Нұр-Сұлтандағы Нұрсұлтан Назарбаев халықаралық әуежайы

Қазақстандық студенттердің Ресейге кіру мүмкіндігі талқыланды

366
Қазіргі уақытта қазақстандық студенттер Ресей үкіметі шектеу енгізуіне байланысты осы елдегі оқуына бара алмай отыр

НҰР-СҰЛТАН, 12 қыркүйек – Sputnik. Мәскеуде Қазақстанның Ресейдегі елшісі Ермек Көшербаев пен Россотрудничество басшысы Евгений Примаковтың кездесуі өтті.  

Әңгіменің басты тақырыбы қазақстандық студенттердің Ресейге кіру мүмкіндігі және оларға бірлесе қолдау білдіру мәселесі болды, деп хабарлады Қазақстанның Ресейдегі елшілігінің баспасөз қызметі.

Сондай-ақ, кездесу барысында мәдениет және білім беру саласында бірқатар бастама көтерілді, олар алдағы бірлескен іс-қимылдарға негіз болады.

Оқи отырыңыз: Шетелде оқыған екі мың қазақстандық отандық университетке ауысты 

Әңгіме барысында Евгений Примаков қонақтарға ведомствоның қызметі және ғылыми-техника, мәдениет, экономика салаларындағы, сондай-ақ білім беру саласындағы халықаралық байланыстарды қолдау және дамыту бойынша жүктелген міндеттер туралы айтып берді.

Қазақстандық студенттер Ресейге қашан бара алады

Қазақстандық студенттердің Ресейге кіру мәселесі бір ай ішінде шешілуі мүмкін. Бұл туралы 9 қыркүйекте Ресейдің сыртқы істер министрі Сергей Лавров мәлімдеді.

 "Барлық елдің студенттеріне, соның ішінде Қазақстанға (Ресейге кіруге) мүмкіндік беретін нақты шарттар жақын арада анықталады. Көршіміздің бізге алғашқылардың бірі болып оқуға келгенін қалаймыз. Негізгі ойымыз келетін студенттерді белгілі бір деңгейде топтастыру арқылы апта сайын жайғастыруды көздейміз. Бұл мәселе бір айдың ішінде шешіледі деп үміттенемін", – деді Лавров.

Сонымен қатар, министр Ресей мен Қазақстан шекараларын ашу уақыты эпидемиологиялық жағдайға байланысты екенін атап өтті.

Еске сала кетейік, 17 тамыздан бастап Қазақстан Ресеймен әуеқатынасын қалпына келтірді, бірақ ресейлік тарап әлі шекарасын ашқан жоқ.  

366
Кілт сөздер:
Ресей, студенттер
Тақырып бойынша
Лавров Ресейде оқитын қазақстандық студенттердің мәселесі бір айда шешілетінін айтты
Сағынтаев кезекші сыныптарға студенттер сабақ береді деген ақпаратты жоққа шығарды
Zoom-да өтіп жатқан онлайн сабақ кезінде мұғалім қайтыс болды
Студенттер шағымынан кейін "Астана" университетінде тексеріс басталды
Енді қазақстандық студенттер үйден шықпай-ақ оқу орнын ауыстыра алады
Владимир Путин

Ресей президентін Бейбітшілік үшін Нобель сыйлығына ұсынды

29
Өтінім 10 қыркүйекте Ослодағы Нобель комитетінің штаб-пәтеріне түсті, деп хабарлады ресейлік жазушы Сергей Комков

НҰР-СҰЛТАН, 24 қыркүйек – Sputnik. Жазушы Сергей Комков Ресей Федерациясының президенті Владимир Путинді 2021 жылғы Бейбітшілік үшін Нобель сыйлығына ұсынғанын мәлімдеді, деп хабарлады РИА Новости.

"Мен тиісті өтінімді 9 қыркүйекте жібергенмін. Келесі күні, яғни 10 қыркүйекте ол өтінім Ослодағы Нобель комитетінің штаб-пәтеріне түсті", - деді Комков арнайы баспасөз мәслихатында.

Оның айтуынша, өтінімдерді қабылдау қыркүйекте басталып, қазан айында аяқталады. Комитет барлық өтінімді наурызға дейін қарайды.

Путиннің баспасөз хатшысы Дмитрий Песков те осы бастамаға қатысты пікір білдірді.

"Шешім қабылданса, тамаша болады. Ал болмаса, ештеңе етпес", - деді Песков журналистерге берген сұхбатында.

