Балабақшадағы дезинфекция жұмысы

Көлгінов балабақшаларды ашу туралы айтты  

294
(Жаңартылды 16:32 26.05.2020)
Егер төтенше жағдайға дейін балабақшаларға 55 мыңнан аса бүлдіршін барса, қазір кезекші топтарда үш мыңға жуық бала бар

НҰР-СҰЛТАН, 26 мамыр – Sputnik. Нұр-Сұлтанда балабақшалар "кезекші топтар" режимінде ғана жұмыс істейді. Бір топта балалар саны он бес адамнан асып кетпеуі тиіс. Бұл туралы елорда әкімі Алтай Көлгінов мәлімдеді, деп хабарлайды Sputnik Қазақстан тілшісі.

"Біз қазір балабақшаларды ашуға асықпаймыз. Бұл мәселеге эпидемиологиялық ахуалға байланысты маусым айының ортасында ораламыз. Қалғандары кезекші топтар режимінде жұмыс істейді. Бір топта бүлдіршіндер саны 15 баладан аспауы керек. Өйткені балалар көп жиналған балабақшаларда вирус жұқтыру қаупі жоғары", - деді әкім онлайн брифингте. 

Мектепке дейінгі ұйымдарда "кезекші топтар" баланы үйінде қалдыруға мүмкіндігі жоқ, жұмыс істейтін ата-аналар үшін ашылып отыр. 

Көлгіновтің айтуынша, егер төтенше жағдайға дейін балабақшаларға 55 мыңнан аса бүлдіршін барса, қазір кезекші топтарда үш мыңға жуық бала бар. 

Сонымен қатар, қала әкімі жазғы лагерлер де әзірге ашылмайтынын атап өтті. 

Тағы оқыңыз: Блок бекеттер әлі алынбайды – елорда әкімі

Айта кетсек, бүгінде Нұр-Сұлтанда барлығы 1 686 адамда коронавирус диагнозы расталды. 914 науқас жазылып шықты, бес адам қайтыс болды.

294
Кілт сөздер:
Алтай Көлгінов, карантин, балабақша
Тақырып бойынша
Балабақшада құлап кеткен қызды терезеге тәрбиешінің өзі шығарған – видео
Бүлдіршінді сорпамен күйдірген балабақша қызметкері жазадан құтылды
Балабақша меңгерушісі өз кабинетінде парамен ұсталды – видео
Балабақша мен мектепке қабылдауға қатысты өзгерістер жарияланды 
Балабақшалар ашылады – үкімет түсініктеме берді
Дәрі-дәрмек

Ибупрофен, парацетамол және цефтриаксон: елордаға қандай дәрі-дәрмек жеткізілді

929
(Жаңартылды 15:52 12.07.2020)
Нұр-Сұлтан әкімдігі COVID-19 бен пневмонияны емдеуге арналған дәрі-дәрмек жүк ұшағымен жеткізілгенін хабарлап отыр

АЛМАТЫ, 12 шілде — Sputnik. Төтенше жағдайлар комитетінің ұшағы астанаға дәрі-дәрмектің 600 мыңнан астам қамтамасын әкелді. Тауарлардың ішінде елордада аса сұранысқа ие 350 препарат бар. 

"Ксарелто", "Цефтриаксон", "Клексан", "Азитромицин", "Дексаметазон", "Метилпреднизолон", "Ибупрофен", "Нимесулид", "Кардиомагнил", "Левофлоксацин", "Метронидазол", "Гепарин", "Парацетамол", "Офлоксацин" сынды дәрілер жеткізілді.

"Препараттар ірі дәріханалар желісіне ертеңнен бастап үлестіріледі. Бұдан бөлек, дәрі-дәрмек жүк көліктерімен де жеткізіледі. Осы аптада дәріханаларға медикаменттер партиямен әкелінді. Бұл жұмыс тұрақты түрде жүргізіледі", - деп хабарлады астаналық әкімдіктің баспасөз қызметі

Сондай-ақ, елорда әкімі Алтай Көлгінов дәріхана желілері дистрибьюторлары және фармацевтикалық компания өкілдерімен келіссөздер жүргізгені хабарланып отыр. Денсаулық сақтау министрлігімен бірлесе, логистика, дәрі-дәрмекті сатып алу мен жеткізу процедураларын жеңілдетуге қолдау көрсетілуде.

"Коронавирус инфекциясына қатысты сауалдарға арналған covid19.astana.kz/ru парақшасы іске қосылды. Ол жерде дәріханаларда қажетті дәрі-дәрмектің бар-жоғын білуге болады", - деп жазылған ақпаратта.

