Алтай Көлгінов

Көлгінов Тоқаевтың алдында маңызды мәселені көтерді

3466
(Жаңартылды 13:25 08.10.2019)
Көлгінов осыдан алпыс жыл бұрын салынған аурухананың жайы туралы айтты. Әкім ғимарат әбден ескірген, жабдықтардың 45 проценті тозған деп отыр

НҰР-СҰЛТАН, 8 қазан – Sputnik. Астанадағы ескірген Орталық теміржол ауруханасының жаңа ғимараты бой көтереді. Бұл туралы қала әкімі Алтай Көлгінов мәлімдеді, деп хабарлайды Sputnik Қазақстан тілшісі.

"Денсаулық сақтау саласында проблемалар баршылық. Қазір ең басты мәселе – 1959 жылы салынған Орталық теміржол ауруханасы болып тұр. Аурухана әбден ескірген, жабдықтардың 45 проценті тозған. Корпус апатты жағдайда", - деді Көлгінов астананы одан әрі дамыту жөніндегі жиында.

Әкім үкіметтік деңгейде түркиялық инвестормен кездесу өткенін атап өтті. Айтуынша, шетелдік инвестор өз ақшасына жаңа ғимарат салуға ниет білдірген.

"Жер телімін анықтадық, саяжайларды сүреміз. Келесі жылы инвесторға аумақты дайындап қоямыз. Ол салуға дайын. Бұл бізге ауруханадағы 600 орынның мәселесін шешуге көмектесер еді", - деді ол.

Тағы оқыңыз: Жаңа үйлердің бәрі қирап жатыр – Нұр-Сұлтан әкімі

Сондай-ақ, қала басшысы тұрғындардың өмір сүру ұзақтығына тоқталды.

"2018 жылдың қорытындысы бойынша өмір сүру ұзақтығы 76,2 жас. 1998 жылмен салыстырғанда, он жылға артқан", - деді Көлгінов.

Бұдан бөлек, үш жыл ішінде негізгі көрсеткіштер төмендеген, атап айтсақ, сәби өлім-жітімі, қатерлі ісіктен болатын өлім-жітім азайған.

3466
Кілт сөздер:
апатты жағдай, Қасым-Жомарт Тоқаев, Алтай Көлгінов
Тақырып бойынша
"Халықтың тұрмысын қиындатады" Тоқаев бірнеше қатаң тапсырма берді    
"Отырамыз ба тозып?" Қарағандыда құлап қалған үйдің тұрғындары шу көтерді  
"Үйінді астында қалуы мүмкін": депутат ауыл тұрғындарының жанайқайын жеткізді
Салынып жатқан ғимарат опырылып түсті: адамдар үйінді астында қалды – видео
Алматы ауруханасындағы шу: науқастың туыстары жансақтау бөліміне баса-көктеп кірді
Нұр-Сұлтан қаласы

Маска тақпағандарға 79 мың теңге айыппұл салынады

1922
Полицейлер адам көп жерлерде, саябақтарда, скверлерде, қоғамдық көліктерде түсіндіру жұмыстарын жүргізіп, азаматтарға маска тағуды ұсынады

НҰР-СҰЛТАН, 5 тамыз – Sputnik. Маска тағу тәртібін бұзғандарға 79 530 теңге айыппұл салынады.  

Тәртіп сақшылары елорданың бас мемлекеттік санитарлық дәрігерінің бұйрығына сәйкес, тұрғындар үйден шыққанда медициналық маска тағуға міндетті ескертті, деп хабарлады Нұр-Сұлтан әкімдігінің ресми сайты.

Бұл аурудың алдын алу үшін жасалады. Құқық бұзушыларға 30 АЕК немесе 79 530 теңге айыппұл салынады.

"Адам көп жерлерде, саябақтарда, скверлерде, қоғамдық көліктерде түсіндіру жұмыстарын жүргізіп, азаматтарға маска тағуды ұсынамыз. Егер адам көп орындарда маска тақпаса әкімшілік жауапкершілікке тартылады. Бірінші кезекте біз тәртіп бұзушыларға қатысты алдын алу шараларын қолданамыз", - дейді қалалық полиция департаментінің ресми өкілі Данияр Оралов.

Сондықтан, халықтың денсаулығын сақтау, коронавирус инфекциясының алдын алу және болдырмау үшін азаматтар медициналық маска тағуы керек, дейді ол.

Ал елорда тұрғындары арасында блиц-сауалнама көрсеткендей, респонденттердің көпшілігі маска қорғаныс ретінде қажет екеніне және оны жабық ғимарат ішінде кию керек екендігіне сенімді.

