Дәрігерлер, архивтегі фото

Нұр-Сұлтан ауруханасында түсірілген видео жарияланды  

12391
Тағы бір COVID-19 ауруханасы босап қалды. "Рамада плазада" орналасқан стационарда 1 шілдеден бері мыңға жуық науқас емделіп шықты

НҰР-СҰЛТАН, 31 шілде – Sputnik. Нұр-Сұлтанда коронавирус және пневмониямен ауырған науқастар емделген тағы бір аурухана жабылды. Дәрігерлер "Рамада плазада" орналасқан стационардан соңғы науқасты шығарды, деп хабарлады Сovid19.astana.kz.

Нұр-Сұлтан қаласының №3 көпсалалы ауруханасының терапевт дәрігері Дәурен Молдажанов 1 шілдеден бері бұл стационарда коронавирус жұқтырған мыңға жуық науқас емделіп шыққанын айтады. Олардың арасында орта, ауыр және өте ауыр дәрежелі науқастар болды.   

"Бұл стационар өз функциясын толығымен орындады. Мұнда науқастарды күтуге қажетті барлық медициналық жабдық пен дәрі-дәрмек болды. Бұл науқастарға жоғары сапалы медициналық көмек көрсетуге мүмкіндік берді", - дейді Дәурен Молдажанов.

Науқастардың бірі Бибіжан Қаппарова бастапқыда өзін-өзі емдегенін айтады.  

"Сегіз күн бойы үйде емделдім, содан кейін жедел жәрдем шақыруға шешім қабылдадым. 10 күн осы стационарда жаттым. Дәрігерлерімізге, барлық медицина қызметкеріне алғысым шексіз", – дейді зейнеткер.

Нұр-Сұлтанда барлығы 16 стационар коронавируспен күресуге жұмылдырылды.

Оқи отырыңыз: Ғалымдар коронавирус қандай суда өлетінін анықтады 

Естеріңізге сала кетейік, 27 шілдеде Психикалық денсаулық орталығының клиникасынан коронавирусқа шалдыққан соңғы науқас шығарылған болатын. Бір жарым айдың ішінде мұнда 1 044 науқас емделді. 

Шілде айының басынан бері Нұр-Сұлтанда пневмониямен ауырғандар саны бес есе азайған. Жедел жәрдем станциясына қоңырау шалатындар саны үш есе – тәулігіне үш мыңнан мыңға дейін кеміді. Төсек қорының жүктемесі 99-дан 30 процентке дейін төмендеді.

Еске сала кетейік, Қазақстанда пандемия басталғалы 89 078 адам індетті жұқтырды. Пациенттердің 66 пайызы емделіп шықты – 59 517.  

12391
Кілт сөздер:
видео, Нұр-Сұлтан, коронавирус
Тақырып:
Коронавирус эпидемиясы (1386)
Тақырып бойынша
Қазақстанның тағы бір өңірінде жолдарға бекеттер қойылды
Дәрігер COVID-19 кезінде қандай дәрілер тиімсіз екенін айтты
Қаралы күн: Тоқаев Қырғызстан президентіне көңіл айтты
Кредит төлемі кейінге шегеріледі: Мамин тапсырма берді
Жүгірген кезде маска тағу керек пе – министр жауабы
Фуа-гра, иллюстративті фото

Нұр-Сұлтанда мейрамханалар карантин кезінде жұмыс істеген

26
(Жаңартылды 10:22 13.08.2020)
Тексеру кезінде Ерімбетов көшесіндегі "Шашлык" және "Белый дом" кафелері карантин шараларына қарамастан жұмыс істегені анықталды

НҰР-СҰЛТАН, 13 тамыз – Sputnik. 5 шілдеден бастап елордада 722 заңбұзушылық тіркелді, деп хабарлайды әкімдіктің ресми сайты.

Елордада карантин тәртібін сақтау бойынша рейдтер жалғасып жатыр. Тексеру кезінде 11 тамыз күні түнде Ерімбетов көшесінде "Шашлык" және "Белый дом" кафелері жұмыс істегені анықталды. Карантин шараларына қарамастан, мекемелер келушілерді қабылдаған.

