Алтай Көлгінов

Алтай Көлгінов елорданы қар басқанда жылы жаққа неге ұшып кеткенін түсіндірді

1671
Нұр-Сұлтан әкімі Алтай Көлгінов Біріккен Араб Әмірліктеріне барып келді. Айтуынша, бірнеше маңызды жоба бойынша келіссөздер жүргізілген

НҰР-СҰЛТАН, 29 қаңтар – Sputnik. Елорданың әкімі Алтай Көлгінов төтенше жағдай кезінде қаладан неге кетіп қалғанын түсіндірді. Қала басшысы Біріккен Араб Әмірліктеріне барып келді, деп хабарлайды Sputnik Қазақстан тілшісі. 

"Қар кетеді, ериді. Ал инвесторларды кім алып келеді? Сондықтан оны жүйелі түрде ойлау қажет. "Әкім болса, жұмыс бар, әкім жоқ болса, жұмыс жоқ" деген дұрыс емес. Жүйе жүріп тұруы қажет. Коммуналдық мекемелер дұрыс жұмыс атқарды. Менің бір күнге барып келгенімен ештеңе бола қойған жоқ. Сапардан келдік, сөйтіп, түнде қарды қайтадан бақылауға кірісіп кеттік", - деді Көлгінов "Хабар 24" арнасына берген сұхбатында.

Әкімнің айтуынша, Біріккен Араб Әмірліктерінің бір инвесторы Нұр-Сұлтанда 35 миллион АҚШ долларына жеке жобасын салатын болды. Оған қоса, ісспар кезінде тағы үш инвестициялық жоба бойынша келіссөздер жүргізілді.

"Енді, қазір әңгіменің бәрі қарға байланысты болып жатыр ғой. Дүрбелеңге салынбау қажет. Шамалы сабыр ету керек. Бұл, енді, табиғаттың тосын мінезі, табиғатқа қарсы келетін ештеңе жоқ. Бірақ біз оған қарап отырмаймыз. Бүкіл күшімізді салып, қарды күні-түні шығарып жатырмыз", - деп атап көрсетті Көлгінов.

Айта кетсек, осы аптада мемлекет басшысы Қасым-Жомарт Тоқаев Біріккен Араб Әмірліктеріне ресми сапармен барды. Ол Абу-Дабидің тақ мұрагері шейх Мұхаммед бен Заид Әл Нахаянмен келіссөз жүргізді. Бұған қоса, Қазақстан президенті Біріккен Араб Әмірліктерінің вице-президенті, премьер-министрі, Дубай билеушісі шейх Мұхаммед бен Рашид Әл Мактуммен кездесті. Одан кейін Тоқаев Дубайдың халықаралық қаржы орталығына барды, басқа да бірқатар маңызды кездесу өткізді.

Тағы оқыңыз: Көлгінов Тоқаевтың алдында маңызды мәселені көтерді

Сонымен қатар Тоқаевқа Дубайдағы EXPO-2020 халықаралық көрмесінде салынатын Қазақстан павильоны таныстырылды.

Ал үкіметтің кешегі отырысынан кейін ұлттық экономика министрі Руслан Дәленов президенттің тапсырмасынан кейін Қазақстанның Дубайдағы ЭКСПО көрмесіне жұмсайтын қаржысы қайта қаралатынын мәлімдеді. Оған 9 миллиард теңге қарастырылған.

1671
Кілт сөздер:
қар, елорда, Алтай Көлгінов
Тақырып бойынша
Көлгінов кептелістен құтылудың ерекше әдісін ойлап тапты
Көлгінов: Көпбалалы аналармен біреулер ойнап отыр, сыртынан күледі
Президент Көлгіновті не үшін елорда әкімі етіп тағайындағанын түсіндірді
Нұр-Сұлтандағы оқыс оқиғадан кейін Көлгінов мәлімдеме жасады
"Зейін қойып тыңдау керек": Елорда әкімі әріптестеріне ескерту жасады
Көлгінов астанадағы қолжетімді баспана кімге берілетінін айтты
Автобустардағы тексеріс

Нұр-Сұлтанда автобус қашан жүретіні белгілі болды

1732
Елорда тұрғындарының өтініші бойынша қалада қоғамдық көліктер қайтадан қатынай бастайды, деп хабарлады Нұр-Сұлтан әкімі

НҰР-СҰЛТАН, 1 тамыз – Sputnik. Нұр-Сұлтанда қоғамдық көліктер дүйсенбіден бастап жүреді. 

