Астанадағы аялдама

Астаналықтар маңызды жеңілдіктен қағылады

2125
(Жаңартылды 10:41 28.02.2020)
Қоғамдық көліктерде барлығына бірдей 60 минуттың ішінде басқа автобусқа ауысып отыру жеңілдігін алып тастайды

НҰР-СҰЛТАН, 28 ақпан – Sputnik. "City Transportation Systems" компаниясы (бұрынғы "Astana LRT" ЖШС) жаңа тарифтерді енгізу аясында бір сағаттың ішінде екінші автобусқа тегін ауысып отыру жеңілдігін алып тастайды, деп хабарлайды Sputnik Қазақстан тілшісі.

Компанияның баспасөз қызметі таратқан мәліметке сәйкес, 28 наурыздан бастап жаңа тарифтер енгізіледі. Соған сәйкес, барлығына бірдей 60 минуттың ішінде басқа автобусқа ауысып отыру жеңілдігін алып тастайды. Ондай мүмкіндік тек екі тариф кезінде ғана сақталады. Олар:

  • 15 сапар – 2000 теңге;
  • 30 сапар – 4 000 теңге.

Алайда астаналықтар жаңадан енгізілетін екі тарифтің жеңілдігі көп емес деп санайды. Ал кейбір азаматтар үшін ондай жеңілдік мүлдем сезілмейді. 

"Мысалы, мен 15 сапарды 2 000 теңгеге сатып алсам, 90 теңгеден 15 сапардың өз бағасы 1 350 теңге болады. Сонда арғы жағында 650 теңгені "тегін ауысып отыруға" өзім төлеп тұрмын. Бұл – 7 рет ауысып отыру. Енді, мен күнде ауысып отырмасам, өз ақшама жүретін болып тұрмын ғой. Бұл жерде ешқандай жеңілдік жоқ", - дейді қала тұрғыны Қайырбек Жұматаев.

Ал Нұрлан Жақиянов күнде жұмысына екі автобуспен ауысып барады. Ол да өз шығынын есептеп шықты.

"Мен 30 сапарды сатып алсам, тура сонша ауысып отырамын ғой. Ондай тарифтің бағасы 4 000 теңге дейді. 30 сапардың өз бағасы 2 700 теңге болса, арғы жағында 1 300 теңгеге мен 14 "тегін ауысып отыруды" сатып аламын. Маған тағы 16 рет басқа автобусқа отыру керек. Демек, соны маған жеңілдік ретінде беріп отыр. Былай қарасаң, бұрын шексіз ауысып отырулар болса, енді соның жартысын алып қоймақшы", - дейді Жақиянов.

1-15 күндік тарифтер де болады

Келесі айдан бастап 1, 3, 5 және 15 күндік жол жүру тарифтері де енгізіледі. Бұдан бөлек, айлық жол жүру қызметтеріне "Қала+экспресс" және "Қала+экспресс+қала маңы" сияқты жаңа тарифтер қосылады.

Жаңа тарифтер:

  • Айлық жол жүру. "Қала+экспресс", құны - 10 мың теңге. Соның арқасында қалалық және экспресс бағдарлармен бір ай бойы шектеусіз жүруге болады;
  • Айлық жол жүру. "Қала+экспресс+қала маңы" - 13 мың теңге;
  • "3 айлық жол жүру" - 20 мың теңге;
  • 1 күндік жол жүру ақысы 500 теңгеден;
  • 3 күндік жол жүру ақысы 1 500 теңгеден;
  • 5 күндік жол жүру ақысы 2 мың теңгеден;
  • 15 күндік жол жүру ақысы 4 мың теңгеден.

"Енді, айлық жол жүру тарифтері түсінікті ғой. Ал 1-15 күндік тарифтерге тоқталатын болсақ, 500 теңгеге күні бойы шектеусіз жүруге болады. Сол сияқты 1 500 теңгені салып, үш күн бойы автобустармен жүре беруге мүмкіндік бар. Ондай тарифтер автобуспен жиі жүретін адамдарға тиімді", - дейді компания мамандары.
Айта кеткен жөн, 7 500 теңгеге бір айға алынатын жол жүру тарифі өзгеріссіз қалды. 9 500 теңгенің айлық тарифі де сол күйінде қалады.

18 жасқа дейін тегін жүруге болады

Компания кәмелеттік жасқа толмаған барлық балаларға автобуспен тегін жүруге мүмкіндік берілетінін де жариялады. Ол тариф те 28 наурызда іске қосылады.

