РФ үкіметінің төрағасы Михаил Мишустин

Ресей премьері Мишустин пандемияның оң тұстарын атады

117
РФ премьер-министрі Михаил Мишустин "Россия 24" телеарнасына берген сұхбатында үкімет басшысы болу туралы ұсыныс жайлы, коронавирустан қалай емделгенін және Ресейдің пандемия жағдайында дамуы туралы айтты

НҰР-СҰЛТАН, 23 шілде – Sputnik. Михаил Мишустин Владимир Путиннің Ресей премьері болу туралы ұсынысын қабыл алған кезде, қандай сын-қатерлермен бетпе-бет келетінін сезбеген. Бұл туралы үкімет төрағасы "Россия 24" телеарнасының эфирінде айтты.

Оның үстіне коронавирус індетінің ауқымы бұлайша ұлғайып кететінін ешкім болжамаған еді. Эпидемия нағыз пандемияға айналып, бүкіл әлемде кем дегенде 600 000 адамның өмірін жалмады.

Үкіметті басқару туралы ұсыныс

"Алда өзіңді қандай сынақтар күтіп тұрғанын көзге елестету өте қиын. Маған үкіметте жұмыс істеуді Ресей президенті Владимир Путин ұсынды. Мақсат оның қаңтарда жариялаған жолдауындағы негізгі шараларды орындау болатын", - деді Михаил Мишустин.

Премьерге жолдауда қойылған міндеттерден бөлек, індетпен күреске бағытталған шараларды қабылдауға тура келді. Айтуынша, бұл оған оңайға соқпады.

Тағы оқыңыз: Ресейде коронавирусқа қарсы вакцинаның сынағы аяқталды – видео

Михаил Мишустин Ресей коронавируспен күрестің ең қиын кезеңінен жақсы көрсеткішпен өткенін мәлімдеді.

"Біз бұл кезеңнен өттік, бәлкім, нәтиже жағынан әлемдегі үздіктердің бірі шығармыз. Бұл өлім-жітімге де, тестілеу жүйесіне де қатысты", - деп атап өтті ол.

Оқушы кездегі арманы

Ресей үкіметінің төрағасы Михаил Мишустин бозбала шағында медицина институтына түсуді қалағанын айтты.

"Менің анам –  көп жылдық еңбек өтілі бар медбике. Дәрігерлерді бала кезімнен жақсы көремін, өйткені айналамда үнемі ақхалаттылар болды – анамның құрбылары, достары, таныстары. Соларға қарап, мен де дәрігер болуды қаладым. Салық қызметіне жұмысқа орналасардың алдында медицина институтына түспекші де болдым", - дейді ресейлік премьер.

Коронавирустан емделгені жайлы

Сәуір айының соңында Михаил Мишустиннің коронавирусқа тапсырған ПТР тесті оң нәтиже көрсетті. Айтуынша, дерттен құлан-таза айығып шығу оңай болмаған, дене қызуы жоғары болған.

"Өкінішке қарай, менде жоғары температура болды, тез жазылып шықтым деп айта алмаймын. Алайда, өзімді жақсы сезіне бастағаннан кейін, әрине, бірден жұмысыма оралдым", - деді Мишустин.

Премьердің жұмысқа шыққаны жайлы ресми ақпарат 19 мамырда, яғни ауырып қалғаннан кейін үш аптадан соң жарияланды. Ол вирус "лауазым таңдамайтынын және өте қауіпті екенін" айтты.

"Вирусты қалай жұқтырып алғанымды білмеймін. Осы орайда індетпен күресіп жатқан дәрігерлерге алғыс айтқым келеді. Әлемнің өзге дәрігерлері де біздің ресейлік дәрігерлер сияқты жұмыс істесін деп тілейік", - деді үкімет төрағасы.

Ресейде коронавирустың екінші толқыны бола ма?

"Әзірше, біздің ғалымдар мен мамандар ондай алғышарттарды көріп тұрған жоқ. Роспотребнадзор мен дәрігерлердің барлық ақыл-кеңесін орындасақ, екінші толқын болмайды. Соған сенеміз", - дейді Мишустин.

