Владивосток әмбебап десанттық кемесі

Ресей флоты жаңа кемелермен толығады

72
Ресей Федерациясы 2018-2027 жылдарға арналған мемлекеттік қаруландыру бағдарламасын (МҚБ) сатылы түрде жүзеге асырып келеді

Әскери-теңіз флотын ауқымды жаңарту аталған бағдарламаның әлеуеті болып табылады. Бұл РФ Теңіз доктринасына сәйкес алдағы міндеттерді сәтті орындауға және ұлттық мүддені қорғауға мүмкіндік береді

РФ кеме жасау саласындағы FlotProm басылымының ақпарат көзі 16 шілде күні Ресей ӘТФ үшін бірден алты суүсті кемесі мен субмарина қаңқасын қалау басталатынын айтқан. Адам сенгісіз құрылыс қарқыны жоспарға сәйкес жүріп жатыр және оның бюджеті де қомақты.

Әскери-теңіз флоты – кез-келген елдің қарулы күштеріндегі ең қымбат құрауыш болып табылады. Егер 2018-2027 жылдарға арналған мемлекеттік қаруландыру бағдарламасына барлығы 20 триллион рубль бағытталған болса, оның ауқымды бөлігінен "теңіз иісі аңқып тұр". Яғни, қаражат суүсті кемесі, субмарина және әскери флот базасының құрылысына жұмсалады. Мемлеттік бағдарлама қару-жарақ пен әскери техниканың бірізді жеткізілуін және инфрақұрылымның дамуын қарастырады. Әсіресе, инфрақұрылымның дамуы соғыс кемелері, ұшақтары мен заманауи бронь техникаларын ұзақ мерзімде пайдаланудың кепілі болып табылады.

2020 жылы әскери теңізшілер 28 жылда алғаш рет өнеркәсіптен бірден 6 суасты қайығын алады: төрт атомдық – 955А және 885М жобалары мен екі дизель-электрлік – 636.3 және 677 жобалары. Аталған мемлекеттік бағдарламаны орындау барысында әскери-теңіз флотындағы заманауи қару-жарақ техникасының үлесі 63%-тен асты. Бұл мықты дамыған бірқатар елдегімен салыстырғанда жоғары көрсеткіш (50%-ке дейін). Ендігі меже – 70%-ке жеткізу. 2027 жылға дейін РФ ӘТФ жалпы 180-нен астам кеме мен жаңа жобадағы су көліктерін алады. Сондай-ақ, "Ясень-М" атомдық суасты крейсері, "Борей-Б" дәлдігі жоғары зымырандық қары бар суүсті кемесі мен "Катран" Ка-52К су жаңа теңіз тікұшақтарымен жабдықталған екі тікұшақ тасымалдаушы техника құрылысы қарастырылған.

Петербургтегі зымырандық фрегаттар

МҚБ теңізге қатысты бөлігінің әлеуеті – 20385 пен 20386 жобаларының корветтері және 22350 мен 22350М жобаларының фрегаттарының құрылысы. Санкт-Петербургтің "Солтүстік верфінде" 16 шілде күні 22350 жобасының екі фрегатының құрылысы басталады. Ұзақ қашықтыққа жүзетін бұл теңіз кемелері "адмиралдық" топтамадағы жетінші және сегізінші кеме болмақ. Оларға орыс адмиралдары Иван Юмашев пен Эмиль Спиридоновтың есімдері беріледі.

Су сыйымдылығы 5 мың тоннаны құрайтын алыс теңіз аумағының заманауи фрегаттары суүсті кемелері және суасты қайықтарын іздеуге және жоюға арналған. Сондай-ақ, олар әуедегі, зымырандық және судағы шабуылға қарсы қорғанысқа, теңіз десанттарымен бірлескен әрекеттерге, азаматтық кемелер мен өндірістік нысандарды қорғауға арналған.

