МиГ-31 ұшағы

Төртінші буынды МиГ-31 ұшағының мүмкіндіктері

111
Military Watch әскери сарапшылары ресейлік МиГ-31 әлемдегі ең ауыр және жылдам заманауи жойғыш-тосқауылдаушы ұшақ ретінде мойындайды

Бесінші буынды жауынгерлік ұшақтардың пайда болуына қарамастан, ресейлік төртінші буындағы ауыр МиГ-31 жойғыш-тосқауылдаушы ұшағы 20 шақырымнан астам биіктікте 2,83 Мах-қа дейінгі жылдамдықта үлкен зымырандық қаруды қолдана алады және ол әлі күнге дейін әлемдегі ең күшті әуе шабуылдаушысы болып саналады. Оның аналогы жоқ болғандықтан, ұшақ шетелдік сарапшылар үшін зор қызығушылық тудырады.

МиГ-31 ұшағының мүмкіндігі шексіз, орындайтын тапсырмасы да орасан. Батыс елдері Ресейдің әуе шекараларының беріктігін тексеріп, апта сайын барлау жүргізіп тұрады. Мәселен, 14 шілде күні Баренц пен Қара теңіз үстінен Ресей мемлекеттік шекарасына бағыт алып ұшып бара жатқан әуе нысандары тіркелді. Нысандарды анықтау және ұстау үшін Солтүстік флот пен Оңтүстік әскери округінің әуе шабуылына қарсы қорғаныс күштерінің ұшқыштары көкке көтерілді.

Ресейлік жойғыш ұшақтардың жетекке алуымен Норвегия әскери әуе күштерінің Р-3C "Орион" ұшағы (Баренц теңізінің үстінде) мен АҚШ әскери-әуе күштерінің RC-135 және MQ-9A "Рипер", АҚШ әскери-теңіз күштерінің P-8A "Посейдон" (Қара теңіз үстінде) барлау ұшақтары бағытын өзгертуге мәжбүр болды.

МиГ-31 ұшағы Ресейдің полярлық шекараларын ұзақ уақыт және сенімді түрде қорғағаны белгілі. Сонымен қатар, екі жылдан астам уақыт бойы Қара теңіз аймағын (Ресейдің Оңтүстік әскери округі) бортындағы қуатты гипердыбыстық "Кинжал" зымырандарымен күзетті. Бұған дейін (11 шілде) АҚШ-тың RC-135 барлау ұшағы Жапон теңізінің бейтарап суларының үстінен Ресейдің мемлекеттік шекарасына жақындаған болатын. Осылайша, МиГ-31 және Су-35 ұшағының тиімді тандемі Ресей шекарасын бұзудың алдын алды.

Америкалық сарапшылар МиГ-31-ді ресейлік аэроғарыштық күштердің "ең жақсы аңшысы" деп атайды және оның жауынгерлік мүмкіндіктерін мұқият талдайды. Military Watch әскери сарапшылары ресейлік МиГ-31 әлемдегі ең ауыр және жылдам заманауи жойғыш-тосқауылдаушы ұшақ ретінде мойындайды. Бәлкім, бұл бастысы емес.

Зор үстемдікке ие

Батыстық мамандандырылған басылымдары Foxhunter-дің (НАТО-ның МиГ-31-ді атауы) супермүмкіндіктеріне арналған шолуларды үнемі жариялап тұрады. Military Watch журналы: әлемдегі бір де бір жойғыш-тосқауылдаушы ұшақ ең шапшаң қарсылас пен баллистикалық және қанатты зымырандар мен ғарыш аппараттарын жылдам басып алып, тез жоюға қабілетті емес деп жазады.  Гипердыбыстық зымырандары бар "Миг" ұшақтары санаулы минутта қону алаңынан көкке көтеріліп, әуе кемелері мен әскери нысандарына, жаудың командалық пункттеріне соққы бере алады (келесі жанармай құюға дейін 3000 шақырым ұша алады). Үш-төрт МиГ-31 жойғышы 1000 шақырымдық әуе кеңістігіне (ені 300 шақырымға дейін) бақылау жасау мүмкіндігі бар.

