Студенттер, архив

Ресейде оқып жатқан шетелдік жастар өз жетістігі туралы айтты

257
ТМД мен Грузия студенттері ресейлік білім оларға өз ісін бастауға, махаббатын кезіктіріп, ауруды жеңуге және COVID-19 дертінен адам өмірін арашалап қалуға көмектескені жайлы Sputnik-пен бөлісті

Отыз жылдан бері Ресейде 27 маусымда Жастар күні аталып өтеді. Алайда, РФ жастары – ресейліктер ғана емес. РФ Ғылым және жоғарғы білім министрлігінің мәліметі бойынша, бүгінде Ресейде 297 мың шетелдік азамат біліп алып жатыр.

Зайниддин Абдулқасымов: Ресейде медицинаға деген қызығушылығым арта түсті

Зайниддин Абдулқасымов Ресейге Қырғызстаннан келген. Бүгінде ол Башқұрт мемлекеттік медицина университетінің үздік түлектерінің бірі. Ол сырт елден келген кей азамат үшін жаңа мемлекетте қоныстану әрі медицина факультетінде оқу қиын болатынын жақсы түсінді. Сондықтан Зайниддин студенттерге көмек көрсету туралы шешім қабылдап, "Адам анатомиясы" үйірмесін жүргізе бастайды.

"Медициналық мамандықта ақпарат көлемі әркез ауқымды, - дейді ол. - Кейбір студенттерге қиын болады. Сондықтан, біз теорияны тереңдете түсіндіреміз және тәжірибені тағы пысықтаймыз".

Зайниддин Абдулкасимов
© Photo : из личного архива
Зайниддин Абдулқасымов

COVID-19 пандемиясының Ресейде өршіп тұрған шағында Зайниддин Уфа коронавирус емханасына көмектесуге аттанды. Алайда, оның айтуынша, бұл әрекетте тұрған еш батырлық жоқ, себебі, ол – болашақ дәрігер.

"Әрине, біршама қорқыныш болды, - дейді Зайниддин. – Денсаулықққа қауіп төніп тұрғанын түсінесің. Әрі обаға қарсы қорғаныш костюмімен 6 сағаттап жұмыс жасау да оңай емес".

Ол ынтымағы жарасқан ұжым мен сауығып жатқан емделушілер барлық жайсыз жағдайларды жуып-шайғанын атап өтті.

Зайниддин жасы 70-ке жуықтаған қарт адамға қатты таңғалғанын айтады:

"Оның жағдайы ауыр болатын, реанимациядан бір-ақ шықты... Бірақ, қалжыңдап отыратын. Расымен де, адамның ниетіне көп нәрсе тәуелді. Оның беті бері қарап, терапия бөліміне ауыстырылды".

Зайниддин болашақ мамандыққа деген махаббаттың қалыптасуына университеттің ықпалы зор екенін айтады.

"Ұстаздарға шексіз ризамын. Олар менің медицинаға деген қызығушылығым арта түсуі үшін барлығын жасады", - дейді ол.

Зарэ Геворкян: Арменияны жақсы жағынан көрсеткім келеді

Зарэ Геворкян да коронавируске шалдыққандарға көмек қолын созған. Тек Мәскеуде, Федералдық ми және нейротехнология орталығында. Зарэ Н.И.Пирогов атындағы медицина университетінің COVID-19-пен күресуге кіріскен алғашқы студенттерінің бірі. Ол әзілдеп ми орталығындағы әрбір ауысымды "алшақтау аумағы" деп атайды.

"Ең қиыны – сені не күтіп тұрғанын түсінбеу болды, - дейді ол. - Жаңа ауру, костюм киіп, жансақтау бөліміне кіресің. Қиын, бірақ, кезекті емделушіні жасанды тыныс алу аппаратынан ағытқан  кезде қиындықты ұмытасың. Себебі, сен оны аман алып қалумен қатар, отбасына қайтардың. Ең бастысы – бұл көптеген адамның еңбегі. Мұны барлығы бірігіп жасады. Аурухана басшылығы бізге үлкен қаморлық көрсетті".

Зарэ Геворкян
© Photo : из личного архива
Зарэ Геворкян

Зарэ бұған дейін Ресей хирургия ғылыми орталығының бүйрек алмастыру бөлімінде медициналық қызметкер болып жұмыс атқарған.