22350 жобасының фрегаты қарсылас кемесі мен жағалаудағы нысандардың көзін жоя алатын "Оникс", "Калибр-НК" немесе "Циркон" 16 қанатты зымырандарымен қаруландырылған. Ашық дереккөздердің мәліметіне сәйкес, "Циркон" кешенінің 3М22 гипердыбысты зымырандары 3С14 іске қосудың әмбебап тіке қондырғысынан орындалады. Ол, сондай-ақ, "Калибр" және "Оникс" зымырандары үшін қолданылады. Бір-біріне ыңғайлы алмастыру мүмкіндігі әрбір әскери тапсырманы саралап орындауға мүмкіндік береді.

Тағы оқыңыз: Жаңа танкерге Нұрсұлтан Назарбаевтың есімі беріледі

Фрегаттың суасты қорғаныш жүйесі әуе шабуылына қарсы қорғаныстың атмосфералық жүйесін еске түсіреді және әлемде баламасы жоқ. Кеме корпусы көзге түсу деңгейін төмендету технологиясы бойынша дайындалған. Сондықтан, қарсылас РЛС оны байқамауы әбден мүмкін. Көрінбейтін кеме құны 500 миллион долларға дейінгі соманы құрайды. Есесіне, зымырандық кемелердің бүкіл топтамасы флот мүмкіндіктерінің ілгерілеуін қамтамасыз етеді.

Еске салсақ, 22350 "Флот адмиралы Касатонов" жобасының алғашқы сериялық фрегатының Солтүстік және Балтық флоттарындағы сынақтары сәтті өтіп, жақын уақытта ол Ресей ӘТФ әскери құрамына кіреді. Жүзу ұзақтығы – 4 500 миль, автономдылығы – 30 тәулік, экипаж - 170 адам.

Северодвинск субмариналары

Ресей әлемдік мұхиттың кез келген нүктесінде ұлттық мүддені қорғай алатын жаңа суасты флотын салып жатыр. "Ясень" сериясындағы жеті кеме бұл міндетті орындауға көмекші болары сөзсіз. Северодвинскте 16 шілде күні "Ясень-М" 885М жобасының екі атомдық суасты крейсерінің жұмысы басталады. Заманауи көпнысанды субмариналар "Калибр" қанатты зымырандарымен, "Оникс" жоғары дыбысты кемеге қарсы зымырандарымен "Циркона" гипердыбыстарымен, 533 мм торпедамен қаруландырылады. Оларға "Воронеж" бен "Владивосток" атаулары берілгелі отыр. Бұл топтамадағы алғашқы субмарина 2019 жылы теңізге жіберілген болатын. Ол жақында әскери қызметке қабылданатын болады.

Модернизацияланған "Ясень" жобасының негізгі мақсаты – әлеуетті қарсыластың стратегиялық маңызы бар суасты крейсерлеріне немесе авиатасымалдағыш топтарын бақылау және нысан мен төнген қауіпті тез арада жоюға тұрақты дайындық. Осы тұста бір ғана америкалық зымыран тасымалдағыш "Огайо" 24 баллистикалық зымыранмен қаруланғанын және олардың әрқайсысында 475 килотоннадан 12 ядролық оқтұмсық бар екенін ескеру керек. Әскери патрульдеу аумағында ресейлік әскери теңізшілер осындай арсеналды үнемі бақылауда ұстауы тиіс.

13800 тонна су сыйымдылығы бар 885М жобасының көзге түсу ықтималдылығы төмен атомдық суасты крейсері жоғары технологиялық жүйелер және қару-жарақ кешенімен қамтамасыз етілген ерекше мүмкіндіктерге ие. Субмарина ОК-650В ядролық реакторларымен жабдықталған және 520 метрге дейінгі тереңдікте әрекет ете алады. Автономдылығы – 100 тәулік, суасты жылдамдығы – 31 торап. Экипаж – 64 адам.

 Адмирал флота Касатонов фрегаты
© Sputnik / Александр Гальперин
Қырымдық "Мистраль"

Керчь кеме жасау зауытында 16 шілдеде француздық "Мистральдің" баламасы саналатын 23900 жобасының екі әмбебап десанттық кемесінің (ӘДК) іргесі қаланады. Осы тектес кемелер бұған дейін Ресейде құрастырылмағанымен, ӘДК 2026 жылға дейін Ресей флотына жоспарға сәйкес кіре алатыны күдік тудырмайды. Жоба құны шамамен 100 миллиард рубль. Сириядағы әскери операциялар су сыйымдылығы 25 000 тоннаға дейін ірі десанттық кемелер болуының маңыздылығын көрсетті.

