Жолаушылар автобусы, архивтегі фото

Нұр-Сұлтанда жол ақысын 200 теңгеге көтеру ұсынылды   

756
Елордадағы автобус парктерінің қаржылық жағдайы мәз емес. Өткен айда № 8 автобус паркі жабылды. Енді № 2 автобус паркі жабылайын деп жатыр

НҰР-СҰЛТАН, 6 қараша – Sputnik. Елорданың автобус парктері жол жүру ақысын көтеруді ұсынып отыр, деп хабарлайды Sputnik Қазақстан тілшісі.

Қалалық мәслихатта өткен жиында № 3 автобус паркінің директоры Бауыржан Тілеубергенов биыл 5,5 миллиард теңгенің субсидиясын алмағанын мәлімдеді.

"Барлық актіге қол қойылған. Жұмыс атқарылды. Бірақ ол ақшаны бізге бермей жатыр. Бұдан бөлек, ішкі істер департаментіне сан алуан шараны өткізгенде автобустар береміз. Осы жұмыстар бойынша 150 миллион теңгенің қарызы бар. Ал автобустарға жанар-жағармай құю керек, жүргізушілерге жалақы төлеу керек. Бұны ешкім ескермейді", - деді Тілеубергенов.

Осы орайда кәсіпорын басшысы балаларды тегін тасымалдауға дайын екенін жеткізді. Бірақ жолаушылардың бір автобустан екінші автобусқа тегін ауысу жеңілдігін алып тастауды сұрады.

Ал №1 парктің өкілі жанар-жағармайдың таусылуға жақын екенін жеткізді. Себебі осы шикізат үшін қарыз бар. Енді, жанар-жағармайдың көлемі тек дүйсенбіге дейін ғана жетеді. Бүгінде осы парктің автобустары қалалық бағыттардың 60 процентін орындайды. Бұдан бөлек, барлық қала маңындағы маршруттар осы кәсіпорынға қарайды. Жыл басынан бері парктің қарызы 1 миллиард 800 миллион теңгеге жеткен.  

Автопарктердің табысы 40%-ке өскен: Нұр-Сұлтанда бір жылда не өзгерді?

"Бұл жерде арифметика қиын емес. Біз бәрін талқылап шықтық. Соны сіздерге жеткізейін деп едім. Негізі қалада жол жүру ақысының өзіндік құны – 189 теңге. Қазір біз тасымалдан 66 теңге, ал субсидиядан 33 теңге көріп отырмыз. Сонда қалған 90 теңгені өзіміз табуымыз керек. Бір автобустан екінші автобусқа ауысып отыру жеңілдігі де табыстың 30 процентін "жеп қойып" отыр. Сосын жеңілдікпен жүретіндер бар. Олар үшін 22 теңге аламыз. Бұның барлығы – қып-қызыл шығын. Егер автобустарды таза коммерциялық мақсатта қолданатын болсақ, онда жол жүру құнын 200 теңге деп қою керек. Сонда субсидияның да қажеті жоқ", - дейді парктің өкілі.

"Астана ЛРТ" ЖШС басқарма төрағасының орынбасары Бауыржан Сейітовтың сөзіне қарағанда, автобус парктерінің қаржылық жағдайы мәз емес. Мәселен, өткен айда № 8 автобус паркі жабылды. Енді № 2 автобус паркі жабылайын деп жатыр. Бүгінде осы саладағы барлық кәсіпорынның жалпы қарызы 2,7 миллиард теңгені құрайды. Ал қаланың көлік басқармасы автобус парктеріне 6 миллиард теңгеге жуық ақшаны аудармай отыр. Ал келесі жылы тек 4 миллиард теңге ғана бөлінбекші. 

Мәслихат депутаттары жол ақысын көтеру мәселесін қоғамдық тыңдауларға шығару қажеттігін жеткізді.