МиГ-31БМ РЛС жүйесіндегі фазалы антенналық тормен жабдықталған және нысандарды 160 шақырымнан 320 шақырымға дейінгі (модификацияға байланысты) қашықтықта төмен, орта және жоғары биіктіктерде анықтай алады. Жауынгерлік машина 10 нысанаға дейін автоматты бақылауда ұстай алады және Р-33 және Р-37 зымырандарымен 200 шақырым, тіпті 300 шақырым қашықтықта бір уақытта жою үшін төрт немесе алты басым нысандарды таңдайды. Мысалы, МиГ-31М және МиГ-31БМ ұшағы Р-33С зымырандарын алтыға дейін тасымалдай алады. Бұл бір уақытта 6 нысананы жоя алатынын білдіреді.

Military Watch хабарлауынша, МиГ-31 үшін жасалған Р-37 зымыраны 400 шақырым қашықтағы АВАКС ұшақтары мен әуе командалық пункттеріне және танкерлерге соққы беруге қабілетті. МиГ-31 арсеналында қашықтықта жер үсті және нысаналы нысандарға жойқын соққылар жасай алатын Х-31 (НАТО классификациясы бойынша AS-17 Krypton), орта және қысқа қашықтыққа бағытталған зымырандар, радиолокациялық жетілдірілген (кемеге қарсы) зымырандары да бар. Олар жерүсті және суүсті нысандарына 250 шақырым қашықтықтан жойқын соққы жасай алады. "Кинжал" авиациялық кешені гипердыбыстық зымыранмен ықтимал қарсыластың қолданыстағы әуе қорғаныс жүйелерінің бәрін "мөлдір" етеді әрі нысандарға 2000 шақырымдық қашықтықтан жетеді. Жауынгерлік ұшақ белсенді және әлсіз радио кедергілерге де қарсы тұра алады. Сондықтан да АҚШ-та МиГ-31 жойғыштары ұшу кезінде өте қауіпті деп саналады.

АҚШ әскери-әуе күштері Қазақстан шекараларында да сақтық танытуы керек деп болжау қисынға келеді. Military Watch хабарлауынша, Қазақстанның әскери әуе күштері жойғыш ұшақтардың тірегі болып табылатын 32 ауыр жойғыш-тосқауылдаушы Су-27 және Су-30СМ ұшағымен қаруланған.  Қазақстандық МиГ-31 ұшақтарының кейбірі МиГ-31БМ деңгейіне дейін жаңғыртылып, Р-77 зымыранымен қатар шапшаң және алыс қашықтықтағы Р-33 зымырандарына қосымша жабдықталған.

Айта кетейік, осындай супер мүмкіндіктерінің бар болуымен МиГ-31 ұшағының экспорттық нұсқасының құны 2000 жылдардың басында шамамен 35 миллион долларды құрады. Салыстырмалы түрде алғанда бұл арзан болды.

"Мигті" қуып жету мүмкін емес

Пайдалану барысында жойғыш-тосқауылдаушы ұшақ бірнеше рет қайта жаңғыртудан өткізілді. Тіпті, конструкциясына түзету енгізіліп, заманауи жабдықтар мен қуатты қарулар біріктірілді. Нәтижесінде МиГ-31БМ тиімділігі МиГ-31-ге қарағанда екі есеге артты. Бұл ұшақтар тіпті Франца-Иосиф жеріндегі мұзды қону алаңына да қонды.

Британдық Air Forces Monthly журналының хабарлауынша, модернизациядан кейін МиГ-31 жаңа радарлық режимдер мен жаңа зымырандарды қолдану арқасында тиімділігін едәуір арттырған. Ескі "Aргон-15A" жүйесін жаңа процессорлы "Заслон-АМ" отты басқаруы жаңғыртылған жүйесі алмастырып, жаңартылған радардың жойғыш нысандарын анықтау диапазоны 130 мильге (209 шақырымға) жетті.

