Нұр-Сұлтан, архивтегі фото

Нұр-Сұлтанда бюджет 32 миллиард теңгеге оңтайландырылды

82
Үнемделген қаражат нақты әлеуметтік мәселелерді шешуге, қаланың инфрақұрылымын дамытуға, шағын және орта бизнесті қолдауға жұмсалады

НҰР-СҰЛТАН, 13 мамыр – Sputnik. Елорда бюджетін оңтайландыру нәтижесінде 32 миллиард теңгеден астам қаржы үнемделді. Бұл қаражат әлеуметтік салаға бағытталды.  

Әкімдікке қарасты ұйымдардың басшылық құрамы қысқартылды. Бірқатар кәсіпорынның жұмысы тоқтатылып, сенімді басқаруға берілді. Мәдени-бұқаралық іс-шаралардың саны қысқартылды, деп хабарлады елорда әкімдігінің ресми сайты.  

Нәтижесінде бюджетті оңтайландырудың жалпы сомасы 32 миллиард теңгеден асты.   

"Экономиканың нақты секторы мен инфрақұрылымды қолдауға 14,5 миллиард теңге бөлінді. 3,6 миллиард теңге білім беру, денсаулық сақтау салалары мен әлеуметтік көмек көрсетуге бағытталды. 3 миллиард теңгеден астам қаражат әлеуметтік маңызы бар азық-түлік өнімдерінің бағасын ұстап тұру үшін кредиттер бойынша пайыздық мөлшерлемені субсидиялау үшін беріледі", - деп хабарлады Нұр-Сұлтан әкімі Алтай Көлгінов.  

Оның айтуынша, үнемделген қаражат нақты әлеуметтік мәселелерді шешуге, қаланың инфрақұрылымын дамытуға, шағын және орта бизнесті қолдауға, жұмыспен қамту мәселелеріне және басқа да маңызды салаларға бағытталды.  

"Астанаэнергосервис" акционерлік қоғамы қайта құрылды. Жылына 1 миллиард теңгеден астам қаражат үнемделеді. Бұл қаражат қысқы коммуналдық техниканы сатып алуға жұмсалады. Биыл басшылық құрамды қысқарту есебінен қайталанатын функциялары бар 17 заңды тұлға оңтайландырылады. Сонымен бірге әкімдік "Астана Инвест" ЖШС, "Астана Конвеншн бюро" ЖШС, "Астана энергосбытовая компания" ЖШС мен "Астана калалық Жарық" ЖШС біріктіру туралы шешім қабылдады.

Оқи отырыңыз: Тоқаевтың тапсырмасынан кейін қомақты қаржы үнемделмек 

Сонымен қатар "Астана ЛРТ" ЖШС, "№1 автобус паркі" АҚ, "Жезкиик" АҚ көлік компанияларын біріктіру жоспарланып отыр. Жыл сайын бұл компанияларды ұстап-күтуге шамамен 700 миллион теңге кетеді. Ғимараттарды жалдауға кететін шығындарды, басқа да әкімшілік шығыстарды қысқарту жергілікті бюджетті 1 миллиард теңгеге дейін үнемдеуге мүмкіндік береді.

Сондай-ақ, теннис орталығы, өзен кеме қатынасының мүлкі (қайық) сияқты шығыны көп объектілерді сенімді басқаруға беру жұмыстары жүргізілді. Бұған дейін оларды күтіп-ұстауға жыл сайын 500 миллион теңге қаражат жұмсалатын.

Объектілерді сенімді басқаруға беру бюджет шығындарын 3 миллиард теңгеге (7 жылдан 10 жылға дейін) азайтуға мүмкіндік берді. Қаланың бірқатар спорт ғимараты да сенімді басқаруға беріледі. Осылайша, сенімді басқару 10-15 жыл ішінде жергілікті бюджет қаражатын 23 миллиард теңгеге (яғни әр жыл сайын 1,5 миллиард теңгеге дейін үнемдейді) дейін үнемдеуге мүмкіндік береді.

