Гуманитарлық көмек жеткізген ресейлік ұшақ

Ресей COVID-19 індетімен күресте ТМД елдеріне қалай көмектесті

96
Осы жылдың ақпан айынан бері Ресей 32 мемлекетке COVID-19 індетімен күресуге көмектесті. Гуманитарлық жүктердің жартысынан көбі ТМД, Абхазия мен Оңтүстік Осетияға жіберілді. Жалпы, Ресей қолдау көрсетуде тек медициналық жабдықтар және дәрі-дәрмектермен ғана шектелмеді

НҰР-СҰЛТАН, 17 шілде – Sputnik, Данара Құрманова. Пандемия кезінде Ресей көрші елдерге нақты қалай көмектесті? Sputnik Ресейдегі гуманитарлық іс-шараларға қатысты арнайы шолуды назарларыңызға ұсынады.

Бәрін қамтуға тырысты

Шетелге гуманитарлық көмектің алғашқы партиялары ақпан айында ұйымдастырылды – содан кейін Ресей коронавирусты диагностикалау үшін тест жүйелерін жібере бастады. Бұл туралы Роспотребнадзор Sputnik-ке хабарлады.

"Вектор" орталығының ғалымдары 19 қаңтарда тест жүйесін жасады. Ал 7 ақпанда Роспотребнадзор басқарған ресейлік мамандардың Қытайға сапары кезінде оның тиімділігі расталды. Осыдан кейін Ресей шетелге жеткізілімдерді бастады және негізгі бағыт ЕАЭО және ТМД елдері болды",– деді ұйымның баспасөз қызметі.

2020 жылдың 14 шілдесіндегі жағдай бойынша Ресей 734 мың коронавирус сынағын шетелге ақысыз көмек ретінде жіберді. Бұл көлемнің 55%-тін немесе 402,7 мың тестті ТМД елдері мен Абхазия және Оңтүстік Осетия алды. Орталық Азия елдеріне – Қырғызстан, Өзбекстан және Қазақстанға ең үлкен көлемде тест-жүйелері жіберілді.

Сонымен қатар, Роспотребнадзор Армения мен Беларуське және Тәжікстанға коронавирустың алғашқы жағдайларын анықтаған ресейлік тесттер жіберілгенін атап өтті. Негізінен, сынақ өткізіп, нәтиже алу үшін химиялық заттар да қажет. Сондықтан Ресей 723 мың зерттеуге реагенттерді шетелге жөнеткен. Оның 440 мыңнан астамы сол ТМД елдері мен Абхазия және Оңтүстік Осетияға жіберілді.

Бұл жай сынақ емес

Көрші елдерге гуманитарлық көмек ретінде Ресей мемлекеттік шекарадан өткізу пункттерін жабдықтауға 23 байланыссыз термометр берді, деп хабарлайды Роспотребнадзордың баспасөз қызметі. Он құрылғы Қырғызстанға, 7-і Арменияға, 6-ы Тәжікстанға жеткізілді.

Ресей коронавируспен күресте көрші мемлекеттерге қалай көмектесті
© Sputnik /
Ресей коронавируспен күресте көрші мемлекеттерге қалай көмектесті

Ресей, сонымен қатар, COVID-19 індетімен күресетін дәрігерлерді оқыту шараларына да жіті көңіл бөлді. Роспотребнадзор онлайн-дәрістер ұйымдастырып, соның аясында ресейлік дәрігерлер ТМД елдерінің 300 маманына тәжірибемен бөлісті.

"Алайда, консультациялар тек бейнебайланыс форматында ғана өткен жоқ", – деп нақтылады ұйымның баспасөз қызметі.

Ресейлік мамандар сонымен бірге зардап шеккен елдерге де барған. Мәселен, мамыр айында Ресей Тәжікстан мен Молдовада бағалау миссиясын жүргізіп, вирустың зертханалық диагностикасы бойынша ұсыныстар берді.

Көмекке асығу

Қазіргі уақытта Ресей дәрігерлерінің барлық тобы пандемиямен күресу үшін серіктес мемлекеттерде, ТМД-ның бірқатар елінде жұмыс істейді. Шілде айында ресейлік эпидемиологтар мен вирусологтар Қазақстан мен Қырғызстанға аттанды, деп хабарлады Роспотребнадзор.