"Жұмыс берушілер мен қала тұрғындарының өтініші бойынша автобустар қозғалысын 3 тамыздан бастап жандандырамыз. Тек қалалық бағдарлар іске қосылады, каламаңы автобустары қатынамайды. Автобустар сағат 6:00-ден 21:00-ге дейін жүреді", - деп хабарлады Нұр-Сұлтан әкімі Алтай Көлгінов әлеуметтік желіде.

Қоғамдық көлікке маскасыз мінуге тыйым салынады. Көлік бақылау департаментінің қызметкерлері күн сайын рейд жүргізіп, жүргізушілер мен жолаушылардың бетперде режимін сақтауын тексереді. Ал жүргізушілерге жолаушыларды салонға маскасыз кіргізуге қатаң тыйым салынады.  

Автобусқа тек алдыңғы есіктен мінуге болады. Жол жүру ақысы қолма-қол ақшасыз төленеді. 

Әкім автобус жүргізушілері коронавируспен күреске айтарлықтай үлес қосып жатқанын айтты – пандемия кезінде олар медицина қызметкерлерін, әлеуметтік қызметкерлерді жұмысқа тасыды.

Оқи отырыңыз: Алматыда қоғамдық көлік қозғалысы тоқтатылады 

Алтай Көлгінов сондай-ақ қоғамдық көлік жүргізушілерін келе жатқан Көлік қызметкерлері күнімен құттықтады.

Ол қала тұрғындарының жаңа бағыттар ашу жайлы тілегі ескеріліп, елорда автопаркін жаңарту үшін 100 электр автобус сатып алынып, тапсырылғанын атап өтті.    

1732
Кілт сөздер:
автобус, қоғамдық көлік, коронавирус
Тақырып:
Төтенше жағдай және карантин
Тақырып бойынша
Алматыда жаңа шектеу шаралары енгізілді
Қазақстанда тағы бір облыста карантин күшейтілді 
Алматыда бетперде таққан автобус пайда болды - фото
Маска тағудан бас тартқан 22 жастағы алматылық қыз сот алдында жауап береді
Денсаулық сақтау министрлігі жұртты толғандырған сұрақтарға жауап берді
Дәрігерлер, архивтегі фото

Нұр-Сұлтан ауруханасында түсірілген видео жарияланды  

12064
Тағы бір COVID-19 ауруханасы босап қалды. "Рамада плазада" орналасқан стационарда 1 шілдеден бері мыңға жуық науқас емделіп шықты

НҰР-СҰЛТАН, 31 шілде – Sputnik. Нұр-Сұлтанда коронавирус және пневмониямен ауырған науқастар емделген тағы бір аурухана жабылды. Дәрігерлер "Рамада плазада" орналасқан стационардан соңғы науқасты шығарды, деп хабарлады Сovid19.astana.kz.

Нұр-Сұлтан қаласының №3 көпсалалы ауруханасының терапевт дәрігері Дәурен Молдажанов 1 шілдеден бері бұл стационарда коронавирус жұқтырған мыңға жуық науқас емделіп шыққанын айтады. Олардың арасында орта, ауыр және өте ауыр дәрежелі науқастар болды.   

"Бұл стационар өз функциясын толығымен орындады. Мұнда науқастарды күтуге қажетті барлық медициналық жабдық пен дәрі-дәрмек болды. Бұл науқастарға жоғары сапалы медициналық көмек көрсетуге мүмкіндік берді", - дейді Дәурен Молдажанов.