Оның айтуынша, қазіргі кезде Ресейде коронавирус жұқтырған адамдардың саны азайып келеді. Вирустың таралуы ғана емес, оның ауруды қоздыру қабілеті де, адам өлімі де төмендеп жатыр.

Пандемияның оң тұстары бар ма?

Коронавирус пандемиясы кезінде шекаралар жабылды. Осындайда ішкі туризмді дамыту мәселесі туындайды. Ресей премьер-министрі ол үшін тиісті жағдай жасау қажет деп санайды.

Тағы оқыңыз: Ресей коронавируспен күресте ЕАЭО елдеріне көмек көрсетуді жалғастырады – Мишустин

"Иә, жаңа жерлерді көресің, еліңді танисың. Осы жағынан жақсы. Себебі тамаша жерлер, курорттар бар. Инфрақұрылымды жасау қажет. Жеке инвесторлардың инвестициясы керек. Әрине, арзан билеттер болуы тиіс. Сонда адамдар ондай жерлерге кез келген көлікпен жете алады", - деп атап өтті үкімет басшысы.

Эпидемиядан кейінгі өмір қалай болады?

Михаил Мишустиннің айтуынша, пандемияға дейін бюджетке түскен қаражат тұрақтылыққа негіз болады. Премьер-министр коронавирустың экономикалық өсімді тежегенін, компанияларға және қарапайым халыққа зиян келтіргенін мойындады. Себебі барлық деңгейде табыстың төмендегені байқалып отыр. Алайда тұрақтылыққа негіз болатын қаржы бар.  

"Ресейдің барлық деңгейдегі бюджеттеріне түскен кіріс өзімізді жайлы сезінуге мүмкіндік беретінін сеніммен айта аламын", — дейді министрлер кабинетінің басшысы.

117
Кілт сөздер:
коронавирус, Үкімет, Ресей
Флешмоб

Россотрудничество биыл қандай реформаларды іске асырмақ?

14
Атауын өзгерту, ТМД елдері студенттері үшін квота санын көбейту, танымал әртістермен жұмыс – бұл агенттіктің жаңа стратегиясының бір бөлігі ғана

НҰР-СҰЛТАН, 12 тамыз – Sputnik, Данара Құрманова. "Россотрудничество" агенттігінің жетекшісі болып мемлекеттік дума депутаты, тележурналист Евгений Примаковтың тағайындалғаны осы жылдың маусым айының аяғында белгілі болған еді. Қызметіне кіріскен сәтте-ақ, Примаков мекемеде үлкен өзгерістер болатынын уәде еткен-ді. Бірақ жай-жапсарын 11 тамызда өткен онлайн-дәріс кезінде ғана айтты.

Sputnik агенттіктің жаңа бағдарламасының ең маңызды тұстарын ұсынады.

"Жұмсақ күшке жол жоқ"

Ең алдымен, "Россотрудничество" жаңа басшысы агенттік серіктестерінен "жұмсақ күш" терминінен бас тартуды сұрады. Бұған түбегейлі қарсы екенін жеткізген ол:

"Әуелден бастап  Россотрудничество агенттігін құрудағы мақсат – күш қолдану емес, халықаралық жайлылық пен тыныштықты қамтамасыз ету. Ұйым мәдениетке және білімге бағытталған бағдарламалар арқылы Ресейдің және серіктес мемлекеттердің дамуына алғышарт жасауға мүдделі", - деді.

Сондай-ақ, Примаковтың сөзінше, Россотрудничество алдағы уақытта гуманитарлық араласу идеясынан бас тартады.

"Бұл ескі тұжырым, - деп түсіндірді ол. – Біз гуманитарлық араласу идеясынан гумантиралық ықпал етуге көшетін боламыз. Бұл өз кезегінде бейбітшілікті сақтауға көмектеседі".