"Ол жақта емделушілердің халі ауыр. Жаңа бүйректі ағза қабылдауы үшін олар ауруханада ұзақ уақыт жатады. Бауыр басып қаласың. Әр күн – олар үшін күрес. Бүйрек алмастыру кезегінде үш жыл тұрған бір ер адам болды. Қазір жағдайы жақсы. Кейде хат алмасып тұрамыз", - дейді ол.

Зарэнің дәрігер болуына терапевт анасы ықпал еткен. Сондықтан, оқуына үлкен жауапкершілікпен қарайды. Алты жыл бойы конференцияларға қатысып, олимпиадаларда жүлделі болған. Нәтижесінде, Мәскеу билігінің атаулы стипендиясы мен қызыл диплом қанжығасында. Сондай-ақ, ол университеттегі жерлестер ұйымына жетекшілік етеді.

"Дұрыс жоспарласа, кез-келген іске уақыт табуға болады. Жылына бір рет университет халықтарының фестиваліне қатысып, концерт қоямыз, жұртты ұлттық асханамен таныстырамыз. Арменияны жақсы жағынан көрсеткім келеді", - дейді ол.

Виктория Гветадзе: нағыз грузин қызы ретінде шарап жайлы диссертация қорғамақпын

Виктория Гветадзе мектеп қабырғасында жүрген кезден Ресей халықтар достастығы университетінде білім алуды армандаған және осы мақсатына жету үшін барлығын жасады – бюджеттік негізде оқуға түсіп, француз тілін меңгерді. Себебі, бойжеткен ерекше бағдарламаны таңдаған. Жарты жыл бойы оқу Францияда өткен.

Виктория Гветадзе
© Photo : из личного архива
Виктория Гветадзе

"Менің студенттік өмірім қызыққа толы болды, - дейді Виктория. – Конференциялар, Ресей ынтымақтастығының іс-шаралары, Горчаков қоры достарының клубы. Сондай-ақ, мен Грузия жерлестері қауымдастығының старостасы мен президенті болдым".

Қазір Виктория Ресей-Грузия қарым-қатынасын жандандыру қорында жұмыс жасайды. Диссертация жазып жатқаны тағы бар. Өзінің әзілдеп айтуынша, нағыз грузин қызы ретінде диссертациясын шарап тақырыбына арнаған.

Әділ Ермек: ресейлік білім мені шыңдады

Қазақстандық Әділ Ермек түрлі олимпиадалар мен байқаулардағы жеңістерінің арқасында МИФИ ҰЯЗУ білім ордасына оп-оңай түсе алар еді. Бірақ, ол қиын жолды таңдап, өзгелер секілді оқуға түсу емтиханын тапсырған.

"Мен бағдарлама жасау факультетіне түсе алар едім. Бірақ, менің қалауым физика еді, - деп түсіндіреді ол. - Бала кезден инженер болуды армандадым".

Ол физиканы Мәскеуде оқығысы келген.

"Ресейдегі білім болашақтағы қызмет жолында қажетті мықты базаны бере алады, - дейді ол. - МИФИ-де оқу қиын. Оқудан шығып қалмау оңай шаруа емес. Алайда, бұл білім ордасы маған ең қиын мәселелерді шешуді үйретті. Мен өз мақсатыма жететінімді білемін. Себебі, университет мен шыңдай түсті".

Әділдің сөзі - шындық. Себебі, ол бірінші курстың өзінде физика бойынша бүкілресейлік олимпиаданың жеңімпазы атанған. Қазір өзі ұстаз.

Адиль Ермек
© Photo : из личного архива
Әділ Ермек

Ол бірнеше жыл бұрын білім беру порталын жасап, балаларды физика мен математикаға онлайн оқытуды қолға алған.

"Бір жолы маған Атырау қаласынан бір жасөспірім хабарласып, Новосібір қаласындағы оқуға дайындауын өтінді. Мұндай мысал өте көп. Кейде арнайы мектепке түскісі келетін алтыншы сынып оқушылары жазады, - дейді Әділ. - Әрине, менің оқушыларым діттеген білім ордасына түсіп жатса, қатты қуанамын. Бірақ, бұл менің емес, алдымен, өздерінің еңбегінің арқасында жүзеге асқанын естеріне салып тұрамын".

Самира Мұстафаева: мен кез келген жағдайда бейімделе аламын

Ресей мен Әзербайжандағы танымал гимнаст Самира Мұстафаева қиғылығы көп бала болып өскенін айтады.

