Людмила Коваленко

Болашақ дәрігер өзі таңдаған жоғары оқу орны жайлы не білуі тиіс?

225
Адам өміріне араша түсетін дәрігер мамандығы – өте жауапты іс. Сондықтан ақ халаттылар үнемі білімін жетілдіріп, ізденіс үстінде жүреді

НҰР-СҰЛТАН, 28 қараша – Sputnik. Дәрігер болуды армандайтын жастар дүниенің кез келген түкпірінде сұранысқа ие болуы үшін не нәрсеге мән бергені жөн? Осы және өзге де сұрақтарға Сургут мемлекеттік университеті медицина институтының директоры Людмила Коваленко "Россия сегодня" ХАА "Социальный навигатор" тілшісіне берген сұқбатында жауап берді.

- Людмила Васильевна, солтүстік медицинасының ерекшеліктері мен артықшылықтарын атап өтсеңіз. Неге көбі Сургутқа келіп емделеді?

- Ханты-Мансийск автономды округінің үкіметі денсаулықты экономикалық категория ретінде қарастырады. Сондықтан денсаулықты сақтауға бағытталған бағдарламаларды жүзеге асыруға зор мән береді. Халықтың жоғары технологиялық медициналық көмекпен қамтылуы елдегі орташа көрсеткіштен жоғары, ал оның қолжетімділігі Еуропа елдерімен шамалас. Бұл Ресей тұрғындарына ғана емес, шетелден келген азаматтарға да көмек көрсетуге мүмкіндік береді. Жуырда округ аумағында Жоғары биомедициналық зерттеулер орталығы құрылады. Орталықтың зертханалары Ресей ғалымдарының жұмыстары үшін ғана емес, шетелдік зерттеушілер үшін де тартымды. Бұдан бөлек, таяуда бізге Ресей, Германия, Швейцария, Нидерланды және басқа да елдердің жетекші ғалымдары ат басын бұрады.

- Сіздің ойыңызша, бүгінде медициналық білім қаншалықты танымал? Сіздің түлектеріңіз әлемде сұранысқа ие ме?

- Иә, медициналық білім жоғары сұранысқа ие. Институтқа түсу кезіндегі конкурс жылдан-жылға өсуде, қазір бізде Ресейдің 35 өңірінен, сондай-ақ, Қазақстан, Қырғызстан, Өзбекстан және Украинадан келген студенттер оқиды. 25 жыл ішінде Сургут мемлекеттік университетінің медицина институты "Емдеу ісі" және "Педиатрия" мамандықтары бойынша 1,5 мың дәрігер, 2000-нан аса ординатор мен интерн даярлап шығарды.

Институт директоры оқу орнының түлектерімен бірге
© Photo : Сургут мемлекеттік университетінен алынды
Институт директоры оқу орнының түлектерімен бірге

Бүгінде қаланың бастапқы денсаулық сақтау бөлімінде еңбек ететін әрбір төртінші дәрігер біздің институттан түлеп ұшқан. Сургут округтік клиникалық ауруханасында штаттағы дәрігерлердің 42%-і – біздің түлектер, травмотология орталығында – 38%, клиникалық перинаталды орталықта – 25%. Студенттеріміз Германия, Израиль, Швеция, Бразилия, Қазақстан және басқа да елдерде дәрігер болып істеп, жоғары оқу орнының атын шығаруда.

- Институт шетелдік әріптестерімен және студенттермен ынтымақтаса жұмыс істей ме? Мұндай тәжірибе қай елдермен жолға қойылған?

- Біз өз еліміздің де, шетелдік әріптестерімізбен де тығыз қарым-қатынастамыз. Институттың Халықаралық медицина білімі қауымдастығының мүшесі болғанына біраз болды. Біздің әріптестеріміз жыл сайын осы ұйымның конференциясында баяндама жасайды, әртүрлі жылдары біз Вена, Глазго, Барселона, Базель, Милан, Прага, Лион және басқа қалаларда медициналық білім саласындағы тәжірибелерімізбен бөлістік. Бес жыл бұрын институт IFMSA RUSSIA - International Federation of Medical Students ұйымына қосылды.

Сургут мемлекеттік университеті
© Photo : Сургут мемлекеттік университеті
Медицина институтында білім алып жатқан болашақ дәрігерлер

Академиялық мобильдік аясында студенттеріміз Германия, Жапония, Хорватия, Грекияның университеттік клиникаларында білім алды. Жыл сайын қазақстандық студенттер мен резиденттер академиялық мобильдік бағдарламасымен бір семестр бойы оқиды. 2020 жылдың қаңтарында біздің институтқа Бразилия студенттері келеді. Институтын ғылыми зерттеулер саласында Қазақстан, Испания, Сербия, Хорватия, Грекия, Германия, АҚШ, Чехия және Қытай елдерімен серіктестік орнатты.

