студенттер, архив

Студент жұмыс іздейді: білім алып жүріп, қалай ақша табуға болады?

269
Мәскеуге Қазақстан, Өзбекстан, Тәжікстан және Беларусьтен оқуға келген көптеген студент сабақтан тыс уақытта жұмыс істейді. Жұмысты жоғары оқу орнынан, әрі сырттан икемді жұмыс кестесімен табуға болады

НҰР-СҰЛТАН, 4 желтоқсан – Sputnik. Сондай-ақ мамандық бойынша тағылымдаман өтетін орынды арнайы іздеуге де мүмкіндік бар. Ең маңыздысы сабақты ұмытпай, болашақ дипломнан айырылып қалмауды ойлау керек.

Жұмысты қайдан іздеген жөн?

Студент үшін әрқашан қосымша табыс көзін табу өзекті мәселе. Себебі, кез келген стипендияны жалақымен салыстыруға келмейді. Студент сабағын оқи жүріп, университетте де қосымша табыс таба алады. Бірақ ол үшін шетелдік студентке арнайы рұқсат қажет.

Көптеген жоғары оқу орны өз тәлімгерлеріне бірқатар вакансиялар ұсынады. Әдетте таңертең оқитын студенттер жарты ставкаға еңбек етсе, кешкі бөлімде білім алатындар толық ставкада жұмыс істейді. Жазда құрылыс жасақтарында курстастардың жанында қосымша табыс табуға мүмкіндік бар.

Осы орайда Тәжікстаннан Мәскеуге келіп, білім алып жүрген студент Максаджон Ризаев бұл мәселеге қатысты өз ойын айтты. Ол Георгий Плеханов атындағы Ресей экономикалық университетінде оқиды.

"Егер жоғары оқу орнында бос вакансия болса, ыңғайлы жұмыс кестесімен жұмыс істеуге болады. Сондай-ақ университет студенттерге түрлі материалдық және дотациялық көмек көрсетеді", - дейді ол.

Жоғары оқу орнында тер төгіп, жұмыс пен оқуды қатар алуға жүруге мүмкіндік болса да, көптеген студент жақсы жалақы алғысы келеді. Айталық, программист мамандығы бойынша оқып жүргендердің мүмкіндігі көбірек. Оларға табысы жоғары, әрі мамандық бойынша жұмыс табу жеңіл.

Сонымен қатар тәлімгерлер ыңғайлы жұмыс кестесі бойынша қызмет көрсету саласында даяшы, курьер, сатушы болып еңбек ете алады.

"Даяшы кезекшілік бойынша жұмыс істейді. Мұны оқумен бірге алып жүруге болады. Бірақ мұның болашақ мансабыңмен байланысы жоқ. Тек қаржылық қажеттіліктеріңді өтеу үшін керек, - дейді Георгий Плеханов атындағы Ресей экономикалық университетінің аспиранты, Беларусь азаматы Степан Клочков.

Шетелдік студент Ресейде жұмыс істеу үшін оның жасы 18-де болуы шарт әрі РФ ІІМ көші-қон мәселелері жөніндегі бас басқарманың рұқсаты қажет. Бұл құжат мемлекеттік аккредитациясы бар оқу орындарының күндізгі бөлімінде білім алатын, мамандығы бойынша жұмыс істегісі келетін тәлімгерлерге беріледі.

ЖОО жұмыс табуға көмектеседі

Сабақтан бос уақыттағы жұмыс істеу студентке ақша әкеліп қана қоймай, оған мамандығы бойынша тәжірибе жинауға, кәсіби деңгейде өсуге мүмкіндік береді. Мұндай тәжірибе жинағыңыз келсе, жоғары оқу орнындағы мансапты дамыту орталығының көмегіне жүгіне аласыз.

Орталық қызметкерлері студенттерге ақыл-кеңес беріп, сапалы түйіндеме жасауға, жұмыс берумен сұқбаттасу кезінде не айту қажеттігін үйретеді.

Сонымен қатар университеттерде бір жылда бірнеше рет бос орындар жәрмеңкесі ұйымдастырылады. Онда түлектер жұмыс табады немесе мамандығы бойынша тағылымдамадан өте алады.