Жаңа кемелердің нақты сипаттамалары әзірше белгісіз. Бұған дейін хабарланғандай, ӘДК бортында 16-20 тікұшақ, десанттық және шабуылдаушы катерлер, 75 бірлік бронь техникасы, штаттық режимде қаруланған 100-ге жуық теңіз жаяу әскері, біршама арсенал мен әскер және қарулы күштердің жедел тобы штабы бола алады. Бұл артиллерия, зениттік зымырандық кешендер, кемеге қарсы қорғаныс құралдары, РЭҚ пен навигация жүйелері, әскери басқарудың іріктірілген жүйесін есепке алмағанда. Мыңдаған теңіз милясын артта қалдырып, жабдықталмаған жағалауға әскер мен техниканы жеткізу аталған кеменің басты міндеті болып табылады.

16 шілдеде Санкт-Петербург, Северодвинск пен Керчьте іргесі қаланатын кемелердің мүмкіндігіне талдау жүргізсек, Ресей ӘТФ-ның қуатты дамуын байқауға болады. Бұл ғаламшардағы көршілерге сес көрсету үшін емес, қарсыласқа суүсті және суасты жағдайында төтеп беру үшін жасалып жатқанын айта кету керек. Ресей флотының басты мақсаты – ұлттық мүддені, шекараны және одақтастарын қорғау.

72
Кілт сөздер:
кеме, Ресей
Ауғанстан

Ауғанстан: америкалық басқыншылық талибанизациядан кейін жұмақтай көрінеді

36
Ауғанстан соғыс және террористік актілерімен америкалықтарсыз жаңа әлемге ақырындап аяқ басып келеді. Бұл әлем жаңа қарулы қақтығыстарға себепші болып, өңірлік көршілерге тұрақсыздық қаупін төндіріп тұр

Ауған ақиқаты бітімгершілік туралы декларацияларға сәйкес келе бермейді. АҚШ-пен келісімге қол қойғаннан кейін бес айдан соң "Талибан"* оқ атудың аяқталуы туралы Кабулмен келісе алмады. Жауынгерлер жаңа елді мекендерді басып алуға тырысып жатыр, әскери және полиция бекеттеріне, әскери базалар мен полиция учаскелеріне тұрақты шабуылдар жасалуда. Тамыз айының басында 37 әскери қызметші және полция қызметкері, 61 жауынгер және 43 бейбіт тұрғын қаза тапты.

5 тамызда Баглан солтүстік провинциясында жол бойындағы минаның жарылуынан 12 адам қаза тапты. Бір күннен кейін Баглан-Саманган тас жолында тәлібтер екі бензовозды өртеп, жеті бензовозды басып алды да, ондағы жанармайды бір литрі үшін 20 авганиден Пули-Хумриге сатып жіберді. Бұл "бизнеске" ауғандық қауіпсіздік күштері де көмек көрсете алмады.

Ислам мемлекеті* содырларының да "екінші тынысы ашылды" – 2 тамызда Джалалабадтағы түрмеге жасалған шабуыл салдарынан 29 адам қаза тауып (оның ішінде 10 террорист бар), 800 сотталушы – ИМ* мүшелері, тәлібтер және қарапайым қылмыскерлер қашып кетті.

Бейбіт өмірге қарай ілгерілеу елең еткізердей емес. Ауғанстандағы қамаудағы тәлібтер мен тұтқын жауынгерлермен алмасу аяқталуға жақын. Қауіпсіздік күштері өкілдерінен бостандыққа шығарылғандар саны 1005 адамға жетті, түрмеден 4750 тәліб шығарылды. Босатылған содырлар соғысқа қатыспау жөнінде міндеттемеге қол қойғанымен, олардың басым бөлігі қолына қайтадан қару алды.