- Болашақ дәрігерге ғылыми қызмет пен үздіксіз ізденіс өте маңызды. Институт инфрақұрылымы осы жағын қалай ескеріп жатыр?

- Университетте жас маманның үздіксіз кәсіби дамуы үшін барлық жағдай жасалған. Ординатурада 31, аспирантурада 16 мамандық бойынша дәрігерлер даярланады, сондай-ақ, докторантура ашылды. Аспиранттар мен докторанттар өз зерттеулерін біздің диссертациялық кеңестерде қорғай алады. 2013 жылы университетте медициналық білімнің халықаралық стандарттарына сай жарақталған симуляциялық-тренингтік аккредитация орталығы ашылды.

Бұдан бөлек, біздің студенттер университеттің клиникалық базаларында практикалық даярлықтан өтеді. Медицина институты клиникалық кафедраларының қызметкерлері де дәрігер даярлауға атсалысады. Олар педагогикалық қызметке қосымша дәрігерлік қызметті де жүзеге асырады.

- Қалай ойлайсыз, әлемнің кез келген елінде сұранысқа ие болу үшін болашақ дәрігерге не қажет?

- Дәрігер мамандығында білім алатын студенттің клиникалық медицинада практикалық машығы болғаны абзал. Молекулярлық биология, генетика, клеткалық технологиялар мен биоинформатикадан терең іргелі білімі болуы қажет.

Сургут мемлекеттік университеті
© Photo : Сургут мемлекеттік университеті
Болашақ дәрігерлер медициналық көмек көрсетуді үйреніп жатыр

Қазіргі уақыт –  жаңа технологиялардың заманы. Медицинаны біртіндеп биологизациялау дәрігер даярлауда басқа әдістерді талап етеді, іргелі дисциплиналар блогын нығайту қажет.

Жақын арада дербестендірілген медицина сарапшысы, клиникалық биоинформатик, молекулярлы диетолог, ұзақ өмір сүру жөніндегі консультант секілді мамандықтар пайда болады. Бұдан бөлек, дәрігерлердің жалпы адамгершілік құндылықтары өзгеріссіз қалады: аяушылық, парыз, ар-ождан, әділдік, дәрігерлік құпияны сақтай білу, моралдық және әлеуметтік жауапкершілік. Институтта болашақ ақхалаттылардың бойына мұндай қасиеттер арнайы әзірленген "Мамандықтағы имидж", "Кәсіби қызметтің әлеуметтік-психологиялық негіздері", "Әлеуметтік жауапкершіліктің тұжырымдамалық негіздері" бағдарламалары арқылы сіңіріледі.

225
Кілт сөздер:
медицина, Ресей
кітапханада отырған студент

Пандемия білім алуға кедергі емес: қазақстандықтар интернет арқылы оқуға түсе алады

36
Ресейлік университеттер қашықтықтан оқыту форматында жұмыс істеуді жалғастырып жатыр және шетелдік талапкерлерді қабылдау басталды. Бүгінде қазақстандықтар интернет арқылы ресейлік жоғарғы оқу орнына түсе алады

НҰР-СҰЛТАН, 9 шілде — Sputnik. Красноярсктегі Сібір федералдық университеті (СФУ) – Ресейдің азиялық бөлігіндегі ең ірі білім ордаларының бірі. Ол елдегі ең үздік 20 университеттің тізіміне енген. СФУ ресейлік және шетелдік жүздеген компаниямен серіктестік орнатқан. Бүгінде СФУ өз түлектерінің жұмыс берушілер арасында үлкен сұранысқа ие болуы бойынша алдыңғы он ЖОО қатарында тұр.

Бүгінде университетте 30 мыңнан астам жас азамат білім алып жатыр. Олардың ішінде әлемнің 52 елінен (ТМД, Таяу Шығыс, Африка, Еуропа, Латын Америкасы, Азия) келген мыңнан астам шетелдік студент, тыңдаушылар мен тағылымгерлер бар.

Шетелдік студенттер қатарында Қазақстаннан келген 160 студент бар: 146 студент бакалавриат бойынша негізгі білім беру бағдарламасын меңгеріп жатыр, он бірі - магистратурада және үшеуі – аспирантурада білім алуда. Қазақстандық студенттер үшін химия, биология, металлургия, тау-кен ісі, мұнай-газ ісі, менеджмент секілді бағыттар қызықты болып отыр.