Полиция, эпидемиологтар, еріктілер, жергілікті атқарушы органдардың өкілдерінен құралған мобильді топ келген кезде мекемеде 11 клиент болды.

Оқи отырыңыз: Қостанайда карантин режимін бұзған жолаушы полицейдің құлағын тістеп алды 

Сондай-ақ Балқантау көшесіндегі "Кентау", Сарыарқа даңғылындағы "Асқар" дүкендері түнгі 22.00-ден кейін жұмыс істеп, бас санитар дәрігердің шешімін бұзған.

Сонымен қатар, күндізгі тексеру кезінде Достық көшесіндегі "Карима" мейрамханасында келушілер әлеуметтік қашықтықты сақтамағаны белгілі болды.
Сондай-ақ жалға алушылардан балалар автокөліктерін жалдауға және елордалық саябақтардың бірінде балмұздақ сатуға қатысты заңбұзушылықтар анықталды.

"Барлық заң бұзушыларға қатысты материалдар жиналып, шешім қабылдау үшін тауарлар мен қызметтердің сапасы мен қауіпсіздігін бақылау басқармасына жіберілді. 5 шілдеден бастап Нұр-Сұлтан қаласында 722 заңбұзушылық тіркелді, олардың 487-сі тыйым салынған уақытта қызметін жүзеге асыратын кәсіпкерлік субъектілері", - деп хабарлады Нұр-Сұлтан қаласының полиция департаменті.

Тәртіп сақшылары азаматтарды карантин шараларын бұзғаны үшін жауапкершілік барын ескертеді және санитарлық нормаларды сақтауға шақырады.

26
Кілт сөздер:
карантин, мейрамханалар
Тақырып бойынша
Карантин режимін бұзғандар жауапқа тартылады – Тоғжанов
Нұр-Сұлтанда құрылыс нысаны карантинге жабылды
Нұр-Сұлтанда санитарлық нормаларды сақтамаған 3 нысан жабылды
Түркістан облысында той болып жатқан үйге шақырылмаған "қонақтар" кіріп келді
Маска тағудан бас тартқан 22 жастағы алматылық қыз сот алдында жауап береді
Нұр-Сұлтандағы карантин

Нұр-Сұлтанда қатаң карантин ұзартыла ма әкім жауап берді

2040
(Жаңартылды 19:42 12.08.2020)
Осы аптада ведомствоаралық комиссия қабылданған шаралардың нәтижесін жариялап, карантиндік шаралардың аяқталғаны туралы мәлімдейді

НҰР-СҰЛТАН, 12 тамыз – Sputnik. Елорда әкімі Алтай Көлгінов қатаң карантинге қайта оралмау үшін не істеу қажеттігін айтты, деп хабарлайды Sputnik Қазақстан тілшісі.

Оның пікірінше, барлығы эпидемиологиялық ахуалға байланысты болмақ. Қазіргі жағдай айтарлықтай жақсарған.

"Уақытында қолға алынған карантиндік шаралар мен дәрігерлердің арқасында оң динамика бар. Енді біз карантиннен кейінгі кезеңге дайындалып жатырмыз. Осы аптада үкіметтегі ведомствоаралық комиссия қабылданған шаралардың нәтижесін жариялап, карантиндік шаралардың аяқталғаны туралы айтады", - деді Көлгінов "Астана" арнасына берген сұхбатында.

Оқи отырыңыз: Үкімет басшысы карантинді жеңілдетуді тапсырды

Осы орайда қала басшысы төтенше жағдайдан кейінгі қателікті қайталамау қажеттігін жеткізді. Ол кезде барлығы босаңсып кеткен. Санитарлық ережелерді сақтамаған. Соның салдарынан қатаң карантин енгізуге тура келді. Осы жолы сақ болмасақ, жағдай қайталануы мүмкін, дейді Көлгінов.

