Архивтегі фото

Депутат Нұр-Сұлтандағы мемлекеттік тұрғын үйлердің қорқынышты екенін айтты

740
(Жаңартылды 20:27 31.07.2019)
Мемлекеттік бағдарламалар бойынша тұрғын үйдің шаршы метрінің құны – 180 мың теңге

НҰР-СҰЛТАН, 31 шілде — Sputnik. Елорда мәслихатының депутаттары мемлекеттік бағдарламалар бойынша салынған тұрғын үйлердің сапасын сынға алды.

Құрылыс, экология, көлік, сауда және тұрғын үй-коммуналдық шаруашылық мәселелері жөніндегі мәслихаттың тұрақты комиссиясының отырысында депутат Сәрсенбек Жүнісов мемлекеттік тұрғын үй құрылысының сапасы проблемасын көтерді.

Жаңа құрылыс салушы ​​сапаны бақыламайды

Оның айтуынша, жаңа Сейфуллин көшесі аумағында салынған үйлердің сапасы сын көтермейді.

"Неліктен мемлекеттік тұрғын үй соншалықты қорқынышты? Мемлекеттік тұрғын үй шағын болуы керек екенін түсінемін, бірақ сыртын әдемі жасауға болады ғой. Балкон, терезе, кіреберіс жолдар – бәрі қалай болса солай жасалған. Қонаққа баруға ұяласың", - деген депутат тұрғын үй сапасына наразылық білдірді.

Сәрсенбек Жүнісов әкімдік жанынан жұмыс істейтін "Елорда құрылыс компаниясы" жаңа ғимараттардың сапасы мен сыртқы келбетін қадағаламайтынын атап өтті.

Еуропада құрылысты бұлай салмайды

Депутаттар элиталық көпқабатты үйлерді де сынға алды. Атап айтқанда, халық қалаулылары Highvill тұрғын үй кешенінің құрылыс салушылары неге мұндай биік үйлер салып жатқанын түсінбей дал.    

"Бұл үйлердің тұрғындары күн сәулесін көрмейді. Бізде жер жетеді емес пе, неліктен сонша биік салады. Біз еуропалық стандарттарға сай болуға тырысып жүрміз, бірақ ол жақта мұндай биік ғимараттар салмайды", - деп пікір білдірді мәслихат депутаты Серікбай Төлебаев.

Депутаттың сынына құрылыс және тұрғын үй саясаты басқармасы басшысының міндетін атқарушы Алексей Миткин жауап берді.

Оның мәліметінше, мемлекеттік тұрғын үй құрылысы талаптарға және бекітілген сметаға сәйкес жүргізіліп жатыр.

Егер құрылыстың құны нормалар шегінен шығып кетсе, онда ол одан әрі жіберілмейді, салдарынан мемлекеттік тұрғын үй салу бойынша міндеттемелерді орындау мерзімі кешігеді.

Тағы оқыңыз: Қазақстанда мемлекеттен қалай баспана алуға болады - толық ақпарат 

Айта кету керек, қазақстандықтар мемлекеттік бағдарламалар аясында салынған жаңа үйлердің сапасына бірнеше рет шағымданды.    

Осы жылы мегаполистегі мемлекеттік тұрғын үйдің бір шаршы метрінің бағасы 180 мың теңгені құрап отыр, ал нарықтағы эконом-класс тұрғын үйлердің шаршы метрі 270 мың теңгеден басталады.

"Нұрлы жер" бағдарламасына аясында биыл республика бойынша 20 мыңға жуық пәтер пайдалануға беру жоспарлап отыр. Оның ішінде елордада – 1873 пәтер.

740
Кілт сөздер:
Нұр-Сұлтан, тұрғын үй, депутат, мемлекеттік бағдарлама
Тақырып бойынша
Бір үйде 65 пәтері бар – салықшылар елорда тұрғынын тексеріп жатыр
Нұр-Сұлтан әкімі қордаланған мәселелердің бірін шешуге бел шеше кірісті 
Қазақстан президенті қандай реформаларды қолға алатынын айтты
Елордада көпбалалы отбасыларға 150 пәтер берілмек
Сенат депутаты: қазір әрбір қазақстандық 330 мың теңгеден қарыз
Тоқаев жаңа тұрғын үй бағдарламасына қатысты тапсырма берді
Базар, сатып алушылар, архивтегі сурет

Нұр-Сұлтанда базарлар мен сауда орталықтары жабылады

3638
Нұр-Сұлтан қаласының бас мемлекеттік санитарлық дәрігері Жанна Пірәливаның жаңа қаулысы жарияланды

НҰР-СҰЛТАН, 25 қыркүйек – Sputnik. Елорданың бас санитарлық дәрігері Жанна Пірәлиеваның сауда нысандарында дезинфекция жүргізу туралы жаңа қаулысы шықты, деп хабарлайды Sputnik Қазақстан.

Сенбі, 25 қыркүйек, сағат 15.00-ден 26 қыркүйек сағат 00.00-ге дейін бірқатар нысан қызметін уақытша тоқтатады:

  • "Шапағат" коммуналдық базары,
  • "Сары-Арқа" көтерме-бөлшек сауда орталығы,
  • "Астаналық базар" (С. Сейфуллин көшесі, 47),
  • "Жаннұр" СОСО (Абай даңғылы, 48),
  • "Тұлпар" СОСО (Ш.Уәлиханов даңғылы, 24),
  • "Әлем" СОСО (Бөгенбай батыр даңғылы, 62),
  • "Әсем" СОСО ( Ы. Дүкенұлы көшесі, 31),
  • "Гарант" СОСО (Бөгенбай батыр даңғылы, 73),
  • "Джафар" СОСО (Бөгенбай батыр даңғылы, 71),
  • "Есіл" СОСО (Республика даңғылы, 6),
  • "Седьмой континент" бизнес орталығы (Кенесары көшесі, 40),
  • Magnum Cash&Carry гипермаркеті (Ш. Уәлиханов көшесі, 20).