Оқи отырыңыз: Әдебиет саласындағы Нобель сыйлығы фотографтың кесірінен ешкімге бұйырмады 

Айта кетейік, 9 қыркүйекте Норвегияның стортинг (парламент) депутаты Кристиан Тибринг-Чьедде 2021 жылғы бейбітшілік үшін Нобель сыйлығын АҚШ президенті Дональд Трампқа табыстауды ұсынды.

2017 жылы Қазақстанның тұңғыш президенті Нұрсұлтан Назарбаев та ядролық қарусыздандыру саласындағы еңбегі үшін осы сыйлыққа ұсынылған болатын.

29
Кілт сөздер:
сыйлық, Владимир Путин
Паспорт

Ресейдегі қазақстандықтар желтоқсан айының ортасына дейін тіркеуден босатылды

24
Бұл шара коронавирус пандемиясы жағдайында азаматтардың түрлі мақсатта орын ауыстыруын жеңілдетуді қарастырады  

НҰР-СҰЛТАН, 24 қыркүйек – Sputnik. Ресейдегі қазақстандықтар желтоқсан айының ортасына дейін тіркеуден босатылды.

Ресей президенті Владимир Путин "Коронавирус инфекциясының (COVID-19) одан әрі таралу қаупіне байланысты Ресей Федерациясындағы шетелдік азаматтар мен азаматтығы жоқ адамдардың құқықтық мәртебесін шешудің уақытша шаралары туралы" өзінің №274 жарлығына өзгерістер енгізді.

Оқи отырыңыз: Қазақстандықтар 26 қыркүйектен бастап Мәскеуге ұша алады 

"Осы құжатқа сәйкес, тіркелудің немесе уақытша тұруға рұқсаттың мерзімі 2020 жылдың 15 наурызынан 15 желтоқсанына дейінгі мерзімде аяқталса да Қазақстан азаматтары елде тіркеусіз еркін тұра алады. Осы кезең үшін оларға ешқандай айыппұл мен депортация шаралары қолданылмайды", - деп хабарлады Қазақстанның Ресейдегі елшілігі.  

Жоғарыда аталған өзгерістерге сәйкес, паспорттың немесе жеке куәліктің қолданылу мерзімі 2020 жылдың 14 наурызынан кейін аяқталған болса, Ресейден Қазақстанға мерзімі өткен құжаттармен кетуге рұқсат етіледі, бірақ үшінші елдер арқылы транзитпен шығуға тыйым салынады.

24
Кілт сөздер:
Ресей, желтоқсан, тіркеу
Тақырып:
Коронавирус эпидемиясы
Тақырып бойынша
Қазақстан мен Ресей арасындағы әуе қатынасы жанданады
Қазақстан мен Египет арасындағы әуе қатынасы 12 қыркүйекте жанданады
Қырғызстанға ұшуға рұқсат берілді: алғашқы рейске билеттер сатылып кетті
Польша Қазақстанмен әуе қатынасын қайта қалпына келтіретін болды
Ішік

Нұр-Сұлтан тұрғыны анасының миллион теңге тұратын ішігін ұрлап, 30 мыңға сатпақ болды

0
Мас ер адам өтіп бара жатқан адамдарға қаракүзен ішігін сатып алуды ұсынған – оны учаскелік инспектор ұстады

НҰР-СҰЛТАН, 24 қыркүйек – Sputnik. Алкогольге тәуелділіктен зардап шегетін ер адам анасының бір миллион теңге тұратын қаракүзен ішігін ұрлап алған.

Ол "Астаналық базардың" маңында өтіп бара жатқан адамдарға ішікті 30 мың теңгеге сатпақ болды, деп хабарлады Нұр-Сұлтанның полиция департаменті.

Оқи отырыңыз: Нұр-Сұлтанда қымбат телефонды ұрлап кеткен оқушының әрекеті видеоға түсіп қалды   

Тон ұстаған мас адамды учаскелік инспектор Бақтияр Байқанов байқап қалып, оны тергеу үшін полицияға жеткізген.

Нәтижесінде ішік заңды иесіне қайтарылды. Ол полиция қызметкеріне қырағылығы мен қызметтік міндетін адал атқарғаны үшін ризашылығын білдірді.   

0
Кілт сөздер:
Нұр-Сұлтан, ұрлық
Тақырып бойынша
Қарағанды облысында ұрланған көлік өртеніп кетті
Нұр-Сұлтанда қарақшылық шабуыл жасаған ағалы-інілі ұсталды
Талдықорғанда 35 жыл түрмеде отырған баукеспе ұры ұсталды
Сарыағашта ана мен баланың бірігіп жасаған қылмысы ашылды – видео