82
Кілт сөздер:
Нұр-Сұлтан, бюджет
Тақырып бойынша
Үкімет Тоқаевтың сөзінен кейін ақшаны үнемдеудің жолын тапты
Депутаттар вице-премьерден Тоқаевтың тапсырмасы қалай орындалғанын сұрады
Осы жылдан бастап мемлекеттік қызметкерлер саны қысқарады – Тоқаев
Мәдени іс-шаралар тоқтатылды, ал қаржы қалай игерілуде – министр жауап берді
Нұр-Сұлтан әкімдігінің ғимараты

Нұр-Сұлтан әкімдігі қызметкерлерді қысқартады

517
35 миллиард теңге оңтайландырылмақ, үнемделген ақша әлеуметтік маңызды мәселелерді шешуге бағытталады, деді қала басшысы

НҰР-СҰЛТАН, 26 мамыр – Sputnik. Елорда әкімдігі қызметкерлер штатын қысқартып, бюджетті оңтайландырады. Бұл туралы қала әкімі Алтай Көлгінов мәлімдеді, деп хабарлайды Sputnik Қазақстан тілшісі.

Ол президенттің тапсырмасына сәйкес, квазимемлекеттік секторда, сонымен қатар, аппараттың ішінде де штаттық құрылым мен бюджетті оңтайландыру жүргізіліп жатқанын атап өтті.

"17 заңды тұлға оңтайландырылды, бюджет қайта қаралды. Өнімсіз шығындар 28 миллиард теңгеге қысқартылды. Қазір тағы 7 миллиард теңгені қысқарту мақсатында жұмыс істеп жатырмыз. Яғни, барлығы 35 миллиард теңге оңтайландырылады", - деді Көлгінов онлайн брифингте.

Қала басшысы үнемделген ақша әлеуметтік маңызды мәселелерді шешуге бағытталатынын жеткізді.

Қаржының 14 миллиард теңгесі инженерлік инфрақұрылымға, 3,5 миллиард теңгесі білім, денсаулық сақтау жүйесін қолдауға және әлеуметтік жұмысқа бағытталмақ.

Үш миллиард теңгеден астамы шағын және орта бизнесті қолдауға, азық-түлік қауіпсіздігін субсидиялауға және тағы басқа міндеттерге жұмсалады.

Айта кетсек, төтенше жағдай кезінде астана әкімдігі мен ведомствоға бағынышты кәсіпорындар қызметкерлерінің 70%-тен астамы қашықтан жұмыстан істеді.

Оқи отырыңыз: Блок бекеттер әлі алынбайды – елорда әкімі 

Көлгіновтің айтуынша, карантин шараларының жеңілдетілуіне байланысты қазір көбі біртіндеп қалыпты жұмыс режиміне оралып жатыр.

517
Жансақтау бөлімі

Нұр-Сұлтанда коронавирус жұқтырған 14 науқас жансақтау бөлімінде жатыр 

77
(Жаңартылды 17:17 26.05.2020)
Қала басшысы індетке шалдыққандардың дені отызға толмаған жастар екенін атап өтті. Ол тұрғындарды қауіпті вирустан сақтануға шақырды

НҰР-СҰЛТАН, 26 мамыр – Sputnik. Нұр-Сұлтан қаласында вирус жұқтырған он төрт адам жансақтау бөлімінде жатыр. Бұл туралы елорда әкімі Алтай Көлгінов мәлімдеді, деп хабарлайды Sputnik Қазақстан тілшісі. 

"Қазіргі уақытта бізде 14 адам жансақтау бөлімінде жатыр. Сегізі жасанды тыныс алу аппаратына қосылған. Дәрігерлер оларды аман алып қалу үшін бар күш-жігерін салуда", - деді Көлгінов онлайн брифингте. 

Айтуынша, елордада коронавирус жұқтырған 1 686 науқас тіркелген, олардың 51-і емделіп шықты. Бес адам қайтыс болды. 
Қала басшысы індетке шалдыққандардың дені отызға толмаған жастар екенін атап өтті. 