Тағы оқыңыз: Елімізде бес университеттің лицензиясы уақытша тоқтатылды

Тағылымдама арқылы жұмысқа орналасу

Тағылымдаман өтудің қандай пайдасы бар? Ол бірден ақша әкелмейді. Алайда тәлімгер жұмыс берушімен байланыс орнатып, салмақты шешім қабылдауға мүмкіндік алады. Нәтижесінде ол мамандығы бойынша жұмыс істей алады.

Людмила Коваленко
© Photo : Сургут мемлекеттік университеті ұсынды
Жақсы компанияда тағылымдаман өту түйіндеме үшін жақсы. Көптеген студент диплом алғанға дейін біраз жерде тағылымдаман өтіп, тәжірибе жинайды. Бұл оларға оқу бітіргеннен кейін жақсы жерде жұмыс істеуге жағдай жасайды. Өйткені ірі халықаралық компаниялар студентті тағылымдамасыз жұмысқа алмайды.

Георгий Плеханов атындағы Ресей экономикалық университетінің аспиранты Степан Клочков жоғары курста оқитын студенттер ірі корпорацияларда тағылымдамадан жиі өтетінін айтады.

"Болашақ қаржыгерлер үшін бұл ірі банктер мен компаниялар, менеджерлер үшін индустриалды компаниялар, маркетологтар үшін танымал тауар өндіруші кәсіпорындар. Мұндай компаниялар студенттерге арнайы бағдарлама ұсынады. Осы арқылы олар сапалы тәжірибе жинай алады", - деп атап өтті ол.

Жақсылап ойланыңыз

Әрбір студент жұмысқа орналасар алдында "оқумен жұмысты қатар алып жүре аламын ба?" деген сұрақ төңірегінде жақсылап ойлануы қажет.

"Менің мамандығым бойынша (қаржы, аудит, бағалау және т.б.) сабақ пен жұмысты қатар алып жүру оңай емес. Себебі, бұл көп уақытты алады, әрі іс-сапарға шығу керек ", - дейді Степан Клочков.

Ал студент Руфат Гаппаров білім алып жүріп, жұмыс істеу ыңғайсыз деген пікірде. Өз күшіңізді ескерген жөн, дейді ол.

"Мен демалыс күндері ғана жұмыс істеймін. Себебі, осы уақыт маған ыңғайлы", - дейді өзбекстандық студент.

Мамандығы бойынша жұмыс істейтін студенттер оқытушылар олардың мәселесіне түсіністікпен қарайтынын айтты. Жастар мамандығы бойынша еңбек етіп, тәжірибе жинағысы келсе, жұмысқа деген ынтасы болса, болашағының жарқын болғанын қаласа, кел келген қиындықты еңсеретіні анық.

269
кітапханада отырған студент

Пандемия білім алуға кедергі емес: қазақстандықтар интернет арқылы оқуға түсе алады

203
Ресейлік университеттер қашықтықтан оқыту форматында жұмыс істеуді жалғастырып жатыр және шетелдік талапкерлерді қабылдау басталды. Бүгінде қазақстандықтар интернет арқылы ресейлік жоғарғы оқу орнына түсе алады

НҰР-СҰЛТАН, 9 шілде — Sputnik. Красноярсктегі Сібір федералдық университеті (СФУ) – Ресейдің азиялық бөлігіндегі ең ірі білім ордаларының бірі. Ол елдегі ең үздік 20 университеттің тізіміне енген. СФУ ресейлік және шетелдік жүздеген компаниямен серіктестік орнатқан. Бүгінде СФУ өз түлектерінің жұмыс берушілер арасында үлкен сұранысқа ие болуы бойынша алдыңғы он ЖОО қатарында тұр.

Бүгінде университетте 30 мыңнан астам жас азамат білім алып жатыр. Олардың ішінде әлемнің 52 елінен (ТМД, Таяу Шығыс, Африка, Еуропа, Латын Америкасы, Азия) келген мыңнан астам шетелдік студент, тыңдаушылар мен тағылымгерлер бар.

Шетелдік студенттер қатарында Қазақстаннан келген 160 студент бар: 146 студент бакалавриат бойынша негізгі білім беру бағдарламасын меңгеріп жатыр, он бірі - магистратурада және үшеуі – аспирантурада білім алуда. Қазақстандық студенттер үшін химия, биология, металлургия, тау-кен ісі, мұнай-газ ісі, менеджмент секілді бағыттар қызықты болып отыр.