Ауғанстан президенті Ашраф Гани тәлібтер тізіміндегі 400 террористі түрмеден босатудан бас тартып, мұны халықпен кеңесуді ұсынды. Бірақ, "Талибан"* 5 тамызда Лойя Джигри (халық өкілдерінің жиыны) өткізуге қарсылық білдіріп, оның заңды мәртебесі жоқ екенін алға тартты. Осылайша, тәлібтер өздерін елдің конституциясы мен қылмыстық кодексінен жоғары қойып отыр.

Ауғанстанның солтүстігінен тыныштық кеткен. Тәжікстан мен Өзбекстанға шекаралас жатқан Балх солтүстік провинциясы үкіметтік әсерилер мен тәлібтер арасындағы қақтығыстың ортасына айналып, шілде айының соңында ең қауіпті аймақ деп танылды.

Ауғанстанның елішілік процестері салдарынан ауған-тәжік шекарасындағы жағдай шиеленісіп, онда ондаған жауынгер ығысып жатқанын Душанбе мәлімдеді. Президент Эмомали Рахмон таулы Бадахшан автономдық облысының аумағындағы шекара учаскесін нығайту туралы тапсырма берді. Тәжікстан ауған-тәжік шекарасындағы қауіпсіздік мәселесін серіктес мемлекеттермен және халықаралық ұйымдармен тұрақты талқылап отырады.

Егер, тәлібтер жеңіске жетсе, Америка Құрама Штаттарымен арадағы келісімшарт талаптарына сәйкес, Ауғанстандағы Орталық Азия елдерінен келген жауынгерлердің кетуін талап етуі ықтимал. Дайындықтан өткен жүздеген жауынгердің Тәжікстан мен Өзбекстанға қайтуы жағдайды радикалдандырып, тұрақсыздыққа алып келуі мүмкін. Мұндай жағдайға ҰҚШУ мен Ресейді тарту арқылы бірлескен күштермен тоқтатуға болады. Одан кейін не болмақ?

"Талибан"* халықтың мүддесін қорғайтын топ емес, Тәжікстан, Өзбекстан және тағы басқа елдердің аумағында "орталық азиялық көктемді" таратуға ниеттенген пәкістандық жоба екенін түсіну керек. "Талибан"* жауынгерлері сыртқы ойыншылар үшін ең қолайлы соғыс құралы болып отыр.

Құрама Штаттарымен мақұлданған "Талибанның" билікке екінші рет келуі ауған халқы мен көршілес елдер үшін діни экстремизм мен есірткі саудасынан қарулы терроризмге дейінгі қауіп түрінде қала бермек. Ауғанстанның "тәлібтенуі" 32 миллиондық ел үшін білім алу мен мәдениетке, телевизия мен кинотеатрға тыйым салуды, көптеген мектептер мен университеттердің жабылуын, конституцияның шариғаттық сотпен ауыстырылуын, әйелдерді қоғам өмірінен аластатуды, тәртіп бұзғаны үшін ортағасырлық дарға асу және аяқ-қолды шабуды кеңінен пайдалануды білдіреді.

"Талибан"* өз жеңісіне сенімді және заңды ауғандық үкіметті "тазартуға" дайын. Тәлібтердің көшбасшысы Мавлави Хибатулла Ахундзада өткен аптада "Біздің жихад басқыншылықты тоқтату және Ауғанстанда ислам үкіметін құруға бағытталған болатын және осылай жалғаса береді. Сондықтан, АҚШ пен халықаралық қауымдастық "одан әрі проблемалар туындатуын тоқтатуы керек" дегенді айтты.

Батыл мәлімдеме. Проблемаға келсек, бүгінде тәлібтердің қарамағында 15 млн халық жүріп жатыр. Бұл Ауғанстан халқының тең жартысына жуық. Бұл адамдар таңертең үйінен шыққан кезде, қайтадан аман оралатынына сенбейді. БҰҰ Есірткі және қылмыс басқармасының мәліметі бойынша Ауғанстанда апиын өндірісі 2017 жылы 87%-ке артып, 9000 тоннаны құраған. Ал, америкалықтар тарапынан әскери қатысу болған жылдары есірткі шикізатын әзірлеу 40 есе өскен. Ауған апиынының жыл сайынғы контрабандалық көлемі 3 млрд долларға бағаланып отыр.