Атап айтқанда, Қазақстанда 55 ресейлік дәрігер жұмыс істейді. Елдегі эпидемиологиялық жағдай нашарлап, карантин режимі 2 тамызға дейін ұзартылғандықтан, Ресей Қазақстанға қосымша гуманитарлық жүк жіберді. Қазақстандық "СК-Фармация" дәрі-дәрмек дистрибьюторының мәліметі бойынша, оның құрамына 2 790 қорғаныс киімі мен 22 000-ға жуық маска және 236 пакет "Фавипиравир" кіреді.

Шілде айының аяғында Ресей осы препараттың тағы 700 мың таблеткасын жібереді. 

Оқи отырыңыз: Коронавируспен күрес: Қазақстан Тәжікстанға гуманитарлық көмек көрсетпек

Бүгінгі таңда Закавказьеде ресейлік дәрігерлер тобы жұмыс істейді. Армения денсаулық сақтау министрлігінің мәліметінше, 50 дәрігер коронавируспен күресте армян ауруханаларына көмек көрсету бастамасын қолдаған. Ал 12 шілдеде Ресейдің денсаулық сақтау министрлігі Әзербайжанға Сеченов атындағы Бірінші Мәскеу мемлекеттік университетінің дәрігерлер тобын аттандырды. Олармен бірге Мәскеу, Одинцово және Норильск клиникаларында жұмыс істеген 17 ерікті дәрігер Бакуге ұшып кетті.

Сербиядан Лаосқа дейін

Алайда, Ресейдің көмегі тек ТМД-мен ғана шектеліп қалған жоқ. Sputnik Роспотребнадзордан анықтағандай, пандемия кезінде Ресей 32 елге өтеусіз көмек көрсеткен.

Ресейдің гуманитарлық миссиясының географиясы да кең. Гвинея, Непал, Коста-Рика, Никарагуа, Палестина, Ауғанстан, Куба, Лаос, Доминика, Ливан, Сербия, Венесуэла, Египет – бұл Ресейден ПТР-тесттерін тегін алған елдердің тізімі және ол толық емес.

Какие страны СНГ получили помощь России в борьбе против коронавируса
© Sputnik /
ТМД-ның қай елдері коронавирусқа қарсы күресте Ресейден көмек алды

Ал Вьетнамда бірлескен орыс-вьетнам ғылыми-зерттеу орталығы коронавирусты зерттеп жатыр. Оның негізінде ресейлік мамандар COVID-19 патогенді 2 мыңнан астам зерттеу жүргізді.

Ресей сыртқы істер министрлігі де вируспен күресте айтарлықтай үлес қосты. Министрлік сайтында хабарланғандай, Ресей Джибутиге медициналық кешендер құру үшін шатырлар мен компоненттер жіберген. Ал Камбоджаға Ресейден гуманитарлық акция аясында "Циклоферона" препаратының мың қорабы жеткізілген.

Экспорт көлемі өсуде

Гуманитарлық көмек жеткізумен қатар экспорт көлемі де артып келеді. Бүгінде ақылы негізде Ресейдің тест-жүйелері Армения, Беларусь, Қазақстан, Қырғызстан, Молдова, Тәжікстан, Түркия, сондай-ақ Грузия мен Украинаға жеткізіледі, деп хабарлады Ресейдің өнеркәсіп және сауда министрлігі.

Австрия, Бангладеш, Болгария, Бразилия, Венгрия, Германия, Үндістан, Италия және БАӘ-мен қатар, ТМД елдеріне де тест-жүйелерін жеткізу белсенді дамуда.

Оқи отырыңыз: "Достықтың айғағы": Қазақстанға Қытайдан гуманитарлық көмек жеткізілді

"Барлығы 20 мыңнан астам жиынтық экспортталды. Қазіргі кезде Алжир, Ауғанстан, Венесуэла, Малайзия, Марокко, Сербия және Пәкістанға жеткізу туралы келіссөздер жүріп жатыр", – деп хабарлады министрліктің баспасөз қызметі.

"Ресейдің жасанды тыныс алдыру құрылғыларын экспорттау көлемі де сәтті іске асырылуда. 600-ден астам аппарат Өзбекстан, Беларусь, Сербия мен Италияға жіберілді", – деп мәлімдеді Ресей өнеркәсіп және сауда министрі Денис Мантуров Федерация кеңесінде сөйлеген сөзінде.