Оқи отырыңыз: Денсаулық сақтау министрі бетперде тағуға қатысты соңғы өзгерісті жариялады 

"Меніңше, сыртта маска тағу қажет емес, өйткені таза ауа одан да маңызды. Иә, жабық ғимарат ішінде әлеуметтік қашықтық сақтау, маска тағу керек, бірақ көшеде міндетті емес", - дейді қала тұрғыны.

"Мен жағалауда, адам көп емес жерде таза ауамен дем алу үшін масканы шешемін. Менде вирус болуы мүмкін ғой, сондықтан адамдар арасында маска тағып жүремін", - дейді тағы бір елорда тұрғыны.

Еске сала кетейік, жабық, қоғамдық орындарда, халыққа қызмет көрсету орталықтарында, дүкендер мен дәріханаларда, медициналық мекемелерде маска тағу міндетті.

"Маска тағу COVID-19 инфекциясының алдын алу үшін өте маңызды. Маска тағу тәртібін сақтау керек және әр екі сағат сайын ауыстыру қажет", - деп түсіндіреді терапевт Әзиза Алданбаева.

Қазақстанда карантин режимі 17 тамызға дейін ұзартылды.

1922
Тақырып:
Төтенше жағдай және карантин
Тақырып бойынша
Қостанайда карантин режимін бұзған жолаушы полицейдің құлағын тістеп алды   
Малышева балалардың маска тағуы неге қауіпті екенін айтты
Алпыс теңгеден сатылады: елордада маска тігетін қуатты өндіріс іске қосылды
Жүгірген кезде маска тағу керек пе – министр жауабы
Денсаулық сақтау министрлігі жұртты толғандырған сұрақтарға жауап берді
Бес жасқа дейінгі балаларға маска тақпауға рұқсат етілді
Теңге, ақша

Нұр-Сұлтан тұрғындары жарты миллион теңгеден қарыз екенін білді

6435
(Жаңартылды 16:57 05.08.2020)
Жаңа үйдің тұрғындарына бір ғана электр жарығы үшін әрқайсына кемінде жарты миллион теңгелік есепшот келген

НҰР-СҰЛТАН, 5 тамыз – Sputnik. Елордада пайдалануға берілгеніне небәрі 8 ай болған баспананың әлі күнге электр желісі де, суы да бір жүйеге түспеген. 

Қала тұрғыны Наталья Бондаренконың айтуынша, жарықтың есептеуіш құралы істемейді.

"Таяуда электр желісі компаниясының өкілі келіп, жарықтан ажыратамыз, сіздер 8 ай бойы ақша төлемегенсіздер деді. Біз оны кімге барып, қайда төлейтінімізді білмейміз, оның үстіне түбіртек те берілмейді", - деп ашынды ол.

Айтуынша, суды да дұрыстап бермейді. Бірде салқын, бірде ыстық су ағатын көрінеді. Реттеп отырған адам жоқ, деп хабарлады "Астана" арнасы.

Мәселе мұнымен шектелмейді. Үйдің қабырғалары жарылып, терезелері шытынай бастаған.

Пәтердің құрылысына жауапты "Қазстройподряд" компаниясының өкілі кемшіліктерді ертеңнен қалдырмай түзейтіндерін айтты.

"Біз жауапкершіліктен қашып отырған жоқпыз. Кемшіліктерді түзетеміз. Абаттандыру мәселесінің бәрі ертең 100 пайыз шешіледі. Ертең өзім осы жерде боламын", - деп уәде берді компания басшысы Бекзат Пашаев.

Қалалық тұрғын үй қорының өкілі есептеуіш құралдары болғанмен, пәтер иелері коммуналдық мекемелермен келісімшарт жасаспаған деп отыр. Қалай болғанда да тұрғындар 8 айдың шығынын өтеуге міндетті екенін айтты.

Оқи отырыңыз: Кәсіпкер Нұр-Сұлтанның қымбат үйлерінің қорқынышты фотоларын жариялады 

"Олар осы күнге дейін келісімшартсыз тұрды. Бірақ суды, энергияны қолданып келеді. Осы күнге дейінгі қарыздарын төлеуге міндетті. Яғни, төлем тапсыру-қабылдау актісіне қол қойған күннен басталады", - деп түсіндірді қалалық "Тұрғын үй қоры" КММ баспасөз хатшысы Арманай Қабдешова.

Базыналы бұқара электр энергиясы үшін әр пәтерге қомақты қаржы келгенін айтып, шырылдады. Сөздеріне қарағанда бір ғана электр жарығы үшін әрқайсысына кемінде жарты миллион теңгелік есепшот келген. Оны мұндағы әлеуеттің қалтасы әрине көтермейді. Өйткені, бұл баспаналарда әлеуметтік аз қамтылған отбасылар тұрып жатыр.

