Қасым-Жомарт Тоқаев

Президент қымбат жоба туралы: іске қосудан басқа амал жоқ

446
Елордадағы жеңіл рельсті көлік құрылысы мемлекет басшысы тарапынан тағы да сынға ілікті. Президент сыбайлас жемқорлыққа қарсы іс-қимыл агенттігіне тергеуді жандандыруды тапсырды

НҰР-СҰЛТАН, 8 қазан – Sputnik. Қазақстан президенті Қасым-Жомарт Тоқаев үкімет пен елорда әкімдігіне ЛРТ құрылысының бірінші кезегі қашан аяқталатынын анықтауды тапсырды, деп хабарлайды Sputnik Қазақстан тілшісі.

Президенттің айтуынша, үкімет пен әкімдік "даулы жобаны" іске қосуға бел буған. Себебі басқа амал жоқ деп отыр.

"Мен сыбайлас жемқорлыққа қарсы іс-қимыл агенттігіне тергеуді жандандыруды тапсырамын. Жоғарғы жақты ғана тексермеу керек. Олардың қашуды алдын ала жоспарлағаны түсінікті. Әкімдік басшысын атап айтуға болады. Бір кездері шешім қабылданды ғой, демек олар құжатқа қол қойған шығар. Бұл тек бір адамға ғана жүктелген жұмыс емес. Қанша жерден ЛРТ компаниясының басшысы болса да, шешімді әкімдік қабылдады ғой. Тереңірек үңіліңдер", - деді Тоқаев астананы одан әрі дамыту туралы жиында.

Мемлекет басшысы ЛРТ құрылысы экономикалық жағынан мүлдем түсініксіз екенін тағы бір мәрте атап өтті.

"Үкімет пен әкімдік шегінерге жол жоқ деп отырған соң, іске асыру керек. Халықаралық міндеттемелеріміз де бар. Амал жоқ. Бұл мәселені шешейік", - деді ол.

Осы орайда Тоқаев жеңіл рельсті көліктің ұзындығын сынап тастады.

"ЛРТ ұзындығы – 22,5 шақырым, 18 станса жоспарланған. Сіздер марафонның өзінде 22 шақырымнан артық жүгіресіздер. Онда ЛРТ салып не керегі бар? Бір стансадан екіншісіне дейін бір шақырымнан сәл ғана асады. Біз жаяу серуендегенде бұдан көп жүреміз. Осындай жобаның қалай жүзеге асырыла бастағанын мүлдем түсінбеймін", - деді президент.

Тағы оқыңыз: "Біртүрлі отыр": Тоқаевқа елорда әкімдігінің "креативі" ұнамай қалды

Мемлекет басшысы үкімет пен әкімдікке құрылысты жандандыру мен алғашқы кезеңін аяқтаудың нақты мерзімін, сондай-ақ, екінші кезеңнің кестесі мен тетіктерін анықтауды тапсырды.

"Астана LRT" жобасы төңірегіндегі дау

Қазақстан президенті Қасым-Жомарт Тоқаев бұған дейін де "Астана LRT" жобасын сынға алған болатын. Президенттің айтуынша, жоба тиімсіз болса, оған үнемі субсидия бөліп, бюджет қаржысын жұмсауға тура келеді.

Бастапқыда LRT жобасының құны 1,8 миллиард доллар болған еді. Қытайдың даму банкінен қарыз алған жағдайда, үкімет 2,6 миллиард доллар қайтаруы тиіс болатын. Алайда мемлекет шетелдік қарыздан бас тартты. Жеңіл рельсті көлік құрылысын аяқтауға қажет қаражатты "Халық банк" беретін болды.

Ал "Астана LRT" ЖШС-ның бұрынғы басқарма төрағасы шетелге компаниядағы жымқыру фактілері анықталғанға дейін қашып кеткен. Қызметтік өкілеттігін теріс пайдаланды деген күдікке ілінген Талғат Арданға қатысты тергеу 2018 жылдың жазында бір-ақ басталды.

