Нұр-Сұлтан қаласында жүгіруден онлайн жарыс өтеді

Нұр-Сұлтан қаласында жүгіруден онлайн жарыс өтеді

26
(Жаңартылды 12:36 02.09.2020)
Жарысқа Нұр-Сұлтан қаласының тұрғындары мен қонақтары, сондай-ақ басқа қалалардың спортшылары мен әуесқойлары қатыса алады

АЛМАТЫ, 2 қыркүйек – Sputnik. Елордада 5-6 қыркүйекте жүгіруден онлайн жарыс өтеді. Стартты әр қатысушы өзіне ыңғайлы уақытта бастай алады, қатысушылардың жеке деректері онлайн режимде тіркеледі, деп хабарлады Нұр-Сұлтан қаласы әкімдігінің баспасөз қызметі.

Жарысқа Нұр-Сұлтан қаласының тұрғындары мен қонақтары, сондай-ақ басқа қалалардың спортшылары мен әуесқойлары қатыса алады.

"Негізгі жарыстар 5-6 қыркүйекте Нұр-Сұлтан қаласының орталық саябағында, шаңғы-роллерлік жолда өтеді", - делінген әкімдік ақпаратында.

Сонымен қатар ұйымдастырушылар жарыстың белгілі бір орынмен шектелмейтінін атап өтті. 5 шақырым жүгіріп, #НұрСұлтанпаркchallenge2020-ға қатысу үшін S10.run сілтемесі арқылы тіркелу қажет.

"Жарыс ережелерін мұқият оқып шығыңыз және S10.run қосымшасына Strava-ға қосылуға рұқсат бар-жоғын тексеріңіз. Егер сіз жарысқа тіркелген болсаңыз, жүйе мұны тағы қайталаған кезде "Сіз жарысқа сәтті тіркелдіңіз, біз сізді стартта күтеміз!" жазбасын көрсетеді", - деп түсіндірді ұйымдастырушылар.

Стартты қатысушылар өзіне ыңғайлы кез келген уақытта бастай алады. Тіркелу тегін. Сонымен қатар жеңімпаздарға сыйлықтар мен дипломдар беріледі. 

Толық ақпаратты S10.run сайтынан сондай-ақ әлеуметтік желідегі Аstanapark парақшасынан білуге болады.

 

26
Тақырып бойынша
Sputnik Қазақстан командасы Astana Marathon 2019 марафонында жүгірді – фото
Нью-Йорктегі ультрамарафонда қазақстандық тоқтамастан 9 сағат жүгірді
Алматыда түнде жарыс өткізгендер жазаланды
Шымкент әкімі автобусқа кешігіп, соңынан жүгірді
Базар, сатып алушылар, архивтегі сурет

Нұр-Сұлтанда базарлар мен сауда орталықтары жабылады

3712
Нұр-Сұлтан қаласының бас мемлекеттік санитарлық дәрігері Жанна Пірәливаның жаңа қаулысы жарияланды

НҰР-СҰЛТАН, 25 қыркүйек – Sputnik. Елорданың бас санитарлық дәрігері Жанна Пірәлиеваның сауда нысандарында дезинфекция жүргізу туралы жаңа қаулысы шықты, деп хабарлайды Sputnik Қазақстан.

Сенбі, 25 қыркүйек, сағат 15.00-ден 26 қыркүйек сағат 00.00-ге дейін бірқатар нысан қызметін уақытша тоқтатады:

  • "Шапағат" коммуналдық базары,
  • "Сары-Арқа" көтерме-бөлшек сауда орталығы,
  • "Астаналық базар" (С. Сейфуллин көшесі, 47),
  • "Жаннұр" СОСО (Абай даңғылы, 48),
  • "Тұлпар" СОСО (Ш.Уәлиханов даңғылы, 24),
  • "Әлем" СОСО (Бөгенбай батыр даңғылы, 62),
  • "Әсем" СОСО ( Ы. Дүкенұлы көшесі, 31),
  • "Гарант" СОСО (Бөгенбай батыр даңғылы, 73),
  • "Джафар" СОСО (Бөгенбай батыр даңғылы, 71),
  • "Есіл" СОСО (Республика даңғылы, 6),
  • "Седьмой континент" бизнес орталығы (Кенесары көшесі, 40),
  • Magnum Cash&Carry гипермаркеті (Ш. Уәлиханов көшесі, 20).

Бұл нысандарда дезинфекция жүргізіледі.

3712
Кілт сөздер:
сауда орталықтары, Нұр-Сұлтан, базар
Базар, архивтегі фото

Нұр-Сұлтанда тағы екі базар салынады әкім жобасын көрсетті

107
Жаңадан салынатын жылыжайлар мен базарлар азық-түлік қауіпсіздігін қамтамасыз етіп, әлеуметтік маңызы бар тауарлардың бағасын ұстап тұруға мүмкіндік береді

НҰР-СҰЛТАН, 24 қыркүйек – Sputnik. Нұр-Сұлтанда аумағында тағы екі базар салынады. Бұл туралы елорда әкімі Алтай Көлгінов мәлімдеді, деп хабарлады Sputnik Қазақстан тілшісі.

