мәлімдеді.

"Алматы аспанын айналып ұшу кезінде аэродромдық дайындық жасалды, бұл жаңадан келген ұшқыштарға – курсанттар немесе ұшақтың басқа түрлерін басқарған ұшқыштарға арналған ұшу дайындығының бір бөлігі болып саналады", - деп түсіндірді Sputnik Қазақстанға Air Astana баспасөз қызметі.   

Аэродромдық дайындыққа "конвейерден" ретті ұшу (қонғаннан кейін ұшу-қону жолағында тоқтамай), схема бойынша Алматы әуежайы аймағында айналып ұшу, кейін қонып, екінші айналымға кету кіреді.

"Жолаушыларға жақындауға қорықтым": бортсерік басынан кешкен жағдайды айтып берді

Кадеттің дайындық дәрежесіне қарай, әр ұшқыш күніне төрт сағаттан алты сағатқа дейін ұшады.  

"Қазіргі таңда жаңа ұшқыштар көптеп келіп жатқанына байланысты мұндай оқу-жаттығу айына 2-4 мәрте өткізіледі", - деп атап өтті Air Astana.  

Мамандар оқу-жаттығу тәжірибелі нұсқаушылардың басшылығымен өтетінін баса айтты. Сонымен бірге бортта жолаушылар мен бортсеріктер болмайды.  

0
Кілт сөздер:
Алматы, Эйр Астана, ұшақ