6435
Кілт сөздер:
қарыз, электр энергиясы
Тақырып бойынша
Перуашев мемлекеттің ақшасына шалқып өмір сүргісі келетін шенеуніктерге шүйлікті
Алматылық келіншек банкке 45 миллиард теңге қарыз екенін білді
Сенат депутаты: қазір әрбір қазақстандық 330 мың теңгеден қарыз
Смайылов миллиардтаған сыртқы қарыздың қайдан шыққанын түсіндірді  
Қазақстандықтар коммуналдық қызметтерге 13 млрд теңге қарыз болып қалды
Халыққа қызмет көрсету орталығы

ХҚКО-ға барған Бағдат Мусин көлік тіркеуіне қатысты жаңашылдық енгізуді ұсынды

0
(Жаңартылды 15:54 08.08.2020)
Вице-министрдің айтуынша, қазіргі кезде жүргізушілер Qamqor арқылы айыппұлдың бар-жоғын тексеру мүмкіндігін пайдалана алады

НҰР-СҰЛТАН, 8 тамыз – Sputnik. Мамандандырылған халыққа қызмет көрсету орталықтарындағы автокөлікті тіркеу рәсімі тағы да жетілдіріліп, жеңілдей түсетін болды. Бұл туралы туралы цифрлық даму, инновациялар және аэроғарыш өнеркәсібі бірінші вице-министрі Бағдат Мусин facebook желісіндегі парақшасында жазды.

"Апта басында мамандандырылған ХҚКО-ға бардым. Адам өте көп. Әрине, біздің міндетіміз – қызметтің бәрін автоматтандыру. Ішкі істер министрлігіне цифрландыру бойынша жаңадан тағайындалған вице-министр Сәкен Сәрсеновпен бірге процесті жеңілдетуді пысықтаудамыз", – деп жазған Мусин алдағы уақытта ХҚКО-ға келушілер санын мүмкіндігінше азайтуға жұмыс істеу қажеттігін атап өткен.

"Жүргізілген талдау нәтижесі Нұр-Сұлтан қаласында ресімделетін автокөліктің 30%-ті автосалоннан сатып алынатынын көрсетті. Сондықтан автосалондарда мамандандырылған ХҚКО бұрышын ұйымдастыруды ұйғардық. Автокөлікті таңдау, банк операторының несие ресімдеуі, ХҚКО операторының автокөлік кепілдігін ресімдеуі, мемлекеттік нөмір мен техникалық құжатты алу – бәрі бір жерде, автосалонда жасалады", – деді Мусин.

Бүгінде қаладағы бірқатар автосалонда осындай қызмет көрсету бұрыштары жұмыс істейтініне тоқталған ол, өзге автосалондарды өз клиенттеріне осылай қызмет көрсетуге шақырды. Ол үшін азаматтарға арналған үкіметке хабарласу қажет.

"Бізге адамдардың әлеуметтік қашықтықты сақтауына жағдай жасау маңызды. Жүргізушілер үшін тағы бір кішігірім жаңалық. Qamqor арқылы айыппұлдың бар-жоғын тексеру қызметі жұмыс істеуде", – деп толықтырды ол жазбасында.

Оқи отырыңыз: Алматы тұрғыны ХҚКО ғимаратында босанды

Айта кетейік, осы кезге дейін ұлттық ақпараттық технологиялар агенттігі мен бас прокуратура бұл қызметтің eGov.kz қолжетімділігін пысықтау барысында қауіпсіздікке қатысты бірқатар мәселені анықтаған болатын. Сондай-ақ, арнайы есеп және құқықтық статистика комитетімен келіссөз жүргізу нәтижесінде айыппұлдарды Qamqor арқылы тексеру қалпына келтірілген.

"Біздің мақсатымыз – барлығын eGov.kz арқылы емес, керісінше азаматтарға әртүрлі платформалар арқылы қызмет алу мүмкіндігін ұсыну", – деді Мусин.

0
Кілт сөздер:
көлік, ХҚКО, Бағдат Мусин
Тақырып бойынша
Емшектегі баланы ұстап отырған ХҚКО қызметкерінің суреті желіде дау тудырды
Нұр-Сұлтан тұрғыны ХҚКО қызметкеріне жұдырық ала жүгірді
Төтенше жағдай кезінде ХҚКО қалай жұмыс істейді?
Қазақстанның тоғыз өңірінде ХҚКО ашылды
13 өңірде ХҚКО-ның жұмыс уақыты өзгереді