Нұр-Сұлтан қаласының шеткі аудандары

Елорда әкімі қаладағы адам өміріне қауіпті аудандарды атады

222
(Жаңартылды 16:06 23.08.2019)
Әкімнің айтуынша, апаттық жағдайда тұрған үйлерді бұзып, халықты басқа баспанаға көшіру керек

НҰР-СҰЛТАН, 23 тамыз – Sputnik. Нұр-Сұлтан қаласының әкімі Алтай Көлгінов қаланың өзекті проблемаларын атап берді, деп хабарлайды Sputnik Қазақстан тілшісі.

"Мысалы, Өндіріс тұрғын үй алабын алайық. Жаңылмасам, Серікбаев көшесінде 18 отбасы тұрады. Оларды баспана мәселесі мазалайды. Шынымен де, ол жерде тұруға болмайды, адам өміріне қауіпті. Кез келген күні проблема туындауы мүмкін. Міне, алдыңғы кезекте осы мәселелерді шешуіміз керек", - деді Көлгінов бүгін қоғамдық тыңдау барысында. 

Әкімнің айтуынша, қалада және оған жақын жерлерде апаттық жағдайда тұрған үйлерді бұзып, халықты басқа баспанаға көшіру керек. Астанаға жақын "39 разъезд" деген жердің де жағдайы мәз емес.

"Ол жерде мұнай терминалдары тұр. Жанар-жағармай сақталады. Негізі, санитарлық норма бойынша барлық құрылыс 1 шақырым шалғай салынуы қажет. Ал үйлер мұнай бөшкелерінің арасында орналасқан. 26 отбасы тұрады. Иә, олар үйренген. Бірақ басқа жерге көшіруді сұрайды. Біз тиісті шешімді қабылдаймыз", - дейді Көлгінов.

Бұдан бөлек, жаңбырдың суы жиналатын жерлер көп. Мәселен, Бауыржан Момышұлы даңғылында ылғи су жиналып, көлік қозғалысын тежейді. Әкімінің сөзіне қарағанда, бүгінде осы жол учаскесін жөндеу бойынша канализациялық желілердің жобалық-сметалық құжаттамасы дайын. Енді, конкурс өткізіп, мердігерді анықтау қажет. Дегенмен, одан кейін тазарту желілері бойыша тағы бір конкурс өткізу керек.

"Сондай-ақ, Иманов пен Республиканың қиылысы бар. Осы учаске бойынша конкурс өтті. Мердігер анықталды. Жұмыстар басталып кетті. Шамамен, 2-2,5 жыл жасайды. Сосын Тұран даңғылында жөндеу жүргізу керек. Жалпы, қала бойынша осы іспетті 35 учаске бар", - деп атап көрсетті Көлгінов.

Айта кетейік, бүгінгі қоғамдық тыңдауда қала маңындағы аудандарды дамыту жайы талқыланды. Сол жерде инженерлік жүйелерді тарту, жолдарды жөндеу, жарық орнату және тағы басқа маңызды мәселелер қаралды.

222
Кілт сөздер:
әкім, елорда
Тақырып бойынша
"Зейін қойып тыңдау керек": Елорда әкімі әріптестеріне ескерту жасады
"Бар шындықты айтамыз": елорда мен Алматыда рұқсат етілген митинг өтті
Бір үйде 65 пәтері бар – салықшылар елорда тұрғынын тексеріп жатыр
Президент Көлгіновті не үшін елорда әкімі етіп тағайындағанын түсіндірді
Аурухана, архивтегі сурет

"Жала жабудың қажеті жоқ": дәрігер желіде тараған видео туралы айтты

1253
(Жаңартылды 10:19 08.07.2020)
Әлеуметтік желілерде астанадағы аурухана маңында жатқан адамның видеосы тарап кетті. Мекеменің бас дәрігері мән-жайды айтты

НҮР-СҰЛТАН, 8 шілде - Sputnik. Елордадағы аурухана маңында жатқан адам пневмония шалдыққан тұрғын емес, мас болған. Бұл туралы №2 аурухананың бас дәрігері айтты.

Әлеуметтік желілерде астанадағы аурухана маңында жатқан адамның видеосы тарап кетті. Ролик авторы науқастарды ауруханаға қабылдамағандықтан, далада жатуға тура келетінін айтқан. 

Бас дәрігердің міндетін атқарушы Нұрбол Тұрсынбаев ғимарат алдында жатқан адам мөлшерден тыс ішімдік ішкенін мәлімдеді.

"Біріншіден, біз COVID-19 жұқтырғандарға арналған аурухана емеспіз. Бізге жедел жәрдем ондай пациенттерді әкелмейді. Екіншіден, видеодағы ер адамның тұрғылықты мекенжайы жоқ. Ол кісіні белгісіз біреулер аурухана кіреберісіне жеткізген. Алайда мекеме қызметкерлеріне ескертпеген", - деді ол.

Оның айтуынша, қызметкерлер ер адамды ауруханаға кіргізген. Алайда ол мас болған және медицина қызметкерлерінің көмегінен ба тартқан. Мединалық көмекке мұқтаж болған жоқ.

Көшеде арбада отырған екінші адам да мас болды. Ол да ауруханаға жатудан бас тартты. Туыстары алып кетті. Кейін тағы да мас күйінде ауруханаға алып келді. Қазір оған көмек көрсетіліп жатыр. Ол алкогольмен уланды.

