Сириядағы жағдай

Ресей Идлибтегі лаңкестер мен Түркия бекеттерінің бірігетінін жариялады

210
Түркия әскерінің Идлибке кіргенін елең қылмауға тырысқан батыс елдері ол жердегі гуманитарлық жағдайға да жалған алаңдаушылық танытуда

НҰР-СҰЛТАН, 4 наурыз – Sputnik. Түркияның Сирияға қатысты бір жарым жылдық Сочи келісімдерінің нәтижесі – Түркияның бақылау бекеттері мен террористік аймақтардағы бекіністерін біріктіре түсу болды, деп мәлімдеді Ресей қорғаныс министрлігінің өкілі генерал-майор Игорь Конашенков.

Оның сөзіне қарағанда, сириялық әскердің "Хайят Тахрир әс-Шам" террористік тобының әрекетіне қарсы жауап қайтаруының нәтижесінде Алеппоның қауіпсіздігі қамтамасыз етілген. Бірақ, тойтарыс Идлиб аймағындағы жағдайды одан сайын шиеленістіргенімен, бұл ақиқаттың кезекті бір көрінісіне айналған.

Сирияда 30-дан астам түрік әскері қаза тапты – Ресей пікір білдірді

Конашенков 2018 жылы Идлиб бойынша Сочи келісіміне қол қоюды батыс елдері ғана емес, сонымен бірге БҰҰ да құптағанын атап өтті. Сондай-ақ, Түркияның азат ету аймағының сыртқы шекараларынан 15-20 шақырым ендікке дейін демаркациялау, лаңкестерді ығыстыру мен сол жерден ауыр артиллериялық қару-жарақтарды шығару міндеті осы келісімнің негізгі кілті екендігін еске салды, деп жазды РИА Новости.

"Алайда, 18 айдан бері БҰҰ тарапынан ресми түрде мойындалған ығыстыру келісімі бойынша оң нәтиже орнаудың орнына, "Хайят Тахрир әс-Шам", "Түркістан ислам партиясы" мен "Хорас ад-Дин" сынды "қалыпты оппозицияның" барлық содыры елдің солтүстігіне, түрік шекарасына жақын маңға жиналған", - деді Конашенков.

Соның салдарынан іргелес жатқан бейбіт елді мекендер мен Хмеймде орналасқан ресейлік әуе базасы күн сайын жаппай артиллериялық атыс нысанына айналып, оған шабуылдар күшейген.

Батыс Идлибке Түркия әскерінің кіруін елемейді

Конашенков халықаралық заңдарды бұза отырып, Түркия әскерінің Идлибке кіргізілгенін және оны батыстың елең қылмағанына назар аударуда.

Оның айтуынша, Сочи келісімдері негізінде Ресей мен Түркия арасындағы Идлибте күшейту аймағын құру туралы Мәскеудің БҰҰ мен батыс елдеріне жасаған ресми сұраулары жауапсыз қалған. Есесіне, батыс ақпан айының басында Дамаскті "соғыс қылмысы өршіп тұрған аймақ", "гуманитарлық апатты өңір" немесе "Идлибте миллиондаған босқындар ағыны жүр" деп айыптап, сынға алды.

"Осылайша, Идлиб аймағындағы гуманитарлық жағдайға шіміркпеген батыс жалған алаңдаушылық танытуда. Ол жерде тек, соғысушы тараптарды татуластыратын ресейлік орталық пен Сирияның заңды үкіметі күн сайын лаңкестерден босатылған аудандардағы жергілікті тұрғындарға қажетті көмек көрсетіп келеді", - деді Конашенков.

Ал сириялықтар өздерінің "Еуропа мен АҚШ-тағы көптеген жалған қорғаушының бар екендігіне немесе соңғы жылдары оларға жіберілген ағыл-тегіл гуманитарлық көмектің көптігіне" күмәнданбады.

Идлибтегі жағдайдың ушығуы

"Хайят Тахрир әс-Шам" лаңкестік тобы 27 ақпанда Сирия әскеріне ауқымды шабуыл жасады. Сирия әскері қарап қалмай, террористерге оқ жаудырады, оның зардабы лаңкестік топ маңайында жүрген түрік әскерлеріне тиген. Кейіннен бұл туралы Ресей қорғаныс министрлігі ресми мәлімдеме жасады.

"Түрік тарапының деректеріне сай, бұл аймақта түрік армиясының ешқандай бөлімшесі болған емес және болмауы да тиіс еді", - делінген министрлік хабарламасында.

Атыс салдарынан 36 түрік әскери қызметшісі қайтыс болды. Ал зардап шеккен түрік әскерлері туралы ақпарат алған бойда ресейлік тарап атысты дереу тоқтатып, өлгендер мен жараланғандарды Түркияға жеткізуді қолға алған.

