Нью-Йорктегі наразылық

Америкадағы тәртіпсіздіктер неге өршіп кетті?

119
АҚШ-та Джордж Флойдтың қазасын және одан кейінгі тәртіпсіздіктерді сайлауалды науқанда қолдана бастады. Оппоненттер расизм мен полицейлердің қатыгездігі үшін Трампты кінәлап отыр. Алайда демократтарды тосын сый күтіп тұрған сияқты.

Күні кеше Американың басшысы мәлімдеме жасап, көшеге шыққан халықты да, губернаторларды да сынға алды. Трамп тәртіпсіздіктерге қатысқан адамдарды "бүлікшілер" деп атап, бейбіт халықты қорғай алмай отырған бірқатар штаттың басшысына шүйлікті. Осы орайда АҚШ президенті нысандарды қирату мен өрт салу әрекеттерін тоқтату үшін армиямен бірге барлық федералды ресурсты жұмылдыруға уәде етті.

Трамп өз мәлімдемесін Ақ үйдің қызғылт бағында жасады. Сол кезде полиция коменданттық сағатқа байланысты Лафайет-скверді босатып, наразылық білдірушілерді артқа қарай ығыстырып жатқан. Осыдан кейін АҚШ басшысы резиденциядан шығып, қоршалған алаң арқылы әулие Иоанның шіркеуіне жаяу барды. Радикалдар дәл осы шіркеуге бір күн бұрын өрт салған. Сол жерде Трамп Киелі кітапты көтеріп, мемлекеттің қауіпсіздігін қамтамасыз етуге сөз берді.

Демократтар президенттің "перфомансына" бірден жауап берді. Конгресмендер бірлескен мәлімдеме жасап, Трамптың әрекетін сынға алды. Демократиялық партиядан шыққан бірнеше штаттың басшысы да үндемей қалмады. Олардың ішінде Нью-Йорк пен Орегонның губернаторлары да бар. Ал Вашингтонның мэры Муриэл Баузер Лафайет-скверге шыққан қарусыз халықты тарату шараларын сынады. Себебі полиция Ақ үйдің алдына жиналған адамдарды коменданттық сағатқа 25 минут қалғанда тарата бастады.

Негізі, бүгінде жергілікті және аймақтық биліктің қолға алып жатқан шаралары жеткіліксіз. Полиция да тәртіпсіздіктерді тоқтата алмай отыр. Президент болса, қатаң шара қолданамын деп қорқыта береді. Алайда нақты нәтиже көрінбейді. Неге? Себебі Американың мемлекеттік жүйесі күрделі. Оған қоса, қазіргі ішкі саяси текетірес қатты болып тұр.

АҚШ-та жергілікті билік өз аумағына жауап береді. Федералдар тек штат билігі жасаған өтініш бойынша ғана көмекке келеді. Ал президент губернатордан аттап, шешім қабылдай алады. Бірақ ондайда барлық жауапкершілік өзіне жүктелетінін жақсы біледі.

Осы орайда қызықты бір жағдайды атап өткен жөн. Джордж Флойдтың қазасынан кейін наразылық акциялары барлық штатқа тарады деуге болады. Алайда тәртіпсіздіктер мен бүліктер, зорлық пен тонау, көбінесе, Демократиялық партияның қарамағына кіретін жерлерде болды. Ол аймақтарда Трампты қолдайтындар өте аз. Мәселен, Нью-Йоркта тәртіпсіздіктер басылатын емес. Ал штаттың басшысы Эндрю Куомо "бүлікшілер демостранттармен араласып кетті" деп, нақты шара қолданбай отыр. Демократтар қатаң шара қолданса, электораттың негативті реакциямен шығатынын жақсы біледі.

Осылайша, оппоненттер толқулардың өздігімен басылатынын күтіп жүр. Ал Трамп губернаторларға сеніп отыр. Негізі, бүліктер күшейе берсе, демократтардың жерінде халықтың көңіл-күйі өзгеруі әбден мүмкін. Ондайда республикашылардың мәртебесі жоғарылай түседі.