Сондай-ақ, 24 әуе нысанын бақылау мүмкіндігі қамтамасыз етілді. Қалай болғанда да жаңартылған МиГ-31БМ истребителі әлемнің дамыған елдері үшін қол жетпейтін технологиялық шың болып қала берді. Мәселен, Пентагон мен Boeing 14 шілдеде модернизацияланған F-15EX ұшақтарын салу туралы келісімге қол қойды. Бұл әлемдегі ең ауыр және жылдам ұшақ. Оның жылдамдығы 3-Мах-қа дейін, ал жауынгерлік күйдегі салмағы 3,2 тоннаға дейін және ұзындығы 7 метрге дейінгі гипердыбыстық зымырандарды ұшыру мүмкіндігі бар (ал әзірге зымырандар жоқ).

Алайда, ресейлік МиГ-31БМ ұшағының максималды жылдамдығы – бұл 3 Мах-қа тең. Жауынгерлік пайдалы жүктемесі – 5 тоннаға дейін, ұшу кезіндегі салмағы 46,7 тоннаға дейін жетеді. "Миг" ұшағының 50% болаттан, 33% алюминий қорытпаларынан және 16% титаннан жасалған корпусы ұзақ мерзімдік динамикалық және жылу жүктемелеріне төтеп бере алады.

Америкалықтар өткен ғасырдың соңынан бері ресейлік технологияларды "қуып жетуге" тырысуда. Ал Ресей бірнеше жылдан бері басымдыққа ие авиациялық кешен ұзақ қашықтықтағы тосқауылдаушы МиГ-41 ұшағын жасап шығаруды қолға алуда. Бұл жақын ғарыш кеңістігінде тапсырма орындай алатын МиГ-31 жойғыш-тосқауылдаушысының лайықты ізбасары болады.

111
Кілт сөздер:
қауіпсіздік, әскери ұшақ
Теңіз үстінде жүзіп бара жатқан кеме

"Скиф" теңіз түбіндегі құпия

63
Ресей өз территориясына зымырандық шабуыл жасалған жағдайда ұшу кезінде іске қосылған оқтұмсықтың құрамын анықтау мүмкін болмағандықтан, елдің ядролық әлеуетін іске қосады

Бұл жөнінде Қарулы күштердің бас штабы дайындаған "Ядролық тежеу саласындағы Ресей Федерациясы мемлекеттік саясатының негіздері туралы" атты мақалада айтылған. Ал материал "Красная звезда" газетінде жарияланды.

Мұндай жағдайда қарсыластың мақсаты Ресейдің көзін жою деп қарастырылады да, "жауапты әрекет жойқын болады".

"Скиф" тереңдікке негізделген континентаралық баллистикалық зымырандарын (КБЗ) жаппай іске қосу осы тектес жауаптардың бір нұсқасы болуы әбден ықтимал. "Скифтің" орналасу нүктелері және саны, соққы жасау қуаты, ұшу траекториясы санаулы мамандарға ғана мәлім екенін ұмытпау керек.

Жай ғана теория тұрғысынан қарастырсақ, қарсылас әскери патрульдеу аумағында 955 жобасының "Ярс" стратегиялық мақсаттағы зымырандық суасты крейсерлерінің ізіне түсіп, оларға соққы жасауы, "Авангард" жеке бағыттаудың гипердыбысты маневрлеуші блоктары бар "Ярс" атты 150 зымырандық кешендеріне алдын алу соққыларын жасауы, ресейлік бомбалаушы зымыран тасымалдағыштарға қандай да бір шабуыл жасауы мүмкін делік. Осы жағдайдың өзінде мұхит тереңдігінен жауапты соққы орындалады. "Скифке" қарсы қарусыздандыру соққысын жасау технология тұрғысынан мүмкін емес.

