Автобустың архивтегі фотосы

Автопарктердің табысы 40%-ке өскен: Нұр-Сұлтанда бір жылда не өзгерді?

150
(Жаңартылды 08:26 19.07.2019)
Осы жылдың мамыр айында автопарктер 1 миллиард 529 миллион теңге табыс тапқан

НҰР-СҰЛТАН, 19 шілде – Sputnik, Жәния Орынқаева. Елордада қоғамдық көлікте сараланған (дифференциал) тариф енгізілгеніне бір жыл толды. Осы орайда Sputnik Қазақстан тілшісі жолаушыларды тасымалдау саласында қандай өзгеріс болғанын, сараланған тариф автопарктердің жұмысына қалай әсер еткенін біліп көрді.

Нұр-Сұлтандағы автобустарда сараланған тариф қалай енгізілді?

2018 жылдың 21 шілдесінде елорда әкімдігі қоғамдық көлікте сараланған тариф енгізді. Осылайша, автобуста жолақысын қолма-қол төлеу екі есеге қымбаттап, жолаушылардан 180 теңге алына бастады. Ал жолақысын қолма-қол ақшасыз төлесе, 90 теңге болды.

Жолақысын көлік картасы, SMS, QR-код және мобильді қосымша арқылы төлеуге мүмкіндік берілді.

Сараланған тарифті енгізудегі басты мақсат автобус парктері қаржы ағымдарының ашықтығын қамтамасыз ету, әрі көлеңкелі айналымдағы ақшаны шығару болды.

Тағы оқыңыз: Астанада көлік картасына ақша салудың қарапайым тәсілі пайда болды

Sputnik Қазақстан тілшісі Astana LRT компаниясына ресми сауал жолдап, қаладағы автопарктердің табысы артқанын білді. Ресми жауапта төмендегі деректер келтірілген:

Өткен жылдың мамыр айында автопарктер 1 миллиард 47 миллион теңге пайда тапқан (2,7 миллион доллар, 1 доллардың теңгеге шаққандағы бағасы – 383 теңге).

Осы жылдың мамыр айында автопарктердің табысы 1 миллиард 529 миллион теңге (3,9 миллион доллар) болған.

Сонымен қатар қоғамдық көлік жолақысын қолма-қол төлейтіндердің саны 75%-тен 7%-ке азайған.

Нәтижесінде автопарктердің 2018 жылдың шілдесінен 2019 жылдың шілдесі аралығындағы таза табысы 40%-ке өскен.

1 жылдың ішінде қандай нәтиже қол жеткізілді

  • Қоғамдық көлікте сараланған тариф енгізілген бірінші айда жолаушылардың 83%-і қолма-қол ақшасыз төлемді пайдаланған;
  • 2018 жылдың аяғында бұл көрсеткіш 90%-ке артқан;
  • 2019 жылдың шілде айына дейінгі мәліметке сәйкес, жолаушылардың 95%-і қолма-қол ақшасыз төлемді пайдаланатын болған;
  • Қоғамдық көлікте жолақысын электронды түрде төлеу жүйесі енгізілгелі бері 1,5 миллион көлік картасы сатылған;
  • Күн сайын қоғамдық көліктің қызметін 500 мың адам қолданады;
  • 1 күнде қала тұрғындары 700 мыңға дейін транзакция жасайды;
  • Көлік компаниясы жолаушылардың саны мен халық жиі пайдаланатын қоғамдық көліктер туралы сенімді деректер жинауға мүмкіндік алған;
  • Нәтижесінде қала әкімдігі жоғарыда аталған деректердің негізінде қоғамдық көліктерге бөлінетін субсидияның нақты сомасын шығарған.

Астаналықтар неге көп шағымданады

Жолаушылардың саны көбейіп, автопарктердің табысы артқанымен қала тұрғындары тарапынан түсетін шағымдардың саны азаймапты. Қала халқы жүргізушілердің автобус арақашықтығын сақтамайтынын, аялдамаға тоқтамай өтіп кететінін айтады екен, сондай-ақ автобустың жүру бағытын өзгертуге қатысты шағым көп түседі. 

