Lexus

Нұр-Сұлтан тұрғыны қымбат көліктерді жалға алып, сатып жіберген

286
(Жаңартылды 16:00 08.05.2019)
Елордалық полиция бірқатар алаяқтық жасаған ер адамды ұстады

НҰР-СҰЛТАН, 8 мамыр – Sputnik. Нұр-Сұлтан қаласында қымбат көліктерді жалға алып, сатып жіберген алаяқ ұсталды, деп хабарлайды елордалық полиция департаменті.

Жедел іздеу шарасы барысында криминалдық полиция алаяқтықпен көлік сатты деген күдікпен 27 жастағы жергілікті тұрғынды ұстады. Ұсталған адам әзірше үш алаяқтығын мойындады.

Тағы оқыңыз: Алаяқ жігіт 19 қыздың басын айналдырып, алдап кетті

Тергеу кезінде күдіктінің қымбат көліктерді жалға алып, кейін нарықтағы бағадан төмендетіп, сатып жібергені анықталды. Осылайша ол Lexus, Toyota Camry көліктерін сатқан, Қостанай қаласында Nissan Qashqai көлігін өткізіпті.

Алаяқ уақытша ұстау абақтысына қамауға алынды, оның бұрын осы секілді қылмыстарға қатысы бар-жоғы тексеріліп жатыр.

Осы адамның алаяқтығынан зардап шеккен азаматтар Бейбітшілік көшесі,19 мекенжайы бойынша Нұр-Сұлтан қаласының полиция департаментіне барып немесе 8 (7172) 71-60-24,71-61-07 және "102" нөмірлері хабарласа алады.

Елорда полициясы, көлік сатып алған кезде алаяқтықтан сақтануды ескертті.

286
Кілт сөздер:
полиция, алаяқтық, Нұр-Сұлтан
Бәйтерек ғимараты

Астана күні - әкімдік жоспарланған шаралар тізімін жариялады

298
(Жаңартылды 17:13 01.07.2020)
Коронавирус пандемиясына қарамастан, қалада карантин шараларын сақтай отыра, бірқатар шара өтетіні айтылды

НҰР-СҰЛТАН, 1 шілде – Sputnik. Елорданың 22 жылдығына арналған бірқатар шара өтеді.

Астаналық мәдениет басқармасының баспасөз қызметі Sputnik Қазақстан тілшісіне эпидемиологиялық жағдайға байланысты шараларды жабық ғимараттар мен концерт залдарында өткізуден бас тартылғанын айтты.

Астана күніне жоспарланған шаралар

3-4 шілде 19:00 -де танымал әншілердің қатысуымен "Құттық TIMES Astana" концерті өтеді. Мерекелік шара Есіл өзенінің жағасында өтеді. 

1-6 шілде 18:00-де "Нұрлы жолмен" атты көрме өтеді. "Нұржол" бульварында астананың қалыптасуының маңызды сәттері көрсетілген инсталляциялар қойылады. 

1-6 шілде 18:00-де орталық саябақта "Мерекелік сахна" мерекелік концерті өтеді. Көрермендер ашық аспан астында театрландырылған шоу бағдарлама тамашалап, балалар интерактивті ойындарға қатыса алады.

1, 5 және 6 шілдеде 15:00-19:00 аралығында саябақтар мен "Думанды Сарыарқа"скверлерінде шаралар ұйымдастырылады.

5-6 шілдеде 10:00-де Botanic Garden Eco Festival гүлдер жәрмеңкесі өтеді. Экобайқауда флористикалық авторлық жұмыстар көрсетіледі. Шеберлік сағаттары ұйымдастырылады. 

5-6 шілдеде 11:00-21:00 "Отбасы мерекесі" фестивалі өтеді. Тұрғындар ашық аспан астындағы екі кинотеатрда фильмдер мен мультфильм көреді. Түрлі спорттық шаралар, велошеру ұйымдастырылады.

5-6 шілдеде 21:30-да Nur-Sultan autocinema festival өтеді. Елордада алғаш рет даладағы автокинотеатр ұйымдастырылады. 

1-7 шілдеде 19:00-23:00 аралығында ашық аспан астындағы KINO SPACE кинотеатры жұмыс істейді.  "Қыз Жібек", "Менің атым Қожа, "Наш милый доктор", "Алпамыс мектепке барады", "Путь Лидера", "Ақсақ құлан",  "Джон Уик", "Приключения Питера Пэна" және "Астерикс и Обеликс" фильмдерін тамашалай алады.

4, 5 және 6 шілдеде 10:00-де орталық саябақта ART CAMP граффити-фестиваль өтеді. 

5 және 6 шілдеде 19:30-де "АВТОФЕСТ" ретро көліктер фестивалі. 

6 шілдеде  - Қайрата Баекенов пен "Формат" тобының концерті.