"Пайдалы астың орнына тәттіні көп жейтінмін, бапкерлердің айтқанына құлақ аспаушы едім", - деп еске алады ол.

Бірақ, бірнеше жылға созылған жаттығулар нәтиже әкелмей қоймады. Қазір Самира бірнеше дүркін әлем чемпионы, П.Ф.Лесгафт атындағы дене шынықтыру университетінің түлегі, фитнес-студиялар желісінің негізін қалаушы.

Самира Мустафаева
© Photo : из личного архива
Самира Мұстафаева

Басқа компанияларға қарағанда, Самираның студиялар желісі пандемия кезіндегі дағдарысқа төтеп бере алған. Оған Ресей мен Әзербайжандағы спорт жетістіктерінің ықпалы жоқ емес.

"Үлкен спорттан бірден бизнеске келдім. Мен кез келген жағдайға бейімделе аламын, - дейді ол. – Сондықтан, карантин кезінде бірден онлайн-жаттығуды іске қостық. Спортта сенің артыңда үлкен команда тұрады. Сенің жеңісің – олардың да жеңісі. Сондықтан, қызметкерлерге карантинде қол ұшын созу мен үшін маңызды болды".

Сардор Содиков: Ресейде білім ала жүріп, Өзбекстандағы ғылымды дамытудамын

Өзбекстандық Сардор Содиков – Экономика жоғарғы мектебінің мақтанышы. Себебі, ол алмаған грант пен стипендия жоқтың қасы.

"Мен ғылыми жұмыстар үшін жоғарғы стипендияны, Jaguar Land Rover атынан Game Changer стипендиясын, Оксфор стипендиясы мен президент стипендиясын алдым»", - деп тізбектеді ол.

Сардордың айтуынша, бұл жеңістерде айтарлықтай ештеңе жоқ.

"Мен мұнда білім алуға келдім емес пе? – дейді ол. - Сондықтан, бұл мүмкіндікті жіберіп алу ақымақтық болар еді. Жоғарғы мектепте испан тілін меңгеру мүмкіндігін қалт жібергім келмеді".

Қазір Сардор аспирантурада оқып жатыр. Бір кездері ол ғылыми жұмысты өз қызметімен бірге алып жүрген. Алайда, оған "лимфома" диагнозы қойылады.

Сардор Содиков
© Photo : из личного архива
Сардор Содиков

"Күйзеліске түскен жоқпын, - деп мойындайды Сардор. - Әр адамның психологиясы әртүрлі. Маған ойымды басқа арнаға бұру қажет болды. Мен зерттеу жобасымен айналыстым. Бұл іс маған энергия беретін".

Сардордың бұл стратегиясы оң нәтиже беріп, ол аурудан айығып шығады. Қазір Өзбекстанда жағажай волейболы қауымдастығын құру жобасы бойынша жұмыс жасауда. Бұл идеяға Бүкілресейлік волейбол федерациясы қызығушылық танытып отыр.

Сардор Содиков Орталық Азияның экономикалық процестерін меңгеріп жатыр. Ол бұл тәжірибе туған еліне септігін тигізетіне кәміл сенеді.

Гурдофарид Сангин: мен Тәжікстан туралы стереотипті бұзамын

Гурдофаридтің айтуынша, ол тоғызыншы сыныпта оқып жүрген кезде Санкт-Петербургке саяхаттап келіп, осы қалаға ғашық болып қалады. Ол уақыты келгенде осында білім аламын деп өзіне іштей уәде еткен.

"Осылайша менде айқын мақсат пайда болды, - дейді бойжеткен. – Мен көптеген олимпиадаларға қатысып, Худжанд мэрінің стипендиясын да жеңіп алдым. Ресей ынтымақтастығының бағдарламасы бойынша Мечников атындағы СБММУ-ге оқуға түстім".

Гурдофарид Сангин
© Photo : из личного архива
Гурдофарид Сангин

Гурдофаридтің білім алып жатқанына небәрі бір жыл болса да, ол Тәжікстан туралы стереотипті пікірлерді бұзып үлгерді. Адамдар оның орыс тілінде акцентсіз сөйлеуі мен ғылыми жұмысына таңғалады. Бойжеткен Сырдария өзенін тазалау бойынша жоба әзірлеп, оның жағалауында табылған қалдықтарды қайта өңдеу акциясын ұйымдастырған. Қазір Гурдофарид Тәжікстан ғылымы шағын академиясының мүшесі.