Жаңа тұжырымдаманың нақты мысалы ретінде Бейруттегі трагедияны келтірді. Агенттік алғаш рет зардап шеккендерге дәрігерлер жіберуге қатысты. Примаков бұл акцияның символдық мәні бар екенін, дәл осындай акциялар шетелдің Ресейге достық ниетпен қарауына әсер ететінін айтты.

Нон-стоп режиміндегі жұмыс

Евгений Примаков ашық дәрісін өткізбес бұрын 1 ай бойы Россотрудничество жұмысын зерттеп, нәтижесінде агенттікті реформалауды орыс клубтарынан бастаған жөн деген қорытындыға келген.

"Олар іс-шаралар кезінде ғана емес, үнемі жұмыс істеуі керек. Яғни, қатысушылар кез келген уақытта кездесіп, бір-бірімен араласып, болмаса кітап оқи алатындай болуы қажет. Бұл шетелдегі орталықтар Ресеймен қарым-қатынаста болғысы келетін адамдар үшін жасалып отырған жоқ па?".

Примаковтың пікірінше, әрбір клубтың жұмысы тек жастарға ғана емес, ересек адамадарға да лайықталып ұйымдастырылуы керек.

"Бізге тек шәй ішумен ғана шектелетін іс-шаралар қажет емес", - деген Евгений Примаков агенттік қызметкерлерін "Орыс музыкасы күні", "Орыс тұшпарасы күні" іспетті идеялардан аулақ болуға шақырды.

Евгений Примаков младший
© Sputnik / Илья Питалев
Евгений Примаков

Бірақ, орыс клубтарының жұмыс режимін өзгертуде бір түйткіл бар. Көптеген орыс орталығы РФ елшіліктерінің ғимаратында орналасқан. Кіріп-шыққанда қиындық туындайды.

"Сондықтан жұмысты жаңа жүйені енгізуге мүмкіндігі бар орталықтардан бастайтын боламыз",  - деді Примаков.

Танымал адамдар тартылады

Россотрудничество агенттігіне тыңғылықты продюсерлік жұмыс қажет. Агенттіктің негізгі аудиториясы – жастар, ал жастарды заманауи музыка, кітаптар, фильмдер, сериалдар сияқты поп-мәдениет салалары қызықтырады.  Осылайша, болашақ студенттер орыс мәдениетіне қызығушылық танытуы мүмкін, деп есептейді Евгений Примаков.

"Шекспир шығармаларының түпнұсқасын оқу үшін ағылшын тілін үйрене бастағандар аз, бірақ мұндай адамдар бар, - деді агенттік жетекшісі. – Қазіргі  жастар үшін тіл – әлеуметтік және экономикалық мүмкіндіктің қайнар көзі".

Осыған байланысты, Россотрудничество шетелдегі іс-шараларға танымал әртістерді шақыру керек, деді Примаков.

"Шағын ғана өнер ұйымдарынан бөлек, үнемі ел аузында жүретін әртістерді тарту керек", - деді ол.

Жаңа атау

"Россотрудничество" деген атау да заманауи емес, орыс тілін еркін меңгермеген адам үшін түсініксіздеу. Сондықтан агенттікке ребрендинг қажет. Әрі мекеменің ғана емес, ресейлік ғылым және өнер орталықтарының (РЦНК) да атауын өзгерту керек.

"РЦНК – "Россотрудничество" сияқты өте ауыр аббревиатура. Шетелдіктер үшін бұл өте қиын сөз", - дейді Примаков.

Мекеме "ТМД, шетелде тұратын отандастар және халықаралық гуманитарлық әріптестік істері бойынша федералдық агенттік" деген ресми атауын сақтап қалады. Тек сыртқы брендын ғана орыстілді емес аудитория үшін өзгерту керек. Агенттіктің атауын өзгерту қажетсіз шығындарға алып келеді. Ал, бұл қаржыны басқа пайдалы дүниеге жұмсауға болады, деп есептейді Примаков.

Қорыта айтқанда, Примаков стратегиясының басты факторы ұтымдылық пен экономия секілді. Ол жаңа аббревиатураны әзірлеу үшін бренд-менеджерлерді жалдауды жоспарлап отырған жоқ. Оның орнына ашық конкурс өткізбек. Сөйтіп, Россотрудничество арқылы ресейлік университеттерге оқуға түскен студенттер агенттіктің жаңа атауын ойлап табады.