119
Кілт сөздер:
тәртіпсіздік, АҚШ
Тақырып бойынша
АҚШ-тағы жаппай тәртіпсіздікке Ресейді кінәлау кімге тиімді?
АҚШ-тағы тәртіпсіздікке Ресейдің қатысы бар ма
Тоқаев: Қазақстанда АҚШ әскери базасын салу мәселесі талқыланбайды
Нэнси Пелоси

Ауруын жасырған өледі. АҚШ-та қазір не болып жатыр

104
АҚШ конгресінің спикері Нэнси Пелосидің тез арада Ресейге қарсы жаңа санкциялар енгізу туралы мәлімдемесі мен коронавирус жұқтырған америкалықтар санының күн сайын өсуі өткен аптаның елең еткізер жаңалықтары болды

Еске салсақ, Пелосидің мәлімдемесі "америкалықтарға қарсы Ресейдің талибтермен сөз байласуы" туралы ақпараттан кейін жасалды. 

Пентагон және ұлттық қауіпсіздік жөніндгі кеңесші О'Брайеннің мәлімдемесіне сәйкес, бұл мәлімет расталған жоқ. Сондықтан, ол жөнінде АҚШ президентіне баяндалмаған.

Алайда, бүгінгі Америка қалыпты мемлекеттің жұмыс жасауына негізделген қарапайым заңдылықтар бойынша тіршілік етіп жатқан жоқ. Ол хайптардың ішкі шайқасының заңы бойынша өмір сүруде және оны былай тұжырымдауға болады: "Ешқандай заң жоқ".

Мемлекет басшыларының кездесуі
© Sputnik / Алексей Никольский
Сондықтан ядролық держава өкілдері палатасының басшысы, өз идеологиясымен әділеттілік пен турашылдықты насихаттайтын мемлекеттің бірінші тұлғаларының бірі еш фактімен расталмаған "жедел ақпараттың" пайда болуына қатысты бірмәнді саяси қорытынды шығарды: ядролық екінші мемлекетке қарсы санкция қабылдау керек және мұны тез арада орындау қажет.

Ақпараттың рас-өтірігін тексеруге бас қатырмай, оны қоғам назарына ұсына салған БАҚ ел президентін "Ресейдің жағымсыз тұстары туралы баяндағанды ұнатпайды" деп айыптауға көшті. Олар бәз-баяғы "Трамп – орыс тыңшысы" деген ойдан құрастырылған теорияға сүйеніп әрекет жасап жатыр.

COVID-19 ауруын жұқтырғандар саны күн сайын 50 мыңнан асып жатқаны туралы екінші "ақпаратқа" келсек, америкалық БАҚ-тың оны қалай ұсынып жатқаны қызық.

Мысалы, беделді Huffington Post былай деп жазады:

"Соңғы өршудің кейбір себептерін мамыр айының соңындағы Еске алу күнін мерекелеуге дейін бақылауға болады". CNN:

"Трамптың маскаға қарсы крест жорығы оны "шағу" үшін қайта оралды". The New York Times:

"Сауалнама көрсеткендей, көптеген америкалық ер-азаматтар маска тағуды әлсіздік деп санайды және президент Трамптың маска тағудан бас тартуы да бұл әлсіздердің әрекеті дегенді меңзеп тұр".

Жүз мыңдаған, тіпті, миллиондаған америкалық сақтық шараларына салғырт қарап, ешқандай коронавирус жоқ секілді жүр. Барлық сыртқы бақылаушылар мұның ақыры жақсы болмайтынын және вирустың қайта өршуіне алып келетінін айтқан болатын. Енді вирус жұқтырғандар саны артып жатқанда, оның негізгі себебін айтуға болмайтыны белгілі болды.

Сол себепті прогрессивті аналитиктер халықтың түкке қажетсіз ерлігі (халық мүлде басқа), Трамптың жауапсыздығы және мамырдағы Еске алу күнін кінәлі етіп, тіпті соқырға көрініп тұрған айқын себептерді атағысы келмейді.

Бұл екі мысал да бір құбылыстың – ауқымды әрі қорқынышты құбылыстың белгісі секілді. Оны қысқаша "эмоциялық қауіпсіздік идеологиясы" деп атауға болады. Бұл идеологияға сәйкес, нысандағы аудиторияның эмоциялық қолайлылығына зиян келтірмейтін және оның көзқарастарына қайшы келмейтін фактілер мен логикалар ғана "тірі қалады". Нысандағы аудитория үшін "америкалықтардың бас терісі үшін орыстардың ақы төлеуі" туралы ойдың ақылға қонымсыздығы және Америкадағы коронавирустың өршуіне не себеп екені туралы ақиқат маңызды емес.

