Нұр-Сұлтан

Астана атауын өзгертуге қанша ақша жұмсалады: министр жауап берді

523
(Жаңартылды 12:03 26.03.2019)
Нұр-Сұлтан қаласындағы маңдайша жазуларды ауыстыруға қаражат қалай бөлінетіні белгілі болды

НҰР-СҰЛТАН, 26 наурыз – Sputnik. Елорда атауын Нұр-Сұлтан деп өзгерту үшін бюджеттен қосымша қаражат бөлінбейді. Бұл туралы бүгін премьер-министрдің бірінші орынбасары – қаржы министрі Әлихан Смайылов мәлімдеді, деп хабарлайды Sputnik Қазақстан тілшісі.

"Астана атауын өзгерту үшін қосымша қаражат бөлінбейді. Мұның бәрі ағымдағы бөлінген қаржы есебінен жүзеге асады", - деп сендірді министр үкіметте өткен баспасөз мәслихатында.

Оның айтуынша, Нұр-Сұлтан қаласында орналасқан мемлекеттік органдардың ғимаратының белгілері де жыл сайын бөлінетін қаражат есебінен жүзеге асады.

"Бланктерді өзгерту бойынша. Біздің мемлекеттік органдар электронды құжат айналымына көшкенін білесіздер. Сондықтан бланктерді өзгерту айтарлықтай шығынды қажет етпейді. Нормативтік-құқықтық құжаттарға өзгеріс енгізу үшін де қосымша ақша керек емес. Жергілікті атқарушы органдардың белгілері мен бланктерін өзгерту жергілікті бюджеттің шығындары есебінен іске асырылады", - деді Смайылов.

Премьер-министр елорда атауының өзгеруіне қатысты пікір білдірді

Ол елорда әкімдігі ғимараттардың маңдайшалары мен атауларды бір мезетте емес, кезең-кезеңмен ауыстыруды жоспарлап отырғанын атап өтті.

"Астана қаласының бюджетінде ескірген белгілерді ауыстыру үшін жыл сайын 40 миллион теңге қарастырылады. Сондықтан қосымша ақша бөлінбейді, бәрі қазір сол қазіргі бюджет шегінде", - деді министр.

Астана Нұр-Сұлтан деп өзгерді: министрлік көпті мазалаған мәселеге нүкте қойды

523
Кілт сөздер:
Әлихан Смайылов, Астана
Тақырып бойынша
Тоқаев Астананың атауын өзгерту туралы жарлыққа қол қойды
Астана атауы өзгергенін білген Ақтөбе тұрғыны әп-сәтте байып кетудің жолын тапты
Нұр-Сұлтаннан кейін: Қырғызстанда Бішкектің атауын өзгерту ұсынылды
Нұр-Сұлтан тұрғындары үйдің құжатын қашан ауыстырады: әділет министрлігі жауап берді
"Нұр-Сұлтан, Қазақстан!" Шымкент әкімі елорданың жаңа атауын қолдап, халыққа ұран тастады
Теңге, ақша

Нұр-Сұлтан тұрғындары жарты миллион теңгеден қарыз екенін білді

3633
(Жаңартылды 16:57 05.08.2020)
Жаңа үйдің тұрғындарына бір ғана электр жарығы үшін әрқайсына кемінде жарты миллион теңгелік есепшот келген

НҰР-СҰЛТАН, 5 тамыз – Sputnik. Елордада пайдалануға берілгеніне небәрі 8 ай болған баспананың әлі күнге электр желісі де, суы да бір жүйеге түспеген. 

Қала тұрғыны Наталья Бондаренконың айтуынша, жарықтың есептеуіш құралы істемейді.

"Таяуда электр желісі компаниясының өкілі келіп, жарықтан ажыратамыз, сіздер 8 ай бойы ақша төлемегенсіздер деді. Біз оны кімге барып, қайда төлейтінімізді білмейміз, оның үстіне түбіртек те берілмейді", - деп ашынды ол.