Ресейдің стратегиялық ядролық күшінің көзге көрінбейтін құрауышы, "Скиф" тереңдікке орналастырылған баллистикалық зымырандары теңіз тұңғиығында жылдар бойы жатып, пәрмен келген уақытта құрлықтағы да, теңіздегі де нысандарға соққы жасай алады. Зымыран ақпараттық саладағы құпиялылығымен көзге түсіп отыр. "Рубин" ОҚБ мен Макеев атындағы мемлекеттік зымыран орталығының бұл әзірлемесі тиімділігі жағынан жоғары екенін дәлелдеп тұр. "Скиф" бұған дейін кеңінен танымал болған "Синева" КБЗ-ның жетілдірілген нұсқасы болып табылады. Оның ұшу сипаттамалары жетілдіріліп, жаңа жасанды интеллекті дамытылды. "Скифтің" маңызды артықшылығы – әскери өміршеңдігінің биіктігі мен пайдалану құнының арзандығы.

Контейнердегі құпия

Тереңдіктегі "Скиф" КБЗ субмариналарға арналған үлкен қашықтықтағы зымырандар тобына жатады және теңіз түбінде жатып қызмет етеді. Аталған зымыран үлкен қысымнан және агрессивті ортадан сенімді қорғайтын, әскери-теңіз флотының пәрмен беру нүктесімен байланысты қамтамасыз ететін іске қосу контейнеріне орналастырылған. Көп жылдар бойы зымыранды тұщы судан қорғайтын герметикалық және тот баспайтын "қаптаманы" дайындау жобаның басты техникалық проблемасы болды. Есесіне, қазір теңіздегі "Скифті" табудан гөрі сабан арасынан инені тапқан әлдеқайда оңай.

КБЗ контейнерінің әлеуетті қарсылас торпедалары үшін қолжетімсіз тереңдікке орналастырылуы оның құпиялылығының жоғары болуы және әскери өміршеңдігін қамтамасыз етіп отыр. Арнайы субмарина "Скиф" зымыранын орналасу орнына жеткізеді.

Соғыс жағдайында қолдану кезінде контейнер сигнал бойынша балласты жиырып тастап, белгіленген тереңдікке дейін жүзеді де, зымыран өз бағдарламасы бойынша нысанға қарай бағытталады. Егер "Синева" КБЗ алыстығы 8 000 киломтерден астам болса, онда "Скиф" жетілдірілген зымыран ретінде бұдан да ұзақ қашықтықта әрекет ететінін пайымдауға болады.

Айта кету керек, Ресейдің ішкі суларындағы әскери кезекшілік 1970 жылғы "Теңіз тереңдігі туралы келісімшарт" талаптарын бұзбайды. Бұл келісімшарт 12 милдік жағалауға жақын тереңдікте ядролық қару орналастыруға тыйым салады.

"Скиф" КБЗ-ның экономикалық жайлылығы да айқын көрініп тұр. Мысалы, ядролық тасымалдағыш-субмариналар өндірісте және пайдалануда өте қымбат, экипажды дайындау да арзанға түспейді. Тереңдікке орналастыру зымыраны қосымша шығынсыз-ақ қызмет ету мерзімі бойынша кез келген субмаринадан оза алады және өзінің бастапқы соғыс әлеуетін сақтап қалады. Ұжымдық Батыс жариялаған теңіздегі қарулану жарысында Ресейдің жауабы осы.

Көкке ұшқан арман

Ресей президенті Владимир Путин 2 маусымда "Ядролық тежеу саласындағы мемлекеттік саясат негіздерін" бекітті. Құжатқа сәйкес, әлеуетті қарсылас агрессия үшін жауап қайтарылатынын білуі қажет. Сонда да Ресей ядролық қаруды тежеу құралы ретінде қарастырып отыр.

Еске салсақ, 1970 жылдары АҚШ тереңдікке зымырандар орналастыру идеясынан бас тартты және Еуропада орташа қашықтықтағы зымырандарды орналастыруға бет бұрды. АҚШ-тың ядролық стратегия құжаттарында Батыс Еуропадағы озық орналастыру жүйесі мен ұшу уақытының ұтымды болуы есебінен шектеулі ядролық соғыста жеңіске жетудің агрессивті доктринасы пайда болды.