6 шілде 20:00-де  "Хабар" және "Астана" телеарналарында "НҰР-СҰЛТАН - ҰЛЫ ДАЛА ЖҮРЕГІ" гала-концерті көрсетіледі.

298
Кілт сөздер:
әкімдік, шілде, шаралар, күн, Астана
Тақырып бойынша
Қазақстанда 1 шілдеден бастап не өзгереді
Нұр-Сұлтанда ашық аспан астында кино көрсетілімі өтеді
Қазақстанда 2 шілдеде қандай маңызды оқиғалар болады
Парацетамолды күніне неше рет ішуге болады – денсаулық министрлігі кеңес берді
Автобустар жүрмейді: Шымкентте карантин мерзімі ұзартылды
Алматыдағы модульдік инфекциялық аурухана

Нұр-Сұлтанда коронавирус жұқтырғандар бойынша бірыңғай база құрылады

93
Алтай Көлгінов емханалардың бас дәрігерлері мен фармацевтикалық компания  басшыларымен өткен онлайн-кездесуде ауру белгілері бар науқастарды ауруханаға жатқызуды тапсырды

НҰР-СҰЛТАН, 27 маусым – Sputnik. Елорда әкімі Алтай Көлгінов медициналық мекемелердің жетекшілеріне бірқатар тапсырма берді.

Алтай Көлгінов Instagram-дағы парақшасында пациенттермен кері байланысты күшейту қажеттігін хабарлады. Бұдан бөлек, әрбір симптомсыз науқасты бақылауда ұстау керек.

"Егер ауру белгілері анықталса, науқастар ауруханаға жатқызылады. Симптомсыз тасымалдаушылар өзін-өзі оқшаулауы керек. Сыртқа шығуға болмайды. Барлық зертхана, емхана және стационарлардың базасын бірыңғай базаға біріктіру керек. Мысалы, науқастың ПТР-тесті оң нәтиже көрсетсе, дерек ол тіркелген емханаға тікелей түседі. Әрі қарай дәрігер алгоритмге сәйкес науқаспен жұмыс істейді", - деп жазды ол.

Сонымен қатар, қала әкімі тұрғындар жедел жәрдем шақыра алатын телеграм-боттың (@ns103bot) және call-орталықтың сапалы жұмысын қамтамасыз етуді тапсырды.

"Ахуал орталығы жұмысын күшейтеді. Науқастар топталып қалмау үшін қызметкерлер КВИ бар науқастарды стационарларға таратады", - деді ол.

Көлгінов фармкомпанияларға қысқа мерзімде қаланың дәріханаларына медициналық дәрі-дәрмектерді жеткізу мәселесін шешу қажеттігін айтты.

93
Кілт сөздер:
коронавирус, Алтай Көлгінов
Ресейдің СІМ ғимараты

"Бізге дәлел қажет": Ресей New York Times мақаласына баға берді

0
Таяуда New York Times басылымы Ауғанстандағы Ресей мен тәлібтердің "келіссөзіндегі" "делдалды" атаған мақаласын жариялады

АЛМАТЫ, 2 шілде – Sputnik. Ресейдің сыртқы істер министрлігі Ресейдің тәлібтермен "сөз байласқанына" қандай да бір дәлел бар екеніне қатысты түсініктеме берді. Ресей Федерациясы президентінің Ауғанстандағы арнайы өкілі, Ресей СІМ екінші Азия департаментінің директоры Замир Кабуловтың айтуынша, мақалада тек бос айыптаулар жазылған.

"Бізге дәлел қажет, ал олар жоқ. Бұл бос пайымдау ғана", - деп мәлімдеді Кабулов Sputnik радиосына. 

Ол сондай-ақ, мақалада есімі аталатын контрабандист Рахмат Азизи жайлы ешқашан естімегенін айтты. Басылымның мәліметі бойынша, ол екі тараптың арасында бас делдал болған.  

Сонымен қатар Кабулов мақаланы оқып отырған кезде жауаптан гөрі сұрақ көп туындайтынын атап өтті.

"Жалған дүниені де мұқият дайындау қажет",- деп толықтырды ойын Кабулов. 

Айта кетейік, таяуда New York Times басылымы Ауғанстандағы Ресей мен тәлібтердің "келіссөзіндегі" "делдалды" атаған мақаласын жариялады. Мақала авторының айтуынша, делдал – контрабандист Рахмат Азизи деген азамат.

Бұған дейін NYT басылымы атауы көрсетілмеген арнайы қызметтерге сілтеме жасап, Ауғанстандағы америкалық сарбаздарға шабуыл жасағаны үшін Ресейдің тәлібтермен байланысы бар жауынгерлерге сыйақы ұсынғаны жайлы мақала жариялады. Алайда мақалада ешқандай дәлел көрсетілмеген.

"Талибан" қозғалысының өкілі Забиулл Муджахид америкалық басылымның бұл сөзін жоққа шығарды. Ал Трамп бұл мақаланы тапсырыспен жазылған болуы мүмкін деп бағалады.

0