Эскалатор, архивтегі фото

Маска қайда? Санитарлық қызмет Нұр-Сұлтандағы ірі базарларда рейд өткізді

99
(Жаңартылды 14:04 24.08.2020)
Бутиктердің барлығында бірдей санитайзерлер мен термометрия орнатылмаған. Кейбірінде әлеуметтік қашықтық сақтауға мүмкіндік жасалмағаны анықталды

НҰР-СҰЛТАН, 24 тамыз – Sputnik. Нұр-Сұлтандағы "Астаналық базар" және "Big Шанхай" базарларында санитарлық-эпидемиологиялық нормалардың бұзылғаны анықталды.

Карантин шаралары біртіндеп алынғаннан кейін, ірі сауда және ойын-сауық орталықтары, фитнес-орталықтар, сұлулық салондары және басқа да шағын және орта бизнес нысандары қызметін қайта бастады.

Апта ішінде әкімдік, тауарлар мен қызметтердің сапасы мен қауіпсіздігін бақылау департаменті өкілдерінен құралған елордалық мониторинг тобы кәсіпкерлердің санитарлық-эпидемиологиялық талаптарды қаншалықты сақтағанын тексеріп шықты.

"Сенбі күні полиция қызметкерлерінен және Байқоңыр ауданының тауарлар мен қызметтердің сапасы мен қауіпсіздігін бақылау басқармасы өкілдерінен тұратын мобильді топ базарларда санитарлық-эпидемиологиялық талаптардың сақталуын қадағалады", - деп хабарлады елорда әкімдігінің ресми сайты.

Мониторинг барысында "Астаналық базар" (Артем) және "Big Шанхай" базарларында әлеуметтік қашықтық пен маска тағу тәртібін бұзу оқиғалары анықталды. Сондай-ақ бутиктердің барлығында бірдей санитайзерлер мен термометрия орнатылмаған. Кейбір бутиктерде әлеуметтік қашықтық сақтауға мүмкіндік жасалмаған.

Анықталған заң бұзушылықтар үшін Қазақстанның халықтың санитарлық-эпидемиологиялық салауаттылығы саласындағы заңнамасының 425-бабының 1-тармағы бойынша әкімшілік жаза қолданылады.

Оқи отырыңыз: Автобустарда маскасыз отырған жолаушыларды анықтайтын жоба іске қосылды

Жалпы алғанда, 5 шілдеден бастап ҚР ӘҚБтК 425-бабы бойынша 863 заңбұзушылық анықталды. Оның 236-сын жеке тұлғалар, 627-ін кәсіпкерлік субъектілері жасаған. Барлық жиналған материал бойынша Нұр-Сұлтан қаласының тауарлар мен қызметтердің сапасы мен қауіпсіздігін бақылау департаменті тиісті шешім шығарады.

Барлық қоғамдық орында адамдар қашықтықты сақтап, маска тағып, санитайзер қолдануы керек.

99
Кілт сөздер:
тексеріс, базар
Тақырып:
Төтенше жағдай және карантин (640)
Тақырып бойынша
Вирус жұқтырмау үшін даладан үйге кіргенде не істеу керек?
Вице-премьер әкімдерге тапсырма берді
ДДҰ ұсынысы: балаларға қай жасқа дейін маска тақпауға болады
Бекшин Алматыда карантин қалай жеңілдетілетінін айтты
Маска тағудан бас тартқан 22 жастағы алматылық қыз сот алдында жауап береді
Базар, сатып алушылар, архивтегі сурет

Нұр-Сұлтанда базарлар мен сауда орталықтары жабылады

2673
Нұр-Сұлтан қаласының бас мемлекеттік санитарлық дәрігері Жанна Пірәливаның жаңа қаулысы жарияланды

НҰР-СҰЛТАН, 25 қыркүйек – Sputnik. Елорданың бас санитарлық дәрігері Жанна Пірәлиеваның сауда нысандарында дезинфекция жүргізу туралы жаңа қаулысы шықты, деп хабарлайды Sputnik Қазақстан.

Сенбі, 25 қыркүйек, сағат 15.00-ден 26 қыркүйек сағат 00.00-ге дейін бірқатар нысан қызметін уақытша тоқтатады:

  • "Шапағат" коммуналдық базары,
  • "Сары-Арқа" көтерме-бөлшек сауда орталығы,
  • "Астаналық базар" (С. Сейфуллин көшесі, 47),
  • "Жаннұр" СОСО (Абай даңғылы, 48),
  • "Тұлпар" СОСО (Ш.Уәлиханов даңғылы, 24),
  • "Әлем" СОСО (Бөгенбай батыр даңғылы, 62),
  • "Әсем" СОСО ( Ы. Дүкенұлы көшесі, 31),
  • "Гарант" СОСО (Бөгенбай батыр даңғылы, 73),
  • "Джафар" СОСО (Бөгенбай батыр даңғылы, 71),
  • "Есіл" СОСО (Республика даңғылы, 6),
  • "Седьмой континент" бизнес орталығы (Кенесары көшесі, 40),
  • Magnum Cash&Carry гипермаркеті (Ш. Уәлиханов көшесі, 20).

Бұл нысандарда дезинфекция жүргізіледі.

2673
Кілт сөздер:
сауда орталықтары, Нұр-Сұлтан, базар
Базар, архивтегі фото

Нұр-Сұлтанда тағы екі базар салынады әкім жобасын көрсетті

79
Жаңадан салынатын жылыжайлар мен базарлар азық-түлік қауіпсіздігін қамтамасыз етіп, әлеуметтік маңызы бар тауарлардың бағасын ұстап тұруға мүмкіндік береді

НҰР-СҰЛТАН, 24 қыркүйек – Sputnik. Нұр-Сұлтанда аумағында тағы екі базар салынады. Бұл туралы елорда әкімі Алтай Көлгінов мәлімдеді, деп хабарлады Sputnik Қазақстан тілшісі.