Вашингтон жсопары бойынша Pershing-2 зымырандары КСРО-дағы нысандарға 1 800 киломтер қашықтыққа дейін қуаты 80 килотонна ядролық моноблоктарды жеткізуі керек болатын. Бүгінде бұл тарих қайталанып отыр. Тек, басқа технологиялық деңгейде. Біздің көз алдымызда озық орналастыру жүйесі (Forward Based System) Германиядан Польшаға орын ауыстырып жатыр. Стратегиялық қарулану саласындағы АҚШ әрекеті ядролық құралдарды қолдану арқылы "жаһандық соққы" тұжырымдамасын жүзеге асыруға бағытталған.

АҚШ пен НАТО белсенділері әскери құралдар арқылы Ресейдің экономикалық дамуы мен халықаралық ықпалының өсуін тежегісі келеді. Ресейдің Батыстан оқ бойы озық тұрғанын гиппердыбысты зымырандар, субмариналар, 5-ші буынды жойғыштарын, су астында қозғалатын ұшқышсыз ұшу аппараттарын және басқа да жоғары технологиялық қару-жарақты дайындау саласындағы әзірлемелері арқылы дәлелдеуге болады.

Екі онжылдыққа жуық уақыт бойы аз қаруланған "Талибан"* террористік ұйымын жеңу мақсатында Пентагон өз одақтастарымен бірге Ауғанстанда құны қымбат әскери операциялар жүргізді. Алайда, бүгінгі күні АҚШ қарсыласпен өз әскері үшін масқаралы бейбіт келісім жасасты да, Ауғанстан Ислам Республикасын тағдырдың тәлкегіне тастап кетіп барады. Өкінішке қарай, Вашингтон дұрыс шешім қабылдай алмады. Есесіне, Еуропаны ресейлік көзге көрінбейтін қауіптен құтқаруға құлшына кірісіп кетті. Алайда, "Скифтер" мен РФ қауіпсіздігінің басқа да кепілдіктері сақ тұр.

* – "Талибан" – Қазақстан мен Ресейде және бірқатар елдерде тыйым салынған террористік ұйым.

63
Кілт сөздер:
қауіпсіздік, АҚШ, Ресей
Дональд Трамп

Трамп АҚШ әскерін Германиядан шығарады

56
(Жаңартылды 18:51 11.08.2020)
АҚШ қорғаныс министрі Марк Эспер алдағы уақытта Германиядан әскер шығару әрекеті Ресейді ұстап тұру стратегиясына сәйкес орындалатынын мәлім етті

Мәлімдеген позициясына негіз ретінде айтар жалғыз уәжі ғана болса, ведомство басшысының жағдайы мәз емес секілді. Егер ресми көзқараспен қарасақ, іс жүзінде АҚШ "көп әскерін шығысқа, ресейлік шекараға жақынырақ жылжытады". Ал осы тұжырымға "тереңірек үңіліп" қарар болсақ, онда тезистің күлі көкке ұшқаны анықталады, деп жазады РИА Новости.

Германиядан 12 мыңға жуық әскери қызметші шығарылады. Бірақ олардың басым бөлігі – 6,4 мың азамат АҚШ-қа оралады. Қалғандары Еуропаның басқа елдеріне, соның ішінде, Италия мен Бельгияға да жіберіледі. Мәскеумен иық тіресе орналасқан Польшаға небәрі мың әскери қызметші жөнелтіледі. Бұл Эспердің сөзін растайтындай ауқымды көрсеткіш емес. Басқаша болуы екіталай еді. Себебі, ФГР-дегі америкалық контингенттің айналасындағы коллизияның НАТО мен Ресей арасындағы қақтығысқа қатысы алшақтау.