Сол себепті, кез келген жағдайда "Ресей мен Трампты айыпта" деген ұстаным бар.

Бұл Американың алдында тұрған шынайы проблемаларды шешуде еш көмектеспейтіні анық. Есесіне, америкалық қоғамның ішіндегі прогрессивті күштердің белсенділігін арттырады және қазіргі ел президентінің қарсыластарына оны орнынан алып тастауға ықпал етеді.

104
Кабул тұрғындары

Сайлау қарсаңында Трамптың беделін түсірудің айла-амалы қандай?

72
Мұхиттың арғы бетіндегі ең ықпалды басылым The New York Times Америкадағы сайлау қарсаңында антиресейлік дауды бастауға кезекті әрекетін жүзеге асырды. Дәл осы БАҚ арқылы Ресейге қарсы ақпараттық шабуыл жасалды

Негізгі мақсат – Дональд Трамптың беделін түсіру және Ресейге қарсы кезекті санкциялардың қабылдануына қол жеткізу. Бұл жолғы себеп-сылтау да ерекше. Америкалық барлау қызметіндегі өзінің анонимдік ақпарат көзіне сүйене отырып "Ресей америкалық әскерилердің көзін жойғаны үшін ауғандық жауынгерлерге құпия түрде сыйақы жариялады. Трамп әкімшілігі барлау қызметінің адам сенгісіз тұжырымына қандай шара қолданарын шеше алмай, бірнеше ай бас қатырды".

Америкалықтардың көзқарасы бойынша, егер, олар The New York Times басылымына сенген болса, жағдай қорқынышты және қор қылайтындай-ақ: бұл сипаттамада Ресей Ауғанстандағы америкалық сарбаздардың жандайшабы болса, ауғандық жауынгерлер өлтірілген янкилерді қанды рубльдерге айырбастап жатқан табыс көруші екен-мыс. Мұның барлығы Трамп әкімшілігінің еш әрекет жасамауы жағдайында орындалып жатқан көрінеді.

Өзін әлемнің көшбасшысы санайтын елдің азаматтары Американың ең беделді басылымында мынандай ақпаратты оқығанда қандай сезімде болатындарын елестетудің өзі қорқынышты:

"Шенеуніктердің хабарлауынша, барлау қызметінің тұжырымы туралы мәліметтер президент Трампқа жеткізілді және Ұлттық қауіпсіздік кеңесі наурыз айының соңындағы ведомствоаралық жиында бұл проблеманы талқылады. Шенеуніктер орындалуы ықтимал болжамды әрекеттер тізімін әзірлеп қойды. Ол тізім Мәскеуге дипломатиялық шағым жолдаудан бастап күшейтілетін санкцияларды және тағы басқа әрекеттерді қамтиды. Алайда, шенеуніктер Ақ үй әлі қандай да бір қадамды мақұлдамай отырғанын айтады.

Америкалық және НАТО-ның басқа да әскерилерін өлтіруді ынталандыру бойынша операция америкалық және ауғандық ресми тұлғалардың "Талибан" қозғалысына Ресей тарапынан қолдауы деп атауының маңызды әрі арандатушылық сипаттағы күшеюі болар еді. Әрі десе, ресейлік шпиондық бөлімше батыс әскеріне қарсы шабуыл ұйымдастыруының алғаш рет анықталуы осы болар еді".

The New York Times атын құпия сақтауды жөн көрген америкалық әскери қызметшілердің сөзінен құрастырған Ресейге қатысты мұндай медиалық "айыптау актісіне"  бірнеше түсіндірме мен ескертпе енгізген жөн.

Біріншісі: 1990 және 2000 жылдары мыңдаған ресейлік азаматты өлтірген террористерге АҚШ, соның ішінде америкалық медиа көрсеткен медиалық, логистикалық, дипломатиялық және ақпараттық қолдаудан кейін басқа елдің территориясын жаулап алушы болып табылатын Құрама штаттарының әскерилеріне қатысты жоғарыда аталғандай қитұрқы әрекет жасалған күннің өзінде АҚШ-тың шағымдануға ешқандай моральдық құқығы жоқ.

Оның үстіне, әдеттегідей, Ресейге қатысты тағылған бұл айыптың ешқандай дәлелі жоқ.