1996 жылға 29 наурыздағы "Экономикалық және гуманитарлық салаларда ықпалдастықты тереңдету жөніндегі Келісімшарт қатысушылары болып табылатын мемлекеттердің азаматтары үшін тең құқықтар ұсыну туралы" үкіметаралық келісімге сәйкес Қазақстан азаматтары үшін бюджеттік негізде білім алу конкурсына ресейлік жастармен тең дәрежеде қатысу мүмкіндігі ұсынылған.

Сонымен қатар, шетелдік талапкерлер ақылы оқу түрін таңдап, кез келген бағыт бойынша оқуға түсе алады. Шетелдік азаматтарды оқуға қабылдау бойынша толық ақпаратты университет сайтынан алуға болады.

Оқуға түсу және оқу кезіндегі қолдау

Шетелдік талапкерлердің оқуға түсу кезінде бонустары бар: ЖОО олардың оқу орнына дейінгі жол ақысын қайтарады және олар үшін медициналық сақтандыру сатып алады. СФУ Халықаралық ынтымақтастық департаментінің жетекшісі Анна Мезиттің айтуынша, жоғары балл алғандар үшін оқу ақысына жеңілдіктер де қарастырылған.

"Университет инфрақұрылымы – біздің мақтанышымыз: 24 оқу корпусы, заманауи әдемі кітапхана, конгресс-холл, көпфункционалды спорт кешені, медициналық орталық. Соңғы бес жылдың өзінде кампус аумағында пәтер типіндегі тоғыз жатақхана бой көтерді. Бүгінгі күні СФУ тұрғын үй қоры 11,5 мың студентке жатын орын ұсынатын 30 жатақхананы құрайды. Бұл басқа қалалар мен шет елдерден келген студенттер үшін баспана мәселесін толық шешіп отыр", - деді ол.

Анна Мезит атап өткендей, СФУ шетелдік студенттерді қолдаумен белсенді айналысады. Университет қызметкерлері қыстық киім таңдаудан, бірге банкке немесе дәрігерге бару секілді мәселелерде көмек көрсетді.

"СФУ-дегі еріктілер орталығы шетелдік студенттер үшін экскурсиялар ұйымдастырып, оларды орыс мәдениетімен таныстырады, әңгімелесу клубтарын ұйымдастырады. Бізде Халықтар достастығы орталығы бар. Бұл шетелдік азаматтардың студенттік бірлестігінде бейімдеу шараларының бүтіндей кешендері жүргізіледі. Бастысы – бір-бірін деген қамқорлық пен достық", - деді ол.

Людмила Коваленко
© Photo : Сургут мемлекеттік университеті ұсынды
СФУ-де шетелдік студенттер үшін орыс тілін үйрететін дайындау бөлімдері бар. Жыл сайын түрлі елдерден келген студенттер СФУ Филология және тіл коммуникациясы факультетінде тіл тағылымдамасынан өтеді. Онда "Лингвистика" және "Филология" бағыттары бойынша бакалавриат пен магистратура бағдарламаларын кәсіби деңгейде меңгеруге болады.

"Барлық бірінші Курс студенттері үшін университет орыс тілі бойынша тегін бейімдеу курстарын ұйымдастырады: студенттер ғылыми тілді пысықтап, грамматиканы қайталайды", - дейді Анна Мезит.

Оның айтуынша, СФУ-дың барлық шетелдік түлектері өз елдерінде оңай жұмыс табады: аудармашы, инженер, экономист және т.б. қызметтерді атқарады.

«Көп жағдайда біздің студенттер өз елдері мен біздің мемлекет арасындағы өзара ықпалдастықпен айналысады. Көп жыл өткен соң оларды азамат ретінде қалыптасқан бейнеде көру қуантады", - деді ол.

"Шәкіртақы алуға мүмкіндік бар"

Владислава Григоренко СФУ-де білім алу үшін Қазақстаннан келген. Бүгінде ол бакалавриаттың төртінші курсын тәмамдап жатыр. Ол 11 сыныпта жүрген кезде Ресейде оқимын деп шешім қабылдаған. Себебі, мұнда сапалы білім алуға үмітті болған.

Владислава Григоренко
Фото из личного архива
Владислава Григоренко

Владислава "инновациялық және инвестициялық жобаларды басқару менеджменті" бағытын таңдаған.