2018 жылдың маусым айында Washington Post Пентагон Еуропадағы әскерді ірі көлемде қайта орналастырудың құны мен салдарына талдау жүргізіп жатқаны жайлы жазды. Басылым дәл сол жылдың басында Трамп бұл мәселеге қызығушылық танытқанын атап өтті. АҚШ президентінің мұндай әрекетке баруына НАТО одақтастарының қорғаныс үшін қалталарын қаққысы келмегені себепші еді. Ең алдымен бұл Берлинге қатысты болды. Ол әскери шығындарды ЖІӨ-ден екі процентке дейін көтеруден көп жыл қатарынан бас тартып келеді.

Бір жыл бұрын бұл мәселеге тағы көтерілді. Ол кезде АҚШ-тың Германиядағы елшісі Ричард Гренелл Құрама Штаттар өз әскери контингентінің бір бөлігін ФГР-ден Польшаға көшіруге дайын екенін мәлім етті. Оның айтуынша, "немістер өз сауда теңгерімінің қаражатын елдегі ішкі қажеттіліктерге жұмсап отырған кезде америкалық салық төлеуші Германиядағы 50 мыңнан астам отандасы үшін салық төлеуді жалғастыра беруі намысқа тиетін әрекет".

Бұл мәлімдеме Польшадағылар үшін қуанышты хабар болды. Өткен жыл бойы польшалық саясаткерлер мен БАҚ өз елдерінің Еуропадағы америкалық қарулы күштер орналастырылған негізгі орынға айналуын асыға күтті. Тіпті, ядролық қаруды қайта орналастыру мәселесіне дейін талқыланды. Бірақ айта кету керек, бұл әңгіме бос жерден пайда болған жоқ. Мұнда да Шаттағылардың үлесі орасан зор болып тұр.

Егер фактілерді саяси мәлімдемелер және жоспарлардан тазартып қарар болсақ, онда бәрі айдан анық.

Құрама Штаттар көп жылдар бойы әлемдегі ең ірі экономикалардың бірі саналатын Германияны әскери шығынды арттыруға көндіре алмай келеді. Америкалықтар тарапынан қоқан-лоққы да, қысым мен қорқыту да жасалды. Алайда, олардың барлық әрекеті нәтижесіз болды: Вашингтон немістерді алған бетінен қайтара алмады.

Соған қарағанда, Дональд Трамптың бұл мәселеден ығыры шыққан секілді. Сондықтан, елдегі қорғаныс министрі мен басқа да ресми тұлғалар америкалықтардың көшбасшысы қабылдаған шешімде АҚШ аса аянышты күйде болмауы үшін түрлі уәждерді айтып жатыр.

Бірақ олар бәрібір аянышты күйде тұр.

Немістерден көздегеніне қол жеткізе алмады. Өз экономикасына қосымша қаражат тарта алмады. Еуропадағы әскери контингент қысқартылады. Мұның барлығы Ресейдің өз ықпалын арттырып жатқан шақта орын алып отырғаны жағдайды тіпті ушықтыруда. Жалпы Германияны жазалау ретінде әскерін әкету аса ұтымды әдіс емес. Әрине, ФГР әскери инфрақұрылымға қызмет көрсету бойынша жұмыс орындары мен біршама қаражаттан айырылады. Бірақ бұл Вашингтон талабына келіскенде орын алатын шығынның жанында түк те емес.

Сол себепті, Польшадағы қосымша мың әскери қызметші Ресейді ұстап тұру бағытындағы АҚШ-тың ауыз толтырып айтар жалғыз дәйегі болып отыр. Бірақ Трамптың әскерін әкету туралы шешімге келуіне не себеп болғаны қызықты. Себебі, ол Германияны әлі де біраз әурелеп, діттегеніне жетуге талпынса болар еді. Есесіне, салдары мұншалықты шиеленіспес пе еді.

Мұның жауабын Америка президентінің жеке тұлғасынан және ұлттық көшбасшы ретінде алға қойған мақсатынан іздеуге болады.