"Қазір күнделікті өсім статистикасы 2-ден 4 процентке дейін болып отыр. Науқастардың 40%-і –  30 жасқа дейінгі жастар, ал 35%-і –  30-дан 50 жасқа дейінгі адамдар. Яғни, осы статистикаға жүгінсек, вирус, негізінен, үлкендерге, зейнеткерлерге немесе бұрыннан ауруы бар адамдарға жұғады деген сөз расталмады. Тәжірибе көрсеткендей, коронавирус жас талғамайды", - деді елорда әкімі. 

Көлгінов қаланың жасын да, кәрісін де қауіпті вирустан сақтануға шақырды.

Тағы оқыңыз: Бас санитар дәрігер вирус жұқтырғандар саны неге артып жатқанын түсіндірді

 

77
Кілт сөздер:
жансақтау бөлімі, коронавирус, Нұр-Сұлтан
Тақырып бойынша
Блок бекеттер әлі алынбайды – елорда әкімі 
Көлгінов балабақшаларды ашу туралы айтты  
Індеттен көз жұмғандар жерленген зиратта 32 қабір бар – әкімдік жағдайды түсіндірді
Жұмысқа шыққандар арасында вирус жұқтырғандар көбеюде – министрлік
Қазақстан өңірлері вирус жұқтыру өсімі бойынша үш топқа бөлінді
Архивтегі фото

"Кіріме дейін жуды": Індетті жеңген 89 жастағы кейуана дәрігерлерге алғыс айтты

0
Күмісхан Оразақынова коронавирус инфекциясын Кеген аудандық ауруханасына емделуге барғанда жұқтырып алған

НҰР-СҰЛТАН, 28 мамыр – Sputnik. Алматы облысында 89 жастағы кейуана коронавирустан емделіп шықты.

1931 жылы дүниеге келген Күмісхан Оразақынова бұл індетті Кеген аудандық ауруханасына емделуге барып, сол жердегі дәрігерлерден жұқтырып алған, деп хабарлайды "Хабар 24".

Ол 4 мамыр күні Еңбекшіқазақ ауданының Шелек ауылындағы аудандық ауруханаға жатқызылған.

Оқи отырыңыз: Қазақстанда 99 жастағы қария коронавирус жұқтырды 

"Пациент ауруханаға түскен кезде жағдайы орташа ауыр болды. Жас ерекшелігін ескере отырып, оны реанимация бөліміне орналастырдық. Өйткені қан қысымының жоғары болуы кез келген ауруды асқындыруы мүмкін еді. Сондықтан қатаң бақылауда ұстадық", - дейді дәрігерлер.

Кейін кейуананың 3 немересі коронавирус инфекциясын жұқтырып алғаны анықталды. Олар қазір Қарасай аудандық ауруханасында ем қабылдап жатыр. Ал Күмісхан Оразақынова ауруынан толық айығып, туған ауылы Кегенге оралды.

"14 күн бойы клиникалық протоколдарға сәйкес ем-шара жасалып, 15-күні COVID-19 ПЦР анализі оң нәтиже көрсеткендіктен, ары қарай 5 күнге ем-шараларды жалғастырдық", - дейді дәрігер-инфекционист Алмагүл Асқарқызы.  

Ал одан кейінгі екі ПЦР талдауы теріс нәтиже көрсетіп, жалпы клиникалық-лабораториялық көрсеткіштер дұрысталғандықтан ауруханадан шығарылған.

"Осы Шелектегі ауруханада жатып, жазылып шығып жатырмын. Сексен тоғыздамын, бәрі жақсы қарады. Өз үйімдегі балаларымнан артық қарады. Уақытымен тамағымды іштім, уақытымен жаттым. Кіріме дейін жуды. Оларға рахметімді айтамын. Дендері сау болсын!", - дейді Күмісхан Оразақынова.

0
Кілт сөздер:
кейуана, коронавирус
Тақырып:
Коронавирус эпидемиясы
Тақырып бойынша
Коронавирус жұқтырмағаныңды қалай білуге болады?
Нұр-Сұлтанда қарт адамдарға дәрі-дәрмек үйге жеткізіліп жатыр
Қазақстанда коронавирус жұқтырған ең қарт адамның жасы белгілі болды
Ғалым коронавирустан айыққан адам қандай қиындыққа тап болатынын айтып берді