Сондай-ақ электронды таблодағы автобустың аялдамаға келуі шынайы уақытпен сәйкес келмейді. Автобус экипажының тәртіпті және жол ережесін бұзу жағдайлары жиі тіркеледі.

Қоғамдық көлікте электронды түрде жолақысын төлеуге қатысты шешілмеген мәселелер әлі де бар. Мысалы, көлік картасына ақша салу аппараттары аз. Ал көлік картасына ақшаны электронды жүйелер арқылы салсаңыз, оны тәулік бойы күтесіз. Сондай-ақ көлік картасындағы шығынды бақылау мүмкіндігі толық қарастырылмаған.

Мұндай шағымдарды Astana LRT компаниясының ресми парақшасынан және әлеуметтік желілердегі танымал топтардан жиі кездестіруге болады.

Осы орайда Sputnik Қазақстан тілшісі қала тұрғындары арасында арнайы сауалнама жүргізді. Олардың пікірінше, қоғамдық көлікте тәртіп орнаған, бірақ оны мінсіз деп айтуға әлі ерте.

Қоғамдық көліктегі жеңілдікті қанша тұрғын пайдаланады?

2019 жылдың шілде айына дейінгі мәліметке сәйкес, қоғамдық көлікте 132 мыңнан астам тұрғын тегін жүруге құқылы.

Жеңілдігі бар көлік карталарын алған және тұрақты түрде 115 мыңнан астам тұрғын пайдаланады.

Қалалық мәслихаттың шешімімен 6 топқа жататын азаматтар жол ақысын төлеуден босатылған. Олар қоғамдық көлікте тегін жүре алады. Бірақ қала маңына қатынайтын маршруттарға бұл жеңілдіктер жүрмейді.

Жаңа өзгерістер

Әлеуметтік желілерде жолақысы көтерілуі мүмкін екенін, қоғамдық көлікке тегін ауысып отыру мүмкіндігі енді болмайтыны, автобустардың жұмыс уақыты қысқаруы мүмкіндігіне қатысты ақпараттарды кездестіруге болады. Алайда Astana LRT компаниясы мұны жоққа шығарды.

Осыдан бір ай бұрын елорда автопарктері қала әкімдігіне қоғамдық көлікке тегін ауысып отыруды алып тастауды сұрапты. Себебі, автопарктер бұдан қыруар шығынға батып жатыр екен. Astana LRT бұл мәселеге қатысты нақты шешім шықпағанын айтады. Алайда компания тасымалдаушылардың тариф бағасын өзгертуді қарастыруға құқығы бар екенін атап өтті.

"Қоғамдық көліктің жұмыс уақытын қысқарту мәселесін қарастыру жоспарда жоқ. Бұл ақпарат шындыққа жанаспайды", - дейді аталған көлік компаниясы.

Қаладағы автобустар кешкі сағат 22.30-23.00 дейін, ал №10 маршруты "Нұрлы жол" теміржол вокзалынан халықаралық әуежайға дейін түнгі сағат 00.38-ге жұмыс істейді.

Қала халқына 1125 автобус қызмет көрсетеді. Тұрғындар № 10, 9, 51, 46 және 28 маршуттарына жиі отырады екен.

Бұл материалды халықаралық Sputnik Қазақстан ақпарат агенттігінің орысша нұсқасынан да оқи аласыздар.

150
Кілт сөздер:
автобус, елорда
Тақырып бойынша
Астаналықтар бір тәулік бойы көлік картасына ақша сала алмайды
Кондуктор неге мүгедектен жолақысын талап етті: Астана LRT өкілі жауап берді
Енді астаналық оқушылар мектеп асханасында көлік картасымен есептесе алады
Жолақы – 1 теңге: Астанада автобуспен жүру ақысын SMS арқылы төлеуге болады
Жолақысын банк картасымен төлеуге болады: жаңа жоба іске қосылмақ
Елімізде қоғамдық көліктердің жылдамдығын азайту ұсынылды
Бәйтерек ғимараты

Астана күні - әкімдік жоспарланған шаралар тізімін жариялады

298
(Жаңартылды 17:13 01.07.2020)
Коронавирус пандемиясына қарамастан, қалада карантин шараларын сақтай отыра, бірқатар шара өтетіні айтылды

НҰР-СҰЛТАН, 1 шілде – Sputnik. Елорданың 22 жылдығына арналған бірқатар шара өтеді.

