Зертхана қызметкері коронавирусқа қарсы вакцина әзірлеу үшін зерттеу жүргізіп жатыр

Батыс COVID-19-ға қарсы вакцина әзірлеу жарысында артта қалып келеді

46
Ресейде қазір он төрт платформада коронавирусқа қарсы елу шақты вакцина әзірленіп жатыр, бір вакцинаның клиникалық сынақтары аяқталды

НҰР-СҰЛТАН, 22 шілде – Sputnik, Ирина Алкснис. Ресей қорғаныс министрінің бірінші орынбасары Руслан Цаликов COVID-19-ға қарсы отандық вакцина дайын екенін мәлімдеді — клиникалық сынақтардың нәтижесі еріктілерде иммунитет қалыптасқанын көрсеткен. Десе де, Сеченовский университетінің дәрілік заттарды клиникалық зерттеу орталығы препараттың тиімділігін тексеру бойынша тестілеудің келесі кезеңі басталатынын нақтылады.

Ресейде барлығы 14 платформада COVID-19-ға қарсы елу шақты вакцина әзірленіп жатыр. Бұл процесте Гамалея атындағы эпидемиология және микробиология ұлттық зерттеу орталығы, Роспотребнадзордың "Вектор" орталығы мен ФМБА вакцина және сарысу институты көшбасшы саналады.

Денсаулық сақтау министрі Михаил Мурашко коронавирусқа қарсы алғашқы отандық вакцина тамыз айында тіркелуі мүмкін екенін айтты.

Бұл өте тез.

Әдеттегі жағдайда вакцинаны, жалпы кез келген дәрілік препаратты жасауға жылдар кетеді. Қолданыстағы зерттеу хаттамалары өте қатаң, өйткені өнім өз тиімділігімен қатар, адам денсаулығына қауіпсіз екенін де дәлелдеуі тиіс.

Тағы оқыңыз: COVID-19-ға қарсы Ресей вакцинасының Қазақстанға қашан жеткізілетіні айтылды

Алайда коронавирус індеті бұл процедураларды қайта қарауға мәжбүрледі. Сәуір айында британиялық ғалымдар олардың мақсаты препаратты қыркүйекке қарай жасап шығару екенін мәлімдеген еді.

Вакциналарды әзірлеуге шынымен де қомақты қаржы мен күш жұмсалып отыр. Атап айтқанда, Дональд Трамптың әкімшілігі америкалық және еуропалық фармацевтика компанияларына екі миллиард доллардан астам ақша бөлді. Мұндай жомарттықтың шарты, әрине, Құрама Штаттар үшін жұмыс істеу.

Шын мәнінде әлемде коронавирусқа қарсы вакцина әзірлеуден жарыс басталды және де оның қаржылық әрі саяси сипаты бар.

Ақшамен бәрі түсінікті: әлемдік нарықта вакцинаны кім бірінші сатса, сол олжаға кенеледі. Дәл осы себептен зерттеулерге мемлекеттік және академиялық құрылымдар ғана емес, фармацевтика компаниялары да белсенді тартылып отыр. Олар үшін бұл таптырмас мүмкіндік.

Саясатта, ең дұрысы, үлкен саясатта бәрі әлдеқайда қиын. Әңгіменің төркіні мынада — вакцина әзірлеумен байланысты қазіргі жағдай державаның мүмкіндіктері мен оның даму көрсеткіші ретінде қаралып отыр. Фармпрепаратты дайындау үшін (әсіресе аз уақыт ішінде) тек ақша бөлу жеткіліксіз. Жұмыс істеп тұрған академиялық орталықтар мен кәсіби деңгейі  жоғары ғылыми кадрлар қажет. Сондай-ақ, процесті барынша тиімді ұйымдастырып, туындаған проблемаларды жедел шешуге қабілетті құрылымдар да керек.  

Вакцина әзірлеуде әу бастан үш мемлекет – АҚШ, Ұлыбритания және Қытай –  лидер саналды. Бұл елдер екпе жұмысын ерте бастады.

Ал Ресейді ешкім шындап қабылдамады.

The Wall Street Journal басылымы ресейлік тәсілді "вакциналық ұлтшылдық" деп атады. Бұл тіркеспен олар Ресей препарат әзірлеуде тек өз ресурстарына арқа сүйегенін және вакцина алдымен ресейліктерге егілетінін, ал өзге азаматтар екінші орынға ысырылып отырғанын меңзеді.

Тағы оқыңыз: Ресейлік мамандар бүкіл Қазақстандағы дәрігерлерге кеңес беріп жатыр

Кез келген мемлекет өз мүддесін бірінші орынға қояды. "Мұнда тұрған не бар?" деген сауалдың жауабы өз алдына жеке әңгіме.

Қалай дегенмен, соңғы айда батыстың коронавирусқа қарсы вакцина бойынша Ресейге қатысты позициясы қатты өзгерді – әлем "Кремльдің кезекті қылмысы" туралы білді.