Екінші ескертпе: империялығы мен орыс халқына фобиялылығы үшін нью-йорктық журналистердің оң көзқарасына ие америкалық истеблишмент мәселесі әлі күнге шешілмеген террористік проблема сипатындағы бүгінгі Ауғанстанды құрушы өзі екені анық. Ауғандық, тіпті, ауғандық қана емес, басқа да террористік қозғалыстарды америкалық қаражатқа және америкалық қару-жарақпен америкалық мамандар құрғанын дәлелдейтін фактілер анықталған. Айта кету керек, мысалы, 2001 жылғы бәрімізге белгілі жайтқа дейін Бен Ладен мырза жылдар бойы америкалық БАҚ пен саясаткерлердің сүйікті одақтасы болып келді.

Сонда АҚШ түрлі елдерде азаматтық соғыс, жаппай қыру және терроризмнің қанат жаюына алдымен жағдай жасайды да, кейіннен, бұл әрекеттерінің күтпеген салдары америкалық әскерилердің өліміне және Құрама Штаттарының халықаралық аренада ұятқа қалуына алып келген кезде америкалық медиалық-әскери кешеннің қабырғаларында барлығына Ресей кінәлі және тез арада оған қатысты санкция енгізу қажеттілігі туралы күңкіл естіле бастайды.

Алайда, жақсы жаңалық та жоқ емес.

Егер, бұған дейін NYT немесе The Washington Post секілді басылымдарда тұрақты жарияланып келген америкалық қарулы күштер саласынан ұсынылған мұндай ақпараттарға деген көзқарас ауқымды сипатқа ие болып, кең талқыға салынып, Трамп әкімшілігі өзін қоғам алдында қалай да ақтап алуы үшін тез арада Ресейге қарсы кезекті санкция енгізуіне алып келсе, бүгінде жағдай мүлде басқаша.

"Рашагейт" пен Ресейге қарсы жалған мәліметтері бар фейк айыптаулар мен жасанды баяндаулар жылдары өз мәресіне жетті: Америка қоғамының ауқымды сегменті өз бұқаралық ақпарат құралдарына және өз қарулы күштеріне сенбейді. Ал, саясаткерлерге беделді медиа мен оның ақпарат көздерін жалған мәліметтері үшін айыптап қана қоймай, дәл осы бағалауға сәйкес әрекет етулеріне мүмкіндік береді.

Радиолокациялық станция
© Photo : Министерство обороны Республики Казахстан
Президент Дональд Трамп айыптауға твиттер арқылы жауап берді: "The New York Times-тың фейк жаңалықтары өзінің құпия ақпарат көзінің атын атауы қажет. Олардың мұны жасай алмайтынына бәс тігемін. Себебі, ол адам ойдан құрастырылған!".

АҚШ Ұлттық барлау қызметінің директоры міндетін атқарушы Ричард Гренелл осы мәселе бойынша Демократиялық партия мүшесі – конгрессменмен әлеуметтік желіде сөз таластырып қалды. Ол конгрессменді барлау мәліметтерін саяси мақсатта қолданды деп айыптады.

"Мен бұл жайлы ешқашан естіген емеспін. Сіздердің барлау қызметін саясиландырып жатқандарыңыз жиіркенішті жағдай. Сіздер өңделмеген барлау ақпараты қаншалықты тексерілетінін түсініп тұрмаған боларсыздар. Анонимдік ақпарат көздерінен журналистерге қандай да бір мәліметтің ұсынылуы өте қауіпті. Себебі, сіздер секілді адамдар оны саяси пайда үшін қолданады".

The New York Times мақаласындағы президентке қатысты жазылған мәліметтерді америкалық барлау қызметі ресми түрде жоққа шығарып та үлгерді. Теория бойынша барлығы осылай болуы керек екені түсінікті. Бірақ, шындықтың мұндай шағын үлесінің өзі заманауи Америка үшін ғажайып құбылыспен пара-пар.

Айтқандай, егер америкалық журналистер отандас әскерилерінің өліміне алып келген арандатушыларды көргісі келсе айнаға қараулары керек. Адам өлтіргені үшін ақы барлық кезде материалдық сипатта бола бермейді.

Тәжірибе көрсеткендей, атақ пен қоғам ықыласына бөлену мүмкіндігі қомақты қаражатқа қарағанда терроризмді әлдеқайда тиімді ынталандырғыш болып табылады. Америкалық полицейлерді, сондай-ақ, консерваторлық құндылықтарды жақтаушылар мен "трампшыларды" әзәзіл әрі азғын еткен The New York Times пен америкалық басқа да БАҚ оларға қарсы эмоциялық, психологиялық, тіпті, физикалық күш қолданғандарға қандай да бір "эмоциялық марапат" уәде ететін көрінеді.