ТМД аумағындағы жұмыс

Дәріс соңында Евгений Примаков "Россотрудничество" жаңа жобалармен айналысса да, ресейлік білімді алға ілгерілетуге үлес қосатынына сендірді.

"РФ президентінің жарлығына сәйкес, алдағы бірнеше жылда шетелдік студенттерді тегін оқыту квотасы 2 есе көбейеді. Қазір олардың жалпы саны 15 мыңды құрайды", - деді ол.

Сонымен бірге, агенттік Ресей және орыс тілімен байланысты білім беру жобаларын қолдауға ұмтылып отыр. Ол ірі университеттің немесе шағын ғана балабақшаның жобасы болуы мүмкін.

Бұдан бөлек,  Россотрудничество аналитикаға көбірек көңіл бөлмек. Бұл жастардың қызығушылығын жақсырақ түсінуге мүмкіндік береді. Бұл үшін агенттік өз сайтын түбегейлі өзгертпек.

14
Евгений Примаков

Россотрудничество жаңа жобаларды қолға алады Примаков

33
Бұл жоғары оқу орындарында оқуға берілетін квоталар ғана емес, өзге де білім жобалары болатыны айтылып отыр

НҰР-СҰЛТАН, 11 тамыз — Sputnik. Россотрудничество білім саласында жаңа жобаларды қолға алады. Бұл туралы ТМД істері жөніндегі федералды агенттіктің жетекшісі Евгений Примаков айтты.

"Білім саласында тың жобалар болады. Білім халықаралық дамуға қолдау көрсетудің маңызды салаларының бірі. Ресейдің ЖОО-лары беретін білім, әсіресе, ТМД елдерінде бәсекеге қабілетті", - деді ол. 

Оның айтуынша, білім жаңа мүмкіндіктер ашады.

"Көптеген адам үшін шет тілі әлеуметтік және экономикалық мүмкіндік ашатын біліктілік. Бұл дұрыс", - деді Примаков. 

Сондай-ақ, ол алдағы уақытта ресейлік тарап ұсынатын квоталар екі есеге артатынын жеткізді.

33
Иллюстративті фото

Шымкентте жоғалған қыз Алматы облысынан табылды

0
Хабар-ошарсыз кеткен қызды табуға Абай АПБ-ның барлық жеке құрамы мен полиция департаментінің бөлімшелері жұмылдырылды

НҰР-СҰЛТАН, 12 тамыз – Sputnik. Шымкент қаласы полиция департаментінің қызметкерлері жоғалған қызды Алматы облысының Қаскелең қаласынан тапты.

Абай ауданының полиция басқармасына әйел қызының жоғалып кеткені туралы арызданды, деп хабарлады Polisia.kz.

Оқи отырыңыз: Түркістанда жоғалған бойжеткеннің екі апта бойы не істегені белгілі болды 

Хабар-ошарсыз кеткен қыздың жүрген жерін анықтау мақсатында Абай АПБ-ның барлық жеке құрамы мен полиция департаментінің бөлімшелері жұмылдырылды. Жедел іздестіру шаралары барысында, атап айтқанда, республиканың барлық өңіріне бағдар жіберілгеннен кейін хабар-ошарсыз кеткен қыздың Алматы облысының Қаскелең қаласында екені анықталды.

Абай АПБ криминалдық полиция бөлімінің қызметкерлері қызды Шымкент қаласына жеткізді.

 

0
Кілт сөздер:
Шымкент
Тақырып бойынша
Түркияда қазақ қызы жұмбақ жағдайда жоғалып кетті
19 жыл бұрын ұшты-күйлі жоғалған қазақстандық қыз Тәжікстаннан табылды
"Қызымды жылатқан" Есікте жігітпен желі арқылы танысқан қыз жоғалып кетті
Жиырма жыл бұрын жоғалған қыз ата-анасымен қауышты – видео