929
Кілт сөздер:
коронавирус, дәріхана, дәрі
Тақырып:
Коронавирус эпидемиясы
Тақырып бойынша
Президентке үндеу жасаған Айнұр Тұрсынбаева қуанышты жаңалық жариялады
Ешкімге сенбеңіз: еріктілер денсаулық министріне бейнеүндеу жолдады
Алматыда той өткізгендер ел-жұртқа масқара болды – видео
"СК-Фармацияға" жаңа басшы тағайындалды
Министр медициналық сақтандыру қорының жаңа төрағасын таныстырды
Аурухана, архивтегі сурет

"Жала жабудың қажеті жоқ": дәрігер желіде тараған видео туралы айтты

1293
(Жаңартылды 10:19 08.07.2020)
Әлеуметтік желілерде астанадағы аурухана маңында жатқан адамның видеосы тарап кетті. Мекеменің бас дәрігері мән-жайды айтты

НҮР-СҰЛТАН, 8 шілде - Sputnik. Елордадағы аурухана маңында жатқан адам пневмония шалдыққан тұрғын емес, мас болған. Бұл туралы №2 аурухананың бас дәрігері айтты.

Әлеуметтік желілерде астанадағы аурухана маңында жатқан адамның видеосы тарап кетті. Ролик авторы науқастарды ауруханаға қабылдамағандықтан, далада жатуға тура келетінін айтқан. 

Бас дәрігердің міндетін атқарушы Нұрбол Тұрсынбаев ғимарат алдында жатқан адам мөлшерден тыс ішімдік ішкенін мәлімдеді.

"Біріншіден, біз COVID-19 жұқтырғандарға арналған аурухана емеспіз. Бізге жедел жәрдем ондай пациенттерді әкелмейді. Екіншіден, видеодағы ер адамның тұрғылықты мекенжайы жоқ. Ол кісіні белгісіз біреулер аурухана кіреберісіне жеткізген. Алайда мекеме қызметкерлеріне ескертпеген", - деді ол.

Оның айтуынша, қызметкерлер ер адамды ауруханаға кіргізген. Алайда ол мас болған және медицина қызметкерлерінің көмегінен ба тартқан. Мединалық көмекке мұқтаж болған жоқ.

Көшеде арбада отырған екінші адам да мас болды. Ол да ауруханаға жатудан бас тартты. Туыстары алып кетті. Кейін тағы да мас күйінде ауруханаға алып келді. Қазір оған көмек көрсетіліп жатыр. Ол алкогольмен уланды.

"Желіде жүрген арандатушы роликтерге сенбеуді сұраймыз. Жалған ақпаратты тарататын авторларға әлеуметтік жауапкершілік туралы ойланып, оны есте сақтағаны жөн. Дәрігер маман ретінде барлық қала тұрғындарының өмірін құтқарып жатырмыз. Бізге бекер жала жабудың қажеті жоқ", - деді бас дәрігердің міндетін атқарушы Нұрбол Тұрсынбаев.

 

1293
Ақ үй

Вашингтон Еуропаны қалай жазаламақ?

0
Дональд Трамп әкімшілігі мен Facebook, Google және Amazon секілді америкалық ІТ-алыптардың арасындағы барлық қиыншылыққа қарамастан, АҚШ президенті америкалық корпорациялардың табысын еуропалық салықшылардан қорғауға бел буды

Соған қарағанда, Дональд Трамп АҚШ пен Еуроодақ арасындағы трансатлантикалық ниеттестікті құрбан етуге дайын болып шықты.

Көп жылдан бері туындап келе жатқан баяғы дау қазір құны миллиард долларлық қаржылық соққыға айналды: Еуроодақ ондаған жыл бойы ЕО-да салықсыз жұмыс жасап келген америкалық корпорацияларға қысым көрсетпекші болса, АҚШ минималды фискалдық тәуелсіздік алуға тырысқаны үшін Еуроодақты жазаламақ. Мойындау керек, Трамп командасының кек алуы нысанына дөп тиді. Яғни, амеркалық ІТ-бизнес салық төлеуі тиіс деген идеяны ұсынған әрі тәуелсіздікке ұмтылған "арсыз" автор анықталып, одан соң, америкалықтар тарапынан жауап ретінде нақты шаралар қабылданды.

"Google, Facebook және Amazon үшін еуропалық салық" ұсынысының авторы әрі шабыттандырушысы Франция президенті және күш-қуаттың әлемдік полюсы ретінде Еуропаның қалпына келтірілуі жайлы сөз қозғауға жаны құмар Эммануэль Макрон болып шықты. Сәйкесінше, Ақ үй тоқпағының астында қалған компаниялар тізімі Елисей сарайына барынша қолайсыздық тудыратындай етіп жасалғаны анықталды.