18 жасқа дейін тегін жүру үшін міндетті түрде арнайы картаны сатып алу қажет. Оның бағасы – 500 теңге. Сосын қоғамдық көлікте валидация жасап отыру керек. Себебі компания жолаушылар тасымалын бақылайды.

Бұдан бөлек,  зейнеткерлер, ардагерлер, мүгедектер, көпбалалы аналар, жалпы жеңілдік алатын азаматтар қала маңындағы маршруттармен тегін жүре алады.

Компанияның атауы өзгерді

"Astana LRT" ЖШС енді "CTS" (City Transportation Systems) компаниясы деп аталатын болды.

Журналистерге сұхбат берген компания басшысы Бекмырза Игенбердинов атауды өзгерту бастамасы бұған дейін болған жемқорлық фактілеріне қатысты емес деп мәлімдеді.

Игенбердинов ребрендингке кететін ақшаның сомасын атаған жоқ. Бірақ логотипті әзірлеуге 100 мың теңге жұмсалғанын жеткізді.
 

2125
Кілт сөздер:
қоғамдық көлік, жеңілдіктер, автобус
Тақырып бойынша
"Түн еді": Жәбірленуші Қызылордадағы автобус апаты жайлы айтып берді
Куәлігі жоқ жүргізуші полицейді көлігінің капотында сүйреді – видео
Елорда автобустарында жаңа тарифтер енгізіледі
Алматы әкімі жолаушылар тасымалы саласында қандай жаңалық болатынын айтты
"Бізді жамандай бермеңдер": Татьяна қар тазалаушылардың жанайқайын жеткізді - видео
Кілт, иллюстративті фото

Нұр-Сұлтанда арендалық баспанаға құжат қабылдау басталды

88
Әлеуметтік пәтерді жалға алғандар ай сайын әр шаршы метр үшін 1 455 теңге төлеп тұрады, жалға алу мерзімі аяқталғаннан кейін, баспана жалға алушының меншігіне өтеді

НҰР-СҰЛТАН, 28 қыркүйек – Sputnik. Нұр-Сұлтанда сатып алу құқығымен жалға берілетін тұрғын үйге құжат қабылдау басталды. Кезекте тұрғандарға 224 пәтерді пайдалануға беру жоспарланып отыр, деп хабарлайды елорда әкімдігінің ресми сайты.

"Бағдарламаға тұрғын үй кезегінде тұрған және Нұр-Сұлтан әкімдігіне ведомстволық бағынысты мекемелердің білім беру, денсаулық сақтау, мәдениет, спорт және әлеуметтік қорғау саласының қызметкерлері, сондай-ақ полиция және төтенше жағдайлар департаменттерінің барлық санаттағы азаматтары қатыса алады", – деп мәлімдеді қаланың тұрғын үй қорынан.

Тілендиев даңғылында, Сары бұлақ бойында орналасқан "Жаңа қоныс" тұрғын үй кешенінен және С.Торайғыров көшесіндегі "Керемет" тұрғын үй кешенінен 224 пәтерді жалға беру жоспарланып отыр.

Әлеуметтік пәтерді жалға алғандар ай сайын әр шаршы метр үшін 1 455 теңге төлеп тұрады. Жалға алудың ең көп мерзімі – 20 жыл. Мерзім аяқталғаннан кейін тұрғын үй жалға алушының меншігіне өтеді.

Қала тұрғындары отбасы құрамына қарамастан 1, 2 және 3 бөлмелі пәтерлерге өтініш бере алады. Алайда, таңдаған пәтерді алуға келісім беру жалға алушының төлем қабілетіне тікелей байланысты.

Тағы оқыңыз: 1 шаршы метрі – 100 теңге: әлеуметтік коттедждер кімдерге арналып салынады

"Мәселен, ауданы 37 шаршы метр бір бөлмелі пәтерді жалға алу құны – айына 53 835 теңге. Бұл жағдайда отбасының кірісі, басқа міндеттемелерді қоспағанда, кем дегенде 110 000 теңге болуы керек", - деді әкімдіктен.

Арендалық баспанаға құжаттар 7 қазанға дейін қабылданады.

Өтініш zhilfond.kz сайты арқылы қабылданады. Бұл ресурста "Онлайн қызметтер" бөлімінде "Сатып алу құқығымен жалға берілетін тұрғын үйге өтініш беру (ҚИК)" терезесі пайда болды. Өтініш қалдыру үшін азаматтарда электронды цифрлық қолтаңба және жұмыс орнынан анықтама болуы керек.