"Қаладағы жылыжайлар мен азық-түлік базарын көбейтеміз. Бүгінгі өткен инвестициялық кеңес жылыжай кешені мен екі базардың құрылысын қолдады. Атқарылып жатқан бұл жұмыстар азық-түлік қауіпсіздігін қамтамасыз етіп, әлеуметтік маңызы бар азық-түліктің бағасын ұстап тұруға мүмкіндік береді", - деп жазды Көлгінов әлеуметтік желідегі парақшасында.

Оқи отырыңыз: Елордада оң және сол жағалауларды жалғайтын екі көпір салынады 

Сондай-ақ, инвестициялық кеңесте темірбетонды бұйымдар, гиперпресстелген кірпіш, ағаш өнімдері мен жарықдиодты жарықшамдар шығару сияқты жобалар қолдау тапты.

"Бұл материалдардың барлығы да құрылыста қолданылады. Құрылыс қарқынын ескерсек, отандық өндіріс материалдары салынып жатқан объектілердің өзіндік құнын төмендетуге көмегін тигізеді", - дейді Көлгінов.

Кеңес мүшелері бірқатар медицина мекемелерінің құрылысы мен  медициналық маска шығаратын өндіріс жобасын қолдады.

107
Кілт сөздер:
Нұр-Сұлтан, базар
Тақырып бойынша
Нұр-Сұлтанда қоғамдық көліктің жұмыс уақыты ұзартылады
Нұр-Сұлтанда тегін білім беретін жеке мектеп ашылады
"Қайта жөндейсіздер": Көлгінов жол салушыларға ескерту жасады
2020 жылы Нұр-Сұлтанда қанша отбасы жеңілдікпен пәтер алады
Нұр-Сұлтанда крематорий салынады
Қазақстан премьері мен Татарстан басшысы Қостанайда кездесті

Қазақстан премьері мен Татарстан басшысы Қостанайда кездесті

60
(Жаңартылды 21:17 27.09.2020)
Автомобиль жасау саласындағы жаңа жобалар Қазақстан мен Ресей арасындағы өнеркәсіптік кооперацияның нақты практикалық кеңеюін айғақтайды

НҰР-СҰЛТАН, 27 қыркүйек – Sputnik. Қостанайда премьер-министр Асқар Мамин мен Татарстан президенті Рустам Минниханов кездесіп, үш бірдей автомобиль жасау жобасын бастап берді. Нысандарға тартылған инвестиция көлемі 261 миллиард теңгені құрайды, деп хабарлайды primeminister.kz сайты.

Келісімге сәйкес, алдағы уақытта Қостанай индустриялық аймағында "КАМАЗ" шойын құймасы мен жүк техникасының шанақ-арқалығына арналған құрамдас бөлшектер өндіру зауыты салынып, Қарағанды облысының Саран қаласында автомобиль шиналары өндірісі ашылады. Бұл жердегі шектес салаларды ескере отырып, өндіріс орнында шамамен 1 200 жаңа жұмыс орны құрылады деп жоспарланған.

Ал зауыттардың құрылысы 2023 жылы аяқтау көзделген.

Үкімет басшысы автомобиль жасау саласындағы жаңа жобалар Қазақстан мен Ресей арасындағы өнеркәсіптік кооперацияның нақты практикалық кеңеюін айғақтайтынын атап өтті.

"Автомобиль жасау саласындағы өндіріс көлемі жыл басынан бері 51,8%-ке ұлғайды. Негізгі капиталға салынған инвестициялар 6,6 еседен астам – 9,4 миллиард теңгеге дейін артты", – деді Мамин.

Шара аясында үкімет басшысына ауыл шаруашылығы техникасын жинау және кәдеге жарату зауыты мен "КАМАЗ" инжиниринг орталығын ашудың бірлескен Қазақстан–Ресей жобасы таныстырылды.

Оқи отырыңыз: Таңғалдырмаймыз, бірақ қуантамыз: Ермек Тұрсынов Татарстан киносы күндері жайлы

Сондай-ақ, кездесуде ресейлік "КАМАЗ" бен "Татнефть" және өзбектің "UzAuto" компанияларының басшылығымен автомобиль жасау саласындағы ынтымақтастықты одан әрі дамыту келешегі талқыланды.

60
Кілт сөздер:
экономика, Қазақстан, Татарстан
Тақырып бойынша
Қазақстан мен Татарстан меморандумға қол қойды
Азық-түлікті қымбаттатуға еш себеп жоқ – Мамин
Маска мен дәрі-дәрмек тапшылығы болмайды – Мамин
Татарстан президенті сабан тойды Қостанайда атап өтеді
Татарстан президенті Абай өлеңін қазақ тілінде оқыды