Бұл нысандарда дезинфекция жүргізіледі.

3638
Кілт сөздер:
сауда орталықтары, Нұр-Сұлтан, базар
Базар, архивтегі фото

Нұр-Сұлтанда тағы екі базар салынады әкім жобасын көрсетті

107
Жаңадан салынатын жылыжайлар мен базарлар азық-түлік қауіпсіздігін қамтамасыз етіп, әлеуметтік маңызы бар тауарлардың бағасын ұстап тұруға мүмкіндік береді

НҰР-СҰЛТАН, 24 қыркүйек – Sputnik. Нұр-Сұлтанда аумағында тағы екі базар салынады. Бұл туралы елорда әкімі Алтай Көлгінов мәлімдеді, деп хабарлады Sputnik Қазақстан тілшісі.

"Қаладағы жылыжайлар мен азық-түлік базарын көбейтеміз. Бүгінгі өткен инвестициялық кеңес жылыжай кешені мен екі базардың құрылысын қолдады. Атқарылып жатқан бұл жұмыстар азық-түлік қауіпсіздігін қамтамасыз етіп, әлеуметтік маңызы бар азық-түліктің бағасын ұстап тұруға мүмкіндік береді", - деп жазды Көлгінов әлеуметтік желідегі парақшасында.

Оқи отырыңыз: Елордада оң және сол жағалауларды жалғайтын екі көпір салынады 

Сондай-ақ, инвестициялық кеңесте темірбетонды бұйымдар, гиперпресстелген кірпіш, ағаш өнімдері мен жарықдиодты жарықшамдар шығару сияқты жобалар қолдау тапты.

"Бұл материалдардың барлығы да құрылыста қолданылады. Құрылыс қарқынын ескерсек, отандық өндіріс материалдары салынып жатқан объектілердің өзіндік құнын төмендетуге көмегін тигізеді", - дейді Көлгінов.

Кеңес мүшелері бірқатар медицина мекемелерінің құрылысы мен  медициналық маска шығаратын өндіріс жобасын қолдады.

107
Кілт сөздер:
Нұр-Сұлтан, базар
Тақырып бойынша
Нұр-Сұлтанда қоғамдық көліктің жұмыс уақыты ұзартылады
Нұр-Сұлтанда тегін білім беретін жеке мектеп ашылады
"Қайта жөндейсіздер": Көлгінов жол салушыларға ескерту жасады
2020 жылы Нұр-Сұлтанда қанша отбасы жеңілдікпен пәтер алады
Нұр-Сұлтанда крематорий салынады
Қазақстан премьері мен Татарстан басшысы Қостанайда кездесті

Қазақстан премьері мен Татарстан басшысы Қостанайда кездесті

0
(Жаңартылды 21:09 27.09.2020)
Автомобиль жасау саласындағы жаңа жобалар Қазақстан мен Ресей арасындағы өнеркәсіптік кооперацияның нақты практикалық кеңеюін айғақтайды

НҰР-СҰЛТАН, 27 қыркүйек – Sputnik. Қостанайда премьер-министр Асқар Мамин мен Татарстан президенті Рустам Минниханов кездесіп, 261 миллиард теңгелік инвестицияға үш бірлескен автомобиль жасау жобасын бастап берді, деп хабарлайды primeminister.kz сайты.

Келісімге сәйкес, алдағы уақытта Қостанай индустриялық аймағында "КАМАЗ" шойын құймасы мен жүк техникасының шанақ-көпірлеріне арналған құрамдас бөлшектер өндіру зауыты салынып, Қарағанды облысының Саран қаласында автомобиль шиналары өндірісін ашылады.

Бұл жердегі шектес салаларды ескере отырып, өндіріс орнында шамамен 1 200 жаңа жұмыс орны құрылады деп жоспарланған. Ал зауыттардың құрылысы 2023 жылы аяқтау көзделген.
Үкімет басшысы автомобиль жасау саласындағы жаңа жобалар Қазақстан мен Ресей арасындағы өнеркәсіптік кооперацияның нақты практикалық кеңеюін айғақтайтынын атап өтті.

"Автомобиль жасау саласындағы өндіріс көлемі жыл басынан бері 51,8%-ке ұлғайды. Негізгі капиталға салынған инвестициялар 6,6 еседен астам – 9,4 миллиард теңгеге дейін артты", – деді Мамин.

Шара аясында үкімет басшысына ауыл шаруашылығы техникасын жинау және кәдеге жарату зауытын, сондай-ақ "КАМАЗ" инжиниринг орталығын ашумен қатар, бірлескен Қазақстан–Ресей жобалары таныстырылды.

Оқи отырыңыз: Таңғалдырмаймыз, бірақ қуантамыз: Ермек Тұрсынов Татарстан киносы күндері жайлы

Сондай-ақ, кезедсу аясында ресейлік "КАМАЗ" бен "Татнефть" және өзбектің "UzAuto" компанияларының басшылығымен автомобиль жасау саласындағы ынтымақтастықты одан әрі дамыту келешегін талқыланды.

0
Кілт сөздер:
экономика, Қазақстан, Татарстан
Тақырып бойынша
Қазақстан мен Татарстан меморандумға қол қойды
Азық-түлікті қымбаттатуға еш себеп жоқ – Мамин
Маска мен дәрі-дәрмек тапшылығы болмайды – Мамин
Татарстан президенті сабан тойды Қостанайда атап өтеді
Татарстан президенті Абай өлеңін қазақ тілінде оқыды