терроризм

Мәскеу мен Вашингтонның терроризмге қарсы бірлескен күресіне қауіп төнді ме?

45
АҚШ конгресінде отырған республикашылдар Ресейді терроризмге қолдау жасайды деп айыптады. Конгресмендер "Талибан"*, "Ислам мемлекеті"* мен "Хезболланы" қаржыландырады деген желеумен санкцияларды күшейтуді ұсынды

Дональд Трамп осы бастаманы қолдаса, Мәскеу мен Вашингтонның лаңкестікке қарсы бірлескен күресі бәсеңдеп қалуы әбден мүмкін, деп жазады РИА Новости. 

Конгресте таныстырылған баяндамаға сәйкес, Ресей терроризмді қаржыландырып келеді, бірақ бірлескен күресте әріптестің образын жасап отыр.

"Ауғанстандағы америкалық әскерилердің қолбасшысы Мәскеуді тәлібтерге қару-жарақ жеткізгені үшін айыптады. Ал Сириядағы соғыста Ресей "Хезболла" мен Ислам революциясы қарауылдарының корпусымен бірлесіп жұмыс істеген. Сирияда ресейлік сарбаздар, көбінесе, Американың қолдауына ие болған көтерілісшілерге қарсы соғысты. 2015 жылы Ресей көтерілісшілерге әуеден соққы жасап, "Ислам мемлекетіне"* көмектескен", - дейді баяндама авторлары.

Осы құжатты республикашылдар фракциясы дайындаған. Олар АҚШ-қа қауіп төндіріп тұрған мемлекеттердің қатарына алдымен Қытайды қосты, екінші орында – Ресей. Бірақ Бейжің ұзақ мерзімді қауіп-қатерлердің санатына жатса, Мәскеу дәл қазір кедергі келтіріп отырған көрінеді. Осыған байланысты конгресмендер арнайы заңмен Ресей Федерациясына қарсы бірқатар экономикалық шектеуді енгізу керек деп санайды. Атап айтқанда, қос мақсаттағы тауарларға санкция салынуы қажет. Бұдан бөлек, террористік ұйымдарды қолдайтын тұлғалардың дипломатиялық иммунитетін алып тастауға қатысты ұсыныс бар.

"Ал лаңкестердің қолынан зардап шеккендердің отбасылары америкалық соттарға шағым түсіруге құқылы болуы қажет. Экономикалық көмек беруге және қару-жарақты сатуға тыйым салған жөн", - деп атап көрсетті республикашылдар. Негізгі қорытынды мынадай - Ресей АҚШ-тың Сирия, Ливия, Венесуэла мен Черногориядағы мүддесіне қауіп төндіріп отыр.

Негізі, ондай шаралар алдымен Мәскеу мен Вашингтоның терроризмге қарсы бірлескен күресіне қауіп төндіреді. Мемлекетаралық қарым-қатынаста қиындықтар болса да, лаңкестікке қарсы күресте нақты нәтиже аз емес.

Жақында Ресей президенті өткен жылдың соңында болған жағдай туралы айтып берді. Ол кезде АҚШ-тың арнайы қызметі федералды қауіпсіздік қызметіне Санкт-Петербор қаласына келген "Ислам мемлекетінің"* сарбаздары туралы хабар берген.

"Америкалықтар осы жағдайды жіті бақылауда ұстады. Одан кейін Мәскеуге хабар берді. Террористер ұсталды. Мен Дональд Трапқа қоңырау шалып, шұғыл ақпарат бергені үшін алғыс айтқанмын", - дейді Путин.

Ресей де АҚШ-қа бірнеше рет көмектесті. НАТО-ның Ауғанстандағы терроризмге қарсы кампаниясы кезінде Ульяновск арқылы Кабулға әскери емес жүктердің жартысы жеткізілді. Америкалықтар осы маршрутты 2015 жылға дейін пайдаланды. Таяу Шығыста АҚШ пен Ресей алдымен "Әл-Каидаға"*, одан кейін "Ислам мемлекетіне"* қарсы күрес шараларын үйлестіріп отырды.

2013 жылы ресейлік құқық қорғаушылар федералды тергеу бюросына ағайынды Царнаевтарды бақылауға алуға кеңес берді. Алайда әріптестері ол ақпаратқа құлақ аспады. Соның салдарынан Бостондағы марафонда жарылыс болып, үш адам қаза болды.