Қазір Талғат Арданға халықаралық іздеу жарияланды. Ол елордадағы жеңіл рельсті көліктің құрылысы кезінде бюджет қаражатын жымқырды деп айыпталып отыр.

446
Кілт сөздер:
тергеу, Астана LRT, Қасым-Жомарт Тоқаев
Тақырып бойынша
"Түрмеде отыру керек": Тоқаев бас прокуратура мен министрлікке тапсырма берді
Көлгінов Тоқаевтың алдында маңызды мәселені көтерді
Үкімет Қытайдың қарызынан бас тартты: LRT құрылысына ақша қайдан алынады
Тоқаев Нұр-Сұлтандағы аса қымбат жобаны сынға алды
Көлгінов LRT құрылысына бөлінген қаржы қалай үнемделетінін айтты
Кілт, иллюстративті фото

Нұр-Сұлтанда арендалық баспанаға құжат қабылдау басталды

36
Әлеуметтік пәтерді жалға алғандар ай сайын әр шаршы метр үшін 1 455 теңге төлеп тұрады, жалға алу мерзімі аяқталғаннан кейін, баспана жалға алушының меншігіне өтеді

НҰР-СҰЛТАН, 28 қыркүйек – Sputnik. Нұр-Сұлтанда сатып алу құқығымен жалға берілетін тұрғын үйге құжат қабылдау басталды. Кезекте тұрғандарға 224 пәтерді пайдалануға беру жоспарланып отыр, деп хабарлайды елорда әкімдігінің ресми сайты.

"Бағдарламаға тұрғын үй кезегінде тұрған және Нұр-Сұлтан әкімдігіне ведомстволық бағынысты мекемелердің білім беру, денсаулық сақтау, мәдениет, спорт және әлеуметтік қорғау саласының қызметкерлері, сондай-ақ полиция және төтенше жағдайлар департаменттерінің барлық санаттағы азаматтары қатыса алады", – деп мәлімдеді қаланың тұрғын үй қорынан.

Тілендиев даңғылында, Сары бұлақ бойында орналасқан "Жаңа қоныс" тұрғын үй кешенінен және С.Торайғыров көшесіндегі "Керемет" тұрғын үй кешенінен 224 пәтерді жалға беру жоспарланып отыр.

Әлеуметтік пәтерді жалға алғандар ай сайын әр шаршы метр үшін 1 455 теңге төлеп тұрады. Жалға алудың ең көп мерзімі – 20 жыл. Мерзім аяқталғаннан кейін тұрғын үй жалға алушының меншігіне өтеді.

Қала тұрғындары отбасы құрамына қарамастан 1, 2 және 3 бөлмелі пәтерлерге өтініш бере алады. Алайда, таңдаған пәтерді алуға келісім беру жалға алушының төлем қабілетіне тікелей байланысты.

Тағы оқыңыз: 1 шаршы метрі – 100 теңге: әлеуметтік коттедждер кімдерге арналып салынады

"Мәселен, ауданы 37 шаршы метр бір бөлмелі пәтерді жалға алу құны – айына 53 835 теңге. Бұл жағдайда отбасының кірісі, басқа міндеттемелерді қоспағанда, кем дегенде 110 000 теңге болуы керек", - деді әкімдіктен.

Арендалық баспанаға құжаттар 7 қазанға дейін қабылданады.

Өтініш zhilfond.kz сайты арқылы қабылданады. Бұл ресурста "Онлайн қызметтер" бөлімінде "Сатып алу құқығымен жалға берілетін тұрғын үйге өтініш беру (ҚИК)" терезесі пайда болды. Өтініш қалдыру үшін азаматтарда электронды цифрлық қолтаңба және жұмыс орнынан анықтама болуы керек.