"Ресейдің авиациялық аэроғарыш күштері Бехун елді мекені маңындағы қақтығыста пайдаланылмады", - деп нақтылады әскери ведомство.

Сондай-ақ, Ресей сыртқы істер министрі Сергей Лавров бұған дейін Анкара Идлибке қатысты бірқатар негізгі міндеттемелерді орындамаған деп мәлімдеді. Атап айтқанда, ол үкіметпен диалогқа дайын болған қарулы оппозицияны лаңкестерден тазартпаған.

Сонымен қатар, президент Владимир Путин мен Режеп Тайып Ердоғанның 2018 жылғы 18 қыркүйектегі кездесуінде келісілген меморандумда барлық лаңкестік радикалды топ Идлиб аймағынан 2018 жылғы 15 қазанға дейін шығарылған жағдайда түрік әскерінің қатысуы үшін статус-кво (бұрыннан орын алып келген мәртебесін сақтап қалу – Sputnik) мәртебесі сақталады делінген.

Оған қоса осы аймақ шекараларында "соғыс қимылдарының тұрақты тоқтатылуын қамтамасыз ету үшін тиімді шаралар қабылданатындығы" атап көрсетілген. Меморандумның 7-тармағында бірлескен орыс-түрік патрульдерін құру мәселесі де айтылады.

 

210
Кілт сөздер:
лаңкестер, Ресей, Түркия
Тақырып бойынша
Түркия мен Ресей қатынасы қалай дамып келеді?
Батыс елдері Ливияда бейбітшілік орнатушы кім екенін біледі - пікір
"Кім кінәлі?": Сирия тағы отқа оранды
Иранда генерал Сулеймани өлімінен кейін мыңдаған адам митингке шықты - видео
АҚШ Венесуэлаға неліктен қысым көрсетіп отыр?
Мария Захарова

Захарова АҚШ-тағы тәртіпсіздікке Ресейді айыптағандарға жауап берді

139
Сонымен қатар Ресейдің сыртқы істер министрлігі Миннеаполис полициясының ресейлік тілшіге көзден жас ағызатын спрейді пайдаланылуына қатысты пікір білдірді

НҰР-СҰЛТАН, 1 маусым – Sputnik. АҚШ-тағы тәртіпсіздікке Ресейдің қатысы болуы мүмкін деген айыптаулар ақпараттық айла-амалдың лас әдісіне жатады, деп мәлімдеді Ресейдің сыртқы істер министрлігінің ресми өкілі Мария Захарова.

АҚШ президентінің ұлттық қауіпсіздік бойынша бұрынғы кеңесшісі Сьюзан Райс ешбір дәлел келтірмей-ақ, Америкадағы тәртіпсіздіктің артында Ресей тұруы мүмкін деп мәлімдеді.

Бұл сөздерді Ресейдің сыртқы істер министрлігінің ресми өкілі Мария Захарова "ақпараттық айла-амалдың лас әдісі" деп бағалады, деп хабарлайды РИА Новости.

Ол АҚШ-тағы орыс тілді "әлеуметтік желілер" сол елде тіркелгенін және оның бәрі де заң жүзінде реттелетінін атап өтті.

Бұдан бөлек, Ресейдің сыртқы істер министрлігі Миннеаполис полициясының РИА Новости тілшісі Михаил Тургиевке көзден жас ағызатын спрейді пайдаланылуына қатысты пікір білдірді. 

"Джордж Флойдтың өлімінен кейін басталған АҚШ-тағы наразылық акцияларын жариялау кезінде полицияға қатысты зорлық-зомбылық пен журналистерге қатысты негізсіз ұстанымдардың көбеюіне алаңдаушылық білдіреміз. Біз қызметтік куәлігін көрсетсе де, АҚШ құқық қорғау органдарының арнайы құралдарды – резеңке оқ пен көзден жас ағызатын аэрозольді БАҚ өкілдеріне қарсы қолдануын өрескел қателік деп санаймыз", – делінген ведомство хабарламасында.

Министрлік журналистердің қауіпсіздігі мен кедергісіз қызметін қамтамасыз ету жөніндегі халықаралық міндеттемелерді де еске салды.

"Америкалық құзырлы органдар оқиғаға қатысты егжей-тегжейлі тергеу жүргізеді деп үміттенеміз. Сонымен қатар тиісті халықаралық құрылымдар мен адам құқықтары жөніндегі үкіметтік емес ұйымдарды осы озбырлықты жауапсыз қалдырмауға шақырамыз", – делінген ақпаратта.