88
Кілт сөздер:
баспана, Нұр-Сұлтан
Тақырып бойынша
Алматылық жастар үшін баспана алу шарты жеңілдеді
"5-10-20" және "7-20-25" бағдарламалары бойынша қалай баспана алуға болады
Мемлекет арендалық баспана ақысын қалай төлейді?
Зейнетақы жинағына баспана алу шарттары белгілі болды
Абай даңғылының бойындағы тұрғын үй кешендері

Нұр-Сұлтан қаласының бет-бейнесі қалай өзгереді

49
Алдағы он жылда Қазақстанның бас шаhарының бет-бейнесі өзгеріп, тұрғындардың өмір сүруіне қолайлы әрі жайлы қалаға айналуы мүмкін, дейді сарапшылар

НҰР-СҰЛТАН, 28 қыркүйек – Sputnik. Нұр-Сұлтан қаласының урбанистика жөніндегі орталығы әкімдікке жаңа идеялар ұсына отырып, қала инфрақұрылымын жақсарту туралы тұжырымдарын әзірлеп жатыр. Бүгінгі күнге дейін жоспарланған жобалардың бірқатары жүзеге асырылды. Бас шаhарды одан әрі көркейту мақсатында атқарылатын жұмыс жоспары турасында орталық басшысы Елнар Базыкен айтып берді.

Адамдарға жайлы қала

Урбанистика орталығы әртүрлі топтың мүдделерін ескере отырып, қаланың қоғамдық кеңістік деңгейінде дамуының әлеуметтік-экономикалық стратегиясына арналған 2030 жылға дейінгі бас жоспарын ұсынды.

"Қала құрылымындағы өте маңызды элемент – қоғамдық кеңістік. Оның дұрыс басқарылуы біз үшін маңызды. Әлемде инвесторлардың, белсенді азаматтардың қоғамдық орындарды тиімді басқару тәжірибесі бар", – деді Базыкен қалаларды дамытуды қолдау жөніндегі QazUrban қауымдастығының ашылуында.

Орталық автокөліктер үшін емес, адамдардың өмір сүруіне қолайлы әрі ыңғайлы қала құру идеясын насихаттайды. Ол үшін мүмкіндігінше, қоғамдық орындарды көптеп құру, жаяу жүргіншілерге арналған тротуарларды кеңейту және велосипед жолақтарының ұзындығын арттыру жоспарлануда.

Триатлон саябағындағы спорттық ойындар мен таза ауада демалуға арналған көпірасты кеңістік үлгісімен қаланың басқа бөліктерінде де, мәселен Пушкин көшесіндегі көпір астында осы тектес демалыс орындарын жүзеге асыру көзделіп отыр.

Подмостовое пространство на улице Пушкина в Нур-Султане
© Photo : Центр урбанистики Нур-Султана
Нұр-Сұлтандағы Пушкин көшесіндегі көпірасты кеңістік

Сонымен қатар, орталық Нұр-Сұлтандағы "Астана" саябағынан бастап, Бейбітшілік пен келісім сарайы маңындағы президенттік саябаққа дейінгі барлық үлкен саябақтар біріктірілетін болады.

План объединения парков Нур-Султана
© Photo : Центр урбанистики Нур-Султана
Нұр-Сұлтан қаласының саябақтарын біріктіру жоспары

Қоғамдық орындарға келетін болсақ, мұнда жасыл желекті көбейту, субұрқақтар мен қаланың бірқатар ауданында орындықтары мен әткеншектері бар демалыс орындарын құру жоспарланып отыр.

Мәселен, Омаров көшесінің бойында Қазан қаласындағыдай (Татарстан) субұрқақтар кешенін орнату көзделуде.

"Біздің балаларымыз сумен ойнағанды жақсы көреді. Сондықтан, арық бойында су ойындарына арналған алаңқай ашқымыз келеді. Қазір бұл жоба жүзеге асырылып жатыр. Келер жылы қала тұрғындары нәтижені көрген кезде қатты қуанады деп ойлаймын", – деді Елнар Базыкен.

Благоустройство улицы Омарова
© Photo : Центр урбанистики Нур-Султана
Омаров көшесін көркейту

Елорданың солтүстік жағалауындағы Абай даңғылы, Сәтпаев және Петров көшелері де түрленіп, көркейетін болады.

Бұл жерлерде урбанистер көше құрылымын өзгертіп, велосипед жолдарының орнына велотұрағы бар велосипед жолақтарын жасағысы келеді.

Болашақта ол былай көрінуі мүмкін.

