Алтай Көлгінов

Нұр-Сұлтанда мектепке Қонаевтың есімін беру ұсынылды әкім не дейді?

530
Сондай-ақ ақиық ақын, соғыс ардагері Жұбан Молдағалиевтің есімі орталық көшелердің біріне берілуі мүмкін

НҰР-СҰЛТАН, 12 ақпан – Sputnik. Халыққа есеп беру кезінде елорада әкімі Алтай Көлгіновке мектептердің біріне Дінмұхамед Қонаевтың есімін беру туралы ұсыныс жасалды, деп хабарлайды Sputnik Қазақстан тілшісі.

Есеп беру жиыны кезінде Қазақстанның коммунистік халық партиясының өкілі Нұрболат Төреқожа сөз алып, өз ұсыныстарын жариялады.

"Биыл қазақ еліне еңбегін аямай төккен Дінмұхамед Ахметұлы Қонаевтың туғанына 108 жыл толып отыр. Осы көшенің бойында 66-шы мектеп-лицей тұр. Сол мектепке Қонаевтың атын беруіңізді сұраймыз", - деді Төреқожа.

Осы кезде залда отырған халық қол шапалақтай бастады.

Сондай-ақ, Төреқожа биыл ақиық ақын, соғыс ардагері Жұбан Молдағалиевтің туғанына 100 толып отырғанын еске салып, орталық көшелерінің біріне ақынның атын беруді сұрады.

Қала әкімі Қонаев жайында ештеңе айтқан жоқ. Бірақ Жұбан Молдағалиевке бір көше беруге дайын екенін жеткізді. 

"Сіз өте жақсы сұрақтар қойдыңыз. Міне, халық та қолдап отыр. Біз соның бәрін ономастикалық комиссия арқылы шығаруды жоспарға бекітейік. Дұрыс айтасыз, биыл Жұбан Молдағалиевтің 100 жылдығы. Қарастырамыз", - деп атап көрсетті Көлгінов.

Тағы оқыңыз: Дінмұхамед Қонаевтың қарындасы қайтыс болды

530
Кілт сөздер:
Дінмұхамед Қонаев, Алтай Көлгінов
Тақырып бойынша
"Батыр болуға тиісті азамат еді": Жұбан Молдағалиев туралы не білеміз?
Нұрғали Нүсіпжанов Дінмұхамед Қонаевтың өзіне не дегенін айтты
"Ол мені қорғап қалды" Дінмұхамед Қонаев туралы не білеміз?
Нұр-Сұлтан қаласы

Маска тақпағандарға 79 мың теңге айыппұл салынады

508
Полицейлер адам көп жерлерде, саябақтарда, скверлерде, қоғамдық көліктерде түсіндіру жұмыстарын жүргізіп, азаматтарға маска тағуды ұсынады

НҰР-СҰЛТАН, 5 тамыз – Sputnik. Маска тағу тәртібін бұзғандарға 79 530 теңге айыппұл салынады.  

Тәртіп сақшылары елорданың бас мемлекеттік санитарлық дәрігерінің бұйрығына сәйкес, тұрғындар үйден шыққанда медициналық маска тағуға міндетті ескертті, деп хабарлады Нұр-Сұлтан әкімдігінің ресми сайты.

Бұл аурудың алдын алу үшін жасалады. Құқық бұзушыларға 30 АЕК немесе 79 530 теңге айыппұл салынады.

"Адам көп жерлерде, саябақтарда, скверлерде, қоғамдық көліктерде түсіндіру жұмыстарын жүргізіп, азаматтарға маска тағуды ұсынамыз. Егер адам көп орындарда маска тақпаса әкімшілік жауапкершілікке тартылады. Бірінші кезекте біз тәртіп бұзушыларға қатысты алдын алу шараларын қолданамыз", - дейді қалалық полиция департаментінің ресми өкілі Данияр Оралов.