Көзден жас ағызатын газ қолданылды

Миннеаполис полициясы жаппай наразылық туралы оқиға орнынан хабар таратып жүрген журналистерге, оның ішінде VICE телеарнасының түсіру тобы мен РИА Новости тілшісі Михаил Тургиевке көзден жас ағызатын спрейді әдейі қолданғаны туралы хабарланған болатын.

Кейіннен осы сәттің видеосы интернетте жарияланды.

Көп ұзамай Миннесота губернаторы Тим Уолц құқық қорғау органдарының қызметкерлері шабуыл жасаған БАҚ өкілдерінен кешірім сұрады.

Ал зардап шеккен Михаил Тургиев болса, оқиғадан кейін: "Бәрі қалпына келді, көру қабілетім бұзылған жоқ", – деп өзінің жағдайынан хабардар етті.

Наразылық неден өршіді?

Миннеаполис пен АҚШ-тың тағы бірнеше қаласында жаппай тәртіпсіздік 25 мамыр күні афроамерикалық Джордж Флойдтың өлімінен кейін басталды.

Полицейдің жерде жатқан Джордж Флойд есімді азаматтың мойнын тізесімен басып, тұншықтырып жатқаны түсірілген видео интернетте кеңінен таралды. Ол ауа жетпей, өзін нашар сезініп жатқанын айтқанымен, полицейлер оны босатпайды. Кейін Джордж Флойд реанимацияда қайтыс болды.

Оқи отырыңыз: АҚШ-та Қазақстаннан көшіп барған жасөспірімді тапа-тал түсте өлтіріп кетті

Ал 29 мамыр күні Флойдты ұстаған полиция қызметкері қамауға алынды. Оған абайсызда кісі өлтірді деген айып тағылып отыр. Тағы төрт адам жұмыстан босатылды.

Осы оқиғадан кейін ел аумағында жаппай тәртіпсіздіктер басталды.

Демалыста Миннеаполис пен көршілес Сент-Пол қаласында коменданттық сағат жарияланды.

139
Архивтегі фото

Тұрмысы төмен ресейлік отбасылар балаға бірнеше жәрдемақы алады 

52
Жаңа жәрдемақыны мүмкіндігінше осы жылдың маусым айынан бастап төлеу тапсырылды. Оны рәсімдеу үшін электронды өтініш беру жеткілікті

НҰР-СҰЛТАН, 1 маусым – Sputnik. 1 маусымнан бастап Ресейде жаңа норма күшіне енеді – енді үштен жеті жасқа дейінгі балалары бар кейбір күнкөрісі төмен отбасыларға бөлек төлем жасалады, деп хабарлады РИА Новости.

Жан басына шаққандағы орташа табысы күнкөріс деңгейінен төмен отбасылар үш жастан жеті жасқа дейінгі балалары үшін жәрдемақы алады. Төлемдер 1 шілдеден бастап берілуі тиіс, бірақ Ресей президенті Владимир Путин отбасылар бұл ақшаны бір ай бұрын алуы үшін ұйымдастыру шараларын жеделдетуді тапсырды.

Төлем бірден бір жылға белгіленеді, оның мөлшері бір балаға аймақтық ең төменгі күнкөріс деңгейінің жартысына тең – бұл Ресейде орташа алғанда 5,5 мың рубль. Қаражатты  электронды өтінім беру арқылы алуға болады – құжаттарды жинаумен әлеуметтік қорғау органдарының өздері айналысады, деп атап өтті еңбек министрлігі.

Көпбалалы отбасыларға арналған жәрдемақы: Тоқаев заңға қол қойды

Отбасы төлемді 1 маусымнан бастап алатынына қарамастан, ол осы жылдың қаңтар айынан бастап есептеледі. Министрлік егер 2020 жылдың 1 қаңтарындағы жағдай бойынша отбасында үш жастан жеті жасқа дейінгі бала болса, онда 2020 жылдың алғашқы бес айына да ақша алады деп түсіндірді.    

Егер бала үш жасқа қаңтар мен маусым аралығында толса, отбасы 2020 жылы бала үш жасқа толған сәттен бастап төлем тағайындалғанға дейінгі уақытқа қосымша төлем алады.

Жаңа жәрдемақыны барлығы 2 миллион отбасы ала алады. Қанша өтініш түскенін министрлік нақтыламады.

Сондай-ақ, үш жастан 16 жасқа дейінгі балалары бар отбасыларға 10 мың рубль мөлшеріндегі біржолғы төлем беріледі.

Үш жастан 16 жасқа дейінгі балаларға жәрдемақы отбасының кірісіне қарамастан төленеді. Төлемді бірінші болып 10 миллион отбасы алады, деп хабарлады Ресейдің зейнетақы қоры. Қаражат 22 мамырға дейін түскен өтініш бойынша 15 миллион балаға беріледі.

