Нұр-Сұлтан, архивтегі фото

Нұр-Сұлтан тұрғыны далада жүгіргені үшін қамауға алынды

453
(Жаңартылды 15:01 12.05.2020)
Ұсталған азамат елордада далада спортпен шұғылдануға рұқсат берілгенге дейін карантин режимін бұзған

НҰР-СҰЛТАН, 12 мамыр – Sputnik. Нұр-Сұлтанда ер адам далада жүгіргені үшін 3 тәулікке әкімшілік қамауға алынды. Бұл туралы елорданың мамандандырылған ауданаралық әкімшілік соты хабарлады.

Спорт әуесқойы карантинді 21 сәуірде бұзған. Жүгіруге және жаттығу жасауға тек 4 мамырдан бастап рұқсат берілді.

"Азамат карантин режимін бұзғаны үшін әкімшілік жауапкершілікке тартылып, 3 тәулік мерзімге әкімшілік қамауға алынды", - деп жазылған Нұр-Сұлтан қалалық сотының ресми сайтында.

Ер адам далада жүгіріп, өзіне және басқаларға қауіп төндіргені анықталды. Қаулы заңды күшіне енді.

Оқи отырыңыз: Қызылорда тұрғыны карантинде ауызашар берді - полиция 5 адамды жауапқа тартты 

Бұған дейін елордада аралас жекпе-жектен промоутерлік компанияның президенті Анатолий Кимге айыппұл салынды. Ол 30 сәуірде Ботаникалық бақта спортпен шұғылданған. Ким жаттығуға тыйым салатын ресми құжат көрсетілмегенін айтып, кінәсін мойындамады.

 

453
Кілт сөздер:
Нұр-Сұлтан, карантин
Тақырып:
Төтенше жағдай және карантин (397)
Тақырып бойынша
Карантинде отырған отбасы үйдің шатыры арқылы қашқан – видео
Нұр-Сұлтан тұрғыны полицейді теуіп, әскери қызметшінің құлағын тістеп алды – видео
Қызылорда облысында қызын ұзатқан әкеге айыппұл салынды
"Тексергісі келген": министр төтенше жағдайды бұзғандар туралы айтып берді
Петропавлда төтенше жағдай режимін бұзған жүргізуші қамауға алынды
Ақтау полицейлері балаларды аула ішінде қуу себебін түсіндірді – видео
Нұр-Сұлтан әкімдігінің ғимараты

Нұр-Сұлтан әкімдігі қызметкерлерді қысқартады

518
35 миллиард теңге оңтайландырылмақ, үнемделген ақша әлеуметтік маңызды мәселелерді шешуге бағытталады, деді қала басшысы

НҰР-СҰЛТАН, 26 мамыр – Sputnik. Елорда әкімдігі қызметкерлер штатын қысқартып, бюджетті оңтайландырады. Бұл туралы қала әкімі Алтай Көлгінов мәлімдеді, деп хабарлайды Sputnik Қазақстан тілшісі.

Ол президенттің тапсырмасына сәйкес, квазимемлекеттік секторда, сонымен қатар, аппараттың ішінде де штаттық құрылым мен бюджетті оңтайландыру жүргізіліп жатқанын атап өтті.

"17 заңды тұлға оңтайландырылды, бюджет қайта қаралды. Өнімсіз шығындар 28 миллиард теңгеге қысқартылды. Қазір тағы 7 миллиард теңгені қысқарту мақсатында жұмыс істеп жатырмыз. Яғни, барлығы 35 миллиард теңге оңтайландырылады", - деді Көлгінов онлайн брифингте.

Қала басшысы үнемделген ақша әлеуметтік маңызды мәселелерді шешуге бағытталатынын жеткізді.

Қаржының 14 миллиард теңгесі инженерлік инфрақұрылымға, 3,5 миллиард теңгесі білім, денсаулық сақтау жүйесін қолдауға және әлеуметтік жұмысқа бағытталмақ.

Үш миллиард теңгеден астамы шағын және орта бизнесті қолдауға, азық-түлік қауіпсіздігін субсидиялауға және тағы басқа міндеттерге жұмсалады.

Айта кетсек, төтенше жағдай кезінде астана әкімдігі мен ведомствоға бағынышты кәсіпорындар қызметкерлерінің 70%-тен астамы қашықтан жұмыстан істеді.

Оқи отырыңыз: Блок бекеттер әлі алынбайды – елорда әкімі 

Көлгіновтің айтуынша, карантин шараларының жеңілдетілуіне байланысты қазір көбі біртіндеп қалыпты жұмыс режиміне оралып жатыр.

518
Жансақтау бөлімі

Нұр-Сұлтанда коронавирус жұқтырған 14 науқас жансақтау бөлімінде жатыр 

77
(Жаңартылды 17:17 26.05.2020)
Қала басшысы індетке шалдыққандардың дені отызға толмаған жастар екенін атап өтті. Ол тұрғындарды қауіпті вирустан сақтануға шақырды

НҰР-СҰЛТАН, 26 мамыр – Sputnik. Нұр-Сұлтан қаласында вирус жұқтырған он төрт адам жансақтау бөлімінде жатыр. Бұл туралы елорда әкімі Алтай Көлгінов мәлімдеді, деп хабарлайды Sputnik Қазақстан тілшісі. 