Благоустройство улицы Петрова
© Photo : Центр урбанистики Нур-Султана
Петров көшесін көркейту

"Ескі алаңдағы жобаға бөлек тоқталып өтейін. Ол өте көпфункционалды жоба. Біз қалалық орман, амфитеатр аймағын құруды көздейміз. Онда адамдар кішігірім концерттер мен іс-шараларды өткізе алады және осы жерге өте керемет субұрқақ орнатқымыз келеді", – деді елорда әкімдігінің алдындағы алаңда абаттандыру жобасының нобайын көрсеткен орталық басшысы.

Благоустройство площади перед акиматом Нур-Султана
© Photo : Центр урбанистики Нур-Султана
Нұр-Сұлтан қаласының әкімдігі алдындағы алаңды көгалдандыру

Нұр-Сұлтан қаласының урбанистика орталығы – консультативтік-кеңесші орган. Бірақ Елнар Базыкеннің айтуынша, көптеген шешім уәкілетті органдармен келіссөздер арқылы жүзеге асырылып келеді. Алдағы уақытта урбанистер өз идеяларын толық жүзеге асыра ала ма, жоқ па, ол жағы белгісіз. Ал ұсынылған бас жоспар кемінде он жылға есептелген.

49
Кілт сөздер:
қала, Нұр-Сұлтан
Тақырып бойынша
Назарбаев Алматыға көшіп келушілерге жер беруді тапсырды
"Келіншегімен жататын төсегі де жоқ": жастар мәселесін көтерген депутат неге ашынды?
Шымкенттің жаңа әкімі Тоқаевтан қандай тапсырма алғанын айтты
"Миллиондаған адам кәсібін ауыстырады" Назарбаев болжам жасады
Қазақстанда тағы екі қалаға республикалық мәртебе беріледі
Ребенок у окна, архивное фото

Шипажайда баланы сүлгімен ұрған тәрбиеші қылмыстық жазаға тартылмайтын болды

0
Ақтөбе қаласының Алматы аудандық полиция бөлімі жүргізген сотқа дейінгі тергеу екі жақтың татуласуымен аяқталды, қылмыстық іс тоқтатылды

АЛМАТЫ, 28 қыркүйек – Sputnik. Ақтөбеде баланы сүлгімен ұрған тәрбиешіге қатысты қылмыстық іс тоқтатылды, деп хабарлады өңірлік "Мой Город" басылымы.

2020 жылдың наурызында Ақтөбе облысындағы "Шағала" шипажайының 58 жастағы тәрбиешісі баланы сүлгімен ұрып-соққаны жария болған еді. Сол жердегі баланың бірі оқиғаны видеоға түсіріп алған, ал оны ата-анасы әлеуметтік желіде жариялады. Бұл шипажайда туберкулезбен ауыратын балалар оңалтудан өтеді.

Видеода балалардың еденде отырғанын, ал ақ халат киген әйелдің бір баланы сүлгімен ұрғанын көруге болады. Бала жыласа да, әйел оны бірнеше рет ұрған. Басқа балалар да "бізді аяқ киіммен де ұрады" дейді.  

Видео жарияланғаннан кейін шипажайға полиция мен прокуратура қызметкерлері барған. Аталған факті бойынша Қылмыстық кодекстің 140-бабы 2-бөлігі бойынша сотқа дейінгі тергеу басталып, сараптама тағайындалды.

Оқи отырыңыз: Алматы облысында балабақшадағы видеодан кейін тәрбиеші хабарсыз кетті 

Тергеу барысында тәрбиешінің 20 жылдық жұмыс өтілі бар екені белгілі болды. Оның айтуынша, бала тәрбиешіге тіл тигізген. Содан ашуланып, сүлгімен сабай бастаған.

Ақтөбе қаласының Алматы аудандық полиция бөлімі жүргізген сотқа дейінгі тергеу екі жақтың татуласуымен аяқталды, қылмыстық іс тоқтатылды.

Ал шипажайдың хабарлауынша, баланы ұрған тәрбиеші мен сол жерде әйелді тоқтатпаған екінші тәрбиеші Еңбек кодексінің 52-бабы 14-бөлігі бойынша жұмыстан босатылған.

0
Кілт сөздер:
қылмыстық іс, тәрбиеші
Тақырып бойынша
Түркістан облысы лагеріндегі шу: оқиғаның неден басталғаны белгілі болды
"Аюға намаз үйреткен таяқ": тәрбиеші әріп білмеген бүлдіршінді ұрып-соқты – видео
Студент тәрбиешінің балаларды ұрып жатқанын видеоға түсіріп алды
Атырауда тәрбиешінің бүлдіршінді сабап жатқан сәті видеоға түсіп қалды
Балабақшада балалар кішкентай қызды жабылып соққыға жықты – видео