Қазақстан президенті Қасым-Жомарт Тоқаев
© Sputnik / Владислав Воднев
Олай болса, "Талибанмен"* идеология, жоспар және бағдарламалар бойынша көзқарас бір жерден шықпаса, тәлібтермен қалай бейбіт келісімге келуге болады? Ауған сенаты төрағасының орынбасары Мохаммад Алам Изидьяр мынандай мәлімдеме жасаған болатын: "Ауған халқы үшін Ауғанстандағы тәлібтер террористік топ екенін ұғыну маңызды. Біз кез келген ел тарапынан тәлібтермен байланыста болуға қолдау көрсетпейміз. Біз "Талибан"* мен "Ислам мемлекеті"* арасында айтарлықтай айырмашылық жоқ деп білеміз".

"Мождахедтер" қозғалысының ардагері және ауғандық саясаткер "Талибанған"* тікелей немесе жанама қолдау көрсету Орталық Азия елдеріндегі тұрақсыздықтың орын ауыстыруына ықпал етіп отырғанын айтты.

Ауғанстанда ештеңе өзгере қойған жоқ. Тек, Американың Пентагон бөлімшелерін қауіпсіз әрі қарқынды көшіріп алуға деген өз жоспары жүзеге асырылып жатыр. Жақында ғана АҚШ Гильменд, Урузган, Пактика және Лагман провинцияларындағы бес әскери базаны жапты. Жақын уақытта Ауғанстандағы америкалық әскерилердің саны 4 мың адамға дейін азайып, 2021 жылдың мамырына қарай нөлге теңеседі.

Ресей Ауғанстанның бейбіт, тұрақты, тәуелсіз және экономикалық дамыған мемлекет ретінде қайта қалыптасуына тұрақты қолдау көрсетіп келеді. Бірақ, Ресей Федерациясы мен ҰҚШУ елдерінің бұл бағытта нақты әрекеттер жасауына тәлібтердің әрекеттеріне деген сыни көзқарастың төмендігі кедергі келтіріп отыр. Ауғанстан СІМ басшысы Ханиф Атмар " бітімгершілік жайлы бұрынырақ ойлап, тәлібтерге біздің елден кетуі үшін лайықты ұсыныс жасау керек еді" деген өкінішін білдірді. Бірақ, ҰҚШУ-дың "Талибанға" деген көзқарасы еш өзгерген жоқ. Бұл қозғалыс заңды үкіметке қатысты қарулы зорлық-зомбылықты насихаттап, есірткі саудасына қолдау көрсетіп отырған топ.

* – Қазақстанда және бірқатар елде тыйым салынған террористік топ

36
Сирия

Батыс орыстардың Сириядағы әскери көмегін алғаш рет мойындады

59
Америкалықтар Мәскеудің, сондай-ақ Иран мен "Хезболланың" араласуының арқасында сириялық әскер заңсыз қаруланған топтардан елдің басым бөлігін қайтара алғанын мойындады

Орыстардың көмегі болмағанда, Башар Асад соғыста жеңіліс табар еді. Бұл жөнінде конгресстің зерттеу қызметі "Сириядағы қарулы қақтығысқа шолу және АҚШ әрекеті" атты 49 парақтан тұратын баяндамасында атап көрсетті, деп жазады РИА Новости. Әскери аналитиктер тағы қандай мәселеге мән беріп отырғаны және қандай болжам жасағаны жайлы төмендегі материалдан оқи аласыздар.

Құжатта Сирия картасы иллюстрацияланған. Елдің орталық, батыс және оңтүстік бөлігін Башар Асад үкіметі басқарып отыр. Тек, АҚШ-тың Ат-Танф әскери базасы орналасқан Иорданиямен шекарадағы шағын бөлікті ғана бұл есепке қоспауға болады. Солтүстік-батыстағы Мухафаза Идлиб – экстремистік топтар мен Түркияның билігінде. Солтүстіктегі және Евфраттан шығысқа қарай орналасқан аумақтар – Сирияның шамамен үштен бір бөлігі күрдтердің қолында.