36
Кілт сөздер:
баспана, Нұр-Сұлтан
Тақырып бойынша
Алматылық жастар үшін баспана алу шарты жеңілдеді
"5-10-20" және "7-20-25" бағдарламалары бойынша қалай баспана алуға болады
Мемлекет арендалық баспана ақысын қалай төлейді?
Зейнетақы жинағына баспана алу шарттары белгілі болды
Абай даңғылының бойындағы тұрғын үй кешендері

Нұр-Сұлтан қаласының бет-бейнесі қалай өзгереді

43
Алдағы он жылда Қазақстанның бас шаhарының бет-бейнесі өзгеріп, тұрғындардың өмір сүруіне қолайлы әрі жайлы қалаға айналуы мүмкін, дейді сарапшылар

НҰР-СҰЛТАН, 28 қыркүйек – Sputnik. Нұр-Сұлтан қаласының урбанистика жөніндегі орталығы әкімдікке жаңа идеялар ұсына отырып, қала инфрақұрылымын жақсарту туралы тұжырымдарын әзірлеп жатыр. Бүгінгі күнге дейін жоспарланған жобалардың бірқатары жүзеге асырылды. Бас шаhарды одан әрі көркейту мақсатында атқарылатын жұмыс жоспары турасында орталық басшысы Елнар Базыкен айтып берді.

Адамдарға жайлы қала

Урбанистика орталығы әртүрлі топтың мүдделерін ескере отырып, қаланың қоғамдық кеңістік деңгейінде дамуының әлеуметтік-экономикалық стратегиясына арналған 2030 жылға дейінгі бас жоспарын ұсынды.

"Қала құрылымындағы өте маңызды элемент – қоғамдық кеңістік. Оның дұрыс басқарылуы біз үшін маңызды. Әлемде инвесторлардың, белсенді азаматтардың қоғамдық орындарды тиімді басқару тәжірибесі бар", – деді Базыкен қалаларды дамытуды қолдау жөніндегі QazUrban қауымдастығының ашылуында.

Орталық автокөліктер үшін емес, адамдардың өмір сүруіне қолайлы әрі ыңғайлы қала құру идеясын насихаттайды. Ол үшін мүмкіндігінше, қоғамдық орындарды көптеп құру, жаяу жүргіншілерге арналған тротуарларды кеңейту және велосипед жолақтарының ұзындығын арттыру жоспарлануда.

Триатлон саябағындағы спорттық ойындар мен таза ауада демалуға арналған көпірасты кеңістік үлгісімен қаланың басқа бөліктерінде де, мәселен Пушкин көшесіндегі көпір астында осы тектес демалыс орындарын жүзеге асыру көзделіп отыр.

Подмостовое пространство на улице Пушкина в Нур-Султане
© Photo : Центр урбанистики Нур-Султана
Нұр-Сұлтандағы Пушкин көшесіндегі көпірасты кеңістік

Сонымен қатар, орталық Нұр-Сұлтандағы "Астана" саябағынан бастап, Бейбітшілік пен келісім сарайы маңындағы президенттік саябаққа дейінгі барлық үлкен саябақтар біріктірілетін болады.

План объединения парков Нур-Султана
© Photo : Центр урбанистики Нур-Султана
Нұр-Сұлтан қаласының саябақтарын біріктіру жоспары

Қоғамдық орындарға келетін болсақ, мұнда жасыл желекті көбейту, субұрқақтар мен қаланың бірқатар ауданында орындықтары мен әткеншектері бар демалыс орындарын құру жоспарланып отыр.

Мәселен, Омаров көшесінің бойында Қазан қаласындағыдай (Татарстан) субұрқақтар кешенін орнату көзделуде.

"Біздің балаларымыз сумен ойнағанды жақсы көреді. Сондықтан, арық бойында су ойындарына арналған алаңқай ашқымыз келеді. Қазір бұл жоба жүзеге асырылып жатыр. Келер жылы қала тұрғындары нәтижені көрген кезде қатты қуанады деп ойлаймын", – деді Елнар Базыкен.

Благоустройство улицы Омарова
© Photo : Центр урбанистики Нур-Султана
Омаров көшесін көркейту

Елорданың солтүстік жағалауындағы Абай даңғылы, Сәтпаев және Петров көшелері де түрленіп, көркейетін болады.