"Бір кезде маған: "О, сен орыс тілінде тамаша сөйлейсің. Біз тәжіктер тек құрылыс алаңында жұмыс жасайды деп ойладық" деген. Мен бұл сөзге ренжіген жоқпын, - дейді ол. - Мен айналамдағыларға тәжік асханасының дәмін ұсынамын. Университетте түрлі ұлт өкілдері болғандықтан, біз бір-бірімізден би үйреніп, мерекелерді бірге атап өтуді дәстүрге айналдырды".

257
кітапханада отырған студент

Пандемия білім алуға кедергі емес: қазақстандықтар интернет арқылы оқуға түсе алады

119
Ресейлік университеттер қашықтықтан оқыту форматында жұмыс істеуді жалғастырып жатыр және шетелдік талапкерлерді қабылдау басталды. Бүгінде қазақстандықтар интернет арқылы ресейлік жоғарғы оқу орнына түсе алады

НҰР-СҰЛТАН, 9 шілде — Sputnik. Красноярсктегі Сібір федералдық университеті (СФУ) – Ресейдің азиялық бөлігіндегі ең ірі білім ордаларының бірі. Ол елдегі ең үздік 20 университеттің тізіміне енген. СФУ ресейлік және шетелдік жүздеген компаниямен серіктестік орнатқан. Бүгінде СФУ өз түлектерінің жұмыс берушілер арасында үлкен сұранысқа ие болуы бойынша алдыңғы он ЖОО қатарында тұр.

Бүгінде университетте 30 мыңнан астам жас азамат білім алып жатыр. Олардың ішінде әлемнің 52 елінен (ТМД, Таяу Шығыс, Африка, Еуропа, Латын Америкасы, Азия) келген мыңнан астам шетелдік студент, тыңдаушылар мен тағылымгерлер бар.

Шетелдік студенттер қатарында Қазақстаннан келген 160 студент бар: 146 студент бакалавриат бойынша негізгі білім беру бағдарламасын меңгеріп жатыр, он бірі - магистратурада және үшеуі – аспирантурада білім алуда. Қазақстандық студенттер үшін химия, биология, металлургия, тау-кен ісі, мұнай-газ ісі, менеджмент секілді бағыттар қызықты болып отыр.

1996 жылға 29 наурыздағы "Экономикалық және гуманитарлық салаларда ықпалдастықты тереңдету жөніндегі Келісімшарт қатысушылары болып табылатын мемлекеттердің азаматтары үшін тең құқықтар ұсыну туралы" үкіметаралық келісімге сәйкес Қазақстан азаматтары үшін бюджеттік негізде білім алу конкурсына ресейлік жастармен тең дәрежеде қатысу мүмкіндігі ұсынылған.

Сонымен қатар, шетелдік талапкерлер ақылы оқу түрін таңдап, кез келген бағыт бойынша оқуға түсе алады. Шетелдік азаматтарды оқуға қабылдау бойынша толық ақпаратты университет сайтынан алуға болады.

Оқуға түсу және оқу кезіндегі қолдау

Шетелдік талапкерлердің оқуға түсу кезінде бонустары бар: ЖОО олардың оқу орнына дейінгі жол ақысын қайтарады және олар үшін медициналық сақтандыру сатып алады. СФУ Халықаралық ынтымақтастық департаментінің жетекшісі Анна Мезиттің айтуынша, жоғары балл алғандар үшін оқу ақысына жеңілдіктер де қарастырылған.

"Университет инфрақұрылымы – біздің мақтанышымыз: 24 оқу корпусы, заманауи әдемі кітапхана, конгресс-холл, көпфункционалды спорт кешені, медициналық орталық. Соңғы бес жылдың өзінде кампус аумағында пәтер типіндегі тоғыз жатақхана бой көтерді. Бүгінгі күні СФУ тұрғын үй қоры 11,5 мың студентке жатын орын ұсынатын 30 жатақхананы құрайды. Бұл басқа қалалар мен шет елдерден келген студенттер үшін баспана мәселесін толық шешіп отыр", - деді ол.

Анна Мезит атап өткендей, СФУ шетелдік студенттерді қолдаумен белсенді айналысады. Университет қызметкерлері қыстық киім таңдаудан, бірге банкке немесе дәрігерге бару секілді мәселелерде көмек көрсетді.