Алдымен Ресейді хакерлердің көмегімен үш елден – Ұлыбритания, АҚШ және Канададан ақпарат ұрлауға әрекеттенді деп айыптады. Ал кеше тіпті таңғаларлық жағдай болды: Bloomberg агенттігі Мәскеу сәуір айынан бері эксперименттік вакцина пайдаланатынын, алайда ол жасырын, тек ресейлік элитаның өкілдеріне егіліп жатқанын мәлімдеді.

Бұл айыптауларға тереңірек үңілсек, Батыс Ресейдің коронавирусқа қарсы вакцина әзірлеуде көшбасшы саналатын елдердің қатарына қосылуынан қорқатын сыңайлы.

Қытай маусым айының соңында өз армиясы үшін эксперименттік вакциналардың бірін мақұлдаған болатын. Енді Ресей жақсы жаңалығын бөлісіп отыр.

Ал Батыс елдерінің жетістіктері әлі көрінбейді.

БАҚ мәліметінше, АҚШ-тың фармацевтика компаниялары вакцина өндірісін жаздың соңына қарай бастауды жоспарлап отыр. Әйтсе де бұл хабарламаға ресми статус пен толыққанды ақпарат жетіспейді.

Ал британиялықтар кеше ғана оксфордтық вакцинаның кезекті нәтижесі туралы есеп берді. Ресми мәлімдемеге сүйенсек, нәтиже көңіл көншітпейді. Коронавирустан вакцинациялау жөніндегі мемлекеттік жұмыс тобының төрағасы Кейт Бингэм екпеге үлкен үміт артпауға шақырды: "Вакцина ешқашан пайда болмауы мүмкін, жасап шыққан күннің өзінде ол вирус жұқтырудың алдын алмайды, тек ауру белгілерін әлсірететін вакцина болуы мүмкін", - деді ол.

46
Кілт сөздер:
Ресей
Тақырып бойынша
Ресей қорғаныс министрлігі коронавирусқа қарсы вакцина дайын болғанын хабарлады
Ресейде коронавирусқа қарсы вакцина қалай сынақтан өткізіліп жатыр
Архивтегі фото

Ресейдің Қазақстанмен шекаралас облысында құс тұмауының ошағы табылды

1556
(Жаңартылды 17:01 03.08.2020)
Көл жағасынан табылған жабайы үйрек пен қаздардың өлексесінен H5N8 үлгісіндегі құс тұмауы вирусы анықталды

НҰР-СҰЛТАН, 3 тамыз – Sputnik. Қазақстан шекарасымен шектесетін Ресейдің Челябі облысында құс тұмауының ошағы тіркелді. Жақын маңдағы елді мекендер аумағында карантин енгізілді. Бұл туралы Россельхознадзордың өңірдегі басқармасының баспасөз қызметі хабарлады, деп жазды РИА Новости.

Басқарманың мәліметінше, Увельский ауданының Песчаное және Табынша көлдерінің жағасынан табылған құстардың (жабайы үйрек және төрт үй қаз) өлексесі зерттелді. Барлық сынамадан H5N8 үлгісіндегі құс тұмауы вирусының материалы анықталды. Осыған байланысты елді мекендерде құстарды тіркеу жұмыстары жүргізілді.

Оқи отырыңыз: Қытайда коронавирустың жаңа түрі таралып жатыр   

"Облыста құс тұмауының ошағы тіркелді. Осы көлдерге жақын орналасқан қолайсыз елді мекендердің аумағында карантин орнатылды, аймаққа қауіп төндіретін індет ошақтары анықталды. Қолайсыз аймақтарда құс тұмауымен күрес ережелеріне сәйкес шаралар қабылданып жатыр", - делінген хабарламада.  

Россельхознадзор басқармасы мен облыстық ауыл шаруашылығы министрлігінің ветеринария басқармасы қауіпті ауру тарап кетпеу үшін барлық шараны қолдануда.

 

1556
Тақырып бойынша
ДДҰ карантин режиміне қатысты мәлімдеме жасады
Ғалымдар коронавирус пандемиясы тағы қанша уақытқа жалғасатынын айтты
Ғалымдар коронавирус қандай суда өлетінін анықтады
Қытайда тағы бір қауіпті вирус табылды
Тоқаев қазақстандықтарды қайғыға салынбауға шақырды
Зертхана, архивтегі фото

Ресейде коронавирусқа қарсы жаппай вакциналау қазан айында басталады

212
Елдің денсаулық сақтау министрлігі коронавирусқа қарсы вакцинаны клиникалық сынақтан өткізу жұмыстары аяқталғанын хабарлады

НҰР-СҰЛТАН, 1 тамыз – Sputnik. Ресей денсаулық сақтау министрі Михаил Мурашко Гамалея атындағы ұлттық эпидемиология және микробиология зерттеу орталығы әзірлеген коронавирусқа қарсы вакцинаны клиникалық сынақтан өткізу жұмыстары аяқталғанын хабарлады.