"Бірінші карантиннен кейін қателік жасамайық, әйтпесе қатаң карантин қайтарылуы мүмкін екенін талай рет айттық. Ақырында солай істеуге тура келді. Естеріңізде болса, ауруханалар толып кетті. Жедел жәрдемге 4 мың адамға дейін хабарласты. Медицина мамандарына үлкен салмақ түсті", - деп атап өтті елорда әкімі.  

Оның айтуынша, алдындағы карантинге қарағанда осы жолы кәсіпкерлік нысандар санитарлық ережелерді жақсы сақтап жүр. Ендігі мақсат – карантиннің нәтижесін сақтап қалу. Сондай-ақ, күзге дайындалу қажет. 

"Біз күзге дайындалуымыз қажет. Себебі ол кезде вирустық инфекциялар маусымы басталады. Демек, індеттің өршіп кету қаупі бар. Оны жоққа шығара алмаймыз. Сондықтан барынша сақ болуымыз керек", - дейді қала басшысы.

2040
Кілт сөздер:
Нұр-Сұлтан, карантин
Тақырып:
Төтенше жағдай және карантин
Тақырып бойынша
Жарты жылдың қорытындысы бойынша жалпы ішкі өнім төмендеді - Дәленов
Семейліктер көшеге шықты – қала билігінің жауабы қандай
Қостанай облысында карантин жеңілдеді: тұрғындар нені білуі тиіс
Вице-премьер әкімдерге тапсырма берді
Архивтегі фото

Қостанайда жас қызға анайы ұсыныс жасаған ер адам іздестіріліп жатыр

0
(Жаңартылды 15:10 13.08.2020)
Қостанайлық ерлі-зайыпты бейтаныс ер адамның қызға жақындап барып, онымен сөйлесіп тұрғанын байқаған

АЛМАТЫ, 13 тамыз – Sputnik. Қостанайда полиция жас қызға тиіскен белгісіз ер адамды іздеп жатыр. Қала тұрғындары WhatsApp арқылы күдіктінің фотосын таратып, сақ болуды сұрады, деп хабарлады өңірлік "Алау" басылымы.

Басылымның хабарлауынша, қостанайлық ерлі-зайыпты бейтаныс ер адамның қызға жақындап барып, онымен сөйлесіп тұрғанын байқаған.   

"Оқиға қаланың дәл орталығында болды. Шамамен 13 жастағы қызбен сөйлескен ер адамды байқап қалдық. Сырт көзге әдеттегі жағдай сияқты көрінді, алайда әйелім бұл жерде шикілік бар екенін байқады. Жанына жақын барып тоқтадық, ер адамның қызға сұлу екенін айтып, өзін сүюін сұрағанын естідік. Мен бірден қыздың жанына барып, ер адам жайлы сұрадым. Қыз оны танымайтынын айтты. Сосын оны бірден қуып жібердім, - дейді оқиға куәгері болған ер адам.

Қостанай облысының полиция департаменті қазіргі уақытта барлық жеке құрам осы ер адамды іздестіріп жатқанын хабарлады.

"Полиция бұл адамды тауып, оқиғаның мән-жайын анықтау үшін шаралар қабылдап жатыр. Бағдар полиция жасағына жіберілді", - деп хабарлады Қостанай облысы полиция департаментінің баспасөз қызметі.

Оқи отырыңыз: Оралда оқушының соңынан үйге кірген қаскөй күтпеген жағдайға тап болды - видео

Құқық қорғаушылар облыс орталығының тұрғындарынан осындай оқиғаның куәгері болып жатса, бірден 102 нөміріне хабарласуын сұрады. 

0
Кілт сөздер:
педофил, Қостанай
Тақырып бойынша
Әкесі 13 жасар қызына тиіскен ер адамды жұрттың көзінше піштірді
Атырауда балаға қол жүгірткен ер адам ұсталды – видео
Алматы облысында қыз балаға қол жүгірткен жігіт табылды
Екібастұздағы лифтіде педофил қаршадай қызды зорламақ болды
Аялдамада қызға тиіскен жігіт ажал құшты