"СФУ-дегі еріктілер орталығы шетелдік студенттер үшін экскурсиялар ұйымдастырып, оларды орыс мәдениетімен таныстырады, әңгімелесу клубтарын ұйымдастырады. Бізде Халықтар достастығы орталығы бар. Бұл шетелдік азаматтардың студенттік бірлестігінде бейімдеу шараларының бүтіндей кешендері жүргізіледі. Бастысы – бір-бірін деген қамқорлық пен достық", - деді ол.

Людмила Коваленко
© Photo : Сургут мемлекеттік университеті ұсынды
СФУ-де шетелдік студенттер үшін орыс тілін үйрететін дайындау бөлімдері бар. Жыл сайын түрлі елдерден келген студенттер СФУ Филология және тіл коммуникациясы факультетінде тіл тағылымдамасынан өтеді. Онда "Лингвистика" және "Филология" бағыттары бойынша бакалавриат пен магистратура бағдарламаларын кәсіби деңгейде меңгеруге болады.

"Барлық бірінші Курс студенттері үшін университет орыс тілі бойынша тегін бейімдеу курстарын ұйымдастырады: студенттер ғылыми тілді пысықтап, грамматиканы қайталайды", - дейді Анна Мезит.

Оның айтуынша, СФУ-дың барлық шетелдік түлектері өз елдерінде оңай жұмыс табады: аудармашы, инженер, экономист және т.б. қызметтерді атқарады.

«Көп жағдайда біздің студенттер өз елдері мен біздің мемлекет арасындағы өзара ықпалдастықпен айналысады. Көп жыл өткен соң оларды азамат ретінде қалыптасқан бейнеде көру қуантады", - деді ол.

"Шәкіртақы алуға мүмкіндік бар"

Владислава Григоренко СФУ-де білім алу үшін Қазақстаннан келген. Бүгінде ол бакалавриаттың төртінші курсын тәмамдап жатыр. Ол 11 сыныпта жүрген кезде Ресейде оқимын деп шешім қабылдаған. Себебі, мұнда сапалы білім алуға үмітті болған.

Владислава Григоренко
Фото из личного архива
Владислава Григоренко

Владислава "инновациялық және инвестициялық жобаларды басқару менеджменті" бағытын таңдаған.

"Мұнда экономикалықпен қатар, шығармашылық құрауыштың да бар болғаны үшін осы мамандық мені қызықтырды. Оқу оңай дей алмаймын. Бірақ, барлығын уақытылы орындаса, нәтиже болары анық", - деді ол.

Владислава университет пен қала өміріне белсенді араласады. Бұған дейін ол СФУ-дегі "Алтын" Қазақстан студентерінің одағына басшылық жасады, Дүниежүзілік жастар мен студенттер фестивалінің іс-шараларына, "Ресей студенті" бүкілресейлік ұлтаралық студенттер форумына және тағы басқа жобаларға қатысқан. Оның айтуынша, мұндай жұмыстар студенттерге дамып, қосымша білім алуға, қабілет шыңдауға үйретеді.

"Университетте достарды оңай таптым: мен коммуникабельді адаммын әрі басқа студенттер де ашық-жарқын. СФУ-де өзімді тамаша сезінемін. Бұл оқу процесіне де, қоғамдық өміріме де қатысты. Мұнда жатақханалардағы жағдай да қуантарлықтай. Сондай-ақ, кез келген бағыт бойынша талпыныстар үшін шәкіртақы алуға мүмкіндік бар", - деді ол.

Қазір Владислава магистратураға түсуді жоспарлап жүр. Сондай-ақ, қосымша жұмыс тауып, кейіннен мамандығы бойынша қызметке орналасуды көздеп отыр.

Бүгінгі университет

СФУ – дайындау бағыты кең көпбейінді университет. Мұнда бакалавриат пен мамандықтың 90 бағдарламасы және 144 магистрлік бағдарлама бойынша білім алуға болады. ЖОО-да орыс жән ағылшын тілдерінде оқуға болады.

СФУ-де екі мыңнан астам білікті ұстаз сабақ береді. Олардың 1833-і – докторлар мен ғылым кандидаттары. Жыл сайын университетке 400-ден астам шеттен шақырылған профессорлар дәріс оқиды. Олардың қатарында Англия, Германия, Испания, Қытай, АӨШ пен басқа елдердің жетекші ғалымдары бар.