Бұл жерде сарапшылар ақиқатты жасырып отыр. Себебі, дәл осы аумақтарды Вашингтон бақылап отыр. Америкалықтар мұнда аз – баяндамаға сәйкес, шамамен 600-ге жуық. Алайда, олар көмірсутекке бай бұл өңірдің негізгі мұнай кен орындары аумағында шепте тұр. Сонымен қатар, Сирияның шығысында жеке меншік әскери компаниялардың бірнеше жүздеген әскері бар. Құжатта АҚШ-тың бұл өңірде болуын ресми үкімет заңсыз деп танып отырғаны айтылған. Бірақ Вашингтон мұнай алқаптарын террористерден қорғау керектігін көрсетіп отыр.

Баяндама авторлары кейде Асад әскерімен қақтығыстар орын алатынын жасырмай жазған. Осылайша, осы жылдың ақпан айында Камышлы елді мекеніндегі бақылау-өткізу бекетінде сириялық әскерилер АҚШ қарулы күштерінің патрульдік қызметіне оқ атқаны айтылған. Ешкім зардап шеккен жоқ. Сонымен қатар, елдің солтүстік-шығысында ресейлік және америкалық әскери қызметшілер арасындағы тікелей қарсылас әрекеттерінің жиілегені ескертілген.

Желіде АҚШ әскерінің броньдалған машиналары Ресей әскери полициясының автокөліктеріне тосқауыл жасауға тырысып жатқан ондаған бейнероликтер таралуда. Жағдай оқ атуға дейін барған жоқ.

Жалпы, елдегі Иран нысандарына израильдік авиасоққылар және антиресейлік санкциялар Мәскеу мен Тегеранды Башар Асадқа қолдау көрсетуден бас тартуға немесе оған көмекті қандай да бір шектеуге итермелеуге ықпал етпегенін америкалықтар мойындап отыр.

"Мәскеудің Сирияны Таяу Шығыстағы өз ықпалын таратуға арналған плацдарм ретінде пайдалануға деген құлшынысы мен мүмкіндігін жетік бағаламады, - деп жазады аналитиктер. – Ресей, Иран немесе олардың жақтаушыларымен тікелей әскери қақтығыс болатынын жоққа шығара алмаймыз. Сондай-ақ, Мәскеу өзінің сириялық одақтасын қолдау үшін қаншалықты қитұрқы әрекетке бара алатынын түсіну керек".

Баяндама авторлары Дамаскіге қысым көрсету қиындап бара жатқанын өкінішпен мойындайды. Соғыс шебін ресейлік авиация мен арнайы әскердің арқасында сириялық астанадан әрі әкету мүмкін болды. Башар Асадтың саяси қарсыластарында қарсы қояр еш құралы қалмады. Сол уақыттан күрдтер Дамаскімен біртіндеп жақындасып келеді. Бұл орталықтағы билік шығыс пен солтүстіктегі бақылауын қайтадан өз қолына қайтарып алуы мүмкін екенін білдіреді.

2018 жылдың желтоқсан айында Дональд Трамп Ислам мемлекетін* жеңгенін мәлімдеді. Алайда, сарапшылар бұл топ әлі талқандалмаған деп санайды. АҚШ одақтастары 2019 жылдың наурыз айында Сириядағы ИМ*-ның соңғы тірек пунктерін басып алды. Бірақ, исламшылар Сириядағы да, Ирактағы да көтерілісшілерді басқару құрылымын сақтап қала алды. Яғни, олар әлі де соққы жасай алады.

"Келешекте Сириядағы ИМ* тағдыры біздің сол елде қауіпсіздік органдарын құру қабілетімізге байланысты, - дейді авторлар. – Бірақ, "Ислам мемлекетінің" қаупі ұзаққа созылады. Бізге террористермен күресуін жалғастыруы үшін алдағы уақытта да күрдтерді қолдау керек".