Сонымен қатар, Ресей АҚШ-пен температураны өлшейтін терминалдарды сату мәселесін талқылауда.

96
Кілт сөздер:
ТМД елдері, Ресей, гуманитарлық көмек
Тақырып:
Коронавирус эпидемиясы (1340)
Тақырып бойынша
Қытай миллиардері Қазақстанға 4,5 тонна гуманитарлық көмек жіберді
Қазақстанға Ресейден гуманитарлық көмек жеткізілді
Қазақстанға келген гуманитарлық көмек екі айға жуық қоймада жатқан
Қазақстанда гуманитарлық көмек сатыла ма: денсаулық сақтау министрлігі жауап берді
Түркиядан келген гуманитарлық көмек қысқа мерзім ішінде рәсімделді
Архивтегі фото

Ресейдің Қазақстанмен шекаралас облысында құс тұмауының ошағы табылды

1460
(Жаңартылды 17:01 03.08.2020)
Көл жағасынан табылған жабайы үйрек пен қаздардың өлексесінен H5N8 үлгісіндегі құс тұмауы вирусы анықталды

НҰР-СҰЛТАН, 3 тамыз – Sputnik. Қазақстан шекарасымен шектесетін Ресейдің Челябі облысында құс тұмауының ошағы тіркелді. Жақын маңдағы елді мекендер аумағында карантин енгізілді. Бұл туралы Россельхознадзордың өңірдегі басқармасының баспасөз қызметі хабарлады, деп жазды РИА Новости.

Басқарманың мәліметінше, Увельский ауданының Песчаное және Табынша көлдерінің жағасынан табылған құстардың (жабайы үйрек және төрт үй қаз) өлексесі зерттелді. Барлық сынамадан H5N8 үлгісіндегі құс тұмауы вирусының материалы анықталды. Осыған байланысты елді мекендерде құстарды тіркеу жұмыстары жүргізілді.

Оқи отырыңыз: Қытайда коронавирустың жаңа түрі таралып жатыр   

"Облыста құс тұмауының ошағы тіркелді. Осы көлдерге жақын орналасқан қолайсыз елді мекендердің аумағында карантин орнатылды, аймаққа қауіп төндіретін індет ошақтары анықталды. Қолайсыз аймақтарда құс тұмауымен күрес ережелеріне сәйкес шаралар қабылданып жатыр", - делінген хабарламада.  

Россельхознадзор басқармасы мен облыстық ауыл шаруашылығы министрлігінің ветеринария басқармасы қауіпті ауру тарап кетпеу үшін барлық шараны қолдануда.

 

1460
Тақырып бойынша
ДДҰ карантин режиміне қатысты мәлімдеме жасады
Ғалымдар коронавирус пандемиясы тағы қанша уақытқа жалғасатынын айтты
Ғалымдар коронавирус қандай суда өлетінін анықтады
Қытайда тағы бір қауіпті вирус табылды
Тоқаев қазақстандықтарды қайғыға салынбауға шақырды
Зертхана, архивтегі фото

Ресейде коронавирусқа қарсы жаппай вакциналау қазан айында басталады

210
Елдің денсаулық сақтау министрлігі коронавирусқа қарсы вакцинаны клиникалық сынақтан өткізу жұмыстары аяқталғанын хабарлады

НҰР-СҰЛТАН, 1 тамыз – Sputnik. Ресей денсаулық сақтау министрі Михаил Мурашко Гамалея атындағы ұлттық эпидемиология және микробиология зерттеу орталығы әзірлеген коронавирусқа қарсы вакцинаны клиникалық сынақтан өткізу жұмыстары аяқталғанын хабарлады.

Қазір бұл препаратты тіркеу үшін құжаттар пакеті дайындалып жатыр, деп хабарлады РИА Новости.

Мурашко тіркеу куәлігі алынғаннан кейін вакциналар қолданыла бастайтынын атап өтті. Бірінші кезекте арнайы топтар – дәрігерлер мен мұғалімдерге егіледі.

Министрдің айтуынша, билік жаппай вакциналауды қазан айынан бастауды жоспарлап отыр.