756
Тақырып бойынша
"Өмірі 40 теңге тұра ма": Кондуктор қатты аязда 8 жасар оқушыны автобустан түсірген
Жолақысын банк картасымен төлеуге болады: жаңа жоба іске қосылмақ
Жолақы – 1 теңге: Астанада автобуспен жүру ақысын SMS арқылы төлеуге болады
Астанада бір айлық жол жүру билеті жойылатын болды
"Таксистер де тапқан ақшасына есеп береді" Табыс декларациясы туралы не білу керек?
Аурухана, архивтегі сурет

"Жала жабудың қажеті жоқ": дәрігер желіде тараған видео туралы айтты

1264
(Жаңартылды 10:19 08.07.2020)
Әлеуметтік желілерде астанадағы аурухана маңында жатқан адамның видеосы тарап кетті. Мекеменің бас дәрігері мән-жайды айтты

НҮР-СҰЛТАН, 8 шілде - Sputnik. Елордадағы аурухана маңында жатқан адам пневмония шалдыққан тұрғын емес, мас болған. Бұл туралы №2 аурухананың бас дәрігері айтты.

Әлеуметтік желілерде астанадағы аурухана маңында жатқан адамның видеосы тарап кетті. Ролик авторы науқастарды ауруханаға қабылдамағандықтан, далада жатуға тура келетінін айтқан. 

Бас дәрігердің міндетін атқарушы Нұрбол Тұрсынбаев ғимарат алдында жатқан адам мөлшерден тыс ішімдік ішкенін мәлімдеді.

"Біріншіден, біз COVID-19 жұқтырғандарға арналған аурухана емеспіз. Бізге жедел жәрдем ондай пациенттерді әкелмейді. Екіншіден, видеодағы ер адамның тұрғылықты мекенжайы жоқ. Ол кісіні белгісіз біреулер аурухана кіреберісіне жеткізген. Алайда мекеме қызметкерлеріне ескертпеген", - деді ол.

Оның айтуынша, қызметкерлер ер адамды ауруханаға кіргізген. Алайда ол мас болған және медицина қызметкерлерінің көмегінен ба тартқан. Мединалық көмекке мұқтаж болған жоқ.

Көшеде арбада отырған екінші адам да мас болды. Ол да ауруханаға жатудан бас тартты. Туыстары алып кетті. Кейін тағы да мас күйінде ауруханаға алып келді. Қазір оған көмек көрсетіліп жатыр. Ол алкогольмен уланды.

"Желіде жүрген арандатушы роликтерге сенбеуді сұраймыз. Жалған ақпаратты тарататын авторларға әлеуметтік жауапкершілік туралы ойланып, оны есте сақтағаны жөн. Дәрігер маман ретінде барлық қала тұрғындарының өмірін құтқарып жатырмыз. Бізге бекер жала жабудың қажеті жоқ", - деді бас дәрігердің міндетін атқарушы Нұрбол Тұрсынбаев.

 

1264
Отшашу, аривтегі сурет

Нұр-Сұлтан әкімдігі пандемия кезіндегі отшашуды түсіндірді

8380
(Жаңартылды 14:33 07.07.2020)
Нұр-Сұлтан әкімдігі пандемия кезіндегі отшашуға байланысты сынға жауап берді Мәдениет басқармасы отшашу арқылы коронавирус пандемиясымен күресіп жатқан медицина қызметкерлерін қолдағысы келгенін хабарлады

АЛМАТЫ, 7 шілде – Sputnik. Елорда әкімдігі пандемияның қызған уақытында ұйымдастырылған отшашуға байланысты шағымданған астаналықтарға жауап берді.

"Астана күніне отшашу жыл басында жоспарланған болатын, демеушілер материалдар сатып алып, орындарды анықтады. Бұл фейерверк қала тұрғындарының көңіл-күйін көтеруге, коронавируспен күресте алдыңғы қатарда тұрған медицина қызметкерлерін қолдауға арналған", - деп атап өтті әкімдіктің мәдениет басқармасы. 

Алтыншы шілдеде астана күнін тойлау отшашумен аяқталды. Отшашу орталық саябақ, ботаника бағы және Пушкин мен Абылайхан көшелерінің қиылысынан атылды. Әлеуметтік желіде кейбір қазақстандықтар осыған байланысты наразылық білдірді.