Сондықтан, халықтың денсаулығын сақтау, коронавирус инфекциясының алдын алу және болдырмау үшін азаматтар медициналық маска тағуы керек, дейді ол.

Ал елорда тұрғындары арасында блиц-сауалнама көрсеткендей, респонденттердің көпшілігі маска қорғаныс ретінде қажет екеніне және оны жабық ғимарат ішінде кию керек екендігіне сенімді.

Оқи отырыңыз: Денсаулық сақтау министрі бетперде тағуға қатысты соңғы өзгерісті жариялады 

"Меніңше, сыртта маска тағу қажет емес, өйткені таза ауа одан да маңызды. Иә, жабық ғимарат ішінде әлеуметтік қашықтық сақтау, маска тағу керек, бірақ көшеде міндетті емес", - дейді қала тұрғыны.

"Мен жағалауда, адам көп емес жерде таза ауамен дем алу үшін масканы шешемін. Менде вирус болуы мүмкін ғой, сондықтан адамдар арасында маска тағып жүремін", - дейді тағы бір елорда тұрғыны.

Еске сала кетейік, жабық, қоғамдық орындарда, халыққа қызмет көрсету орталықтарында, дүкендер мен дәріханаларда, медициналық мекемелерде маска тағу міндетті.

"Маска тағу COVID-19 инфекциясының алдын алу үшін өте маңызды. Маска тағу тәртібін сақтау керек және әр екі сағат сайын ауыстыру қажет", - деп түсіндіреді терапевт Әзиза Алданбаева.

Қазақстанда карантин режимі 17 тамызға дейін ұзартылды.

508
Тақырып:
Төтенше жағдай және карантин
Тақырып бойынша
Қостанайда карантин режимін бұзған жолаушы полицейдің құлағын тістеп алды   
Малышева балалардың маска тағуы неге қауіпті екенін айтты
Алпыс теңгеден сатылады: елордада маска тігетін қуатты өндіріс іске қосылды
Жүгірген кезде маска тағу керек пе – министр жауабы
Денсаулық сақтау министрлігі жұртты толғандырған сұрақтарға жауап берді
Бес жасқа дейінгі балаларға маска тақпауға рұқсат етілді
Теңге, ақша

Нұр-Сұлтан тұрғындары жарты миллион теңгеден қарыз екенін білді

4673
(Жаңартылды 16:57 05.08.2020)
Жаңа үйдің тұрғындарына бір ғана электр жарығы үшін әрқайсына кемінде жарты миллион теңгелік есепшот келген

НҰР-СҰЛТАН, 5 тамыз – Sputnik. Елордада пайдалануға берілгеніне небәрі 8 ай болған баспананың әлі күнге электр желісі де, суы да бір жүйеге түспеген. 

Қала тұрғыны Наталья Бондаренконың айтуынша, жарықтың есептеуіш құралы істемейді.

"Таяуда электр желісі компаниясының өкілі келіп, жарықтан ажыратамыз, сіздер 8 ай бойы ақша төлемегенсіздер деді. Біз оны кімге барып, қайда төлейтінімізді білмейміз, оның үстіне түбіртек те берілмейді", - деп ашынды ол.

Айтуынша, суды да дұрыстап бермейді. Бірде салқын, бірде ыстық су ағатын көрінеді. Реттеп отырған адам жоқ, деп хабарлады "Астана" арнасы.

Мәселе мұнымен шектелмейді. Үйдің қабырғалары жарылып, терезелері шытынай бастаған.

Пәтердің құрылысына жауапты "Қазстройподряд" компаниясының өкілі кемшіліктерді ертеңнен қалдырмай түзейтіндерін айтты.

"Біз жауапкершіліктен қашып отырған жоқпыз. Кемшіліктерді түзетеміз. Абаттандыру мәселесінің бәрі ертең 100 пайыз шешіледі. Ертең өзім осы жерде боламын", - деп уәде берді компания басшысы Бекзат Пашаев.