Түркістан облысы
© Photo : Пресс-служба акима Туркестанской области
Университет біліктілікігі жоғары кадарлар дайындайды және инновациялық технологиялар жасайды. ЖОО-ның ғылыми жобалары өнеркәсіптік технологиялар, спутниктік жүйелер, нанотехнологиялар, ауқымды инвестициялық жобаларды экологиялық қамсыздардыруға қатысты.

СФУ – әлемдегі ең танымал бейінді оқу орны болып табылатын InstitutPaulBocuse-пен "Жоғарғы гастрономия мектебі" жобасын жүзеге асыруда. Болашақ түлектр "Менеджмент" мамандығы бойынша ресейлік диплом мен InstitutPaulBocuse халықаралық дипломын алып шығады.

Қазіргі уақытта Қазақстанның алты жоғарғы оқу орнымен серіктестік орнатқан. СФУ Қазақ ұлттық техникалық университетімен бірлесіп "экология" бағыты бойынша бірлескен магистрлік бағдарламаны жүзеге асыруда. ЖОО-да "Алтын" атты қазақстандық студенттер одағы құрылған. Қазақстанда СФУ Кәсіптік бейімду орталығы жұмыс жасайды.

СФУ Педагогика, психология және әлеуметтану институты мен СФУ Тау-кен ісі, геология және геотехнологиялар институтының қызметкерлері қазақстандық әріптестерімен бірлескен ғылыми зерттеулер жүргізеді.

СФУ TimesHigherEducation (THE) және QuacquarelliSymonds (QS) рейтинг агенттіктерінің мәліметі бойынша әлемнің ең үздік 10 университетінің қатарына кіреді. Сондай-ақ, физика және инженерлік-техникалық ғылымдар бойынша 801+ орында тұр. Сонымен қатар, бес жекетші ұлттық рейтинг агенттіктерінің нұсқасы бойынша СФ Ресейдегі үздік 20 университеттің тізімінде тұр.

119
Танкер, архивтегі фото

Жаңа танкерге Нұрсұлтан Назарбаевтың есімі беріледі

519
Жаңа танкердің құрылысы басталды. Мұндай сыйлық Қазақстанның тұңғыш президентінің 80 жылдығына орай жасалды

НҰР-СҰЛТАН, 6  шілде – Sputnik. Ресейлік "Звезда" кеме жасау зауытында жаңа танкердің құрылысы басталды. Оған Қазақстанның тұңғыш президенті Нұрсұлтан Назарбаевтың есімі беріледі.

"Роснефть" компаниясының баспасөз қызметі таратқан мәліметке сәйкес, "Звезда" кеме жасау зауыты "Афрамакс" үлгісінде жаңа танкердің құрылысын бастап кетті. Дәл осы танкерге Нұрсұлтан Назарбаевтың аты жазылады.   

"Звезда" кеме жасау кешенінде "Афрамакс" үлгісіндегі танкердің құрылысы басталды. Кемеге Қазақстанның тұңғыш президенті Нұрсұлтан Назарбаевтың есімі беріліп отыр", - делінген ресми хабарламада.

Бүгінде кәсіпорында бес танкердің құрылысы жүргізіліп жатыр. Осы сериядағы алғашқы кеме 2020 жылы мамыр айында суға түсірілген болатын. Қазіргі кезде танкер сынақтан өтіп жатыр. 

"Афрамакс" үлгісіндегі танкердің дедвейті – 114 мың тонна. Кеменің ұзындығы  – 250 метр, ені – 44 метр. Онымен мұнай тасиды. Осы санаттағы кемелер Ресейде алғаш рет құрастырылып отыр.

Оқи отырыңыз: Тоқаев Назарбаевты қалай құттықтады – фото 

519
Кілт сөздер:
кеме, Назарбаев
Тақырып бойынша
14 облыста көшеге Нұрсұлтан Назарбаевтың есімі берілуі мүмкін
Қостанайдағы басты көшелердің біріне Назарбаевтың есімі берілді
Назарбаевтың жиендері туралы қызықты деректер
Нұрсұлтан Назарбаев Астана атауын өзгерту туралы не айтты?
"Бәйтерекке" Назарбаевтың есімі қашан беріледі?