Оқи отырыңыз: Бекшин тұмауға шалдыққан науқас коронавирус жұқтырса не болатынын айтты   

Гамалея атындағы орталық қорғаныс министрлігімен бірлесіп Н.Н.Бурденко атындағы әскери госпиталь базасында вакцинаны клиникалық сынақтан өткізді. 20 шілдеде ол жерден 20 еріктіден тұратын екінші топ шығарылды.

Қорғаныс министрлігінің мәліметінше, анализ нәтижелері еріктілердің бәрінде коронавирусқа қарсы иммунитет пайда болғанын көрсеткен. Ешқандай жанама әсері, асқыну немесе ұнамсыз реакция болмаған, ешбірі денсаулығына қатысты шағым түсірмеген.

COVID-19 коронавирус пандемиясы бүкіл әлемге таралды. Дүниежүзілік денсаулық сақтау ұйымының соңғы мәліметі бойынша, 17,1 миллион адам вирус жұқтырған, олардың 668 мыңы қайтыс болды.    

210
Кілт сөздер:
коронавирус, екпе
Тақырып:
Коронавирус эпидемиясы (1340)
Тақырып бойынша
Ресей Қазақстанда зауыт салуға 1 миллиард доллар инвестициялайды
Қазақстанда коронавирусқа қарсы вакцина бірінші кезекте кімдерге егіледі
"Назарбаевтың қанынан вакцина жасайды": министрлік түсініктеме берді
Қытайдан әкелінген маскаларға инфекция жұқтырылған - министрлік түсініктеме берді
Мамин: Қазақстан коронавирусқа қарсы вакцинаны алғашқылардың бірі болып алудан үмітті  
Бала, ойыншық

Алматыда полицейлер екі баланы түні бойы іздеді

0
Балалар дүйсенбі күні таңертең табылды. Олар түнді шағын дәмхананың қасында өткізгені белгілі болды. Екеуі де үйден кету себебін айтқысы келмеді

НҰР-СҰЛТАН, 3 тамыз – Sputnik. Алматыда 11 және 8 жастағы екі ағайынды үйден кетіп, қайта оралмаған. Балаларды 30 полицей мен 15 кинолог іздеді. Алты сағаттан кейін балалар аман-сау табылды.

Екі ағайындының жоғалып кеткені туралы хабарлама полицияға түнгі сағат 01:45-те түсті, деп хабарлайды Polisia.kz порталы.

Оқи отырыңыз: Түркістан облысында үш бала тауда адасып кетті, біреуі жардан құлаған 

Ата-анасы балалар үйден кетіп, қайтып оралмағанын айтқан, бірақ бұған дейін ондай әрекет жасамаған.  

Дереу криминалдық полиция қызметкерлері, учаскелік инспекторлар, ювеналды полиция өкілдері мен тергеу-жедел тобының қызметкерлерінен арнайы іздеу тобы құрылды. Сондай-ақ, балаларды іздеуге 15 кинолог тартылды.

"Ең алдымен, үйдің жанындағы аумақты, жақын жерде орналасқан жыра-сайды тексердік, көршілерден сұрастырдық. Қалай болғанда да, біз жақсы нәтижеге қол жеткізуді көздедік", - дейді Алатау ауданы полиция басқармасының бастығы Ілияс Өмірсеріков.  

Ол балалар сағат 07:35-те табылғанын атап өтті. Ағайындылар түнді шағын дәмхананың қасында өткізгені белгілі болды. Балалар бір-бірін мықтап ұстап алыпты. Олар үйден неліктен кеткенін айтқысы келмеген.

Полиция қызметкерлері олардың тұрмысын, отбасылық тәрбиені міндетті түрде тексеріп, ата-анасымен жұмыс істейтіндерін жеткізді. Олар балалар себепсіз үйден кетіп қалмайды деп есептейді.  

0
Кілт сөздер:
балалар, Алматы
Тақырып бойынша
Атырауда үйдің ауласынан 6 жасар қыздың денесі табылды
Түлкібас ауданында 6 ай бұрын жоғалған оқушының не істеп жүргені анықталды
Алматыда әкім іздеу салған оқушы табылды
Атырауда бір жарым жасар сәби жоғалып кетті
Ақмола облысында жоғалған жасөспірімнің 9 жыл бойы қайда жүргені белгілі болды