"Қазіргі уақытта бізде 14 адам жансақтау бөлімінде жатыр. Сегізі жасанды тыныс алу аппаратына қосылған. Дәрігерлер оларды аман алып қалу үшін бар күш-жігерін салуда", - деді Көлгінов онлайн брифингте. 

Айтуынша, елордада коронавирус жұқтырған 1 686 науқас тіркелген, олардың 51-і емделіп шықты. Бес адам қайтыс болды. 
Қала басшысы індетке шалдыққандардың дені отызға толмаған жастар екенін атап өтті. 

"Қазір күнделікті өсім статистикасы 2-ден 4 процентке дейін болып отыр. Науқастардың 40%-і –  30 жасқа дейінгі жастар, ал 35%-і –  30-дан 50 жасқа дейінгі адамдар. Яғни, осы статистикаға жүгінсек, вирус, негізінен, үлкендерге, зейнеткерлерге немесе бұрыннан ауруы бар адамдарға жұғады деген сөз расталмады. Тәжірибе көрсеткендей, коронавирус жас талғамайды", - деді елорда әкімі. 

Көлгінов қаланың жасын да, кәрісін де қауіпті вирустан сақтануға шақырды.

Тағы оқыңыз: Бас санитар дәрігер вирус жұқтырғандар саны неге артып жатқанын түсіндірді

 

77
Кілт сөздер:
жансақтау бөлімі, коронавирус, Нұр-Сұлтан
Тақырып бойынша
Блок бекеттер әлі алынбайды – елорда әкімі 
Көлгінов балабақшаларды ашу туралы айтты  
Індеттен көз жұмғандар жерленген зиратта 32 қабір бар – әкімдік жағдайды түсіндірді
Жұмысқа шыққандар арасында вирус жұқтырғандар көбеюде – министрлік
Қазақстан өңірлері вирус жұқтыру өсімі бойынша үш топқа бөлінді
Архивтегі фото

"Кіріме дейін жуды": Індетті жеңген 89 жастағы кейуана дәрігерлерге алғыс айтты

0
Күмісхан Оразақынова коронавирус инфекциясын Кеген аудандық ауруханасына емделуге барғанда жұқтырып алған

НҰР-СҰЛТАН, 28 мамыр – Sputnik. Алматы облысында 89 жастағы кейуана коронавирустан емделіп шықты.

1931 жылы дүниеге келген Күмісхан Оразақынова бұл індетті Кеген аудандық ауруханасына емделуге барып, сол жердегі дәрігерлерден жұқтырып алған, деп хабарлайды "Хабар 24".

Ол 4 мамыр күні Еңбекшіқазақ ауданының Шелек ауылындағы аудандық ауруханаға жатқызылған.

Оқи отырыңыз: Қазақстанда 99 жастағы қария коронавирус жұқтырды 

"Пациент ауруханаға түскен кезде жағдайы орташа ауыр болды. Жас ерекшелігін ескере отырып, оны реанимация бөліміне орналастырдық. Өйткені қан қысымының жоғары болуы кез келген ауруды асқындыруы мүмкін еді. Сондықтан қатаң бақылауда ұстадық", - дейді дәрігерлер.

Кейін кейуананың 3 немересі коронавирус инфекциясын жұқтырып алғаны анықталды. Олар қазір Қарасай аудандық ауруханасында ем қабылдап жатыр. Ал Күмісхан Оразақынова ауруынан толық айығып, туған ауылы Кегенге оралды.

"14 күн бойы клиникалық протоколдарға сәйкес ем-шара жасалып, 15-күні COVID-19 ПЦР анализі оң нәтиже көрсеткендіктен, ары қарай 5 күнге ем-шараларды жалғастырдық", - дейді дәрігер-инфекционист Алмагүл Асқарқызы.  

Ал одан кейінгі екі ПЦР талдауы теріс нәтиже көрсетіп, жалпы клиникалық-лабораториялық көрсеткіштер дұрысталғандықтан ауруханадан шығарылған.

"Осы Шелектегі ауруханада жатып, жазылып шығып жатырмын. Сексен тоғыздамын, бәрі жақсы қарады. Өз үйімдегі балаларымнан артық қарады. Уақытымен тамағымды іштім, уақытымен жаттым. Кіріме дейін жуды. Оларға рахметімді айтамын. Дендері сау болсын!", - дейді Күмісхан Оразақынова.

0
Кілт сөздер:
кейуана, коронавирус
Тақырып:
Коронавирус эпидемиясы
Тақырып бойынша
Коронавирус жұқтырмағаныңды қалай білуге болады?
Нұр-Сұлтанда қарт адамдарға дәрі-дәрмек үйге жеткізіліп жатыр
Қазақстанда коронавирус жұқтырған ең қарт адамның жасы белгілі болды
Ғалым коронавирустан айыққан адам қандай қиындыққа тап болатынын айтып берді