Дәріні ұшақпен қалай тасымалдау керек - видео

0
Бүгінде дәрі-дәрмек тапшылығына байланысты кейбір медициналық препараттарды табу қиын. Алыпсатарлар да көбейді

НҰР-СҰЛТАН, 10 шілде – Sputnik,Арман Асқар. Туған-туысқанына көмектесеміз деген қарапайым адамдар бір қаладан тауып алған дәріні басқа қалаға беріп жіберуге тырысады. Әуежайға барып, жолаушыларға жалынады. Sputnik Қазақстан тілшісі Нұрсұлтан Назарбаев атындағы халықаралық әуежайда болып, дәрі-дәрмекті тасымалдау тәртібін біліп қайтты. Жолаушылардың өзге біреудің дәрісін жеткізіп беруге қатысты ойын да сұрады. 

Ұшаққа қалай кіргізеді

Әуежайдың тексеру қызметінің бастығы Серікбол Сәдуақасовтың айтуынша, әрбір жолаушы тек өзіне қажетті дәріні ғана ұстап жүре алады. Өзге біреудің медициналық препараттарын тасымалдауға болмайды. Жолжүкте артық дәрілер анықталса, әуежай қызметкерлері хаттама толтырып, препараттарды қоймаға апарып қояды. Оны хаттаманың көшірмесімен 30 күннің ішінде алып кетуге мүмкіндік бар.  

"Негізі, медициналық препараттарды аз мөлшерде ғана алып жүруге болады. Ол адамның қолжүгінде болуы керек және нақтылануы керек. Яғни, дәрігердің нұсқауы болуы шарт. Рецептпен бірге ұстайды. Сосын "обезболивающий" дейміз ғой. Сондай препараттар аз мөлшерде, бір-екі таблетканы өткізуге болады", - дейді Сәдуақасов. 

Жеткізіп беруге дайынбыз

Жолаушылардың көбісі ережені білмейді. Бірақ өзге біреудің дәрісін жеткізіп беруге қарсы емес.

"Адамдар ауырып жатыр. Оларға көмектесу керек. Ал бір жағынан қарағанда, қазір әр түрлі махинациялар жасап жатыр ғой. Дәрілерді қымбатқа сатуда. Бәлкім, контрабанда жасайтын шығар. Оны білмейміз ғой. Негізі, көмектескен дұрыс. Бірақ оны адамдар емес, мемлекет істеу керек қой", - дейді олар.

Сұхбат берген жолаушылардың басым бөлігі дәріні жеткізіп беруге келісті. Дегенмен, шұғыл пошта қызметін қолдануға кеңес бергендер де болды.

Дәрі-дәрмек тапшылығы қашан шешіледі

Халыққа үндеу жасаған мемлекет басшысы Қасым-Жомарт Тоқаев жақын күндері дәрі-дәрмек тапшылығы мәселесі шешілетінін мәлімдеді. Президенттің айтуынша, бүгінде медициналық препараттарды сертификаттау, жеткізу және сатып алу  жеңілдетілді. Осының арқасында қажетті дәрі-дәрмекті ауруханалар мен дәріханаларға дер кезінде жеткізуге мүмкіндік бар.

Қазірдің өзінде стационарлар үшін шамамен 30 мың науқасты емдеуге арналған дәрі-дәрмек сатып алынды. Бұл қазіргі қажеттіліктен 70 процентке көп. Бөлшек сауда желісіне де медициналық препараттар түсіп жатыр. Парацетамолдың 800 мың қаптамасы жеткізілді. Осы аптаның аяғына дейін тағы 900 мың қаптаманы әкеледі. Ал антибиотиктердің 150 мың қаптамасы дәріханалар желісіне тапсырылды. 

Мемлекет басшысы халықты дүрбелеңге салынып, дәріні артығымен алмауға үндеді. Себебі одан тапшылық басталады.

0
Кілт сөздер:
коронавирус, видео, дәрі, ұшақ
Тақырып:
Коронавирус эпидемиясы
Тақырып бойынша
"Халық сенбей отыр": Айнұр Тұрсынбаева Тоқаевқа үндеу жолдады
Дәрігер дене қызуы көтеріле бастағанда не істеу керектігін айтты
Айнұр Тұрсынбаева желіде жазба жариялады - басы дауға қалған компания жауабы
Пневмониясы барларға қалай дұрыс жату керек – пульмонолог кеңесі
Қазақстандағы "белгісіз пневмония": министр Тоқаевтың сауалына жауап берді