Тағы бір қауіп – әскери тұтқындар лагерлері. Мұнда қазірдің өзінде он мыңға жуық ИМ* жауынгерлері бар. Олар елдің солтүстік аумағында орналасқан және күрдтердің бөлімшелермен күзетіледі. Бұдан басқа, экстремистердің отбасыларына арналған лагерьлер бар. Ірі лагерьдің бірі – Әл-Холада террористердің 66 мыңға жуық әйелі мен бала-шағасы бар. Сарапшылар пікірінше, жауынгерлер ол жақта үгіт-насихаттарын жалғастырып жатыр. Ал ИМ* өз жақтаушыларын босату үшін шабуыл жоспарлап отыр.

Күрдтер билігі тұтқындарды күзетуге арналған күштердің жетіспейтіні жайлы бірнеше рет мәлімдеген болатын. Бірақ, америкалықтар көмектесуге асықпай отыр. Вашингтон жауынгерлердің туған елі олардың жаза мерзімін өтеу үшін өздеріне қайтаруды талап еткенімене, "өз" террористерін елге кіргізуге ешкім талпынып отырған жоқ. Сылтаулары таусылар емес.

Ең қауіпті нүкте – Идлиб провинциясы. Мұнда қазір Сирия, Ресей, Иран және Түркия әрекет етіп жатыр. АҚШ әскері мұнда жоқ, бірақ, америкалықтар "Әл-Каидамен"* байланысы бар жасақтарға бірнеше рет соққы жасады. Мемлекеттік емес құрылымдар "Хайят Тахрир аш-Шам"*, "Хурас ад-Дин"*, "Сирия ұлттық әскері", "Хезболла" және басқа да топтармен танылады. ИМ* жауынгерлері де бар.

"Идлибтің солтүстік аумақтары – оппозициялық күштермен бақыланатын жалғыз өңір, - дейді сарапшылар. – Жергілікті топтар – 2011 жылы Дамаскіге шабуыл жасағандардан қалғандар. 5 наурыздан бастап Идлибте Түркия мен Ресей президенттері келісімге келген бітім бар. Олардың әскері бірлесіп стратегиялық М4 тас жолын патрульдеп жатыр".

Баяндама авторлары жауынгерлер тарапынан болып жатқан оқ жаудыруға қарамастан, бітімгершілікті сақтау әзірше мүмкін болып тұрғанын айтады. Алайда, Түркия Идлибке әскер жіберуін тоқтатқан жоқ және жақында ғана қажет болған жағдайда соғыс әрекеттерін қайта жаңғыртуға дайын екенін мәлімдеді. Бұл Сириядағы соғыс жақын уақытта аяқталмайды дегенді білдіреді.

*Қазақстанда және бірқатар басқа елде тыйым салынған террористік ұйымдар

59
Кісен, архивтегі сурет

Ресей Қазақстанға ұйымдасқан топ құрған адамды тапсырды

0
Есірткі Қазақстанға поштамен жіберілген. Бизнесті ұйымдастырушы құжаттарды қолдан жасағаны белгілі болды

НҰР-СҰЛТАН, 10 тамыз - Sputnik. Ресей Қазақстанға есірткі контрабандасымен айналысатын трансұлттық ұйымдасқан топты құрған Қазақстан азаматы Стас Ларинды берді. Бұл туралы Ресейдің бас прокуратурасының баспасөз қызметі. 

Ол қылмыстық кодекстің 264-бабы 1-бөлігі (трансұлттық ұйымдасқан топты құру, жетекшілік ету)
286-бабы 4-бөлігі (есірткі және психотроптық заттар контрабандасы), 297-бабы 4-бөлігі (есірткі және психотроптық заттарды заңсыз сату және сақтау) және 385-баптың 2-бөлігі (жалған құжат қолдан жасау) бойынша айыпталып отыр.

Ларин 2016 жылы есірткі контрабандасымен айналысатын трансұлттық ұйымдасқан топ құрған. 2017 жылдың қазан айына дейін жетекшілік етті.

Ларин 2019 жылдың желтоқсанында Новосибирск  облысында ұсталды. Жуырда Стас Ларин арнайы конвоймен Қазақстанға жеткізілді.

0