Сочи Олимпиадасы қарсаңында Мәскеу мен Вашингтон күдікті адамдарға қатысты ақпаратпен бөлісіп тұрған. Ынтымақтастық байланыстары әлі күнге дейін үзілген жоқ. Алайда республикашылдардың бастамасы осы саладағы әріптестікке қауіп төндіріп тұр.

Ресейдің халықаралық істер жөніндегі кеңесінің бағдарламалық директоры Иван Тимофеевтың ойынша, республикашылдар Мәскеуге санкция салу мәселесін жайдан-жай көтеріп отырған жоқ. Бүгінде Америкада нәсілшілдікке қатысты наразылық күшейіп кетті. Сайлаудың алдында қоғам екіге бөлінді.

"Республикашылдар халықты біріктіретін мәселені іздеп жатыр. Ал ресейлік, қытайлық немесе ирандық қауіп-қатерге келгенде республикашылдар мен демократтар арасында консенсус табылады", - дейді Тимофеев.

Негізі, өткен жылдың соңында басқа бір заң жобасымен Ресейді терроризмге қолдау жасайтындардың қатарына қосу туралы ұсыныс болған. Сол кезде санкциялар пакетін "DASKA" деп атады. Бірақ ол бастама өтпей қалған.

*Қазақстанда тыйым салынған террористік ұйымдар

45
Архивтегі фото

Ресейдің Қазақстанмен шекаралас облысында құс тұмауының ошағы табылды

1521
(Жаңартылды 17:01 03.08.2020)
Көл жағасынан табылған жабайы үйрек пен қаздардың өлексесінен H5N8 үлгісіндегі құс тұмауы вирусы анықталды

НҰР-СҰЛТАН, 3 тамыз – Sputnik. Қазақстан шекарасымен шектесетін Ресейдің Челябі облысында құс тұмауының ошағы тіркелді. Жақын маңдағы елді мекендер аумағында карантин енгізілді. Бұл туралы Россельхознадзордың өңірдегі басқармасының баспасөз қызметі хабарлады, деп жазды РИА Новости.

Басқарманың мәліметінше, Увельский ауданының Песчаное және Табынша көлдерінің жағасынан табылған құстардың (жабайы үйрек және төрт үй қаз) өлексесі зерттелді. Барлық сынамадан H5N8 үлгісіндегі құс тұмауы вирусының материалы анықталды. Осыған байланысты елді мекендерде құстарды тіркеу жұмыстары жүргізілді.

Оқи отырыңыз: Қытайда коронавирустың жаңа түрі таралып жатыр   

"Облыста құс тұмауының ошағы тіркелді. Осы көлдерге жақын орналасқан қолайсыз елді мекендердің аумағында карантин орнатылды, аймаққа қауіп төндіретін індет ошақтары анықталды. Қолайсыз аймақтарда құс тұмауымен күрес ережелеріне сәйкес шаралар қабылданып жатыр", - делінген хабарламада.  

Россельхознадзор басқармасы мен облыстық ауыл шаруашылығы министрлігінің ветеринария басқармасы қауіпті ауру тарап кетпеу үшін барлық шараны қолдануда.

 

1521
Тақырып бойынша
ДДҰ карантин режиміне қатысты мәлімдеме жасады
Ғалымдар коронавирус пандемиясы тағы қанша уақытқа жалғасатынын айтты
Ғалымдар коронавирус қандай суда өлетінін анықтады
Қытайда тағы бір қауіпті вирус табылды
Тоқаев қазақстандықтарды қайғыға салынбауға шақырды
Зертхана, архивтегі фото

Ресейде коронавирусқа қарсы жаппай вакциналау қазан айында басталады

211
Елдің денсаулық сақтау министрлігі коронавирусқа қарсы вакцинаны клиникалық сынақтан өткізу жұмыстары аяқталғанын хабарлады

НҰР-СҰЛТАН, 1 тамыз – Sputnik. Ресей денсаулық сақтау министрі Михаил Мурашко Гамалея атындағы ұлттық эпидемиология және микробиология зерттеу орталығы әзірлеген коронавирусқа қарсы вакцинаны клиникалық сынақтан өткізу жұмыстары аяқталғанын хабарлады.

Қазір бұл препаратты тіркеу үшін құжаттар пакеті дайындалып жатыр, деп хабарлады РИА Новости.

Мурашко тіркеу куәлігі алынғаннан кейін вакциналар қолданыла бастайтынын атап өтті. Бірінші кезекте арнайы топтар – дәрігерлер мен мұғалімдерге егіледі.