"Мұнда экономикалықпен қатар, шығармашылық құрауыштың да бар болғаны үшін осы мамандық мені қызықтырды. Оқу оңай дей алмаймын. Бірақ, барлығын уақытылы орындаса, нәтиже болары анық", - деді ол.

Владислава университет пен қала өміріне белсенді араласады. Бұған дейін ол СФУ-дегі "Алтын" Қазақстан студентерінің одағына басшылық жасады, Дүниежүзілік жастар мен студенттер фестивалінің іс-шараларына, "Ресей студенті" бүкілресейлік ұлтаралық студенттер форумына және тағы басқа жобаларға қатысқан. Оның айтуынша, мұндай жұмыстар студенттерге дамып, қосымша білім алуға, қабілет шыңдауға үйретеді.

"Университетте достарды оңай таптым: мен коммуникабельді адаммын әрі басқа студенттер де ашық-жарқын. СФУ-де өзімді тамаша сезінемін. Бұл оқу процесіне де, қоғамдық өміріме де қатысты. Мұнда жатақханалардағы жағдай да қуантарлықтай. Сондай-ақ, кез келген бағыт бойынша талпыныстар үшін шәкіртақы алуға мүмкіндік бар", - деді ол.

Қазір Владислава магистратураға түсуді жоспарлап жүр. Сондай-ақ, қосымша жұмыс тауып, кейіннен мамандығы бойынша қызметке орналасуды көздеп отыр.

Бүгінгі университет

СФУ – дайындау бағыты кең көпбейінді университет. Мұнда бакалавриат пен мамандықтың 90 бағдарламасы және 144 магистрлік бағдарлама бойынша білім алуға болады. ЖОО-да орыс жән ағылшын тілдерінде оқуға болады.

СФУ-де екі мыңнан астам білікті ұстаз сабақ береді. Олардың 1833-і – докторлар мен ғылым кандидаттары. Жыл сайын университетке 400-ден астам шеттен шақырылған профессорлар дәріс оқиды. Олардың қатарында Англия, Германия, Испания, Қытай, АӨШ пен басқа елдердің жетекші ғалымдары бар.

Түркістан облысы
© Photo : Пресс-служба акима Туркестанской области
Университет біліктілікігі жоғары кадарлар дайындайды және инновациялық технологиялар жасайды. ЖОО-ның ғылыми жобалары өнеркәсіптік технологиялар, спутниктік жүйелер, нанотехнологиялар, ауқымды инвестициялық жобаларды экологиялық қамсыздардыруға қатысты.

СФУ – әлемдегі ең танымал бейінді оқу орны болып табылатын InstitutPaulBocuse-пен "Жоғарғы гастрономия мектебі" жобасын жүзеге асыруда. Болашақ түлектр "Менеджмент" мамандығы бойынша ресейлік диплом мен InstitutPaulBocuse халықаралық дипломын алып шығады.

Қазіргі уақытта Қазақстанның алты жоғарғы оқу орнымен серіктестік орнатқан. СФУ Қазақ ұлттық техникалық университетімен бірлесіп "экология" бағыты бойынша бірлескен магистрлік бағдарламаны жүзеге асыруда. ЖОО-да "Алтын" атты қазақстандық студенттер одағы құрылған. Қазақстанда СФУ Кәсіптік бейімду орталығы жұмыс жасайды.

СФУ Педагогика, психология және әлеуметтану институты мен СФУ Тау-кен ісі, геология және геотехнологиялар институтының қызметкерлері қазақстандық әріптестерімен бірлескен ғылыми зерттеулер жүргізеді.

СФУ TimesHigherEducation (THE) және QuacquarelliSymonds (QS) рейтинг агенттіктерінің мәліметі бойынша әлемнің ең үздік 10 университетінің қатарына кіреді. Сондай-ақ, физика және инженерлік-техникалық ғылымдар бойынша 801+ орында тұр. Сонымен қатар, бес жекетші ұлттық рейтинг агенттіктерінің нұсқасы бойынша СФ Ресейдегі үздік 20 университеттің тізімінде тұр.

36
Танкер, архивтегі фото

Жаңа танкерге Нұрсұлтан Назарбаевтың есімі беріледі

513
Жаңа танкердің құрылысы басталды. Мұндай сыйлық Қазақстанның тұңғыш президентінің 80 жылдығына орай жасалды

НҰР-СҰЛТАН, 6  шілде – Sputnik. Ресейлік "Звезда" кеме жасау зауытында жаңа танкердің құрылысы басталды. Оған Қазақстанның тұңғыш президенті Нұрсұлтан Назарбаевтың есімі беріледі.