Айтуынша, суды да дұрыстап бермейді. Бірде салқын, бірде ыстық су ағатын көрінеді. Реттеп отырған адам жоқ, деп хабарлады "Астана" арнасы.

Мәселе мұнымен шектелмейді. Үйдің қабырғалары жарылып, терезелері шытынай бастаған.

Пәтердің құрылысына жауапты "Қазстройподряд" компаниясының өкілі кемшіліктерді ертеңнен қалдырмай түзейтіндерін айтты.

"Біз жауапкершіліктен қашып отырған жоқпыз. Кемшіліктерді түзетеміз. Абаттандыру мәселесінің бәрі ертең 100 пайыз шешіледі. Ертең өзім осы жерде боламын", - деп уәде берді компания басшысы Бекзат Пашаев.

Қалалық тұрғын үй қорының өкілі есептеуіш құралдары болғанмен, пәтер иелері коммуналдық мекемелермен келісімшарт жасаспаған деп отыр. Қалай болғанда да тұрғындар 8 айдың шығынын өтеуге міндетті екенін айтты.

Оқи отырыңыз: Кәсіпкер Нұр-Сұлтанның қымбат үйлерінің қорқынышты фотоларын жариялады 

"Олар осы күнге дейін келісімшартсыз тұрды. Бірақ суды, энергияны қолданып келеді. Осы күнге дейінгі қарыздарын төлеуге міндетті. Яғни, төлем тапсыру-қабылдау актісіне қол қойған күннен басталады", - деп түсіндірді қалалық "Тұрғын үй қоры" КММ баспасөз хатшысы Арманай Қабдешова.

Базыналы бұқара электр энергиясы үшін әр пәтерге қомақты қаржы келгенін айтып, шырылдады. Сөздеріне қарағанда бір ғана электр жарығы үшін әрқайсысына кемінде жарты миллион теңгелік есепшот келген. Оны мұндағы әлеуеттің қалтасы әрине көтермейді. Өйткені, бұл баспаналарда әлеуметтік аз қамтылған отбасылар тұрып жатыр.

3633
Кілт сөздер:
қарыз, электр энергиясы
Тақырып бойынша
Перуашев мемлекеттің ақшасына шалқып өмір сүргісі келетін шенеуніктерге шүйлікті
Алматылық келіншек банкке 45 миллиард теңге қарыз екенін білді
Сенат депутаты: қазір әрбір қазақстандық 330 мың теңгеден қарыз
Смайылов миллиардтаған сыртқы қарыздың қайдан шыққанын түсіндірді  
Қазақстандықтар коммуналдық қызметтерге 13 млрд теңге қарыз болып қалды
Автобустардағы тексеріс

Нұр-Сұлтанда автобус қашан жүретіні белгілі болды

1748
Елорда тұрғындарының өтініші бойынша қалада қоғамдық көліктер қайтадан қатынай бастайды, деп хабарлады Нұр-Сұлтан әкімі

НҰР-СҰЛТАН, 1 тамыз – Sputnik. Нұр-Сұлтанда қоғамдық көліктер дүйсенбіден бастап жүреді. 

"Жұмыс берушілер мен қала тұрғындарының өтініші бойынша автобустар қозғалысын 3 тамыздан бастап жандандырамыз. Тек қалалық бағдарлар іске қосылады, каламаңы автобустары қатынамайды. Автобустар сағат 6:00-ден 21:00-ге дейін жүреді", - деп хабарлады Нұр-Сұлтан әкімі Алтай Көлгінов әлеуметтік желіде.

Қоғамдық көлікке маскасыз мінуге тыйым салынады. Көлік бақылау департаментінің қызметкерлері күн сайын рейд жүргізіп, жүргізушілер мен жолаушылардың бетперде режимін сақтауын тексереді. Ал жүргізушілерге жолаушыларды салонға маскасыз кіргізуге қатаң тыйым салынады.  

Автобусқа тек алдыңғы есіктен мінуге болады. Жол жүру ақысы қолма-қол ақшасыз төленеді. 