Астаналық мәдениет басқармасының баспасөз қызметі Sputnik Қазақстан тілшісіне эпидемиологиялық жағдайға байланысты шараларды жабық ғимараттар мен концерт залдарында өткізуден бас тартылғанын айтты.

Астана күніне жоспарланған шаралар

3-4 шілде 19:00 -де танымал әншілердің қатысуымен "Құттық TIMES Astana" концерті өтеді. Мерекелік шара Есіл өзенінің жағасында өтеді. 

1-6 шілде 18:00-де "Нұрлы жолмен" атты көрме өтеді. "Нұржол" бульварында астананың қалыптасуының маңызды сәттері көрсетілген инсталляциялар қойылады. 

1-6 шілде 18:00-де орталық саябақта "Мерекелік сахна" мерекелік концерті өтеді. Көрермендер ашық аспан астында театрландырылған шоу бағдарлама тамашалап, балалар интерактивті ойындарға қатыса алады.

1, 5 және 6 шілдеде 15:00-19:00 аралығында саябақтар мен "Думанды Сарыарқа"скверлерінде шаралар ұйымдастырылады.

5-6 шілдеде 10:00-де Botanic Garden Eco Festival гүлдер жәрмеңкесі өтеді. Экобайқауда флористикалық авторлық жұмыстар көрсетіледі. Шеберлік сағаттары ұйымдастырылады. 

5-6 шілдеде 11:00-21:00 "Отбасы мерекесі" фестивалі өтеді. Тұрғындар ашық аспан астындағы екі кинотеатрда фильмдер мен мультфильм көреді. Түрлі спорттық шаралар, велошеру ұйымдастырылады.

5-6 шілдеде 21:30-да Nur-Sultan autocinema festival өтеді. Елордада алғаш рет даладағы автокинотеатр ұйымдастырылады. 

1-7 шілдеде 19:00-23:00 аралығында ашық аспан астындағы KINO SPACE кинотеатры жұмыс істейді.  "Қыз Жібек", "Менің атым Қожа, "Наш милый доктор", "Алпамыс мектепке барады", "Путь Лидера", "Ақсақ құлан",  "Джон Уик", "Приключения Питера Пэна" және "Астерикс и Обеликс" фильмдерін тамашалай алады.

4, 5 және 6 шілдеде 10:00-де орталық саябақта ART CAMP граффити-фестиваль өтеді. 

5 және 6 шілдеде 19:30-де "АВТОФЕСТ" ретро көліктер фестивалі. 

6 шілдеде  - Қайрата Баекенов пен "Формат" тобының концерті.

6 шілде 20:00-де  "Хабар" және "Астана" телеарналарында "НҰР-СҰЛТАН - ҰЛЫ ДАЛА ЖҮРЕГІ" гала-концерті көрсетіледі.

298
Кілт сөздер:
әкімдік, шілде, шаралар, күн, Астана
Тақырып бойынша
Қазақстанда 1 шілдеден бастап не өзгереді
Нұр-Сұлтанда ашық аспан астында кино көрсетілімі өтеді
Қазақстанда 2 шілдеде қандай маңызды оқиғалар болады
Парацетамолды күніне неше рет ішуге болады – денсаулық министрлігі кеңес берді
Автобустар жүрмейді: Шымкентте карантин мерзімі ұзартылды
Алматыдағы модульдік инфекциялық аурухана

Нұр-Сұлтанда коронавирус жұқтырғандар бойынша бірыңғай база құрылады

93
Алтай Көлгінов емханалардың бас дәрігерлері мен фармацевтикалық компания  басшыларымен өткен онлайн-кездесуде ауру белгілері бар науқастарды ауруханаға жатқызуды тапсырды

НҰР-СҰЛТАН, 27 маусым – Sputnik. Елорда әкімі Алтай Көлгінов медициналық мекемелердің жетекшілеріне бірқатар тапсырма берді.

