Жансақтау бөлімі, архивтегі сурет

Танымал актриса жансақтау бөліміне түсті: дәрігерлер оның жағдайы туралы айтты

7793
Әртістің директоры оның жансақтау бөліміне түскенін жоққа шығарса да, БАҚ-та актрисаның әл үстінде жатқаны туралы мәлімет тарап жатыр

НҰР-СҰЛТАН, 14 қыркүйек — Sputnik. Ресейлік актриса Анастасия Заворотнюктің денсаулығына қатысты БАҚ-та тың дерек пайда болды. Ресми емес мәлімет бойынша, әртіс онкологиялық дертке шалдыққан.

Дәрігерлердің хабарлауынша, қатерлі дертпен ауыратын актриса жартылай сал болып қалыпты. Денесінің оң жағы парезге ұшырап, оң қолына зақым келді, деп жазады Mash.

Заворотнюк Польша емханасынан Мәскеу ауруханасына жеткізіліп, қазір жансақтау бөлімінде.

"Нейрохирургтер ота жасау жолын қарастырып жатыр, алайда қазіргі жағдайда ол өте қауіпті", - делінген хабарламада.

Бұған дейін дәрігерлер химия және сәуле терапиясын жүргізіпті, бірақ одан еш нәтиже шықпады – Заворотнюктің дерті асқынып кетті.

Актриса Анастасия Заворотнюк
© Sputnik / Екатерина Чеснокова
Ресейлік актриса Анастасия Заворотнюк

Жақын арада консилиум ұйымдастырылып, мамандар ота жасау мәселесін талқылайды. Алайда актрисаның операциядан аман қалуы екі талай, дейді дәрігерлер.

Заворотнюк қандай дертке шалдыққан?

Бұдан бұрын ресейлік жұлдыздың жансақтау бөліміне түскені хабарланған еді. Ауыр сырқатқа шалдыққан Анастасия Заворотнюктің миында ісік пайда болған. Оған мидың қатерлі ісігі деген диагноз қойылыпты. Актрисаның сырқаты жайында бір жыл бұрын белгілі болды, соңғы кездері ол Еуропада емделіп жүрген еді.

Мәскеу емханасына Заворотнюк Польша ауруханасынан жеткізілді. Қазір жанында күйеуі Петр Чернышев бар.

7793
Кілт сөздер:
дәрігерлер, жансақтау бөлімі, актриса
Евгений Примаков

Россотрудничество жаңа жобаларды қолға алады Примаков

12
Бұл жоғары оқу орындарында оқуға берілетін квоталар ғана емес, өзге де білім жобалары болатыны айтылып отыр

НҰР-СҰЛТАН, 11 тамыз — Sputnik. Россотрудничество білім саласында жаңа жобаларды қолға алады. Бұл туралы ТМД істері жөніндегі федералды агенттіктің жетекшісі Евгений Примаков айтты.

"Білім саласында тың жобалар болады. Білім халықаралық дамуға қолдау көрсетудің маңызды салаларының бірі. Ресейдің ЖОО-лары беретін білім, әсіресе, ТМД елдерінде бәсекеге қабілетті", - деді ол. 

Оның айтуынша, білім жаңа мүмкіндіктер ашады.

"Көптеген адам үшін шет тілі әлеуметтік және экономикалық мүмкіндік ашатын біліктілік. Бұл дұрыс", - деді Примаков. 

Сондай-ақ, ол алдағы уақытта ресейлік тарап ұсынатын квоталар екі есеге артатынын жеткізді.

12
Вакцина, архивтегі сурет

Путин коронавирусқа қарсы вакцина салдырған қызының жағдайы туралы айтты

1166
(Жаңартылды 17:29 11.08.2020)
Ресейлік вакцинаның клиникалық сынақтары 18 маусымда басталды. 38 еріктінің қатысуымен алғашқы сынақтар екпенің қауіпсіз екенін растады

АЛМАТЫ, 10 тамыз – Sputnik. Ресей президенті Владимир Путин COVID-19-ға қарсы алғашқы вакцинаның тіркелгенін жариялады, деп хабарлайды РИА Новости.

"Менің білуімше, бүгін таңертең әлем бойынша жаңа коронавирус инфекциясына қарсы алғашқы вакцина тіркелді",- деді ол үкімет мүшелерімен кездесу кезінде.

Ресей Федерациясы президентінің айтуынша, вакцина тиімді, тұрақты иммунитет қалыптастырады және барлық қажетті тексеруден өтті.

Сонымен қатар Путин қызының коронавирусқа қарсы екпе салдырғанын айтты.

"Қыздарымның бірі осы вакцинаны салдырды. Яғни, ол да экспериментке қатысты. Екпені алғаш салдырғаннан кейін дене қызуы 38 градус болды, келесі күні температурасы 37-ден сәл ғана асты. Кейін тұрақталды",- деді Путин.

Ресей жақын арада коронавирусқа қарсы вакцинаны жаппай шығаруды жоспарлап отыр.

"Жақын арада вакцинаны жаппай шығаруды бастаймыз деп үміттенемін. Ниет білдірушілердің барлығы біздің мамандар мен ғалымдардың жасап шығарған талдамасы және жетістіктерін пайдалана алады", - деді Владимир Путин.

Ал Ресейдің денсаулық сақтау министрі Михаил Мурашко вакцина қауіпсіз екенін көрсеткенін атап өтті. Ресейде алғашқылардың бірі болып вакцина медицина қызметкерлеріне салынады. Олар 2020 жылдың қыркүйегінде екпе салдырты. Ал вакцина 2021 жылдың бірінші қаңтарынан бастап кең қолданысқа ие болады.

Коронавирусқа қарсы вакцинаны әзірлеу

Гамалея орталығында жасалған ресейлік вакцинаның клиникалық сынақтары 18 маусымда басталды. 38 еріктінің қатысуымен алғашқы сынақтар вакцинаның қауіпсіз екенін растады, барлығында инфекцияға иммунитет қалыптасты.

Орталық директоры Александр Гинцбург коронавирусқа қарсы вакцина бәріне бірдей сәйкес келе бермейтінін атап өтті. Кез келген дәріден асқыну пайда болуы мүмкін, сондықтан созылмалы ауруы бар адамдар вакцина салдырмас бұрын мамандармен кеңесуі қажет.

Бұған дейін Ресейде жаппай вакцинация 2020 жылдың қазанында басталады деп жоспарланған болатын. Ал вакцинаны 12 тамызда тіркеледі деп жоспарланды.

Айта кетейік, мамандар препараттың тиімділігін популяциялық иммунитет қалыптасқан кезде бағалай алады.

1166
Кілт сөздер:
екпе, Ресей, Владимир Путин
Тақырып:
Коронавирус эпидемиясы
Тақырып бойынша
"Бұл вирус бізбен ұзақ уақыт болады": ДДҰ басшысы мәлімдеме жасады 
Коронавирус пен тұмау: денсаулық министрлігі күзде не болатынын болжады
Мамин коронавирус пандемиясының жаңа толқыны туралы айтты
ДДҰ карантин режиміне қатысты мәлімдеме жасады
Коронавирус жұқтырғандардың саны 100 мыңнан асты