"Желіде жүрген арандатушы роликтерге сенбеуді сұраймыз. Жалған ақпаратты тарататын авторларға әлеуметтік жауапкершілік туралы ойланып, оны есте сақтағаны жөн. Дәрігер маман ретінде барлық қала тұрғындарының өмірін құтқарып жатырмыз. Бізге бекер жала жабудың қажеті жоқ", - деді бас дәрігердің міндетін атқарушы Нұрбол Тұрсынбаев.

 

1253
Отшашу, аривтегі сурет

Нұр-Сұлтан әкімдігі пандемия кезіндегі отшашуды түсіндірді

8362
(Жаңартылды 14:33 07.07.2020)
Нұр-Сұлтан әкімдігі пандемия кезіндегі отшашуға байланысты сынға жауап берді Мәдениет басқармасы отшашу арқылы коронавирус пандемиясымен күресіп жатқан медицина қызметкерлерін қолдағысы келгенін хабарлады

АЛМАТЫ, 7 шілде – Sputnik. Елорда әкімдігі пандемияның қызған уақытында ұйымдастырылған отшашуға байланысты шағымданған астаналықтарға жауап берді.

"Астана күніне отшашу жыл басында жоспарланған болатын, демеушілер материалдар сатып алып, орындарды анықтады. Бұл фейерверк қала тұрғындарының көңіл-күйін көтеруге, коронавируспен күресте алдыңғы қатарда тұрған медицина қызметкерлерін қолдауға арналған", - деп атап өтті әкімдіктің мәдениет басқармасы. 

Алтыншы шілдеде астана күнін тойлау отшашумен аяқталды. Отшашу орталық саябақ, ботаника бағы және Пушкин мен Абылайхан көшелерінің қиылысынан атылды. Әлеуметтік желіде кейбір қазақстандықтар осыған байланысты наразылық білдірді.

Посмотреть эту публикацию в Instagram

Публикация от Мәдениет басқармасы (@ns.madeniet)

Айта кетейік, Нұр-Сұлтан қаласында Жеңіс күніне арналған отшашу COVID-19 инфекциясына байланысты ұйымдастырылған жоқ.

Ұлыбританияның патшайымы екінші Елизавета 2020 жылдың сәуірінде 94 жасқа толды. Ол коронавирусқа байланысты дәстүрлі отшашуды ұйымдастыруды орынсыз деп тапты.

8362
Кілт сөздер:
отшашу, коронавирус, әкімдік, Нұр-Сұлтан
Тақырып бойынша
Министр Цой: тағы 110 адамның өлімін зерделеп жатырмыз
Үш айға жететін дәрі-дәрмекті бір аптада сатып алды – облыс әкімі 
Желіде дүрбелең туғызды - дәрігер Малышева қазақстандықтарға жауап берді
Министр коронавирустан емделетіндердің басты қателігін атады
Отшашу жасамақшы болған ақтөбелік саусағынан айырылды
Компьютерлік клуб, архивтегі сурет

Қарағандыда қызмет көрсеткен клубта 70-ке жуық адам болған

0
(Жаңартылды 22:30 11.07.2020)
Клуб иелеріне шамамен 640 мың теңге шамасында айыппұл салынып, ал келушілер ешқандай жауапкершілікке тартылмайды

НҰР-СҰЛТАН, 11 шілде – Sputnik. Арнайы мониторингтік топ мүшелері Қарағандыда карантин кезінде жұмыс істеген компьютерлік клуб пен караокені анықтады.

"Мекеме есігі тапсырыс берушілер үшін ашық болған. Карантин кезінде бұл компьютерлік клуб пен караокенің жұмыс істеуіне тыйым салынған. Соған қарамай ол жерде 70-ке жуық адам жүрді. Араларында кәмелетке толмаған балалар да бар", - делінген Қарағанды ​​облысы әкімдігінің баспасөз қызметі таратқан хабарламада.

Ендігі жерде клуб иелеріне шамамен 640 мың теңге шамасында айыппұл салынады. Ал келушілер ешқандай жауапкершілікке тартылмайды.

Айта кетейік, мемлекеттік комиссия шешімімен Қазақстанда екі апталық карантин енгізілді.

Жабық жағдайдаға сауда және ойын-сауық орталықтары мен сұлулық салондарының қызметіне тыйым салынды.

Оқи отырыңыз: Карантин кезінде отшашу жасау заңды ма – ішкі істер министрлігі жауап берді

Ал азық-түлік дүкендері мен базарлардың жұмыс уақыты шектелді. Сонымен қатар, қоғамдық көліктердің де жүру кестесі қысқартылды.

0
Кілт сөздер:
карантин, Қарағанды
Тақырып:
Төтенше жағдай және карантин
Тақырып бойынша
Сағынтаев жаңа карантин кезінде Алматыда қанша адамның жұмыссыз қалғанын айтты
Өзбекстанда үш апталық қатаң карантин енгізіледі
Алматыда қандай аудан тұрғындары карантин режимін жиі бұзады
Локдаун режимі: демалыс күндері тағы қандай облыста карантин күшейтіледі?
5 шілдеден карантин басталады: ішкі істер министрі ескерту жасады