Алтай Көлгінов Instagram-дағы парақшасында пациенттермен кері байланысты күшейту қажеттігін хабарлады. Бұдан бөлек, әрбір симптомсыз науқасты бақылауда ұстау керек.

"Егер ауру белгілері анықталса, науқастар ауруханаға жатқызылады. Симптомсыз тасымалдаушылар өзін-өзі оқшаулауы керек. Сыртқа шығуға болмайды. Барлық зертхана, емхана және стационарлардың базасын бірыңғай базаға біріктіру керек. Мысалы, науқастың ПТР-тесті оң нәтиже көрсетсе, дерек ол тіркелген емханаға тікелей түседі. Әрі қарай дәрігер алгоритмге сәйкес науқаспен жұмыс істейді", - деп жазды ол.

Сонымен қатар, қала әкімі тұрғындар жедел жәрдем шақыра алатын телеграм-боттың (@ns103bot) және call-орталықтың сапалы жұмысын қамтамасыз етуді тапсырды.

"Ахуал орталығы жұмысын күшейтеді. Науқастар топталып қалмау үшін қызметкерлер КВИ бар науқастарды стационарларға таратады", - деді ол.

Көлгінов фармкомпанияларға қысқа мерзімде қаланың дәріханаларына медициналық дәрі-дәрмектерді жеткізу мәселесін шешу қажеттігін айтты.

93
Кілт сөздер:
коронавирус, Алтай Көлгінов
Ресейдің СІМ ғимараты

"Бізге дәлел қажет": Ресей New York Times мақаласына баға берді

0
Таяуда New York Times басылымы Ауғанстандағы Ресей мен тәлібтердің "келіссөзіндегі" "делдалды" атаған мақаласын жариялады

АЛМАТЫ, 2 шілде – Sputnik. Ресейдің сыртқы істер министрлігі Ресейдің тәлібтермен "сөз байласқанына" қандай да бір дәлел бар екеніне қатысты түсініктеме берді. Ресей Федерациясы президентінің Ауғанстандағы арнайы өкілі, Ресей СІМ екінші Азия департаментінің директоры Замир Кабуловтың айтуынша, мақалада тек бос айыптаулар жазылған.

"Бізге дәлел қажет, ал олар жоқ. Бұл бос пайымдау ғана", - деп мәлімдеді Кабулов Sputnik радиосына. 

Ол сондай-ақ, мақалада есімі аталатын контрабандист Рахмат Азизи жайлы ешқашан естімегенін айтты. Басылымның мәліметі бойынша, ол екі тараптың арасында бас делдал болған.  

Сонымен қатар Кабулов мақаланы оқып отырған кезде жауаптан гөрі сұрақ көп туындайтынын атап өтті.

"Жалған дүниені де мұқият дайындау қажет",- деп толықтырды ойын Кабулов. 

Айта кетейік, таяуда New York Times басылымы Ауғанстандағы Ресей мен тәлібтердің "келіссөзіндегі" "делдалды" атаған мақаласын жариялады. Мақала авторының айтуынша, делдал – контрабандист Рахмат Азизи деген азамат.

Бұған дейін NYT басылымы атауы көрсетілмеген арнайы қызметтерге сілтеме жасап, Ауғанстандағы америкалық сарбаздарға шабуыл жасағаны үшін Ресейдің тәлібтермен байланысы бар жауынгерлерге сыйақы ұсынғаны жайлы мақала жариялады. Алайда мақалада ешқандай дәлел көрсетілмеген.

"Талибан" қозғалысының өкілі Забиулл Муджахид америкалық басылымның бұл сөзін жоққа шығарды. Ал Трамп бұл мақаланы тапсырыспен жазылған болуы мүмкін деп бағалады.

0