"Қаладағы жылыжайлар мен азық-түлік базарын көбейтеміз. Бүгінгі өткен инвестициялық кеңес жылыжай кешені мен екі базардың құрылысын қолдады. Атқарылып жатқан бұл жұмыстар азық-түлік қауіпсіздігін қамтамасыз етіп, әлеуметтік маңызы бар азық-түліктің бағасын ұстап тұруға мүмкіндік береді", - деп жазды Көлгінов әлеуметтік желідегі парақшасында.

Оқи отырыңыз: Елордада оң және сол жағалауларды жалғайтын екі көпір салынады 

Сондай-ақ, инвестициялық кеңесте темірбетонды бұйымдар, гиперпресстелген кірпіш, ағаш өнімдері мен жарықдиодты жарықшамдар шығару сияқты жобалар қолдау тапты.

"Бұл материалдардың барлығы да құрылыста қолданылады. Құрылыс қарқынын ескерсек, отандық өндіріс материалдары салынып жатқан объектілердің өзіндік құнын төмендетуге көмегін тигізеді", - дейді Көлгінов.

Кеңес мүшелері бірқатар медицина мекемелерінің құрылысы мен  медициналық маска шығаратын өндіріс жобасын қолдады.

79
Кілт сөздер:
Нұр-Сұлтан, базар
Тақырып бойынша
Нұр-Сұлтанда қоғамдық көліктің жұмыс уақыты ұзартылады
Нұр-Сұлтанда тегін білім беретін жеке мектеп ашылады
"Қайта жөндейсіздер": Көлгінов жол салушыларға ескерту жасады
2020 жылы Нұр-Сұлтанда қанша отбасы жеңілдікпен пәтер алады
Нұр-Сұлтанда крематорий салынады
Диктофон

Релизден бас тарту керек кәсіби PR маманының лайфхактары

0
SputnikPro сарапшысы онлайнды дамыту, ерекшеленуден қорықпау, адамдарға сену – БАҚ-ты алға жылжытудың негізгі ерекшелігі екенін айтады  

НҰР-СҰЛТАН, 25 қыркүйек – Sputnik. "Россия сегодня" медиа тобы баспасөз қызметінің жетекшісі Анна Старкова көрші елдердің журналистеріне неліктен релиз жазудан бас тарту керектігін айтып берді.

Бұған дейін бұқаралық ақпарат құралдары іс-шараның ақпараттық серіктесі бола отырып, өзінің логотипін түрлі алаңдарда орналастыратын. Пандемия кезінде жағдай өзгерді. Өзін-өзі таныту үшін медиа топтың баспасөз қызметі ерекше кейстерді ойластыра бастаған.

Сарапшының бірінші ұсынысы: стандартты релиздерді жазу тәжірибесінен бас тарту.

"Адамдармен оларға түсінікті тілде сөйлесу керек. Кері байланыс орната бастасаңыз, ол нарықтың ойыншысы болсаңыз, сізді тыңдайды, сізге келіп, оқи бастайды", - деп санайды Старкова.

Сарапшының келесі кеңесі – бұқаралық ақпарат құралдары онлайнды ғана дамытпау керек.

"Мұны пандемия кезінде істей бастадық. Біз барлығы дерлік интернетті қолданатын әлемде өмір сүріп жатырмыз", - деп атап өтті маман.

Қазір, оның айтуынша, әлеуметтік желілердегі және мессенджерлердегі анонимділік танымал болудан қалып барады.

"Бізді ("РИА Новости" ХАА Телеграм каналы) оқи бастады, өйткені РИА Новости, мысалы, Лукашенконың инаугурациясында не болғанын айтты. Сол кезде ол жаңалыққа айналады, бұл тексерілген ақпарат. Шын мәнінде болған нәрсе, сыбыс емес", - деп атап өтті Старкова.  

Сарапшының тағы бір ұсынысы – ерекшеленуден қорықпау. Баспасөз қызметі пандемия жағдайында "трендтерді қарап, оларды батыл түрде пайдаланған".

"Сізбен бірге жұмыс істейтін адамдарға сенім арту керек, өйткені ең алдымен біреумен араласуың керек. Оларды алға жылжытуың керек, нәтижесінде сіздің брендіңіз алға жылжиды", - деп сендірді Старкова.

Кәсіби PR маманының бесінші кеңесі – дос болу.

"Бұл, шынын айтқанда, ең маңызды кеңес. Басқа ақпарат құралдарымен, баспасөз қызметтерімен, тіпті бәсекелестермен де достасу керек. Кофеге шақырыңыз, бранчи жасаңыз, лайфхактармен бөлісіңіз. Бұл бәріне қатысты", - деп есептейді ол.  

SputnikPro білім беру жобасының жиырма бірінші онлайн-сессиясына Қазақстан, Ресей, Әзербайжан, Армения, Беларусь, Қырғызстан, Молдова, Абхазия және Осетия БАҚ өкілдері қатысты.

SputnikPro – Sputnik халықаралық ақпарат агенттігі мен радиосының журналист, студент, баспасөз қызметі мен медиа саласында жұмыс істеп жүрген маман иелеріне арналған жоба. Оның мақсаты – тәжірибе алмасу әрі медиа саласында кәсіби байланысты нығайту.

0