Посмотреть эту публикацию в Instagram

Публикация от Мәдениет басқармасы (@ns.madeniet)

Айта кетейік, Нұр-Сұлтан қаласында Жеңіс күніне арналған отшашу COVID-19 инфекциясына байланысты ұйымдастырылған жоқ.

Ұлыбританияның патшайымы екінші Елизавета 2020 жылдың сәуірінде 94 жасқа толды. Ол коронавирусқа байланысты дәстүрлі отшашуды ұйымдастыруды орынсыз деп тапты.

8380
Кілт сөздер:
отшашу, коронавирус, әкімдік, Нұр-Сұлтан
Тақырып бойынша
Министр Цой: тағы 110 адамның өлімін зерделеп жатырмыз
Үш айға жететін дәрі-дәрмекті бір аптада сатып алды – облыс әкімі 
Желіде дүрбелең туғызды - дәрігер Малышева қазақстандықтарға жауап берді
Министр коронавирустан емделетіндердің басты қателігін атады
Отшашу жасамақшы болған ақтөбелік саусағынан айырылды
Ерхат Есқалиев

"СК-Фармация" ЖШС-не жаңа басшы тағайындалды

0
Ол осы лауазымға тағайындалғанға дейін ұлттық кәсіпкерлер палатасының көлік логистикасы ішкі комитетінің төрағасы қызметін атқарған

НҰР-СҰЛТАН, 12 шілде – Sputnik. Премьер-министр келісімімен Есқалиев Ерхат Серікұлы "СК-Фармация" ЖШС-нің басқарма төрағасы қызметіне тағайындалды, деп хабарлайды primeminister.kz сайты.  

Ерхат Серікұлы 1976 жылы Алматы қаласында туған.

"Ол "Братьев Карич" университетінің банк ісі және сауда академиясын, "Әділет" жоғары құқық мектебін, Халықаралық бизнес академиясын, Т.Рысқұлов атындағы Қазақ экономикалық университетін, Халықаралық бизнес мектебін бітірген", – делінген хабарламада. 

1999–2003 жыл аралығында Атырау облысы әкімдігінің, мемлекеттік кіріс министрлігінің, қаржы министрлігінің, "Қазақстан темір жолы" ұлттық компаниясының құрылымында жұмыс істеді. 

Есқалиевтің қызметтік өтілі туралы не білеміз?

2003-2006 жылы – "Қазақстанның даму банкі" АҚ басқарушы директоры. 

2006 жылдан 2008 жыл аралығында "ҚДБ-ЛИЗИНГ" АҚ басқарма төрағасы болды. 

2008-2009 жылы – "Қазтеміртранс" АҚ президенті.

2009-2010 жыл аралығында – индустрия және сауда министрлігінің вице-министрі. 

2010-2011 жылы – "Қазақстан темір жолы" ҰК" АҚ президентінің кеңесшісі. 

2011-2013 жыл аралығында – "Қазақстан темір жолы" ҰК" АҚ логистика жөніндегі вице-президенті. 

2013-2015 жылы – "Kazlogistics" Қазақстан көлік одағы" ЗТБ бас директоры. 

2015-2016 жыл аралығында "Біріккен көлік-логистикалық компания" ААҚ бірінші вице-президенті болып еңбек етті. 

2016-2018 жылы – "Самұрық-Қазына" ұлттық әл-ауқат қоры" көлік және логистика" салалық дирекциясының директоры. 

Оқи отырыңыз: Президент бірқатар басшыны жұмыстан босатуды тапсырды

2018 жылдың мамыр айынан қазіргі уақытқа дейін ұлттық кәсіпкерлер палатасының көлік логистикасы ішкі комитетінің төрағасы қызметін атқарды. 

0
Кілт сөздер:
дәріхана, дәрі-дәрмек
Тақырып бойынша
Президент дәрі-дәрмек тапшылығы мәселесі қай кезде шешілетінін айтты
Тоқаев арнайы комиссия құруға тапсырма берді
Фармация комитетінің лауазымды тұлғалары ұсталды
"СК-Фармация" бір миллиардтан теңгеден астам айыппұл төледі
Елбасы "СК-Фармация" компаниясының қызметкерлерін жұмыстан қууды талап етті