1996 жылға 29 наурыздағы "Экономикалық және гуманитарлық салаларда ықпалдастықты тереңдету жөніндегі Келісімшарт қатысушылары болып табылатын мемлекеттердің азаматтары үшін тең құқықтар ұсыну туралы" үкіметаралық келісімге сәйкес Қазақстан азаматтары үшін бюджеттік негізде білім алу конкурсына ресейлік жастармен тең дәрежеде қатысу мүмкіндігі ұсынылған.

Сонымен қатар, шетелдік талапкерлер ақылы оқу түрін таңдап, кез келген бағыт бойынша оқуға түсе алады. Шетелдік азаматтарды оқуға қабылдау бойынша толық ақпаратты университет сайтынан алуға болады.

Оқуға түсу және оқу кезіндегі қолдау

Шетелдік талапкерлердің оқуға түсу кезінде бонустары бар: ЖОО олардың оқу орнына дейінгі жол ақысын қайтарады және олар үшін медициналық сақтандыру сатып алады. СФУ Халықаралық ынтымақтастық департаментінің жетекшісі Анна Мезиттің айтуынша, жоғары балл алғандар үшін оқу ақысына жеңілдіктер де қарастырылған.

"Университет инфрақұрылымы – біздің мақтанышымыз: 24 оқу корпусы, заманауи әдемі кітапхана, конгресс-холл, көпфункционалды спорт кешені, медициналық орталық. Соңғы бес жылдың өзінде кампус аумағында пәтер типіндегі тоғыз жатақхана бой көтерді. Бүгінгі күні СФУ тұрғын үй қоры 11,5 мың студентке жатын орын ұсынатын 30 жатақхананы құрайды. Бұл басқа қалалар мен шет елдерден келген студенттер үшін баспана мәселесін толық шешіп отыр", - деді ол.

Анна Мезит атап өткендей, СФУ шетелдік студенттерді қолдаумен белсенді айналысады. Университет қызметкерлері қыстық киім таңдаудан, бірге банкке немесе дәрігерге бару секілді мәселелерде көмек көрсетді.

"СФУ-дегі еріктілер орталығы шетелдік студенттер үшін экскурсиялар ұйымдастырып, оларды орыс мәдениетімен таныстырады, әңгімелесу клубтарын ұйымдастырады. Бізде Халықтар достастығы орталығы бар. Бұл шетелдік азаматтардың студенттік бірлестігінде бейімдеу шараларының бүтіндей кешендері жүргізіледі. Бастысы – бір-бірін деген қамқорлық пен достық", - деді ол.

Людмила Коваленко
© Photo : Сургут мемлекеттік университеті ұсынды
СФУ-де шетелдік студенттер үшін орыс тілін үйрететін дайындау бөлімдері бар. Жыл сайын түрлі елдерден келген студенттер СФУ Филология және тіл коммуникациясы факультетінде тіл тағылымдамасынан өтеді. Онда "Лингвистика" және "Филология" бағыттары бойынша бакалавриат пен магистратура бағдарламаларын кәсіби деңгейде меңгеруге болады.

"Барлық бірінші Курс студенттері үшін университет орыс тілі бойынша тегін бейімдеу курстарын ұйымдастырады: студенттер ғылыми тілді пысықтап, грамматиканы қайталайды", - дейді Анна Мезит.

Оның айтуынша, СФУ-дың барлық шетелдік түлектері өз елдерінде оңай жұмыс табады: аудармашы, инженер, экономист және т.б. қызметтерді атқарады.

«Көп жағдайда біздің студенттер өз елдері мен біздің мемлекет арасындағы өзара ықпалдастықпен айналысады. Көп жыл өткен соң оларды азамат ретінде қалыптасқан бейнеде көру қуантады", - деді ол.

"Шәкіртақы алуға мүмкіндік бар"

Владислава Григоренко СФУ-де білім алу үшін Қазақстаннан келген. Бүгінде ол бакалавриаттың төртінші курсын тәмамдап жатыр. Ол 11 сыныпта жүрген кезде Ресейде оқимын деп шешім қабылдаған. Себебі, мұнда сапалы білім алуға үмітті болған.

Владислава Григоренко
Фото из личного архива
Владислава Григоренко

Владислава "инновациялық және инвестициялық жобаларды басқару менеджменті" бағытын таңдаған.

"Мұнда экономикалықпен қатар, шығармашылық құрауыштың да бар болғаны үшін осы мамандық мені қызықтырды. Оқу оңай дей алмаймын. Бірақ, барлығын уақытылы орындаса, нәтиже болары анық", - деді ол.