Әкім автобус жүргізушілері коронавируспен күреске айтарлықтай үлес қосып жатқанын айтты – пандемия кезінде олар медицина қызметкерлерін, әлеуметтік қызметкерлерді жұмысқа тасыды.

Оқи отырыңыз: Алматыда қоғамдық көлік қозғалысы тоқтатылады 

Алтай Көлгінов сондай-ақ қоғамдық көлік жүргізушілерін келе жатқан Көлік қызметкерлері күнімен құттықтады.

Ол қала тұрғындарының жаңа бағыттар ашу жайлы тілегі ескеріліп, елорда автопаркін жаңарту үшін 100 электр автобус сатып алынып, тапсырылғанын атап өтті.    

1748
Кілт сөздер:
автобус, қоғамдық көлік, коронавирус
Тақырып:
Төтенше жағдай және карантин
Тақырып бойынша
Алматыда жаңа шектеу шаралары енгізілді
Қазақстанда тағы бір облыста карантин күшейтілді 
Алматыда бетперде таққан автобус пайда болды - фото
Маска тағудан бас тартқан 22 жастағы алматылық қыз сот алдында жауап береді
Денсаулық сақтау министрлігі жұртты толғандырған сұрақтарға жауап берді
Бейрутегі жарылыс

Тоқаев қазақстандықтардың қауіпсіздігі үшін Ливан президентіне қоңырау шалды

0
Ливанда 200-ге жуық Қазақстан азаматы, оның ішінде, қазақ дипломаттары мен әскери қызметшілер тұрып жатыр   

НҰР-СҰЛТАН, 5 тамыз – Sputnik. Қазақстан президенті Қасым-Жомарт Тоқаев Ливан президенті Мишель Аунға телефон арқылы көңіл айтты. Бұл туралы мемлекет басшысы Twitter-де хабарлады.

"Бүгін Ливан президенті Мишель Аунмен телефон арқылы сөйлесіп, Бейрут портындағы жарылыс кезінде қаза болған адамдардың отбасына көңіл айтып, зардап шеккендердің сауығып кетуіне тілектестік білдірдім", - деп жазды Тоқаев.

Ол Ливандағы 200-ге жуық Қазақстан азаматының, оның ішінде, қазақ дипломаттарының және БҰҰ-ның бітімгершілік күштері құрамында қызмет атқарып жүрген әскери қызметшілердің қауіпсіздігін қамтамасыз етуді өтінді.

Оқи отырыңыз: Сыртқы істер министрі Тоқаев қандай тапсырма бергенін айтты 

"Ливан президенті осындай қиын-қыстау кезеңде қолдау білдіргеніміз үшін алғыс айтып, Қазақстан азаматтарының қауіпсіздігін қамтамасыз етуге уәде берді", - деп атап өтті президент.

Бейрут қаласындағы жарылыс

4 тамыз күні Ливан астанасындағы теңіз порт базасында бірнеше жарылыс болды. Жақын маңдағы және бірнеше шақырым қашықтықтағы үйлер, ғимараттар қирады.

Ливандық БАҚ жүздеген адам зардап шегіп, ондаған тұрғын қайтыс болғанын айтты.

Жарылыс пиротехника қоймасында болуы мүмкін деген болжам жасалды. Алайда Ливан қауіпсіздік қызметінің басшысы генерал Аббас Ибрагим мұны жоққа шығарып, жарылғыш заттар орнатылғанын мәлімдеп отыр.

Жарылыс толқыны салдарынан Ливандағы Қазақстан дипломатиялық миссиясының ғимаратына зақым келді. Ол кезде жұмыс аяқталған. Сондықтан дипломатиялық миссия қызметкерлері кеңседе болмапты. Бірақ жұмыста қалған Қазақстанның Ливандағы консулы Бағлан Сыпабек жарылыс болған кезде жарақат алды.

0
Кілт сөздер:
қауіпсіздік, жарылыс, Қасым-Жомарт Тоқаев
Тақырып бойынша
Ақсайда тазартқыш ғимаратта жарылыс болып, бөлімше бастығы көз жұмды
Бейруттегі жойқын жарылыс: Қазақстан консулы жараланды