Дональд Трамп өзінің ел күтпеген қылыққа құмар мінезіне қарамастан, АҚШ-тың көптен күрмеуі шешілмей келе жатқан мәселелерін реттеуге тырысатыны хақ. Мейлі, ол бағыттағы әдіс-тәсілдері тым радикалды болса да. Сол себепті, бұл мәселеде президент Трамптың ашуға берілуі орынды: Еуропаның қорғаныс қызметтерін Америка өз мойнына алғанымен қоса, барлық шығынды да өзі көтеріп келеді. Ал әлемнің ірі және экономикасы бай елдер АҚШ-тың мойнына мініп алғандай.

Бұл жерде мәселе Германия және басқа да елдердің Ресей тарапынан болатын қауіпке аса қатты сенбеуінде болып отыр. Сондықтан, америкалықтар Мәскеумен әскери-саяси қақтығысын жалғастырғысы келсе, онда Еуропа НАТО бойынша аға серіктесінің бұл ойынына қолдау көрсетуге дайын. Бірақ ол үшін шығынға батудан бас тартып отыр.

АҚШ-тың ұлы держава ретіндегі мәртебесі америкалықтардың басым бөлігі үшін өзіндік құндылық іспеттес. Сондықтан, олар бұл бағытта қаражат шашудан аянбайды. Мейлі, ол жоба сәтсіз аяқталары анық болса да. Бірақ Дональд Трамп бұл ұстанымды жақтамай отыр. Ол әлемдік көшбасшылық Құрама Штаттарға және оның экономикасына табыс әкелуі керек екенін бірнеше рет мәлімдеген болатын.

Германиядан әскерін әкету туралы шешім Трамптың сөзі мен ісі бір жерден шығатынын дәлелдеді.

Берлиннің өз ұстанымынан айнымайтынын түсінген ол бұл іске бизнесмен ретінде қарап, шығынды азайту шараларын қолданды. Әскерді қайта орналастыруға да аз шығын кетпейді. Бірақ бұл алдағы жылдардың ауқымды шығынын алдын алуға жасаған оңтайлы шешім екені анық. Сондықтан, Дональд Трамптың әскерді немістердің елінен әкету туралы шешімі экономика тұрғысынан тиімді және АҚШ-тың ұлттық мүддесіне сәйкес келеді деп сенімді айтуға болады.

56
Кілт сөздер:
әскери, Ресей, Германия, АҚШ
Иллюстративті фото

Шымкентте жоғалған қыз Алматы облысынан табылды

0
Хабар-ошарсыз кеткен қызды табуға Абай АПБ-ның барлық жеке құрамы мен полиция департаментінің бөлімшелері жұмылдырылды

НҰР-СҰЛТАН, 12 тамыз – Sputnik. Шымкент қаласы полиция департаментінің қызметкерлері жоғалған қызды Алматы облысының Қаскелең қаласынан тапты.

Абай ауданының полиция басқармасына әйел қызының жоғалып кеткені туралы арызданды, деп хабарлады Polisia.kz.

Оқи отырыңыз: Түркістанда жоғалған бойжеткеннің екі апта бойы не істегені белгілі болды 

Хабар-ошарсыз кеткен қыздың жүрген жерін анықтау мақсатында Абай АПБ-ның барлық жеке құрамы мен полиция департаментінің бөлімшелері жұмылдырылды. Жедел іздестіру шаралары барысында, атап айтқанда, республиканың барлық өңіріне бағдар жіберілгеннен кейін хабар-ошарсыз кеткен қыздың Алматы облысының Қаскелең қаласында екені анықталды.

Абай АПБ криминалдық полиция бөлімінің қызметкерлері қызды Шымкент қаласына жеткізді.

 

0
Кілт сөздер:
Шымкент
Тақырып бойынша
Түркияда қазақ қызы жұмбақ жағдайда жоғалып кетті
19 жыл бұрын ұшты-күйлі жоғалған қазақстандық қыз Тәжікстаннан табылды
"Қызымды жылатқан" Есікте жігітпен желі арқылы танысқан қыз жоғалып кетті
Жиырма жыл бұрын жоғалған қыз ата-анасымен қауышты – видео