Барлық дерлік америкалық медиа арандатушысы ретінде пікір білдірген жақында орын алған жаппай тәртіпсіздік кезінде қаза тапқан полицейлердің қаны либералды және ілгерішіл америкалық журналитердің қолында екені анық.

Алайда, мұндай журналистер үшін америкалық полицейлердің өмірі маңызды емес. Ал, антиресейлік санкцияға себеп іздегенде немесе Демократиялық партияның мүдделерін қорғағанда олар америкалық сарбаздардың мәйітін жұрт алдында жоқтауға дайын.

Мұндай жалған ақпарат таратушы медиа құрылымдарға сенетіндер саны АҚШ-та да, әлемде де азайып келе жатқаны таң қаларлық жағдай емес. Негізінен, америкалық ықпал мен ұлылыққа қарсы сөз байласу тап осы The New York Times редакциясының қатысуымен ұйымдастырылып отыр.

72
Зертхана қызметкері, архивтегі фото

Мәскеу дәрігерлері коронавируспен күресу үшін Қазақстанға келе жатыр

134
Топ құрамында Мәскеудің жетекші ауруханаларының 22 медициналық қызметкері бар, олар коронавирус жұқтырған науқастарды емдеп, бай тәжірибе жинақтаған

НҰР-СҰЛТАН, 6 шілде – Sputnik. Тәжірибелі мәскеулік дәрігерлер тобы Қазақстанға ұшып шықты. Дәрігерлер қазақстандық әріптестеріне көмектесуге дайын.

"22 дәрігерден құралған бригада COVID-19 науқастарын емдеуде жергілікті мамандарға көмек көрсету үшін Қазақстанға аттанды. Мультидисциплинарлы медициналық топты Мәскеу денсаулық сақтау департаменті бастығының орынбасары, нейрохирург Алексей Токарев және Мәскеу денсаулық сақтау департаментінің хирургия жөніндегі ұйымдастыру-әдістемелік бөлімінің басшысы Руслан Маер басқарады", - делінген Мәскеу денсаулық сақтау департаментінің хабарламасында.

Бұл Мәскеу денсаулық сақтау департаменті дәрігерлерінің коронавируспен күресуге көмектесу мақсатындағы алғашқы мемлекетаралық медициналық сапары.

Оқи отырыңыз: Қазақстанда коронавирусқа қарсы вакцина бірінші кезекте кімдерге егіледі 

Топ құрамына пульмонолог, кардиолог, эпидемиолог, КТ рентгенологы, жұқпалы аурулар жөніндегі мамандар, анестезиолог-реаниматологтар, КТ рентгенолог дәрігер және коронавируспен ауырған науқастарды емдеуде бай тәжірибесі бар басқа да мамандар кірген. Бұл мәскеулік жетекші ауруханалардың дәрігерлері.

"Мәскеулік мамандар жергілікті ауруханалардың дәрігерлеріне консультативті-диагностикалық көмек көрсетеді. Бригада COVID ауруханаларына барады, клиникаларды қайта бейіндеуге көмектеседі, пациенттерге қарайды және әртүрлі мамандықтағы дәрігерлер үшін оқу семинарларын өткізеді", - деп атап өтті баспасөз қызметі.

Еске сала кетейік, таяуда Қазақстан премьер-министрі Асқар Мамин Ресей үкімет басшысы Михаил Мишустинмен телефон арқылы сөйлесті, оның барысында Ресей Қазақстанға жұқпалы аурулар ауруханалары мен вирусологиялық зертханалар мамандарын жіберуге дайын екендігі белгілі болды.  

134
Кілт сөздер:
дәрігерлер, коронавирус
Тақырып:
Коронавирус эпидемиясы
Тақырып бойынша
Грузиядан Қазақстанға гуманитарлық көмек келді
5 шілдеден карантин басталады: ішкі істер министрі ескерту жасады
COVID-19: министр қандай дәрілер көмектеспейтінін айтты
Қазақстанда өткен тәулікте 1 403 адамнан коронавирус табылды
Пневмония эпидемиясы: коронавирус қайда кетті?