Владислава университет пен қала өміріне белсенді араласады. Бұған дейін ол СФУ-дегі "Алтын" Қазақстан студентерінің одағына басшылық жасады, Дүниежүзілік жастар мен студенттер фестивалінің іс-шараларына, "Ресей студенті" бүкілресейлік ұлтаралық студенттер форумына және тағы басқа жобаларға қатысқан. Оның айтуынша, мұндай жұмыстар студенттерге дамып, қосымша білім алуға, қабілет шыңдауға үйретеді.

"Университетте достарды оңай таптым: мен коммуникабельді адаммын әрі басқа студенттер де ашық-жарқын. СФУ-де өзімді тамаша сезінемін. Бұл оқу процесіне де, қоғамдық өміріме де қатысты. Мұнда жатақханалардағы жағдай да қуантарлықтай. Сондай-ақ, кез келген бағыт бойынша талпыныстар үшін шәкіртақы алуға мүмкіндік бар", - деді ол.

Қазір Владислава магистратураға түсуді жоспарлап жүр. Сондай-ақ, қосымша жұмыс тауып, кейіннен мамандығы бойынша қызметке орналасуды көздеп отыр.

Бүгінгі университет

СФУ – дайындау бағыты кең көпбейінді университет. Мұнда бакалавриат пен мамандықтың 90 бағдарламасы және 144 магистрлік бағдарлама бойынша білім алуға болады. ЖОО-да орыс жән ағылшын тілдерінде оқуға болады.

СФУ-де екі мыңнан астам білікті ұстаз сабақ береді. Олардың 1833-і – докторлар мен ғылым кандидаттары. Жыл сайын университетке 400-ден астам шеттен шақырылған профессорлар дәріс оқиды. Олардың қатарында Англия, Германия, Испания, Қытай, АӨШ пен басқа елдердің жетекші ғалымдары бар.

Түркістан облысы
© Photo : Пресс-служба акима Туркестанской области
Университет біліктілікігі жоғары кадарлар дайындайды және инновациялық технологиялар жасайды. ЖОО-ның ғылыми жобалары өнеркәсіптік технологиялар, спутниктік жүйелер, нанотехнологиялар, ауқымды инвестициялық жобаларды экологиялық қамсыздардыруға қатысты.

СФУ – әлемдегі ең танымал бейінді оқу орны болып табылатын InstitutPaulBocuse-пен "Жоғарғы гастрономия мектебі" жобасын жүзеге асыруда. Болашақ түлектр "Менеджмент" мамандығы бойынша ресейлік диплом мен InstitutPaulBocuse халықаралық дипломын алып шығады.

Қазіргі уақытта Қазақстанның алты жоғарғы оқу орнымен серіктестік орнатқан. СФУ Қазақ ұлттық техникалық университетімен бірлесіп "экология" бағыты бойынша бірлескен магистрлік бағдарламаны жүзеге асыруда. ЖОО-да "Алтын" атты қазақстандық студенттер одағы құрылған. Қазақстанда СФУ Кәсіптік бейімду орталығы жұмыс жасайды.

СФУ Педагогика, психология және әлеуметтану институты мен СФУ Тау-кен ісі, геология және геотехнологиялар институтының қызметкерлері қазақстандық әріптестерімен бірлескен ғылыми зерттеулер жүргізеді.

СФУ TimesHigherEducation (THE) және QuacquarelliSymonds (QS) рейтинг агенттіктерінің мәліметі бойынша әлемнің ең үздік 10 университетінің қатарына кіреді. Сондай-ақ, физика және инженерлік-техникалық ғылымдар бойынша 801+ орында тұр. Сонымен қатар, бес жекетші ұлттық рейтинг агенттіктерінің нұсқасы бойынша СФ Ресейдегі үздік 20 университеттің тізімінде тұр.

203
Танкер, архивтегі фото

Жаңа танкерге Нұрсұлтан Назарбаевтың есімі беріледі

526
Жаңа танкердің құрылысы басталды. Мұндай сыйлық Қазақстанның тұңғыш президентінің 80 жылдығына орай жасалды

НҰР-СҰЛТАН, 6  шілде – Sputnik. Ресейлік "Звезда" кеме жасау зауытында жаңа танкердің құрылысы басталды. Оған Қазақстанның тұңғыш президенті Нұрсұлтан Назарбаевтың есімі беріледі.