Қазір бұл препаратты тіркеу үшін құжаттар пакеті дайындалып жатыр, деп хабарлады РИА Новости.

Мурашко тіркеу куәлігі алынғаннан кейін вакциналар қолданыла бастайтынын атап өтті. Бірінші кезекте арнайы топтар – дәрігерлер мен мұғалімдерге егіледі.

Министрдің айтуынша, билік жаппай вакциналауды қазан айынан бастауды жоспарлап отыр.

Оқи отырыңыз: Бекшин тұмауға шалдыққан науқас коронавирус жұқтырса не болатынын айтты   

Гамалея атындағы орталық қорғаныс министрлігімен бірлесіп Н.Н.Бурденко атындағы әскери госпиталь базасында вакцинаны клиникалық сынақтан өткізді. 20 шілдеде ол жерден 20 еріктіден тұратын екінші топ шығарылды.

Қорғаныс министрлігінің мәліметінше, анализ нәтижелері еріктілердің бәрінде коронавирусқа қарсы иммунитет пайда болғанын көрсеткен. Ешқандай жанама әсері, асқыну немесе ұнамсыз реакция болмаған, ешбірі денсаулығына қатысты шағым түсірмеген.

COVID-19 коронавирус пандемиясы бүкіл әлемге таралды. Дүниежүзілік денсаулық сақтау ұйымының соңғы мәліметі бойынша, 17,1 миллион адам вирус жұқтырған, олардың 668 мыңы қайтыс болды.    

212
Кілт сөздер:
коронавирус, екпе
Тақырып:
Коронавирус эпидемиясы
Тақырып бойынша
Ресей Қазақстанда зауыт салуға 1 миллиард доллар инвестициялайды
Қазақстанда коронавирусқа қарсы вакцина бірінші кезекте кімдерге егіледі
"Назарбаевтың қанынан вакцина жасайды": министрлік түсініктеме берді
Қытайдан әкелінген маскаларға инфекция жұқтырылған - министрлік түсініктеме берді
Мамин: Қазақстан коронавирусқа қарсы вакцинаны алғашқылардың бірі болып алудан үмітті  
Бала, ойыншық

Алматыда полицейлер екі баланы түні бойы іздеді

0
Балалар дүйсенбі күні таңертең табылды. Олар түнді шағын дәмхананың қасында өткізгені белгілі болды. Екеуі де үйден кету себебін айтқысы келмеді

НҰР-СҰЛТАН, 3 тамыз – Sputnik. Алматыда 11 және 8 жастағы екі ағайынды үйден кетіп, қайта оралмаған. Балаларды 30 полицей мен 15 кинолог іздеді. Алты сағаттан кейін балалар аман-сау табылды.

Екі ағайындының жоғалып кеткені туралы хабарлама полицияға түнгі сағат 01:45-те түсті, деп хабарлайды Polisia.kz порталы.

Оқи отырыңыз: Түркістан облысында үш бала тауда адасып кетті, біреуі жардан құлаған 

Ата-анасы балалар үйден кетіп, қайтып оралмағанын айтқан, бірақ бұған дейін ондай әрекет жасамаған.  

Дереу криминалдық полиция қызметкерлері, учаскелік инспекторлар, ювеналды полиция өкілдері мен тергеу-жедел тобының қызметкерлерінен арнайы іздеу тобы құрылды. Сондай-ақ, балаларды іздеуге 15 кинолог тартылды.

"Ең алдымен, үйдің жанындағы аумақты, жақын жерде орналасқан жыра-сайды тексердік, көршілерден сұрастырдық. Қалай болғанда да, біз жақсы нәтижеге қол жеткізуді көздедік", - дейді Алатау ауданы полиция басқармасының бастығы Ілияс Өмірсеріков.  

Ол балалар сағат 07:35-те табылғанын атап өтті. Ағайындылар түнді шағын дәмхананың қасында өткізгені белгілі болды. Балалар бір-бірін мықтап ұстап алыпты. Олар үйден неліктен кеткенін айтқысы келмеген.

Полиция қызметкерлері олардың тұрмысын, отбасылық тәрбиені міндетті түрде тексеріп, ата-анасымен жұмыс істейтіндерін жеткізді. Олар балалар себепсіз үйден кетіп қалмайды деп есептейді.  

0
Кілт сөздер:
балалар, Алматы
Тақырып бойынша
Атырауда үйдің ауласынан 6 жасар қыздың денесі табылды
Түлкібас ауданында 6 ай бұрын жоғалған оқушының не істеп жүргені анықталды
Алматыда әкім іздеу салған оқушы табылды
Атырауда бір жарым жасар сәби жоғалып кетті
Ақмола облысында жоғалған жасөспірімнің 9 жыл бойы қайда жүргені белгілі болды