"Роснефть" компаниясының баспасөз қызметі таратқан мәліметке сәйкес, "Звезда" кеме жасау зауыты "Афрамакс" үлгісінде жаңа танкердің құрылысын бастап кетті. Дәл осы танкерге Нұрсұлтан Назарбаевтың аты жазылады.   

"Звезда" кеме жасау кешенінде "Афрамакс" үлгісіндегі танкердің құрылысы басталды. Кемеге Қазақстанның тұңғыш президенті Нұрсұлтан Назарбаевтың есімі беріліп отыр", - делінген ресми хабарламада.

Бүгінде кәсіпорында бес танкердің құрылысы жүргізіліп жатыр. Осы сериядағы алғашқы кеме 2020 жылы мамыр айында суға түсірілген болатын. Қазіргі кезде танкер сынақтан өтіп жатыр. 

"Афрамакс" үлгісіндегі танкердің дедвейті – 114 мың тонна. Кеменің ұзындығы  – 250 метр, ені – 44 метр. Онымен мұнай тасиды. Осы санаттағы кемелер Ресейде алғаш рет құрастырылып отыр.

Оқи отырыңыз: Тоқаев Назарбаевты қалай құттықтады – фото 

513
Кілт сөздер:
кеме, Назарбаев
Тақырып бойынша
14 облыста көшеге Нұрсұлтан Назарбаевтың есімі берілуі мүмкін
Қостанайдағы басты көшелердің біріне Назарбаевтың есімі берілді
Назарбаевтың жиендері туралы қызықты деректер
Нұрсұлтан Назарбаев Астана атауын өзгерту туралы не айтты?
"Бәйтерекке" Назарбаевтың есімі қашан беріледі?
Жайылымда жүрген сиырлар, архивтегі сурет

Моңғолия мен Қытайда өршіген оба Қазақстанға қауіп төндіре ме

0
Қазақстан азаматтары Моңғолия мен Қытайда обаның өршуіне байланысты алаңдаушылық танытып, әлеуметтік желілерде ақпарат таратуда

НҰР-СҰЛТАН, 9 шілде – Sputnik. Моңғолия мен Қытайда оба өршіді. Арнайы түсініктеме берген ауыл шаруашылығы министрлігінің ветеринарлық шаралар мен азық-түлік қауіпсіздігін ұйымдастыру басқармасының жетекшісі Салтанат Әбілқасымова Қазақстандағы эпидемиологиялық жағдай обаның өршуіне әкелуі мүмкін екенін мәлімдеді, деп хабарлайды Sputnik Қазақстан.

"Тарихи аумақ тұрғысынан алғанда Қазақстан жануарлар обасының таралуы үшін қолайлы болып тұр. Сондай-ақ, Дүниежүзілік жануарлар денсаулығын сақтау ұйымы бүкіл әлемде ірі қара обасының жағдайын қауіпсіз деп таныды. Барлық елдерде мұндай мәртебе бар",– деді Әбілқасымова.

Сонымен қатар, Қазақстан африкалық шошқа обасы бойынша қауіпсіз ел мәртебесіне ие болғанын атап өтті.

"Мемлекеттік ветеринарлық инспекция бірқатар бақылау және қадағалау функцияларын, сондай-ақ профилактикалық шаралар мен диагностикалық сынақтарды жүргізеді. Аурудың алғашқы белгісі анықталғаннан бері жағдай бақылауда",– деп түйіндеді Әбілқасымова.

Оқи отырыңыз: Қостанай облысында ауыл тұрғындарының сиырын ауру деп әкетіп жатыр

Бұған дейін Қытай билігі Ішкі Моңғолия автономиялық аймағында қойшының бубон обасымен ауырғаны туралы хабарлады. Ал Моңғолияда аталған ауруға күдіктенген үш жағдай анықталды.

Айта кетейік, бубон обасы бактериядан туындайды және антибиотиктермен тиімді емделеді.

0
Кілт сөздер:
Қытай, Моңғолия
Тақырып бойынша
ЕАЭО мен Қытай шекарасы арқылы тыйым салынған тауарларды өткізуге бақылау күшейеді
Моңғолия президенті барлық зейнеткердің кредитін жауып берді
Ірі қара малдың 2 мың терісі тиелген жүк көлік Қырғызстан шекарасында тоқтатылды
Ақтөбе облысында асыл тұқымды ірі қара мал неден қырылып қалды?
Байқоңыр маңында оба анықталған жоқ