Бүгінде содырлардың сан алуан топтары анда-санда көрініп қалады. Олардың ішінде "Ислам мемлекеті*" ұйымы бар. Ресейдің қорғаныс министрлігі таратқан мәліметке сәйкес, 2019 жылдан бері "Ислам мемлекеті*" Сирия Араб Республикасында бақылауда ұстаған жерлерінен айырылды, бірақ басқа террористік құрылымдардың ықпал ету аймақтары бар.
16 маусымда ресейлік және түрік әскерилерінің бірлескен патрулі кезінде Эриха мен Урум-әл-Жауза елді мекендерінің арасында содырлар теракт жасауға тырысты. Қолдан жасалған жарылғыш заттың салдарынан М-4 тас жолында ресейлік бронетранспортерге болмашы зақым тиді. Бірлескен патрульдің жеке құрамы зардап шеккен жоқ.
Сирияның солтүстігінде Кобани қаласына жақын жерде 9 маусымда ресейлік әскери полиция жүрген жерде қолдан жасалған мина жарылды, ешкім зардап шекпеді. Ал мамырдың соңында М-4 тас жолының бойында түріктің әскери патрулі фугасқа түсті, бір әскери қаза болды.
Идлиб провинциясында ресейлік патрульдер ғана емес, Ми-8АМТШ пен Ми-35 тікұшақтары да кезекшілік атқарады.
Жалпы, САР-дағы әскери операция кезінде қару-жарақтың 300 түрі сынақтан өтті, 87 мыңнан астам содырдың көзі жойылды. Олардың ішінде ТМД елдерінен шыққан 5 мың адам бар.
Дамаск ондай әрекеттерді басқыншылық деп бағалап, Вашингтонның мұнай кеніштерін бақылауға тырысып жатқанын мәлімдеді. Ал АҚШ-тың жаңа санкциялары ең алдымен Араб республикасының бейбіт халқына қатты тиіп отыр. Себебі медициналық препараттар, компьютерлер, су тазалау жүйелері, құрылыс материалдары, электрогенераторлар және жоғары дәлдігі бар медициналық техника сияқты тауарларды кіргізуге тыйым салынды.
* Қазақстанда және басқа бірқатар елде тыйым салынған террористік ұйым