52
Тақырып бойынша
Сегіз және одан көп баласы бар аналарға төленетін жәрдемақы бекітілді
Төтенше жағдай кезінде таксистер мен бала күтушілерге де әлеуметтік төлем төленеді
Министр Нұрымбетов жаңа жәрдемақыны келеке еткендерге жауап берді
Кейбір көпбалалы отбасыларға төленетін жәрдемақы екі есеге артады
Ең төменгі күнкөріс шегі деген не және оны неге арттыру керек
Нұр-Сұлтан тұрғыны: Жеті балаға 139 мың теңге жәрдемақы шықты
Қазақстанда 8 және одан көп баласы бар қанша отбасы тұрады
Жадкевич атындағы Мәскеу қалалық клиникалық ауруханасының бас дәрігері Александр Мясников

Бұрынғы КСРО елдерінде коронавирустан қайтыс болу көрсеткіші төмен

0
(Жаңартылды 23:14 02.06.2020)
Дәрігер Мясников өлім-жітімнің төмен көрсеткішін КСРО-да медицинаның ерекше болуымен байланыстыра түсіндірді

НҰР-СҰЛТАН, 2 маусым — Sputnik. Белгілі ресейлік тележүргізуші, Жадкевич атындағы Мәскеу қалалық клиникалық ауруханасының бас дәрігері, коронавирусқа қатысты жағдайды бақылау жөніндегі ақпарат орталығының өкілі Александр Мясников Sputnik арнайы онлайн-видеокөпірі кезінде шын мәнінде коронавирустың қалай дамитынын және неліктен Италия, Испания және АҚШ-тағы қайғылы жағдайлардың посткеңестік елдерде қайталанбағанын айтып берді.

КСРО құрамына кірген көптеген елде коронавирус індетінен болатын өлім-жітім көрсеткішінің әлемдік деңгейден әлдеқайда төмен болуы ғалымдар мен дәрігерлерді таңғалдырып отыр. Coronavirus-monitior.ru сервисінің мәліметінше, 1 маусымдағы жағдай бойынша олардағы өлім деңгейі Өзбекстандағы 0,4% -тен Литвадағы 4,23% -ке дейінгі аралықта құбылады. Ал Италия мен Ұлыбританияда бұл көрсеткіш –14%, Францияда – 15%, Бельгияда – 16%.  

Оқи отырыңыз: Қазақстан коронавирустың екінші толқынынан қалай сақтанып жатыр 

"Саясаткерлер, білікті дәрігерлер қазір бұрынғы Кеңес Одағы елдеріне үңіле бастады, - дейді дәрігер Мясников. – Ауыр науқастар мен қайтыс болғандардың саны эпидемияның қазіргі жағдайын көрсетеді. Ал бұрынғы КСРО-ның барлық елінде өлім-жітім деңгейі төмен. Неліктен екенін бағамдау қажет. БЦЖ-ның (КСРО-да кеңінен қолданылған туберкулезге қарсы вакцина) пайдасы тиген болуы мүмкін, айтпақшы, қазірдің өзінде зерттеу жүргізіліп жатыр – америкалықтар шағын топтарға БЦЖ еге бастады. Дүниежүзілік денсаулық сақтау ұйымы да: "Мәселе БЦЖ-ға иммундық жауапта болуы мүмкін, бірақ әзірге оны ұсынбаймыз" деді". 

Мясников посткеңестік елдер халқының иммунитеті коронавирусқа төзімді екенін айта келе, бұл жағдайдың бұрын туберкулез инфекциясын жұқтыру деңгейінің жоғары болуымен байланыстырылуы мүмкін екенін болжады.

"Кейбір ғалымдар жасырын туберкулездің таралу деңгейінің жоғары болуы иммундық жүйенің өзгеруіне әкеледі, сондықтан коронавирус үлкен қарсылыққа кезігеді" деп болжап жатыр, – дейді сарапшы. – Бірақ біз орыстар, белорустар, украиндар, қазақтар неліктен америкалықтардан, француздардан және италиялықтардан он есе аз өлетінін анықтауымыз керек. Мәселенің басын ашу керек".  

0
Кілт сөздер:
КСРО, коронавирус
Тақырып бойынша
Қазақстанда 7 журналист коронавирус жұқтырды
Бас санитар дәрігер той-томалақ өткізуге бола ма деген сұраққа жауап берді
Қазақстандық әкім коронавирус жұқтырды
Қазақстанда алған коронавирус анықтамасы ЕАЭО елдерінде жарамсыз – бас санитар дәрігер