Америкалық CNBC қаржы арнасы мынандай хабарлама жасады:

"АҚШ-тың кейбір санаттағы тауарлар үшін жоғары тарифтер орнату мүмкіндігі жайлы мәлімдемесінен кейін осы сегментте жұмыс жасайтын француздық люкс компаниялардың акциялары төмендеді. Қаңтар айының соңынан бастап енгізілуі мүмкін жаңа тарифтерге сәйкес, АҚШ Сыртқы сауда қарым-қатынасы жөніндегі федералдық агенттігі Франциядан жеткізілген импорт тауарлар үшін 100%-ке дейін салық алуы мүмкін. Жаңа тарифтер бойынша импорттың болжамды сомасы 2,4 млрд долларды құрап отыр. Француздық акциялардың құлдырауы Louis Vuitton, Hennessy, Hermes, Christian Dior, Gucci, Yves Saint Laurent және Balenciaga иелік ететін компанияларға қатысты болды".

"Жүз процент деген өте көп", - деді Chanel сән үйінің президенті Бруно Павловский The Wall Street Journal басылымына берген сұхбатында. "Бұл тариф емес. Жүз процент – бұл айыппұл", - деген ол.

Айта кету керек, америкалық шенеуніктер бұл мәселенің шешімі бойынша өз ұсыныстарын жасап жатыр. Олардың пайымдауынша, Еуроодақ аумағында нақты америкалық компанияларға қысым көрсетуге тырысқан Макрон бәріне кінәлі. Бұл айыптау, тіпті, дәстүрлі патриот болып саналатын америкалық БАҚ-тың өзінде күмән тудыратыны анық.

"Құрама Штаттары француздық салықтың құрылымы Facebook, Google және Amazon секілді америкалық ірі интернет-компанияларға бағытталуын әділетсіз деп санайды. Әйтсе де, басқа мемлекеттер өз нарығында долларды миллиардтап тауып жатқан фирмалардан табыс көруді көздеуі күшейіп келеді", - дейді Politico басылымы.

Сенат спикері Мәулен Әшімбаев АҚШ елшісімен кездесті
© Photo : Пресс-служба сената Казахстана
Трамптың кек алу құралы ретінде дәл осы "француздық люксты" таңдап алуы тектен-тек емес. Себебі, инвесторлар дәулеті тасыған тұтынушылармен жұмыс жасайтын фарнцуздық компанияларды коронавирус эпидемиясымен қатар, сауда соғысынан да берік қорғалған деп сеніп келді. Пандемиямен күрес шаралары салдарынан экономикалық дағдарыс тұңғиығына батып бара жатқан Франция жағдайында люкстік компаниялар үміт сәулесі іспеттес болды.

Сондай-ақ, аталған компаниялар дәстүрлі өнеркәсіпте Германия және Қытаймен бәсекелес бола алмайтын Францияның халықаралық аренадағы бәсекелестік басымдылығының символы тәрізді еді. Егер француз президентінің әкімшілігін қорқытып, еуропалық салық жүйесіне ықпал ету межелі мақсат болса, люкс компанияларды америкалық нарықтан аластатып, аталған символды аяқасты ету ұтымды идея.

Франция қырсықса, америкалық компанияларға кемінде ұлттық деңгейде салық салуы мүмкін. Алайда, еуроодақтық салық салуды қолдап, соның салдарынан экспорт үшін 100% салық тарифын "сыйға" ала қоюы екіталай.

Бір есептен, бұл жағдайда мәселе экономикалық дау-дамайда ғана емес. Бұл еуропалық саясаткерлердің мәртебесі туралы дау. Мәселе бизнесмендердің кімге салық төлеуінде болып отыр. Осы салықтарды енгізу және жинауға кім құқылы болса, сол нақты бір аумақтағы билік иесі болады. Мұндай жағдай тарихта болған, әрине. Алайда, ол үшін соғыс жағдайында жеңілгенде немесе әскери күштерді біріктіру жөніне капитуляция келісімшартына қол қойғанда ғана орын алған.

Сәйкесінше, онлайн-жарнама мен интернет-сауда нарығында үстемдігі басым ойыншы болып отырған және француздық компаниялардан миллиардтаған еуро алып отырған шақта, бұл жағдайда бір тиынға ие емес француздық бюджет АҚШ алдында колония рөлінде екенін немесе экономикалық дербестікке ие емес екенін мойындау керек.

Айта кету керек, Трамптың Францияны жазалау жөніндегі шараларын АҚШ-тағы республкалық та, демократиялық та партиялардың өкілдері қолдады. 

Егер, жағдай осылай жалғаса берсе, күздегі сайлауда кім жеңгеніне қарамастан, Вашингтон – Париж, Вашингтон – Берлин қарым-қатынасы ушыға бермек. Chanel иіссуы мен Hermes сөмкелерін америкалықтар тек контрабанда арқылы алатын және еуропалықтар америкалық әлеуметтік желіге балама ойластыратын болашақ та алыс емес секілді.

0