"Роснефть" компаниясының баспасөз қызметі таратқан мәліметке сәйкес, "Звезда" кеме жасау зауыты "Афрамакс" үлгісінде жаңа танкердің құрылысын бастап кетті. Дәл осы танкерге Нұрсұлтан Назарбаевтың аты жазылады.   

"Звезда" кеме жасау кешенінде "Афрамакс" үлгісіндегі танкердің құрылысы басталды. Кемеге Қазақстанның тұңғыш президенті Нұрсұлтан Назарбаевтың есімі беріліп отыр", - делінген ресми хабарламада.

Бүгінде кәсіпорында бес танкердің құрылысы жүргізіліп жатыр. Осы сериядағы алғашқы кеме 2020 жылы мамыр айында суға түсірілген болатын. Қазіргі кезде танкер сынақтан өтіп жатыр. 

"Афрамакс" үлгісіндегі танкердің дедвейті – 114 мың тонна. Кеменің ұзындығы  – 250 метр, ені – 44 метр. Онымен мұнай тасиды. Осы санаттағы кемелер Ресейде алғаш рет құрастырылып отыр.

Оқи отырыңыз: Тоқаев Назарбаевты қалай құттықтады – фото 

526
Кілт сөздер:
кеме, Назарбаев
Тақырып бойынша
14 облыста көшеге Нұрсұлтан Назарбаевтың есімі берілуі мүмкін
Қостанайдағы басты көшелердің біріне Назарбаевтың есімі берілді
Назарбаевтың жиендері туралы қызықты деректер
Нұрсұлтан Назарбаев Астана атауын өзгерту туралы не айтты?
"Бәйтерекке" Назарбаевтың есімі қашан беріледі?
Дезинфекция жүргізу

Нұр-Сұлтанда ауқымды дезинфекция жұмыстары жүргізіледі

0
(Жаңартылды 22:05 14.07.2020)
Бас санитар дәрігердің қаулысына орай, сауда үйлері мен базарлар, ойын-сауық орталықтары мен басқа да көпшілік жиналатын орындардың басшылары жұмыс орындарында дезинфекция жүргізуі тиіс

НҰР-СҰЛТАН, 14 шілде – Sputnik. 15 шілде күні Нұр-Сұлтан қаласында халық көп жиналатын орындарда (саябақ, сквер, гүлзар, жағалау және т.б.) ауқымды дезинфекция жүргізіледі, деп хабарлайды қала әкімдігінің баспасөз қызметі.

"Дезинфекция таңғы сағат 6-7-де басталады. Өңдеу кезінде қала тұрғындары адамдар көп жиналатын орындарға бармағаны жөн. Қаланы өңдеуге коммуналдық сала қызметтерімен бірге төтенше жағдайлар жөніндегі департаменттің және мамандандырылған компания қызметкерлері қатысады", - делінген хабарламада.

Дезинфекция жұмыстары жаяу және арнайы машиналардың көмегімен жүргізіледі.

Қалалық бас санитар дәрігердің қаулысына сәйкес, сауда үйлері мен базарлар, ойын-сауық орталықтары мен басқа да көпшілік жиналатын орындардың басшылары да жұмыс орындарында дезинфекция жүргізуі тиіс.

Осы кезге дейін қалада барлығы 20 миллион шаршы метрден астам аумақта дезинфекция жасалды. Дезинфекциялау тұрақты түрде жүргізіледі.

Оқи отырыңыз: Тоқаев дезинфекция жасап жүрген жігітті таныды - видео

Айта кетейік, 5 шілдеден 2 тамызға дейін елімізде шектеу шаралары енгізілді. Қала тұрғындары санитария нормаларды қатаң сақтап, маска тағып, антисептик қолданып, әлеуметтік қашықтық сақтауы қажет.

0
Кілт сөздер:
Нұр-Сұлтан, тазалық
Тақырып:
Төтенше жағдай және карантин
Тақырып бойынша
Жұртты дүрліктірген видеодағы тікұшақтардың не істеп жүргені белгілі болды  
Арыста дезинфекция жұмыстары басталды
Алматыда қоғамдық көлік уақытша тоқтатылды
Елордада дезинфекция шаралары қалай жасалды – видео
Нұр-Сұлтанда демалыс күндері ауқымды дезинфекция жұмыстары жүргізіледі