Министрдің айтуынша, билік жаппай вакциналауды қазан айынан бастауды жоспарлап отыр.

Оқи отырыңыз: Бекшин тұмауға шалдыққан науқас коронавирус жұқтырса не болатынын айтты   

Гамалея атындағы орталық қорғаныс министрлігімен бірлесіп Н.Н.Бурденко атындағы әскери госпиталь базасында вакцинаны клиникалық сынақтан өткізді. 20 шілдеде ол жерден 20 еріктіден тұратын екінші топ шығарылды.

Қорғаныс министрлігінің мәліметінше, анализ нәтижелері еріктілердің бәрінде коронавирусқа қарсы иммунитет пайда болғанын көрсеткен. Ешқандай жанама әсері, асқыну немесе ұнамсыз реакция болмаған, ешбірі денсаулығына қатысты шағым түсірмеген.

COVID-19 коронавирус пандемиясы бүкіл әлемге таралды. Дүниежүзілік денсаулық сақтау ұйымының соңғы мәліметі бойынша, 17,1 миллион адам вирус жұқтырған, олардың 668 мыңы қайтыс болды.    

211
Кілт сөздер:
коронавирус, екпе
Тақырып:
Коронавирус эпидемиясы
Тақырып бойынша
Ресей Қазақстанда зауыт салуға 1 миллиард доллар инвестициялайды
Қазақстанда коронавирусқа қарсы вакцина бірінші кезекте кімдерге егіледі
"Назарбаевтың қанынан вакцина жасайды": министрлік түсініктеме берді
Қытайдан әкелінген маскаларға инфекция жұқтырылған - министрлік түсініктеме берді
Мамин: Қазақстан коронавирусқа қарсы вакцинаны алғашқылардың бірі болып алудан үмітті  
Бала, ойыншық

Алматыда полицейлер екі баланы түні бойы іздеді

0
Балалар дүйсенбі күні таңертең табылды. Олар түнді шағын дәмхананың қасында өткізгені белгілі болды. Екеуі де үйден кету себебін айтқысы келмеді

НҰР-СҰЛТАН, 3 тамыз – Sputnik. Алматыда 11 және 8 жастағы екі ағайынды үйден кетіп, қайта оралмаған. Балаларды 30 полицей мен 15 кинолог іздеді. Алты сағаттан кейін балалар аман-сау табылды.

Екі ағайындының жоғалып кеткені туралы хабарлама полицияға түнгі сағат 01:45-те түсті, деп хабарлайды Polisia.kz порталы.

Оқи отырыңыз: Түркістан облысында үш бала тауда адасып кетті, біреуі жардан құлаған 

Ата-анасы балалар үйден кетіп, қайтып оралмағанын айтқан, бірақ бұған дейін ондай әрекет жасамаған.  

Дереу криминалдық полиция қызметкерлері, учаскелік инспекторлар, ювеналды полиция өкілдері мен тергеу-жедел тобының қызметкерлерінен арнайы іздеу тобы құрылды. Сондай-ақ, балаларды іздеуге 15 кинолог тартылды.

"Ең алдымен, үйдің жанындағы аумақты, жақын жерде орналасқан жыра-сайды тексердік, көршілерден сұрастырдық. Қалай болғанда да, біз жақсы нәтижеге қол жеткізуді көздедік", - дейді Алатау ауданы полиция басқармасының бастығы Ілияс Өмірсеріков.  

Ол балалар сағат 07:35-те табылғанын атап өтті. Ағайындылар түнді шағын дәмхананың қасында өткізгені белгілі болды. Балалар бір-бірін мықтап ұстап алыпты. Олар үйден неліктен кеткенін айтқысы келмеген.

Полиция қызметкерлері олардың тұрмысын, отбасылық тәрбиені міндетті түрде тексеріп, ата-анасымен жұмыс істейтіндерін жеткізді. Олар балалар себепсіз үйден кетіп қалмайды деп есептейді.  

0
Кілт сөздер:
балалар, Алматы
Тақырып бойынша
Атырауда үйдің ауласынан 6 жасар қыздың денесі табылды
Түлкібас ауданында 6 ай бұрын жоғалған оқушының не істеп жүргені анықталды
Алматыда әкім іздеу салған оқушы табылды
Атырауда бір жарым жасар сәби жоғалып кетті
Ақмола облысында жоғалған жасөспірімнің 9 жыл бойы қайда жүргені белгілі болды