Қалалық тұрғын үй қорының өкілі есептеуіш құралдары болғанмен, пәтер иелері коммуналдық мекемелермен келісімшарт жасаспаған деп отыр. Қалай болғанда да тұрғындар 8 айдың шығынын өтеуге міндетті екенін айтты.

Оқи отырыңыз: Кәсіпкер Нұр-Сұлтанның қымбат үйлерінің қорқынышты фотоларын жариялады 

"Олар осы күнге дейін келісімшартсыз тұрды. Бірақ суды, энергияны қолданып келеді. Осы күнге дейінгі қарыздарын төлеуге міндетті. Яғни, төлем тапсыру-қабылдау актісіне қол қойған күннен басталады", - деп түсіндірді қалалық "Тұрғын үй қоры" КММ баспасөз хатшысы Арманай Қабдешова.

Базыналы бұқара электр энергиясы үшін әр пәтерге қомақты қаржы келгенін айтып, шырылдады. Сөздеріне қарағанда бір ғана электр жарығы үшін әрқайсысына кемінде жарты миллион теңгелік есепшот келген. Оны мұндағы әлеуеттің қалтасы әрине көтермейді. Өйткені, бұл баспаналарда әлеуметтік аз қамтылған отбасылар тұрып жатыр.

4673
Кілт сөздер:
қарыз, электр энергиясы
Тақырып бойынша
Перуашев мемлекеттің ақшасына шалқып өмір сүргісі келетін шенеуніктерге шүйлікті
Алматылық келіншек банкке 45 миллиард теңге қарыз екенін білді
Сенат депутаты: қазір әрбір қазақстандық 330 мың теңгеден қарыз
Смайылов миллиардтаған сыртқы қарыздың қайдан шыққанын түсіндірді  
Қазақстандықтар коммуналдық қызметтерге 13 млрд теңге қарыз болып қалды
Архивтегі фото

Ақтау Жаңаөзен тасжолында бірнеше адам көз жұмды видео

0
Полицияның мәліметінше, Toyota Alphard минивэнінің жүргізушісі рөлге ие бола алмай, аударылып кеткен

НҰР-СҰЛТАН, 5 тамыз – Sputnik. Ақтау – Жаңаөзен тасжолында Toyota Alphard минивэні аударылып кетті.

Трагедия 5 тамыз күні таңертең болды. Оқиғаның қалай болғанын Маңғыстау облысы полиция департаментінің баспасөз қызметі хабарлады, деп жазды Lada.kz.  

Полицияның мәліметінше, Toyota Alphard минивэнінің жүргізушісі рөлге ие бола алмай, аударылып кеткен.

"Бұл факт Қарақия аудандық полиция бөлімінің сотқа дейінгі тергеулердің бірыңғай тізілімінде Қазақстан Республикасы Қылмыстық кодексінің 345-бабы 4-бөлігі бойынша тіркелді), - деп хабарлады ведомство.

Бұл баптың жазасы бес жылдан 10 жылға дейінгі мерзімге соттауды, сондай-ақ жеті жылға дейін белгілі бір лауазымдарды атқару немесе белгілі бір қызметпен айналысу құқығынан айыруды көздейді.

"Суық хабар жетті": үш қазақстандық балуан жол апатынан қаза болды

Алдын ала мәлімет бойынша, апаттан 4 адам адам көз жұмған, тағы төртеуі ауруханада жатыр.

0
Кілт сөздер:
видео, жол апаты, Ақтау
Тақырып бойынша
"Астана Опера" театрының жетекші солисі жол апатынан қаза болды
Нұр-Сұлтанда автокөлік бағанды құлатып, аялдамаға соғылды
Атырау облысында жедел жәрдем бригадасы көз жұмды
Блок бекеттегі апат: марқұм полицейдің әйелі алғаш рет қайғылы оқиға жайлы айтты
Атырау облысында болашағынан үміт күттірген үш боксшы қаза болды