Бұл жерлерде урбанистер көше құрылымын өзгертіп, велосипед жолдарының орнына велотұрағы бар велосипед жолақтарын жасағысы келеді.

Болашақта ол былай көрінуі мүмкін.

Благоустройство улицы Петрова
© Photo : Центр урбанистики Нур-Султана
Петров көшесін көркейту

"Ескі алаңдағы жобаға бөлек тоқталып өтейін. Ол өте көпфункционалды жоба. Біз қалалық орман, амфитеатр аймағын құруды көздейміз. Онда адамдар кішігірім концерттер мен іс-шараларды өткізе алады және осы жерге өте керемет субұрқақ орнатқымыз келеді", – деді елорда әкімдігінің алдындағы алаңда абаттандыру жобасының нобайын көрсеткен орталық басшысы.

Благоустройство площади перед акиматом Нур-Султана
© Photo : Центр урбанистики Нур-Султана
Нұр-Сұлтан қаласының әкімдігі алдындағы алаңды көгалдандыру

Нұр-Сұлтан қаласының урбанистика орталығы – консультативтік-кеңесші орган. Бірақ Елнар Базыкеннің айтуынша, көптеген шешім уәкілетті органдармен келіссөздер арқылы жүзеге асырылып келеді. Алдағы уақытта урбанистер өз идеяларын толық жүзеге асыра ала ма, жоқ па, ол жағы белгісіз. Ал ұсынылған бас жоспар кемінде он жылға есептелген.

43
Кілт сөздер:
қала, Нұр-Сұлтан
Тақырып бойынша
Назарбаев Алматыға көшіп келушілерге жер беруді тапсырды
"Келіншегімен жататын төсегі де жоқ": жастар мәселесін көтерген депутат неге ашынды?
Шымкенттің жаңа әкімі Тоқаевтан қандай тапсырма алғанын айтты
"Миллиондаған адам кәсібін ауыстырады" Назарбаев болжам жасады
Қазақстанда тағы екі қалаға республикалық мәртебе беріледі
Экология, геология және табиғи ресурстар министрі Мағзұм Мырзағалиев

Министр Мырзағалиев "Алтынемелде" түсірілген видеоны жариялады

242
(Жаңартылды 18:53 28.09.2020)
Орта Азияда сирек кездесетін қар барысы көктемде "Сайрам Өгем" ұлттық паркінде де көрініп еді, дейді экология министрі

АЛМАТЫ, 28 қыркүйек – Sputnik. Алматы облысында "Алтынемел" ұлттық паркінде алғаш рет қар барысы видеоға түсірілді. Бұл туралы экология, геология және табиғи ресурстар министрі Мағзұм Мырзағалиев мәлімдеді, деп хабарлайды Sputnik Қазақстан.

​Министр Twitter парақшасында қар барысының фото және видеосын жариялады.

"Жақсы жаңалықты бөліскім келіп отыр. "Алтынемел" мемлекеттік ұлттық табиғи паркінде алғаш рет қар барысы байқалды. Жануар фототұзақ объективіне ілінген. Орта Азияда сирек кездесетін сүтқоректі көктемде "Сайрам Өгем" ұлттық паркінде де көрініп еді", - деп жазды министр.

Министрдің айтуынша, Қазақстан аумағында 120-130 бас қар барысы бар. Жануар жоғалып кетудің алдында тұр.  

"Барыстың көзге түсуі – ерекше құбылыс. Біз сирек кездесетін жануарларды барынша қорғауымыз керек. Экология, геология және табиғи ресурстар министрлігі бұл үшін бірқатар шара қабылдап, жүзеге асырады", - деп жазды Мырзағалиев.

Айта кетейік, Қазақстанның ерекше қорғалатын 13 аймағына 294 фототұзақ орнатылған.

242
Кілт сөздер:
видео
Тақырып бойынша
Белгісіз құбыжық тұрғындардың зәресін алды – жантүршігерлік видео
Шымкент зообағында жас жігіт жирафқа мініп алды - видео
Африкада түсірілген видео жұртты күлдірді
Семейде жыртқыш аң видеоға түсіп қалды