Науқастардың бірі Бибіжан Қаппарова бастапқыда өзін-өзі емдегенін айтады.  

"Сегіз күн бойы үйде емделдім, содан кейін жедел жәрдем шақыруға шешім қабылдадым. 10 күн осы стационарда жаттым. Дәрігерлерімізге, барлық медицина қызметкеріне алғысым шексіз", – дейді зейнеткер.

Нұр-Сұлтанда барлығы 16 стационар коронавируспен күресуге жұмылдырылды.

Оқи отырыңыз: Ғалымдар коронавирус қандай суда өлетінін анықтады 

Естеріңізге сала кетейік, 27 шілдеде Психикалық денсаулық орталығының клиникасынан коронавирусқа шалдыққан соңғы науқас шығарылған болатын. Бір жарым айдың ішінде мұнда 1 044 науқас емделді. 

Шілде айының басынан бері Нұр-Сұлтанда пневмониямен ауырғандар саны бес есе азайған. Жедел жәрдем станциясына қоңырау шалатындар саны үш есе – тәулігіне үш мыңнан мыңға дейін кеміді. Төсек қорының жүктемесі 99-дан 30 процентке дейін төмендеді.

Еске сала кетейік, Қазақстанда пандемия басталғалы 89 078 адам індетті жұқтырды. Пациенттердің 66 пайызы емделіп шықты – 59 517.  

12064
Кілт сөздер:
видео, Нұр-Сұлтан, коронавирус
Тақырып:
Коронавирус эпидемиясы
Тақырып бойынша
Қазақстанның тағы бір өңірінде жолдарға бекеттер қойылды
Дәрігер COVID-19 кезінде қандай дәрілер тиімсіз екенін айтты
Қаралы күн: Тоқаев Қырғызстан президентіне көңіл айтты
Кредит төлемі кейінге шегеріледі: Мамин тапсырма берді
Жүгірген кезде маска тағу керек пе – министр жауабы
Димаш Құдайберген

"Үндемедім": Димаш Құдайберген неден ұялғанын айтты

0
(Жаңартылды 11:58 04.08.2020)
Әнші Қабанбай батыр мен Сәкен Сейфуллин көшелері қиылысында салынған мурал үшін жерлестеріне іштей рахмет айтқанын жазды

АЛМАТЫ, 4 тамыз – Sputnik. Қазақстандық әнші Димаш Құдайберген Алматы көшелерінің бірінде салынған суретіне байланысты пікірін жазды.

Мурал с изображением Димаша
© Photo : Twitter / sula_manchester
Әнші суреті туралы жар салып жазуға ұялғанын айтты

Әнші Қабанбай батыр мен Сәкен Сейфуллин көшелері қиылысында салынған мурал үшін жерлестеріне іштей рахмет айтқанын, алайда алдында аға буын өкілдері тұрғандықтан, ол жайлы жар салып жазуға ұялғанын айтты.

"Алматы қаласында осындай керемет мурал салыныпты. Жерлестердің сыйлығын көргенде жүрегіме жылулық орнап, іштей рахметімді айтқан болатынмын. Алайда Қонаевтай ұлы тұлғаларымыз тұрғанда жас буын өкілі өзінің алып суреті жайлы жар салғаны ұят болар дедім де, үндемедім", - деп жазды әнші Instagram парақшасында.

Сонымен қатар әнші муралды салған азаматтардың еңбегін бағалады.

"Қадірлі суретшілер, қолдарыңыз дерт көрмесін, туындыларыңыз жер шарын шарлап, қазақтың атын биікке көтерсін және барша қолдаушыма шын жүректен алғыс білдіремін", - деп жазды Димаш Құдайберген.

Айта кетейік, бұған дейін әнші әлеуметтік желіде ұлттық аза тұту күніне орай жазба жариялап, мамыражай күндердің қайта келетініне сенім білдірді.

0
Кілт сөздер:
Димаш Құдайберген